− باس شۋجي شي جينپيڭنىڭ شينحاي توڭكەرىسىنىڭ 110 جىلدىعىن ەسكە ٴتۇسىرۋ جينالىسىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

«تايۋان ماسەلەسى ۇلتتىڭ دارمەنسىزدىگىنەن، بەرەكەسىزدىگىنەن تۋىلعان، ول، ٴسوز جوق، ۇلتتىڭ گۇلدەنۋىنە ىلەسە شەشىلەدى. مۇنى جۇڭحۋا ۇلتى تاريحي دامۋىنىڭ ۇلكەن اۋقىمى بەلگىلەگەن، ونان دا ماڭىزدىسى، ول بۇكىل جۇڭحۋا پەرزەنتتەرىنىڭ ورتاق ەركى»، شينحاي توڭكەرىسىنىڭ 110 جىلدىعىن ەسكە ٴتۇسىرۋ جينالىسىندا باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كەرى قايتارۋعا كەلمەيتىن تاريحي ۇلكەن اۋقىمىن تەرەڭ يگەرىپ، «ەكى جاعالاۋداعى باۋىرلاستار تاريحتىڭ دۇرىس جاعىندا تۇرىپ، وتاننىڭ بۇكىلدەي بىرلىككە كەلۋى، ۇلتتىڭ ۇلى گۇلدەنۋى سىندى داڭقتى ۇلى ٴىستى بىرگە جاراتۋ كەرەك» دەپ اتاپ كورسەتىپ، «وتاننىڭ بۇكىلدەي بىرلىككە كەلۋ تاريحي مىندەتىن، ٴسوز جوق، جۇزەگە اسىرۋ كەرەك ٴارى ول، ٴسوز جوق، جۇزەگە اسادى» دەپ باسا دارىپتەدى.

ۇلتتىڭ گۇلدەنۋى، مەملەكەتتىڭ بىرلىككە كەلۋى زامانا اۋقىمى، ادىلەت تياناعى، حالىق تىلەگىنىڭ قالاۋى. وتاننىڭ بۇكىلدەي بىرلىككە كەلۋىن جۇزەگە اسىرۋ − بارلىق جۇڭحۋا پەرزەنتتەرىنىڭ ورتاق ٴۇمىت - تىلەگى، جۇڭحۋا ۇلتىنىڭ ٴتۇبىرلى مۇددەسىنىڭ تياناعى. سۇن جۇڭشان مىرزا باستان - اياق مەملەكەتتىڭ تۇتاستىعى مەن ۇلتتار ىنتىماعىن باتىل قورعاپ، مەملەكەتتى بولشەكتەيتىن، ۇلتتى بولشەكتەيتىن ٴسوز جانە ارەكەت اتاۋلىعا تۋى ايقىن تۇردە قارسى تۇردى. سۇن جۇڭشان مىرزا: «جۇڭگو ٴبىر تۇتاس ەل، بۇل جاعى ەلىمىزدىڭ تاريحي ساناسىنا ابدەن بەرىك ورناعان، وسىنداي سانا بولعاندىقتان دا ٴبىز ٴبىر مەملەكەت رەتىندە ساقتالىپ قالدىق» دەگەن بولاتىن. ول « <بىرلىككە كەلۋ> − جۇڭگونىڭ بارشا حالقىنىڭ ٴۇمىتى. بىرلىككە كەلسەك، بۇكىل ەل حالقى باقىتقا كەنەلەدى؛ بىرلىككە كەلمەسەك، قىرسىققا جولىعادى» دەپ باسا دارىپتەگەن بولاتىن. سۇن جۇڭشان مىرزانىڭ توڭكەرىستىك ىستەرىنىڭ ەڭ تاباندى قولداۋشىلارى، ەڭ ادال سەلبەسۋشىلەرى، ەڭ اينىماس جالعاستىرۋشىلارى رەتىندە، جۇڭگو كوممۋنيستەرى ونىڭ ورىندالماعان مۇراتىنا مۇراگەرلىك ەتىپ، ونىڭ ىستەرىنە ادال بولعان بارلىق اداممەن بىرگە ۇزدىكسىز كۇرەس جۇرگىزىپ، سۇن جۇڭشان مىرزا مەن شينحاي توڭكەرىسى ارداگەرلەرىنىڭ ۇلى مۇراتىن ۇزدىكسىز جۇزەگە اسىردى جانە دامىتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋى كەرى قايتارۋعا كەلمەيتىن تاريحي ۇردىسكە قادام قويدى. وتان، ٴسوز جوق، بىرلىككە كەلۋ كەرەك ٴارى، ٴسوزسىز، بىرلىككە كەلەدى، بۇل جاڭا داۋىردەگى جۇڭحۋا ۇلتى ۇلى گۇلدەنۋىنىڭ تابيعي تالابى، بوگەۋ بەرمەس تاريح اعىنى.

