باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
قورعاستا زاتپەن قامداۋ جەتكىلىكتى بولىپ، تۇرعىنداردىڭ تۇرمىسى قامتاماسىز ەتىلدى
2021-10-12 22:37:01     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

تىلشىلەرىمىز لي يافىڭ، ما چىڭلۋ قورعاستان حابارلايدى. 10 - ايدىڭ 8 - كۇنى ىلە وبلىستىق ىندەتتەن ساقتانۋ - تىزگىندەۋ قىزمەتى قولباسشىلىق شتابىنان ۇعىسۋىمىزشا، 10 - ايدىڭ 3 - كۇنى قورعاس قالاسىندا ىندەت تۋىلعاننان كەيىن اۆتونوميالى وبلىس ىندەتتەن ساقتانۋ - تىزگىندەۋدى قازىرگى قىزمەتتىڭ ەڭ ماڭىزدى ٴتۇيىنى ەتىپ، ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋمەن بىرگە، قورعاس قالاسىنىڭ ٴوندىرىس، تۇرمىس ماتەريالدارىن قامتاماسىز ەتۋ جانە زاپاس ساقتاۋ قىزمەتىن ۇزدىكسىز كۇشەيتكەن. قازىر كوكونىس، ەت، جەمىس - جيدەك، كۇرىش، ۇن، ماي، جۇمىرتقا سياقتى تۇرمىستىق قاجەتتى بۇيىمداردىڭ ٴتۇرى مول، تۇرمىس ماتەريالدارىمەن قامداۋ جەتكىلىكتى، باعاسى تۇراقتى بولىپ، تۇرعىنداردىڭ تۇرمىسى ٴونىمدى قامتاماسىز ەتىلگەن.

«ٴبىر تاقتا جۇمىرتقا، ٴبىر كيلوگرام كوك بۇرشاق، ٴبىر كيلوگرام ساۋمالدىق ...» سول كۇنى قورعاس قالاسى جين - ي توبىنىڭ زاتپەن قامداۋ تۇيىنىندە قىزمەتكەر گۇلنۇر تاشمامەتتىڭ تۇرعىندارعا تەلەفون سوعىپ تاپسىرىستى تۇراقتاندىرىپ جاتقانىن كوردىك.

قورعاس قالاسى 53 زاتپەن قامداۋ ٴتۇيىنىن قۇرىپ، بۇقارانىڭ نەگىزگى تۇرمىسىن بار كۇشپەن ويداعىداي قامتاماسىز ەتكەن؛ قالا، اۋىل، قىستاق 3 دارەجەلى حالىققا قولايلى قىزمەت وتەۋ ارناۋلى لەنياسىن جانە ٴدارى - دارمەكپەن، انا - بالالارعا قاجەتتى بۇيىمدارمەن قامداۋدى قامتاماسىز ەتۋ ارناۋلى لەنياسىن اشىپ، ارناۋلى ادامدى 24 ساعات بويى تەلەفون قابىلداۋعا ورنالاستىرىپ، قيىنشىلىق، ارىز - ارماندى ۇعىسقان جانە شەشكەن؛ ورگان كادرلارىنان، ەرىكتىلەردەن 2 مىڭ 534 ادامدى ۇيىمداستىرىپ، نەگىزگى ساتىنىڭ زات جەتكىزۋ، حىسۋان تەكسەرۋ، ىندەتتەن ساقتانۋ ۇگىتى، قيىنشىلىق، ارىز - ارماندى شەشۋ سياقتى قىزمەتتەردى ويداعىداي ىستەۋىنە سەلبەسكەن.

«الەۋمەتتىك اۋماقتىڭ ەرىكتىلەردى قابىلداۋ جونىندەگى حابارىن ەستي سالا تىزىمدەلىپ قاتىناستىم». قورعاس قالاسى ياجۇي شاعىن رايونىندا ەرىكتى جاڭ لەي ٴۇنحات توبىندا تۇرعىندارمەن حابارلاسىپ، ٴار كۇنى قاجەتتى جاڭا كوكونىستەر مەن ەتتەردى تۇرعىنداردىڭ ۇيىنە جەتكىزىپ ٴجۇر.

