باياندى قامتاماسىزداندىرۋ مەحانيزمىن ورناتىپ، قامقورلىق جاساۋ ساياساتىن جاپپاي تياناقتاندىردى

اۆتونوميالى وبلىس قۇربانداردىڭ وتباسىنداعىلارعا كوڭىل ٴبولىپ، قامقورلىق جاسادى

ٴتىلشىمىز ما چىڭلۋ، ەرىكتى ٴتىلشى لي نا حابارلايدى. 9 - ايدىڭ 30 - كۇنى قۇلجا اۋداندىق قوعام حاۋىپسىزدىگى مەكەمەسى مەملەكەتتىك 8 - رەتكى قۇربانداردى ەسكە الۋ كۇنىندە «قوعام حاۋىپسىزدىگى سالاسىنداعى قۇرباندارعا قۇرمەت ٴبىلدىرىپ، قالتقىسىز ادال ساقشى رۋحىن ۇيىستىرايىق» تاقىرىبىندا قۇربانداردى ەسكە الۋ، ازا ٴبىلدىرۋ قيمىلىن ورىستەتتى.

اۆتونوميالى وبلىس ناقتى شارالار ارقىلى قۇربانداردىڭ ۇرپاقتارىنا باياعىسىنشا كوڭىل ٴبولىپ، قامقورلىق جاساپ، قۇربانداردىڭ ۇرپاقتارى ٴۇشىن ناقتى ٴىس ىستەپ، ولاردىڭ قيىنشىلىقتارىن شەشتى. باياندى قامتاماسىزداندىرۋ مەحانيزمىن ورناتىپ، قامقورلىق جاساۋ ساياساتىن جاپپاي تياناقتاندىردى. وبلىسقا توتە قاراستى ورىندارداعى قوسىننان قايتقان اسكەريلەرگە قىزمەت وتەيتىن 614 پۋنكىت تۇتاس وبلىستاعى قۇربانداردىڭ وتباسىنداعىلارعا ٴبىر رەت اداقتاۋ جۇرگىزىپ، تىزىمگە الىپ، «ٴبىر ادامعا ٴبىر ارحيۆ تۇرعىزۋ» تالابى بويىنشا قۇربانداردىڭ وتباسىنداعىلارعا قىزمەت وتەۋ جانە ولاردى باسقارۋ ساندىق مالىمەت قامباسىن قۇرىپ، قۇربانداردىڭ وتباسىنداعىلاردىڭ ەمدەلۋ، جۇمىستانۋ، قوعامدىق قامتاماسىزداندىرۋعا قاتىناسۋ، تۇرمىس سياقتى نەگىزگى جاعدايلارىن دالمە - ٴدال يگەرىپ، جاي - جاپسارى انىق، جاعدايعا قانىق بولۋدى جۇزەگە اسىردى. قۇربانداردىڭ پەرزەنتتەرىمەن بەتپە - بەت، ٴنول ارالىقتا پىكىرلەسىپ، ولاردىڭ تۇرمىس جاعدايىن، قيىنشىلىعىن ەگجەي - تەگجەيلى ۇعىسىپ، اۋىل، قالاشىق (ٴمالى باسقارماسى)، قىستاق (الەۋمەتتىك اۋماق) جانە حالىق ىستەرى، ەمدەۋدى قامسىزداندىرۋ سياقتى تاراۋلارمەن سەلبەسە وتىرىپ قامقورلىق جاساۋ ساياساتىن تياناقتاندىرىپ، قۇربانداردىڭ ۇرپاقتارىنا پارتيا مەن ۇكىمەتتىڭ مەيىرىن سەزىندىردى. قۇربانداردىڭ وتباسىنداعىلارعا قامقورلىق قاراجاتىن بەرۋ، قامقورلىق جاساۋ ساياساتىن قاتاڭ تياناقتاندىرىپ، جەتكىلىكتى كومەك قاراجاتىن ۋاعىندا تاراتىپ، قارتتاردى كۇتىمدەۋ، ەمدەۋ، تۇرعىن ٴۇي، وقۋ - اعارتۋ، پەرزەنتتەرىن ناپوسقا قوندىرۋ سياقتى جاقتاردا ساپالى دا قولايلى قىزمەت وتەپ، يگىلىكتەنۋگە تيىستىلەرىن يگىلىكتەندىرۋگە، مۇمكىندىكتىڭ بارىنشا يگىلىكتەندىرۋگە كەپىلدىك ەتتى. قورعاس قالاسى قالا، اۋىل (رايون)، قىستاق (الەۋمەتتىك اۋماق) 3 دارەجەلى قىزمەت وتەۋ جۇيەسىندەگى قىزمەتكەرلەردىڭ بايلانىس جاساۋ، جاعداي ۇعىسۋ باياندى ٴتۇزىمىن ورناتىپ، قالا دارەجەلى ورىنداعى قىزمەتكەرلەر ٴبىر توقساندا ٴبىر رەت، اۋىل، قىستاقتاعى قىزمەتكەرلەر ٴبىر ايدا ٴبىر رەت، قىستاق دارەجەلى ورىنداعى قىزمەتكەرلەر ٴبىر اپتادا ٴبىر رەت وتباسىلارىنا بارىپ جاعداي ۇعىسۋ، تەلەفون ارقىلى بايلانىس جاساۋ ۇلگىسىن قولدانىپ، قۇربانداردىڭ تۋىس - تۋعاندارىمەن قويۋ قارىم - قاتىناس ورناتىپ، ولاردىڭ كۇندەلىكتى تۇرمىسى مەن دەنساۋلىق جاعدايىنا كوڭىل ٴبولىپ، پارتيا مەن ۇكىمەتتىڭ مەيىرىن ولاردىڭ جۇرەك تۇپكىرىنە تەرەڭ ۇيالاتتى.

