ٴار الۋان قيمىلدارمەن مەملەكەت مەرەكەسىن قارسى الىپ، ٴتۇرلى فورمامەن پارتياعا العىس ايتتى

اۆتونوميالى وبلىستاعى ٴار ۇلت حالقى وتان ٴۇشىن ورتاق تىلەك تىلەدى

ٴتىلشىمىز ما چىڭلۋ، ەرىكتى تىلشىلەر ۋاڭ دىچيان، جاڭ يان حابارلايدى. «مەملەكەت مەرەكەسى جەتىپ كەلدى، قۇلجا قالاسىنىڭ كوركىنە كورىك قوسىلدى، بارلىق جەردە جەلمەن جەلبىرەگەن مەملەكەت تۋى كوزگە وتتاي باسىلادى، وتانىمىزدىڭ گۇلدەنىپ - كوركەيۋىن، تۇرمىسىمىزدىڭ كۇننەن - كۇنگە تولىسىپ، بارعان سايىن جاقسارۋىن تىلەيمىن!»، - دەدى 9 - ايدىڭ 29 - كۇنى  قۇلجا قالاسىنىڭ تۇرعىنى ياڭ چۇنفاڭ.

جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قۇتتىقتاۋ ٴۇشىن وبلىسقا توتە قاراستى ورىندارداعى جەر - جەر مۇقيات اشەكەي جۇرگىزىپ، ورتانى قويۋ مەرەكەلىك تۇسكە ەنگىزدى، مەرەكەنى قۇتتىقتاۋ بەلگىلەرىن ٴىلۋ، ٴتۇرلى دانەكەرلەر ارقىلى مەرەكەنى قۋانا قارسى الۋ اۋانىن قالىپتاستىردى، قىزىل فاكتورلار، الۋان بوياۋلى رەڭدەر ارقىلى قالانىڭ ۇلكەندى - كىشىلى كوشەلەرىن ساندەدى، كوزدىڭ جاۋىن الاتىن جۇڭگو بوياۋى قويۋ مەرەكەلىك اۋان قالىپتاستىردى. بىرنەشە كۇننەن بەرى اۆتونوميالى وبلىستاعى پارتيا، ۇكىمەت ورگاندارىنا، مەكتەپتەرگە، شيپاحانالارعا، ساۋدا ورتالىقتارىنا، قالا، اۋىلداردىڭ نەگىزگى كوشەلەرىنە جانە تۇرعىندار قاقپاسىنا مەملەكەت تۋى، جۇڭگو تۇيىنشەگى، قىزىل تۇمشالامالى شام ٴىلىندى. قۇلجا قالاسىنداعى ازاتتىق جولى، حالىق باقشاسى سياقتى جەرلەرگە بەس رەڭدى گۇل - بايشەشەكپەن «مەملەكەت مەرەكەسىن قۇتتىقتايمىز، وتانىمىز جاساسىن!»، «ۇلى جۇڭحۋا حالىق رەسپۋبليكاسى جاساسىن!» ۇراندارى كەستەلەنىپ، قىزىل تۋلار ىلە اڭعارىنىڭ ۇلكەندى- كىشىلى كوشەلەرىندە جەلبىرەپ، قىزىل رۋح بارلىق وتباسىنا دارىدى. اۋدان - قالالارداعى 21 الەۋمەتتىك باقشاعا «ۇلكەن گۇل شارباق» اشەكەيلەنىپ قويىلدى، عيماراتتارداعى شام نۇرىمەن مەملەكەت مەرەكەسىن قارسى الۋ ۇراندارى تۇنىمەن تولاسسىز كورىنىس بەردى، وبلىسقا توتە قاراستى ورىندارداعى 16 مىڭنان ارتىق (LED) كەڭ ەكرانىندا، 8 مىڭنان استام كىرە اۆتوكولىگىنىڭ توبە شامىندا مەملەكەت مەرەكەسىن قۇتتىقتاۋ ۇرانى ۇزبەي قايتالانىپ تۇردى. اۋىل - قىستاقتارداعى ۇلكەن كەرناي، جىلجىمالى شاعىن دىبىس ساندىعى سياقتى ۇگىت دانەكەرلەرىندە قىزىل اندەر ۋاق - ۋاق تاراتىلىپ، پارتيانى، وتاندى، سوتسياليزمدى قىزۋ سۇيەتىن كۇشتى وڭ ەنەرگيا ۇيىستىرىلدى.

