جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ۇزدىكسىز العا ىلگەرىلەتەيىك

− باس شۋجي شي جينپيڭنىڭ شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

 حالىق گازەتىنىڭ شولۋشىسى

”ءبىز تاريحتى اينا ەتىپ، بولاشاق اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ۇزدىكسىز تاريحي بورىش ارقالاپ، تاريحي ىرىقتىلىقتى مەڭگەرىپ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ۇزدىكسىز العا ىلگەرىلەتۋىمىز كەرەك“. شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسىندا، باس شۋجي شي جينپيڭ شينحاي توڭكەرىسىنىڭ تاريحي ەڭبەگى مەن كەلەلى ءمانىن جوعارى باعالاپ، شينحاي توڭكەرىسى بولعان 110 جىلدان بەرگى تاريحي تولعانىستاردى تەرەڭ بايىمداپ، ەل ءىشى - سىرتىنداعى بارلىق جۇڭحۋا پەرزەنتتەرىن ونان ارى تىعىز ىنتىماقتاسىپ، سۇن جۇڭشان مىرزا قاتارلى شينحاي توڭكەرىسى ارداگەرلەرىنىڭ ۇلى رۋحىن ساۋلەلەندىرىپ، قول ۇستاسا وتىرىپ جۇڭحۋا ۇلتىنىڭ ۇلى گۇلدەنۋى نىساناسىنا قاراي ۇزدىكسىز ەرلىكپەن العا باسۋعا ۇندەدى! ايبىندى سوزدەر، اسقاق مالىمدەمە ميلليارد جۇڭحۋا پەرزەنتتەرىنىڭ ءبىر نيەتپەن جۇڭگو ارمانىن بىرگە تۇلعالايتىن بەكىمى مەن سەنىمىنە شابىت بەرۋدە.

110 جىلدىڭ الدىندا، سۇن جۇڭشان مىرزا ۋاكىل بولعان توڭكەرىستىك پارتيا ادامدارى دۇنيە ءجۇزىن ءدۇر سىلكىندىرگەن شينحاي توڭكەرىسىن قوزعاپ، چيڭ پاتشالىعى ۇكىمەتىن اۋدارىپ تاستاپ، جۇڭگودا نەشە مىڭ جىل جالعاسقان پاتشالىق دارا بيلىك ءتۇزىمىن اياقتاتىپ، اسا زور ءدۇمپۋ قۋاتى مەن تەرەڭ ىقپال كۇشى ارقىلى جۇڭگونىڭ قوعامدىق وزگەرىسىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن جول قاراستىرىپ، جۇڭحۋا ۇلتىنىڭ ۇلى گۇلدەنۋ ساپارىنداعى اسقاق بەلەسكە اينالدى. ءبىراق ”توڭكەرىس ءالى جەڭىسكە جەتكەن جوق، جولداستار ءالى دە كۇش جۇمساۋلارى قاجەت“. سۇن جۇڭشان مىرزا قايتىس بولعاننان كەيىن، جۇڭگو كوممۋنيستەرى ونىڭ مۇراتىنا مۇراگەرلىك ەتىپ، ونىڭ ىستەرىنە ادال بارلىق اداممەن بىرگە ۇزدىكسىز كۇرەس جۇرگىزىپ، سۇن جۇڭشان مىرزا مەن شينحاي توڭكەرىسى ارداگەرلەرىنىڭ ۇلى مۇراتىن ۇزدىكسىز جۇزەگە اسىردى جانە دامىتتى. جۇڭگونىڭ ساياسي ساحناسىنا قادام قويعان سول ساتتەن باستاپ، جۇڭگو كوممۋنيستىك پارتياسى باستان - اياق جۇڭگو حالقىن باقىتقا كەنەلتۋدەن، جۇڭحۋا ۇلتىن گۇلدەندىرۋدەن اينىمادى. 100 جىلدان بەرى، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا جەر ءجۇزىن“ دەگەن ەرجۇرەك ارىنمەن ۇلى جول اشىپ، ۇلى ءىس جاراتىپ، ۇلى تابىسقا قول جەتكىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي ەپوس جازدى.