قورعاس قالالىق حالىق شيپاحاناسىندا مەملەكەتتىك ەلەكتر تورى قورعاس قالالىق ەلەكترمەن قامداۋ سەرىكتەستىگىندەگى پارتيا مۇشەلەرى قىزمەت وتەۋ اترەتى زاپاس ەلەكتر كوزىنە سىم جالعاپ ەلەكتر جەتكىزۋ جاعدايىن ۋاق - ۋاق باقىلاپ تۇردى. ۇعىسۋىمىزشا، ىندەت تۋىلعاننان كەيىن اتالعان سەرىكتەستىك 40 تان استام قىزمەتكەردى ٴتۇيىندى ورىندارداعى ەلەكترمەن قامداۋ جابدىقتارىن تەكسەرۋگە جانە ەلەكتر اينالىمىنا كەپىلدىك ەتۋگە ورنالاستىرعان ٴارى  ٴۇنحات، ميكرو بلوگ، تەلەفون سياقتى دانەكەرلەرمەن ەلەكتر تۇتىنۋشىلاردىڭ جەلىدە اقى تاپسىرۋىنا، ەلەكتر ىستەتۋ رەسمياتىن بىتىرۋىنە جەتەكشىلىك ەتىپ، ولاردى ۇيدەن شىقپاي ـ اق حاۋىپسىز، الاڭسىز ەلەكتر ەنەرگياسىنان يگىلىكتەندىرگەن.

جۇڭگو مۇناي توبى ىلە شينجيە تابيعي گاز شەكتى سەرىكتەستىگىنىڭ قورعاس وتكەلى گاز قۇيۋ پۋنكتى قالانىڭ ورتا قىسىمدى قۇبىر تورابى مەن قوسالقى جوعارى قىسىمدى قۇبىر تورابىن ٴار كۇنى ٴبىر رەت شارلاپ تەكسەرۋگە ارناۋلى قىزمەتكەر ورنالاستىرىپ، قۇبىر جەلىسى اۋماعىنداعى «ٴۇش ارىق، ەكى قۇدىققا» (ياعني سۋ توساتىن ارىق، سۋ ىعىستىراتىن ارىق، كابەل جانە تەكسەرۋ قۇدىعى، سۋ جيناۋ قۇدىعى) تەكسەرۋ جۇرگىزىپ، تۇتاس قالاداعى ورتا قىسىمدى قۇبىر تورابىنىڭ قىسىمعا توتەپ بەرۋ شاراسىن اتقارىپ، حالىقتىڭ گاز ىستەتۋ قاجەتىن شىنايى قامتاماسىز ەتتى.

قورعاس ەكونوميكالىق اشۋ رايونى ساۋداگەر شاقىرۋ مەكەمەسى (ساۋدا - ەكونوميكا جانە ينفورماتسيالاندىرۋ مەكەمەسى) پارتگرۋپپاسىنىڭ مۇشەسى، قورعاس قالالىق ساۋدا ىستەرى مەكەمەسىنىڭ باستىعى كۇڭ دىچىڭ: «بەنزين، سالەركە، تابيعي گاز، كومىر زاپاسى جەتكىلىكتى» دەدى.

وبلىستىق دامۋ جانە رەفورما كوميتەتىنىڭ ساناعىنا قاراعاندا، 10 - ايدىڭ 7 - كۇنىنە دەيىن وبلىسقا توتە قاراستى ورىنداردا كومىر، ەلەكتر، مۇناي، تابيعي گازبەن قامداۋ قالىپتى بولىپ، ٴوندىرىس پەن بۇقارانىڭ نەگىزگى قاجەتىن قاناعاتتاندىرا الادى ەكەن.

وبلىستىق ۇكىمەتتىڭ ورىنباسار باس حاتشىسى لي گىڭيۇن: «جاقىننان بەرى اۆتونوميالى وبلىس قورعاس قالاسىنىڭ ىندەتتەن ساقتانۋ - تىزگىندەۋ قىزمەتىن تىڭعىلىقتى ىستەۋمەن بىرگە، جاسىل ارنا اشىپ، اۋداندار ارا بايلانىستى كۇشەيتىپ، ىندەتتەن ساقتانۋ زاتتىق ماتەريالدارىنىڭ، تۇرمىستىق زاتتىق ماتەريالداردىڭ جەتكىزىلۋىنە، تاسىمال اۆتوموبيلدەرىنىڭ ىركىلىسسىز قاتىناۋىنا كەپىلدىك ەتتى. جىلۋمەن شوعىرلى قامداۋدى كۇنى بۇرىن ىسكە قوسىپ، بۇقاراعا جىلى دا جايلى تۇرمىس ورتاسىن ازىرلەپ، ٴتۇرلى قىزمەت وتەۋ، قامتاماسىز ەتۋ قىزمەتىن بارىنشا ويداعىداي ىستەپ، ىندەتتىڭ ىقپالىن ەڭ تومەنگى شەكتە باتىل تىزگىندەدى» دەدى.