تۇرمىستىق جاقتان كومەكتەسىپ، پسيحيكالىق جاقتان جەتەكشىلىك ەتىپ، قۇربانداردىڭ تۋىس - تۋعاندارىنا ٴتۇرلى جاقتاردان قامقورلىق جاسادى. قۇربانداردىڭ تۋىس - تۋعاندارىنا ۇدايىلانعان جاعداي ۇعىسۋ ٴتۇزىمىن ورناتىپ، قوسىننان قايتقان اسكەريلەرگە قىزمەت وتەۋ پۋنكىتىنىڭ رولىن تولىق ساۋلەلەندىرىپ، تۇتاس وبلىستاعى قۇربانداردىڭ تۋىس - تۋعاندارىن وتباسى بويىنشا «بىرگە ٴبىر» بايلانىس جاساۋ قىزمەت وتەۋىمەن قامتاماسىزداندىرىپ، ٴار جىلعى قۇرباندارعا تاساتتىق بەرۋ كۇنى، قۇربانداردى ەسكە الۋ كۇنى، قۇربانداردىڭ پەرزەنتتەرىنىڭ تۋىلعان كۇنى سياقتى ەرەكشە مەزگىلدەردە ارناۋلى ەرىكتىلەردىڭ قىزمەت وتەۋ قيمىلىن ۇيىمداستىرىپ، قۇربانداردىڭ وتباسى مەن تۋىس - تۋعاندارىنا پارتيا ۇيىمىنىڭ قامقورلىعى مەن مەيىرىن سەزىندىردى. سىرلاسۋ، پىكىرلەسۋ ٴتۇزىمى مەن ناۋقاستانىپ شيپاحانادا ەمدەلسە، ٴسوزسىز، بارىپ جاعداي ۇعىسۋ، ماڭىزدى مەرەكە - مەيرام كۇندەرىندە، ٴسوزسىز، بارىپ جاعداي ۇعىسۋ، توي جاساعاندا، ٴولىم - جىتىمدە، قىز ۇزاتۋدا، كەلىن تۇسىرۋدە، ٴسوزسىز، بارىپ جاعداي ۇعىسۋ، ٴوندىرىس - تۇرمىس جاعىندا قيىنشىلىققا جولىقسا، ٴسوزسىز، بارىپ جاعداي ۇعىسۋ سىندى «تورتتە، ٴسوزسىز، جاعداي ۇعىسۋ» باياندى مەحانيزمىن ورناتىپ، قۇربانداردىڭ وتباسىنداعىلارعا جاقىننان جاردەم بەرىپ، ولاردىڭ ٴىس جۇزىندىك قيىنشىلىعىن شەشتى. ٴاربىر قۇرباننىڭ وتباسىنداعىلارعا 290 يۋان قالا - اۋىل تۇرعىندارىنىڭ زەينەتكەرلىك قامسىزداندىرۋ قاراجاتى مەن 120 يۋان ەمدەلۋ قامسىزداندىرۋ قاراجاتىن تولەپ، اۋىل - قىستاق ناپوسىنداعى قۇربانداردىڭ وتباسىنداعىلار مەن قالا - قالاشىقتاردا تۇراتىن قىزمەت ورنى جوق قۇربانداردىڭ وتباسىنداعىلارعا ٴبىر رەتتىك قامقورلىق قاراجاتى مەن مەرزىمدىك تۇرمىستىق كومەك قاراجاتىن تاراتىپ، ولاردى ۋايىمنان ارىلتتى. چاپچال سىبە اۆتونوميالى اۋدانى قۇربانداردىڭ ۇرپاقتارىنا قامقورلىق جاساۋ قيمىلىن بەلسەنە ورىستەتىپ، «قۇربانداردىڭ وتباسىنداعىلار ٴۇشىن ناقتى ٴىس ىستەۋ» نىسانىن اتقارىپ، رۋحاني جاقتان سۇيەمەلدەپ، شىن جۇرەكتەن قامقورلىق جاساپ، قۇربانداردىڭ ۇرپاقتارىن ٴتۇرلى قولايلى قىزمەت وتەۋمەن قامتاماسىزداندىردى.