شينحاي توڭكەرىسى بولعان 110 جىلدان بەرگى تاريحقا قايىرىلا قاراعاندا، باس شۋجي شي جينپيڭ بىلاي دەپ تەرەڭ قورىتىندىلادى: ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، جۇڭگو حالقىنىڭ العا باسۋىنا باسشىلىق ەتەتىن پارمەندى كۇش بولۋ كەرەك، بۇل پارمەندى كۇش − جۇڭگو كوممۋنيستىك پارتياسى؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جول ەڭ ءتۇبىرلى ماسەلە. جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ بىردەن - ءبىر دۇرىس جولى؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءسوز جوق، جۇڭگو حالقىنىڭ ءوزىنىڭ ەرلىكپەن كۇرەس جۇرگىزۋىنە سۇيەنۋ كەرەك؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جۇڭگو حالقى مەن جۇڭحۋا ۇلتى، ءسوز جوق، قيىندىقتى بىلەك بىرىكتىرە جەڭىپ، العا باسۋ جولىنداعى بارلىق حاۋىپ - قاتەر مەن سىن - سايىستاردى ىنتىماقتاسا وتىرىپ جەڭىپ شىعۋى كەرەك؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تىنىش، ىنتىماقتى ەل ءىشى ورتاسىن قاجەت ەتىپ قانا قويماي، بەيبىت، ورنىقتى حالىقارالىق ورتانى دا قاجەت ەتەدى. بۇل 5 جاقتاعى تاريحي تولعانىس تاياۋ زاماننان بەرگى جۇڭحۋا ۇلتىنىڭ دامۋ بەتالىسى مەن ءۇردىسىن تەرەڭدەي يگەرۋ، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن ىشكەرىلەي اشىپ كورسەتۋ، جۇڭحۋا ۇلتىنىڭ ۇلى گۇلدەنۋىنىڭ كەرى قايتارۋعا كەلمەيتىن تاريحي ۇردىسكە قادام قويعاندىعى جونىندەگى تەرەڭ اڭعارۋ سانالادى، ءبىزدىڭ جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ۇزدىكسىز العا ىلگەرىلەتۋىمىز ءۇشىن ايقىن قۇلشىنۋ بەتالىسىن كورسەتىپ، ءتۇبىرلى بويسۇنۋ ولشەمىن ۇسىندى. تاريحتان پاراسات قابىلداپ، كۇرەس بارىسىندا كۇش - قۋات ۇيىستىرىپ، ماشاقاتتى دا قيىن، شۇعىلالى وتكەندى، كۇن سايىن جاڭارىپ، اي سايىن تۇلەجىگەن بۇگىندى، نۇرلى دا كەڭ بولاشاقتى ساباقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن كۇرەس جۇرگىزۋ سەنىمىن، قوزعاۋشى كۇشىن جانە جىگەر - قايراتىن قاۋلاتساق، ءبىز، ءسوز جوق، ءبىزدىڭ وسى بۋىن ادامدارىنا ءتان تاريحي ۇلى ءىس اشا الامىز.