شاتتىق ٴانىن بارلىق ادام شىرقاۋ، نەگىزگى تاقىرىپتى تىعىز توڭىرەكتەۋ بويىنشا قيمىل ورىستەتىلدى. وبلىسقا توتە قاراستى ورىندارداعى ٴار دارەجەلى پارتيا ۇيىمدارى «پارتيا تۋى تيانشان تاۋىن نۇرلاندىردى»  نەگىزگى تاقىرىپتىق پارتيا كۇنى قيمىلىمەن بىرلەستىرىپ، «ۇلتتار ىنتىماعىنىڭ بەرەكەلى شاڭىراعى»، ۇلتتار ىنتىماعىنىڭ بىرلەسپە دوستىق قيمىلى، «ۇشكە بارۋ، ەكىمەن بايلانىس ورناتۋ، بىرمەن دوستاسۋ» سياقتى قيمىلداردى ۇيىمداستىردى. ٴار دارەجەلى پارتيا ۇيىمدارى نەگىزگى تاقىرىپتىق پارتيا كۇنى قيمىلىمەن بىرلەستىرىپ، «مەملەكەت مەرەكەسىن قۋانا قارسى الىپ، بولاشاق جونىندە وي ٴبولىسۋ» اڭگىمە ٴماجىلىسىن ورىستەتتى، بارشا پارتيالى كادرلاردى قىزىل كينو فيلمدەردى كورۋگە، «ٴتورت ٴتۇرلى ميكرو» قيمىلىن ورىستەتىپ، اسەر سويلەۋگە، بولاشاقتى تىلگە تيەك ەتۋگە، پارتيا تاريحىن ۇيرەنۋ تاربيەسى اسەرلەرىن اڭگىمەلەۋگە ۇيىمداستىردى. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسپە دوستىق قيمىلىمەن بىرلەستىرىپ، پارتيالى كادرلاردى بۇقارا وتباسىنا بارىپ پارتيا تاريحىن ۇگىتتەۋگە ۇيىمداستىرىپ، كادرلار مەن بۇقارانىڭ قاتىناسىن نىعايتىپ، پارتيالى كادرلاردى قىزمەت ورنىندا تاباندى بولىپ، جاۋاپكەرلىك ارقالاپ، ناتيجە جاراتۋعا شابىتتاندىردى.

قىستاقتار (الەۋمەتتىك اۋماق) مەملەكەت تۋى الدىندا ۇگىت - لەكسيا جاساۋ، مادەنيەت - دەنەتاربيە قيمىلى، شارۋالار كەشكى مەكتەبى سياقتىلاردان تولىق پايدالانىپ، پارتيا تاريحىن شوعىرلى ۇگىتتەۋ، بىرگە قىزىل ٴان ايتۋ، بىرگە ٴبي بيلەۋ سياقتى قيمىلداردى ورىستەتىپ،  ٴار ۇلت جۇرتشىلىعىنىڭ پارتيانى، وتاندى، سوتسياليزمدى قىزۋ ٴسۇيۋ سەزىمىن ايگىلەدى. وبلىسقا توتە قاراستى ورىندارداعى ورتا، باستاۋىش مەكتەپتەر «قىزىل گالستوكتىلار جۇرەگى پارتيا دەپ سوعادى، ۇلى جاڭا ٴداۋىردى جىرلايىق» نەگىزگى تاقىرىبىندا «مەملەكەت تۋىمەن بىرگە سۋرەتكە ٴتۇسۋ»، نەگىزگى تاقىرىپتىق وداق ساباعى، نەگىزگى تاقىرىپتىق كلاس جيىنى، اڭگىمە ايتۋ باسەكەسى، قول جازبا گازەتىن شىعارۋ باسەكەسى سياقتى قيمىلداردى ورىستەتۋ ارقىلى جاستار مەن ورەندەردىڭ وتاندى ٴسۇيۋ سەزىمىن اناعۇرلىم ارتتىرىپ، جان - جاقتى دامۋىن جەبەدى.

اۆتونوميالى وبلىس «بۇقارا ٴۇشىن ناقتى ٴىس ىستەيمىن» امالياتتىق قيمىلىمەن بىرلەستىرىپ، 152 مىڭ 500 پارتيالى كادردى مەملەكەت مەرەكەسى قارساڭىندا تۋىستاسقان بۇقارادان  جاعداي ۇعىسىپ، پارتيا تاريحى، «1- شىلدەدەگى» ماڭىزدى ٴسوزدىڭ رۋحى جونىندە ۇگىت - لەكسيا جاساۋعا، بۇقارانىڭ ٴوندىرىسى مەن تۇرمىسىنداعى قيىن ماسەلەلەردى شەشۋگە ۇيىمداستىرىپ، ٴار ۇلت جۇرتشىلىعىنا پارتيا مەن ۇكىمەتتىڭ قامقورلىعى مەن مەيىرىن سەزىندىردى. وبلىسقا توتە قاراستى ورىندارداعى 1012 قىستاق (الەۋمەتتىك اۋماق) نەگىزگى تاقىرىپتىق پارتيا كۇنى قيمىلىمەن، مەملەكەت تۋى الدىندا ۇگىت - لەكسيا جاساۋمەن بىرلەستىرە وتىرىپ، پارتيالى كادرلار مەن جۇرتشىلىقتى «كورىكتى مەكەندى ورتاق قۇرىپ، وتاننىڭ تۋعان كۇنىن قۋانا قارسى الۋ» اتىنداعى ورتا تازالىعىن قاۋىرت وڭاۋعا ۇيىمداستىرىپ، 2246 توننا قوقسىقتى ٴبىرجاقتى ەتىپ، بۇقارانى اقاۋسىز، وركەنيەتتى تۇرمىس داعدىسىن قالىپتاستىرۋعا باستادى. وبلىسقا توتە قاراستى تاراۋلار (ورىندار) 946 ەرىكتى قىزمەت وتەۋ اترەتىن ۇيىمداستىرىپ تۇرعىنداردان پىكىر الىپ، الدامشىلىققا قارسى بىلىمدەردى ۇگىتتەپ،ٴوندىرىس حاۋىپسىزدىگى جونىندەگى ساۋاتتىق بىلىمدەردى ٴتۇسىندىرىپ، بۇقارانىڭ 13 مىڭ 400 شۇعىل، قيىن، ۋايىمداعان، ٴزارۋ ٴىسىن شىنايى شەشتى.