باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
شي جينپيڭ جاپونيانىڭ باس ءۋازىرى انتيان ۋىنشيۇڭمەن تەلەفوندا سويلەستى
2021-10-10 12:21:27     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

شينحۋا اگەنتتىگىنىڭ 10 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 8 - كۇنى جاپونيانىڭ باس ءۋازىرى انتيان ۋىنشيۇڭمەن تەلەفوندا سويلەستى.

شي جينپيڭ بىلاي دەپ باسا دارىپتەدى: جۇڭگو مەن جاپونيا جاقىن كورشى، ”كورشىمەن جاقىن ءوتۋ، كورشىمەن دوس بولۋ − مەملەكەت اسىلى“. جۇڭگو - جاپونيا دوستىق قارىم - قاتىناسىن قورعاۋ جانە دامىتۋ ەكى ەل مەن ەكى ەل حالقىنىڭ ءتۇبىرلى مۇددەسىنە ۇيلەسەدى، سونداي - اق ازيانىڭ، ءتىپتى، دۇنيە ءجۇزىنىڭ بەيبىتشىلىگىنە، ورنىقتىلىعىنا، كوركەيىپ - گۇلدەنۋىنە دە پايدالى. كەزەكتە جۇڭگو - جاپونيا قارىم - قاتىناسىندا وراي مەن سىن - سايىس قاتار ءومىر سۇرۋدە. جۇڭگو جاق جاپونيا جاڭا ۇكىمەتىنىڭ ەكى ەلدىڭ جوعارى جىكتەگىلەرىنىڭ بايلانىسىن ساقتاۋعا ءمان بەرگەندىگىن القايدى، جاپونيا جاقپەن تىلدەسۋدى، سەلبەسۋدى كۇشەيتىپ، تاريحتى اينا ەتۋ، بولاشاققا جول اشۋ رۋحىن نەگىزگە الىپ، جاڭا ءداۋىردىڭ تالابىنا ساي كەلەتىن جۇڭگو - جاپونيا قارىم - قاتىناسىن قۇرۋدى ىلگەرىلەتۋدى قالايدى. كەلەر جىلى جۇڭگو − جاپونيا ديپلوماتيالىق قارىم - قاتىناسىنىڭ قالىپقا تۇسكەندىگىنىڭ 50 جىلدىعى، ەكى جاقتىڭ اۋەلگى ماقساتتى قايتالاي ەسكە الىپ، ءبىر بەتالىسقا قاراي ىلگەرىلەپ، وسى ماڭىزدى تاريحي ءتۇيىندى بىرگە قارسى الىپ، ەكى ەل قارىم - قاتىناسىنىڭ جاڭا دامۋ بولاشاعىن اشۋىن ءۇمىت ەتەمىن.