تاريحتىڭ دامۋى ەشقاشان دا داۋىلسىز، تولقىنسىز بولمايدى، قايتا بۇرالاڭدىق پەن ماشاقاتقا تولى بولادى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا ءبىزدىڭ ءالى دە ۇزاق جول جۇرۋىمىزگە، ءالى تالاي قيىندىقتار مەن حاۋىپ - قاتەرلەردى جەڭۋىمىزگە تۋرا كەلەدى. بارلىق ۇلى تابىستار تۇگەلدەي تالىقپاي كۇرەس جۇرگىزۋدىڭ ناتيجەسى، بارلىق ۇلى ءىس تۇگەلدەي الدىڭعىلاردىڭ ءىزىن باسىپ، بولاشاققا جول اشۋ بارىسىندا العا ىلگەرىلەتۋدى قاجەت ەتەدى. جاڭا ساپاردا ءبىز، ءسوز جوق، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرىپ، پارتيانىڭ بيلىكتى عىلمي جۇرگىزۋ، بيلىكتى دەموكراتيالى جۇرگىزۋ، بيلىكتى زاڭ بويىنشا جۇرگىزۋ ورەسىن جوعارىلاتۋىمىز، ۇلى پارتيا قۇرۋ رۋحىن اسقاقتاتىپ، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭالاۋ، ءوز دەڭگەيىن جوعارىلاتۋ قابىلەتىن كۇشەيتىپ، جۇڭگو كوممۋنيستىك پارتياسىنىڭ باستان - اياق جۇڭگو حالقى مەن جۇڭحۋا ۇلتىنىڭ ەڭ سەنىمدى تىرەگى بولۋىنا شىنايى كەپىلدىك ەتۋىمىز؛ ءبىز، ءسوز جوق، جۇڭگوشا سوتسياليزمگە تاباندى بولۋدان جانە ونى دامىتۋدان اۋىتقىماي، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، مۇراتتان اينىماۋ، جولدى وزگەرتپەۋ بەكىمىنەن تاپجىلماي، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋىمىز، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، رەفورمانى جاپپاي تەرەڭدەتىپ جانە ەسىك اشۋدى كەڭەيتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، حالىقتىڭ تاماشا تۇرمىسقا كەنەلۋگە دەگەن جاڭا تىلەگىن ۇزدىكسىز قاناعاتتاندىرىپ، جالپى حالىقتىڭ بىرگە بايۋىن ۇزدىكسىز ىلگەرىلەتۋىمىز؛ ءبىز، ءسوز جوق، جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، تاريحي ورايدى مىقتى يگەرىپ، تاۋقىمەت تانىمىن كۇشەيتىپ، باستان - اياق امانشىلىقتا جامانشىلىقتىڭ بولارىن ويلاپ، توڭكەرىستىك رۋح پەن توڭكەرىستىك جىگەردى ساقتاپ، كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋگە باتىل بولىپ، باتىلدىقپەن كۇرەس جۇرگىزەتىن، شەبەرلىكپەن كۇرەس جۇرگىزەتىن ەرىك - جىگەرمەن، قاسيەتپەن جۇڭحۋا ۇلتىنىڭ گۇلدەنۋ ۇردىسىنە كەدەرگى بولاتىن ءارقانداي ەلەۋلى حاۋىپ - قاتەردى، سىن - سايىستى باتىل جەڭىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋىمىز؛ ءبىز، ءسوز جوق، وتانشىلدىق رۋحتى بارىنشا اسقاقتاتىپ، وسكەلەڭ ۇلتتىق ار - نامىس جانە ۇلتتىق سەنىم ورناتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بارلىق جۇڭحۋا پەرزەنتتەرىنىڭ بىرگە كۇرەس جۇرگىزۋىنە مىقتاپ سۇيەنىپ، ۇلى ىنتىماققا، ۇلى بىرلىككە تاباندى بولىپ، ەڭ كەڭ وتانشىلدىق بىرلىكساپتى ۇزدىكسىز بەكەمدەپ جانە دامىتىپ، جۇڭحۋا ۇلتىنىڭ بارلىق اقىل - پاراساتى مەن كۇش - قۋاتىن كەڭىنەن ۇيىستىرىپ، ەل ءىشى - سىرتىنداعى بارلىق جۇڭحۋا پەرزەنتتەرى ءبىر نيەت، ءبىر تىلەكتە بولاتىن، ۇلتتىڭ گۇلدەنۋى ۇلى ءىسىن بىرگە جۇزەگە اسىراتىن جالىندى جاعداي قالىپتاستىرۋىمىز؛ ءبىز، ءسوز جوق، باستان - اياق بەيبىتشىلىك، دامۋ، سەلبەسۋ، تەڭ يگىلىكتەنۋ تۋىن بيىك ۇستاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، الەمدىك جونگە سالۋ جۇيەسىن كەمەلدەندىرۋدى ىلگەرىلەتىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىعىن اسقاقتاتىپ، دۇنيە جۇزىندەگى ءار ەل حالقىمەن ىنتىماقتى كۇشەيتىپ، زورەكەرلىككە جانە وكتەمدىك ساياسيعا بىرگە قارسى تۇرىپ، دۇنيە ءجۇزى بەيبىتشىلىگىنىڭ قۇرۋشىسى، الەم دامۋىنىڭ ۇلەسكەرى، حالىقارالىق ءتارتىپتىڭ قورعاۋشىسى بولىپ، ادامزاتقا تىڭ دا اناعۇرلىم كەسەك ۇلەس قوسۋعا قۇلشىنۋىمىز كەرەك.

ۇزاق ۋاقىت كۇرەس جۇرگىزۋ ارقىلى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ اناعۇرلىم كەمەلدى تۇزىمدىك كەپىلدىككە، اناعۇرلىم بەرىك زاتتىق نەگىزگە، اناعۇرلىم ىرىقتى رۋحاني كۇشكە يە بولدى. بۇگىنگى تاڭدا، جۇڭحۋا ۇلتى دۇنيە جۇزىنە گۇلدەنىپ - كوركەيگەن راي كورسەتىپ، بوگەۋ بەرمەس قاداممەن ۇلى گۇلدەنۋگە قادام تاستاۋدا. بولاشاققا بەت العاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، ءبىر نيەت، ءبىر تىلەكتە بولىپ، قول ۇستاسىپ، بىلەك بىرىكتىرىپ، بۇلجىماس تاباندىلىقپەن العا باسساق، زۇلمات بوران - شاشىنداردا مىزعىماي تۇرساق، ءسوز جوق، بارلىق ماشاقات - قيىندىقتار مەن قاتەر - بوگەتتەردى جەڭىپ شىعىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جاڭا داۋىرلىك شۇعىلالى ناتيجە جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرا الامىز!

(شينحۋا اگەنتتىگىنىڭ 10 - ايدىڭ 10 - كۇنى بەيجيڭنەن بەرگەن حابارى)