− باس شۋجي شي جينپيڭنىڭ ورتالىقتىڭ دارىندىلار قىزمەتى ماجىلىسىندەگى ماڭىزدى ٴسوزىن ۇيرەنۋ، دايەكتىلەندىرۋ جونىندە حالىق گازەتىنىڭ شولۋشىسى

ٴتۇزىلىس وڭتايلى، مەحانيزم جاندى بولسا، دارىندىلار توپتالىپ، ٴىس كوركەيەدى. ورتالىقتىڭ دارىندىلار قىزمەتى ماجىلىسىندە، باس شۋجي شي جينپيڭ دارىندىلاردىڭ پارتيا مەن مەملەكەت ىستەرىنىڭ دامۋىنداعى ماڭىزدىلىعىن تەرەڭ بايىمداپ، دارىندىلاردى دامىتۋ ٴتۇزىلىس - مەحانيزمى رەفورماسىن تەرەڭدەتۋدى باسا دارىپتەدى ٴارى ماڭىزدى ورنالاستىرۋ جاسادى.

دارىندىلاردى دامىتۋ ٴتۇزىلىس - مەحانيزمى رەفورماسىن تەرەڭدەتۋ − دارىندىلار ٴتۇزىمى ابزالدىلىعىن ورناتۋدىڭ، جوعارى ساپالى دامۋدى جۇزەگە اسىرۋدىڭ ستراتەگيالىق شاراسى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى «ۇقىقتى تومەنگە بەرۋ، ىرىق بەرۋدى» ماڭىزدى ٴتۇيىن ەتۋگە تاباندى بولىپ، دارىندىلاردىڭ اۋىسۋى، ىستەتىلۋى، رولىن ساۋلەلەندىرۋى بارىسىنداعى ٴتۇزىلىس - مەحانيزم كەدەرگىلەرىن كۇش سالا اشىپ، «دارىندىلاردى دامىتۋ ٴتۇزىلىس - مەحانيزمى رەفورماسىن تەرەڭدەتۋ جونىندەگى پىكىر»، «نىسان باعالاۋ - تەكسەرۋ، دارىندىلاردى باعالاۋ، قۇرىلىمداردى ساراپتاۋ رەفورماسىن تەرەڭدەتۋ جونىندەگى پىكىر»، «عىلىم - تەحنيكا تابىستارىن باعالاۋ مەحانيزمىن كەمەلدەندىرۋ جونىندەگى جەتەكشى پىكىر» سياقتى ٴبىرسىپىرا جەلىلەس ساياسات - شارالار شىعاردى، جۇڭگوشا دارىندىلار ٴتۇزىمىنىڭ ابزالدىلىعى ونان ارى ايگىلەنىپ، دارىندىلاردىڭ ومىرشەڭدىك كۇشى ونان ارى ىسكە قوسىلىپ، ەلىمىزدىڭ جوعارى ساپالى دامۋدى ىلگەرىلەتۋىنە تاسقىنداعان قوزعاۋشى كۇش ازىرلەدى. پارتيا 19 - كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ەلىمىزدىڭ مەملەكەت ٴتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن 13 جاقتان جۇيەلى قورىتىندىلادى، «ٴمورالدى دا قابىلەتتى بولۋعا، بىلىمدىلەردى تاڭداۋعا، ىسكەرلەردى مىندەتكە قويۋعا تاباندى بولىپ، شار تاراپتىڭ دارىندىلارىن جيناپ پايدالانىپ، اناعۇرلىم كوپ، اناعۇرلىم ۇزدىك دارىندىلار جەتىلدىرەتىن، قالىپتاستىراتىن كورنەكتى ابزالدىلىعى» سونىڭ ىشىندەگى ٴبىر ماڭىزدى جاعى سانالادى.