شي جينپيڭ بىلاي دەپ اتاپ كورسەتتى: جۇڭگو مەن جاپونيا ەكى ەل قارىم - قاتىناسىنىڭ ۇنامدى، ۇنامسىز ەكى جاقتاعى تاجىريبەلەرىن مۇقيات قابىلداپ، جۇڭگو مەن جاپونيانىڭ 4 ساياسي حۇجاتىندا تۇراقتاندىرىلعان پرينسيپتەرگە بويسۇنىپ، ”ءبىرىن - ءبىرى سەلبەستىك سەرىكتەسى ساناۋ، ءوزارا قاتەر توندىرمەۋ“ سىندى ساياسي ورتاق تانىمدى شىنايى امالياتتا ايگىلەپ، تاريحي، تايۋانعا ساياتىن سياقتى كەلەلى سەزىمتال ماسەلەلەردى ۇيلەسىمدى ءبىر جاقتى ەتىپ، الاۋىزدىقتى ويداعىداي مەڭگەرىپ، دۇرىس بەتالىستى ويداعىداي يگەرىپ، ەكى ەل قارىم - قاتىناسىنىڭ ساياسي نەگىزى مەن كەلەلى جاعدايىن ويداعىداي قورعاۋ كەرەك. ەكى جاق ەل باسقارۋداعى اۋىس - كۇيىستى جانە ەكونوميكالىق ساياسات سايكەستىگىن كۇشەيتىپ، ءادىل، اشىق ساۋدا جانە قارجى قوسۋ ورتاسىن بىرگە قورعاپ، اناعۇرلىم جوعارى دەڭگەيدەگى باسىمدىقتار ارقىلى ءوزارا تولىقتاۋ مەن ءوزارا پايدا جەتكىزىپ تەڭ يگىلىككە كەنەلۋدى جۇزەگە اسىرىپ، ەكى ەل حالقىن اناعۇرلىم جاقسى باقىتقا كەنەلتۋ كەرەك. ەكى جاق ناعىز كوپ جاقتىلىقتى امالياتتا ايگىلەپ، ءوزىنىڭ ءتۇبىرلى مۇددەسى مەن ادامزاتتىڭ ورتاق مۇددەسىن نەگىزگە الىپ، جاراسىمدى ءارى ءوز ەرەكشەلىگىن ساقتاۋ، ءبىر جاعادان باس، ءبىر جەڭنەن قول شىعارۋ سىندى شىعىس ازيا پاراساتىن ساۋلەلەندىرىپ، وڭىرلىك سەلبەستىكتى بەلسەندى تۇردە جەبەپ، الەمدىك سىن - سايىسقا سايكەسە توتەپ بەرىپ، دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن قورعاۋ كەرەك. جاپونيانىڭ توكيو وليمپيادا سپورت جارىسىن ءساتتى وتكىزگەندىگىن قۇتتىقتايمىن، جاپونيا جاقتىڭ كەلەر جىلى 2 - ايداعى بەيجيڭ قىسقى وليمپيادا سپورت جارىسىنا بەلسەندى تۇردە قاتىناسۋىن قارسى الامىز.

انتيان ۋىنشيۇڭ جۇڭگونىڭ مەملەكەت مەرەكەسىن قۇتتىقتايتىندىعىن ءبىلدىردى. انتيان مىنالاردى ءبىلدىردى: كەزەكتەگى حالىقارالىق جانە وڭىرلىك جاعدايدا جاپونيا - جۇڭگو قارىم - قاتىناسى جاڭا داۋىرگە قادام تاستاۋدا. جاپونيا جاق جۇڭگو جاقپەن بىرگە جاپونيا - جۇڭگو قارىم - قاتىناسى تاريحىنان ماڭىزدى وي قابىلداپ، كەلەر جىلعى جاپونيا - جۇڭگو ديپلوماتيالىق قارىم - قاتىناسىنىڭ قالىپقا تۇسكەندىگىنىڭ 50 جىلدىعىن وراي ەتىپ، جاڭا ءداۋىردىڭ تالابىنا ساي كەلەتىن سىندارلى، ورنىقتى جاپونيا - جۇڭگو قارىم - قاتىناسىن بىرگە قۇلشىنا قۇرۋدى قالايدى. ەكى جاق تىلدەسۋ ارقىلى الاۋىزدىقتى مەڭگەرۋى كەرەك. جاپونيا جاق جۇڭگو جاقپەن ەكونوميكالىق سەلبەستىك پەن حالىقتىق اۋىس - كۇيىستى ۇزدىكسىز كۇشەيتىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ، كليمات وزگەرىسى سياقتى ماڭىزدى حالىقارالىق، وڭىرلىك ماسەلەلەردە تىعىز بايلانىس جاساۋدى، سەلبەسۋدى قالايدى. جاپونيا جاق بەيجيڭ قىسقى وليمپيادا سپورت جارىسىنىڭ ءساتتى وتكىزىلۋىن ءۇمىت ەتەدى.

ەكى جاق تۇگەل وسى رەتكى تىلدەسۋ وتە دەر كەزىندە، وتە ماڭىزدى بولدى دەپ قارادى، جالعاستى تۇردە ءتۇرلى تاسىلدەر ارقىلى ىقپالداستىقتى، بايلانىستى ساقتاپ، ەكى ەلدىڭ قارىم - قاتىناسىنىڭ دۇرىس دامۋىنا بەتالىس كورسەتۋگە قوسىلدى.