حالىق گازەتى اۆتورلى ماقالا جاريالادى

«جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋدەگى تەلەگەي كۇشىن ۇيىستىرايىق − باس شۋجي شي جينپيڭنىڭ وتانشىلدىق رۋحتى اسقاقتاتۋ ماڭىزدى بايىمداۋلارى جونىندەگى جالپى شولۋ»

شينحۋا اگەنتتىگىنىڭ 10 - ايدىڭ 1 - كۇنى بەيجيڭنەن بەرگەن حابارى. حالىق گازەتى 10 - ايدىڭ 2 - كۇنى «جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋدەگى تەلەگەي كۇشىن ۇيىستىرايىق − باس شۋجي شي جينپيڭنىڭ وتانشىلدىق رۋحتى اسقاقتاتۋ ماڭىزدى بايىمداۋلارى جونىندەگى جالپى شولۋ» اتتى اۆتورلى ماقالا جاريالادى.

«زامانىمىزداعى جۇڭگو جاستارى جاڭا داۋىرمەن ٴبىر بەتالىستا بىرگە ىلگەرىلەيتىن، بىرگە العا باساتىن ۇرپاق، كوركەيىپ - گۇلدەنگەن زاماندا ومىرگە كەلگەن ولار كەلەلى مىندەت ارقالاپ وتىر. قالىڭ جاستار وتاندى ٴسۇيىپ، حالىقتى ٴسۇيىپ، پارتيا تاريحىن ۇيرەنۋدەن سەنىمىن سەرپىلتىپ، شابىت الىپ، كۇش - قۋات قابىلداپ، <ٴتورت سەنىمدى> ۇزدىكسىز بەكەمدەپ، جۇڭگولىققا ٴتان ەرىك - جىگەرىن، قايرات - قارىمىن، سەنىمىن ۇزدىكسىز كۇشەيتىپ، وتان ٴۇشىن، حالىق ٴۇشىن ماڭگى كۇرەس جاسايتىن، قالتقىسىز ادالدىقپەن ۇلەس قوساتىن بەرىك مۇرات ورناتۋ كەرەك». بيىل 4 - ايدىڭ 19 - كۇنى باس شۋجي شي جينپيڭ چيڭحۋا داشۋەسىندە قىزمەت تەكسەرگەن كەزدە وسىلاي دەپ اتاپ كورسەتتى.

ماقالادا بىلاي دەلىندى: وتاندى ٴسۇيۋ − ومىردەگى ەڭ تەرەڭ، ەڭ باياندى سۇيىسپەنشىلىك، ٴبىر ادامنىڭ ٴمورالدىق سومدالۋىنىڭ قاينارى، ەڭبەك ٴسىڭىرۋىنىڭ نەگىزى. وتانشىلدىق ٴبىزدىڭ ۇلت رۋحىمىزدىڭ وزەگى، جۇڭحۋا ۇلتىنىڭ ىنتىماقتاسا كۇرەس جاساۋىنىڭ، ٴوزىن تالماي الۋەتتەندىرۋىنىڭ رۋحاني دانەكەرى. جۇڭگو كوممۋنيستىك پارتياسى وتانشىلدىق رۋحتى ەڭ تاباندى اسقاقتاتۋشى جانە امالياتتا اتقارۋشى، 100 جىلدان بەرى پارتيامىزدىڭ بۇكىل ەلدەگى ٴار ۇلت حالقىن ىنتىماقتاستىرىپ، باستاپ جۇرگىزگەن توڭكەرىس، قۇرىلىس، رەفورما امالياتى − وتانشىلدىقتىڭ ۇلى امالياتى، ول جۇڭحۋا ۇلتىنىڭ وتانشىلدىق رۋحىنىڭ شۇعىلالى پاراعىن جازدى.