باس شۋجي شي جينپيڭ بىلاي دەپ تەرەڭدەي اتاپ كورسەتتى: «جالپىلىق مەملەكەت قۋاتى باسەكەسى، سايىپ كەلگەندە، دارىندىلار باسەكەسى. دارىندى − ٴبىر مەملەكەتتىڭ جالپىلىق مەملەكەت قۋاتىن ولشەيتىن ماڭىزدى كورسەتكىش. مەملەكەتتىڭ دامۋى دارىندىلارعا سۇيەنەدى، ۇلتتىڭ گۇلدەنۋى دارىندىلارعا سۇيەنەدى». كەزەكتە بۇكىل الەم كولەمىندە جاڭا كەزەكتى عىلىم - تەحنيكا توڭكەرىسى جانە كاسىپ سالاسى وزگەرىسى قارىشتاي كوتەرىلىپ، الەمنىڭ ٴار ەلى ورايدى جارىسا مىقتى يگەرىپ، حالىقارالىق دارىندىلارعا تالاس كۇن سايىن شيەلەنىسۋدە. دارىندىلاردى باۋراۋ، دارىندىلاردى الىپ قالۋ، دارىندىلاردى ويداعىداي پايدالانۋدا، ەڭ جاقسى ورتا − تاماشا ٴتۇزىلىس - مەحانيزم. جاڭا داۋىردەگى دارىندىلاردا قۋاتتى ەل ستراتەگياسىن ىشكەرىلەي اتقارىپ، دارىندىلار ارقىلى دامۋعا جەتەكشىلىك ەتۋدىڭ ستراتەگيالىق ورنىنا تاباندى بولىپ، دارىندىلاردى دامىتۋ ٴتۇزىلىس - مەحانيزمى رەفورماسىن تەرەڭدەتۋگە تاباندى بولىپ، دارىندىلاردى ەنگىزۋ، باۋلۋ، ىستەتۋ، باعالاۋ، اۋىستىرۋ، ىنتالاندىرۋ سياقتى جاقتارداعى ٴتۇزىلىس - مەحانيزم كەدەرگىلەرىن جويىپ، اناعۇرلىم بەلسەندى، اناعۇرلىم اشىق، اناعۇرلىم ٴونىمدى دارىندىلار ساياساتىن اتقارىپ، باۋراۋ كۇشىنە جانە حالىقارالىق باسەكە قابىلەتىنە يە دارىندىلار ٴتۇزىمى جۇيەسىن قالىپتاستىرعاندا عانا، شار تاراپتىڭ دارىندىلارىن جيناپ پايدالانىپ، ٴتۇرلى دارىندىلاردىڭ جاسامپازدىق ومىرشەڭدىگىنىڭ تالاسا قاۋلاۋىنا، زەيىن - قابىلەتتەرىنىڭ تولىق ىسكە قوسىلۋىنا مۇمكىندىك جاساۋعا بولادى.

دارىندىلاردى دامىتۋ ٴتۇزىلىس - مەحانيزمى رەفورماسىن تەرەڭدەتۋدە، ماسەلەنى باعدار ەتۋگە تاباندى بولىپ، كورنەكتى ماسەلەلەردى كۇش سالا شەشۋ كەرەك. دارىندىلاردى قالاي ويداعىداي ىستەتۋدە ادام ىستەتۋشى ورىندار ەڭ سويلەۋ ۇقىعىنا يە، قاجەت پەن ٴىس جۇزىندىك جاعدايعا نەگىزدەلىپ، ادام ىستەتۋشى تۇلعالارعا جەتكىلىكتى ۇقىق بەرىپ، ادام ىستەتۋشى تۇلعالاردىڭ دارىندىلاردى باۋلۋ، ەنگىزۋ، پايدالانۋ بارىسىنداعى بەلسەندى رولىن ساۋلەلەندىرۋ كەرەك؛ ادام ىستەتۋشى تۇلعالار سۋبيەكتيۆتىك ىنتالىلىقتى ساۋلەلەندىرىپ، قىزمەت ەتۋ تانىمى مەن قامتاماسىز ەتۋ قابىلەتىن كۇشەيتىپ، ٴونىمدى ٴوزىن تەجەۋ جانە سىرتقى باقىلاۋ مەحانيزمىن ورناتىپ، تومەنگە بەرىلگەن ۇقىق شەگىن ۇلاستىرۋعا، ويداعىداي پايدالانۋعا شىنايى كەپىلدىك ەتۋ كەرەك؛ ادام ىستەتۋشى ورىندار تۇلعالىق جاۋاپكەرشىلىكتى شىن مانىندە ويداعىداي اتقارىپ، بەرگەن ۇقىقتى ويداعىداي پايدالانباعانداردى، جاۋاپكەرشىلىكتى تىڭعىلىقتى اتقارماعانداردى جاۋاپقا تارتۋ كەرەك. دارىندىلارعا ەرىك بەرگەندە عانا، دارىندىلاردىڭ جاڭالىق اشۋ، جاسامپازدىقپەن شۇعىلدانۋ ومىرشەڭدىگىن تولىق قاۋلاتۋعا بولادى، دارىندىلارعا بەلسەندى تۇردە ىرىق بەرىپ، دارىندىلاردى باسقارۋ ٴتۇزىمىن كەمەلدەندىرىپ، دارىندىلاردى نەگىز ەتۋ، دارىندىلارعا سەنۋ، دارىندىلاردى قۇرمەتتەۋ، دارىندىلارعا جاقسى قامقورلىق جاساۋ، دارىندىلارعا كەشىرىمدى بولۋ كەرەك؛ عالىمدارعا اناعۇرلىم زور تەحنيكالىق لۋشياندى ۇيعارۋ ۇقىعىن، اناعۇرلىم زور قاراجاتتى مەڭگەرۋ ۇقىعىن، اناعۇرلىم زور بايلىقتى ورنالاستىرۋ ۇقىعىن بەرۋ، سونىمەن بىرگە جاۋاپكەرشىلىك ٴتۇزىم مەن اسكەري سەرت ٴتۇزىمىن ورناتىپ، اقاۋسىزداندىرىپ، عىلمي زەرتتەۋ نىساندارىنىڭ تابىستى بولۋىنا شىنايى كەپىلدىك ەتۋ كەرەك؛ عىلمي زەرتتەۋ قاراجاتىن باسقارۋ رەفورماسىن تەرەڭدەتىپ، دارىندىلار جوسپارىن ساپالىلاندىرىپ، بىرىكتىرىپ، دارىندىلاردىڭ كوڭىل قويىپ ٴبىلىم سوڭىنا تۇسۋىنە، زەرتتەۋمەن شۇعىلدانۋىنا، كوبىرەك جەتىستىككە جەتۋىنە، جاقسى جەتىستىككە جەتۋىنە مۇمكىندىك جاساۋ كەرەك. دارىندىلاردى باعالاۋ جۇيەسى سىندى «سىلتەمە تاياقتان» ويداعىداي پايدالانعاندا عانا، دارىندىلاردىڭ جاڭالىق اشۋىن قاۋلاتۋعا ٴتيىمدى ەكولوگيالىق جۇيە قالىپتاستىرۋعا بولادى، دارىندىلاردى باعالاۋ جۇيەسىن كەمەلدەندىرىپ، جاڭالىق اشۋ قۇنىن، قابىلەتىن، ۇلەسىن باعدار ەتكەن دارىندىلاردى باعالاۋ جۇيەسىن جەدەل ورناتىپ، عىلىم - تەحنيكا دارىندىلارىنىڭ دەن قويا زەرتتەۋ جۇرگىزۋىنە جانە جاڭالىق اشۋىنا پايدالى باعالاۋ جۇيەسىن قالىپتاستىرۋ ٴارى اتقارۋ كەرەك.

جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا دارىندىلار قانشالىق كوپ بولعان سايىن سونشالىق جاقسى، ونەر - قابىلەت قانشالىق ۇلكەن بولعان سايىن سونشالىق جاقسى بولادى. جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا ساپارىندا، دارىندىلاردى دامىتۋ ٴتۇزىلىس - مەحانيزمى رەفورماسىن تەرەڭدەتىپ، دارىندىلاردىڭ جەتىلۋىنە ٴتيىمدى باۋلۋ مەحانيزمىن، اركىمنىڭ ٴوز دارىنىن تولىق ىسكە قوسۋىنا ٴتيىمدى پايدالانۋ مەحانيزمىن، باسەكەلەسە ٴوسىپ - جەتىلۋگە، اركىم ٴوز قابىلەتىن تولىق كورسەتۋىنە ٴتيىمدى ىنتالاندىرۋ مەحانيزمىن، ٴتۇرلى دارىندىلاردىڭ توپتان وزىپ شىعۋىنا ٴتيىمدى باسەكە مەحانيزمىن جەدەل قالىپتاستىرىپ، ٴار جاقتاعى ۇزدىك دارىندىلاردى پارتيا مەن مەملەكەت ىستەرىنە شوعىرلاندىرىپ، بارلىق ادام دارىندى بولۋدى اڭسايتىن، بارلىق ادام دارىندى بولۋعا قۇلشىناتىن، بارلىق ادام دارىندى بولۋعا مۇمكىندىك الاتىن، بارلىق ادام ٴوز دارىنىن كورسەتە الاتىن تاماشا جاعداي قالىپتاستىرساق، ٴبىز، ٴسوز جوق، 2035 - جىلى سوتسياليستىك وسىزامانداندىرۋدى نەگىزىنەن جۇزەگە اسىرۋعا دارىندىلار تىرەگىن ازىرلەپ، 2050 - جىلى جاپپاي سوتسياليستىك وسىزاماندانعان قۋاتتى مەملەكەت قۇرۋعا دارىندىلار جاعىنان تاماشا نەگىز قالاي الامىز.

(شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)