قويۋ اۋان قالىپتاستىرىپ، قاھارماندار رۋحىنا ٴتۇرلى فورمالارمەن مۇراگەرلىك ەتتى. «قاھارمانداردىڭ ۇرپاقتارىنا قامقورلىق جاساپ، قىزىل رۋحقا مۇراگەرلىك ەتەيىك» نەگىزگى تاقىرىبىنداعى ۇگىت قيمىلىن ورىستەتۋ ارقىلى تۇتاس قوعامدا قۇربانداردىڭ وتباسىنداعىلارعا قامقورلىق جاسايتىن، قۇرمەت ەتەتىن قويۋ اۋان قالىپتاستىردى. وبلىسقا توتە قاراستى ورىندارداعى 511 ورتا، باستاۋىش مەكتەپ «توڭكەرىستىك قۇربانداردى ەسكە الىپ، قاھارماندىق رۋحتى ساۋلەلەندىرەيىك» نەگىزگى تاقىرىبىندا وداق (اترەت) كۇنى قيمىلىن ورىستەتتى. ٴار ۇلت ورتا، باستاۋىش مەكتەپ وقۋشىلارى قابىرعا گازەت شىعارۋ، ولەڭ وقۋ، قىزىل ٴان ايتۋ، توڭكەرىستىك حيكايالاردى بايانداۋ سياقتى فورمالار ارقىلى پارتياعا دەگەن سۇيىسپەنشىلىگىن، توڭكەرىستىك قاھارماندارعا دەگەن ساعىنىشىن ٴبىلدىردى. قىزىل رۋحقا مۇراگەرلىك ەتۋ باستى تاقىرىبىنداعى تاربيە قيمىلىن ورىستەتىپ، قۇربانداردىڭ وتباسىنداعىلارمەن بىرگە قىزىل ەستەمەلەردى ەسكە الىپ، پارتيالى كادرلار مەن قۇربانداردىڭ وتباسىنداعىلارىن پارتيالىلىق تاربيە بازاسى، وتانشىلدىق تاربيە بازاسى سياقتى ورىنداردى بىرگە ەكسكۋرسيالاۋعا ۇيىمداستىرىپ، پارتياعا كىرۋ سەرتىن قايتالاپ، قىزىل ٴاندى بىرلىكتە شىرقاپ، قۇربانداردىڭ پەرزەنتتەرى بايانداعان قۇرباندار حيكاياسىن تىڭداپ، توڭكەرىستىك قۇربانداردىڭ اسەرلى ىزگى ىستەرى مەن وسكەلەڭ رۋحىنان توڭكەرىستىك قۇربانداردىڭ پارتياعا، مەملەكەتكە دەگەن قويۋ سۇيىسپەنشىلىگىن سەزىندى.