ماقالادا بىلاي دەپ اتاپ كورسەتىلدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى وتانشىلدىق تاربيەگە وسكەلەڭ ٴمان بەرىپ، وزەكتى بەكەمدەپ، نەگىزدى جەتىلدىرىپ، زەيىن - زەردەنى ۇيىستىرىپ، رۋحتى سومداپ، ٴبىر قىدىرۋ كەلەلى ورنالاستىرۋ جاساپ، وتانشىلدىق تاربيەدە كورنەكتى ونىمدىلىككە جەتۋدى ىلگەرىلەتتى. باس شۋجي شي جينپيڭنىڭ وتانشىلدىق رۋحتى اسقاقتاتۋ جونىندەگى ماڭىزدى بايىمداۋلارىنىڭ تۇرعىسى بيىك، مازمۇنى باي، ويى شۇلەن، ۇلت رۋحىن جەلپىندىرۋدە، تۇتاس ۇلتتىڭ كۇشىن ۇيىستىرۋدا، «قوس 100 جىلدىق» كۇرەس نىساناسىن جۇزەگە اسىرۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا كەلەلى دە تەرەڭ مانگە يە.

ماقالا 6 بولەككە بولىنگەن: وتانشىلدىق − ٴبىزدىڭ ۇلت رۋحىمىزدىڭ وزەگى، جۇڭگو حالقىنىڭ جانە جۇڭحۋا ۇلتىنىڭ ٴبىر نيەت، ٴبىر تىلەكتە بولا وتىرىپ، ٴوزىن تالماي الۋەتتەندىرۋىنىڭ رۋحاني دانەكەرى؛ وتانشىلدىقتى ٴاربىر جۇڭگولىقتىڭ بەرىك سەنىمىنە جانە رۋحاني سۇيەنىشىنە اينالدىرۋ؛ زامانىمىزداعى جۇڭگودا وتانشىلدىقتىڭ ٴمانى − وتاندى ٴسۇيۋ مەن پارتيانى ٴسۇيۋدىڭ، سوتسياليزمدى ٴسۇيۋدىڭ وسكەلەڭ بىرلىگىنە تاباندى بولۋ؛ مەملەكەتتىڭ تۇتاستىعىنىڭ، ۇلتتار ىنتىماعىنىڭ، قوعام ورنىقتىلىعىنىڭ قۇرىش قورعانىن بەرىك ورناتۋ؛ جۇڭحۋانىڭ تاڭداۋلى ٴداستۇرلى مادەنيەتىن جاسامپازدىقپەن كادەگە جاراتۋدى جانە جاڭالىق اشا دامىتۋدى ىلگەرىلەتۋ؛ وتانشىلدىق رۋحتى اسقاقتاتۋدى سىرتقا ەسىكتى ايقارا اشۋمەن ۇشتاستىرۋ.

ماقالادا بىلاي دەپ اتاپ كورسەتىلدى: «دۇنيە توقتاۋسىز اينالادى، ادامدار دا تالىقپاي تالپىنۋ كەرەك». جاپپاي سوتسياليستىك وسىزاماندانعان مەملەكەت قۇرۋدىڭ ايبىندى ساپارىنا قادام تاستاپ، جۇڭحۋا ۇلتىنىڭ ۇلى گۇلدەنۋى جارقىن بولاشاعىنا كوز تاستاعانىمىزدا، تەڭدەسسىز باتىلدىققا، تەڭدەسسىز سەنىمگە يەمىز. ىنتىماق − كۇش، تىعىز ىنتىماقتاسقان سايىن كۇش زور بولادى. بۇكىل پارتيا، بۇكىل ەلدەگى ٴار ۇلت حالقى، ەل ٴىشى - سىرتىنداعى جۇڭحۋا پەرزەنتتەرى تەك ٴبىر نيەت، ٴبىر تىلەكتە بولىپ، كوپ بولىپ اقىل قوسىپ، كۇش سالسا، جۇدىرىقتاي جۇمىلعان، المايتىن قامالى جوق تەلەگەي كۇش قالىپتاستىرۋعا بولادى، بارلىق كۇشتى جاۋدى، بارلىق ماشاقاتتى قيىندىقتار مەن قاتەرلى بوگەتتەردى جەڭىپ شىعۋعا بولادى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ۇلى وتانشىلدىق رۋحتى بارىنشا اسقاقتاتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ۇزدىكسىز ەرلىكپەن العا باسايىق!