باس شۋجي شي جينپيڭ بىلاي دەپ باسا دارىپتەدى: «وتان تۇتاستىعىن بەيبىت تاسىلمەن جۇزەگە اسىرۋ تايۋاندىق باۋىرلاستاردى قامتىعان جۇڭحۋا ۇلتىنىڭ تۇتاس تۇلعالىق مۇددەسىنە ەڭ ۇيلەسەدى». «بەيبىت جولمەن بىرلىككە كەلۋ، ٴبىر ەل، ەكى ٴتۇزىم» مەملەكەتتىڭ بىرلىككە كەلۋىن جۇزەگە اسىرۋدىڭ ەڭ تاماشا ٴتاسىلى. ٴبىز «بەيبىت جولمەن بىرلىككە كەلۋ، ٴبىر ەل، ەكى ٴتۇزىم» نەگىزگى باعىتىنا تاباندى بولىپ، ٴبىر جۇڭگو پرينسيبىنە جانە «92 - جىلعى ورتاق تانىمعا» تاباندى بولىپ، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتەمىز. تايۋاننىڭ كەلەشەگى − مەملەكەتتىڭ بىرلىككە كەلۋىندە، تايۋاندىق باۋىرلاستاردىڭ باقىتى − ۇلتتىڭ گۇلدەنۋىندە.

جۇڭگو ارمانى ەكى جاعالاۋداعى باۋىرلاستاردىڭ ورتاق ارمانى، ۇلت گۇلدەنسە، مەملەكەت كۇشەيىپ - كوركەيسە عانا، ەكى جاعالاۋداعى باۋىرلاستار باي، تاماشا تۇرمىسقا كەنەلە الادى. جۇڭحۋا ۇلتىنىڭ ۇلى گۇلدەنۋگە بەت العان ۇردىسىندە تايۋاندىق باۋىرلاستار، ارينە، قالىس قالمايدى. ەكى جاعالاۋداعى باۋىرلاستار قول ۇستاسىپ ٴبىر نيەت، ٴبىر تىلەكتە بولىپ، جۇڭگو ارمانىن بىرگە جۇزەگە اسىرۋى، ۇلتتى گۇلدەندىرۋ جاۋاپكەرشىلىگىن بىرگە ارقالاۋى، ۇلتتىڭ گۇلدەنۋ مەرەيىنەن بىرگە يگىلىكتەنۋى كەرەك.

بىرلىككە كەلۋ زور تاريحي اۋقىم، دۇرىس جول؛ «تايۋان دەربەستىگى» تاريحتىڭ اعىمىنا كەراعار، تۇيىق جول. باس شۋجي شي جينپيڭ بىلاي دەپ اتاپ كورسەتتى: «جۇڭحۋا ۇلتىندا بولشەكتەۋگە قارسى تۇراتىن، تۇتاستىقتى قورعايتىن داڭقتى ٴداستۇر بار. <تايۋان دەربەستىگى> بولشەكتەۋشىلىگى وتاننىڭ بىرلىككە كەلۋىنىڭ ەڭ زور كەدەرگىسى، ۇلتتىڭ گۇلدەنۋىنىڭ اۋىر كومەسكى قاتەرى». «تايۋان دەربەستىگى» مەملەكەتتىڭ يەلىك ۇقىعى مەن تەرريتوريا تۇتاستىعىنا زيان جەتكىزەدى، تايۋان بۇعازىنىڭ بەيبىتشىلىگىن، ورنىقتىلىعىن بۇلدىرەدى، ەكى جاعالاۋ باۋىرلاستارىنا تەك قانا اپات اكەلەدى. تاريح مىنانى تولىق دالەلدەدى: تەگىن ۇمىتقان، وتانىنا وپاسىزدىق جاساعان، مەملەكەتتى بولشەكتەگەن ادامدار ەجەلدەن جاقسىلىق تاپقان ەمەس، ولار، ٴسوز جوق، حالىقتىڭ نالەتىنە قالىپ، تاريحتىڭ تەرگەۋىنە تۇسەدى! ەكى جاعالاۋداعى باۋىرلاستاردى قامتىعان بارلىق جۇڭحۋا پەرزەنتتەرى ٴبىر نيەتپەن كۇش بىرىكتىرىپ، ىنتىماقتاسا العا تالپىنىپ، ٴارقانداي «تايۋان دەربەستىگى» قاسكۇنەمدىگىن باتىل تاس - تالقان ەتىپ، ۇلتتىڭ گۇلدەنۋىنىڭ تاماشا كەلەشەگىن بىرگە جاراتۋى كەرەك. تايۋان ماسەلەسى بۇكىلدەي جۇڭگونىڭ ىشكى ٴىسى، ٴارقانداي سىرتقى كيلىگۋگە جول بەرىلمەيدى. كىمدە - كىم جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ بەرىك بەكىمىن، باتىل ەرىك - جىگەرىن، قۇدىرەتتى قابىلەتىن تومەن ساناماسىن!

تاريحتى قايتا تاڭداۋعا بولمايدى، قازىرگىنى مەڭگەرۋگە، بولاشاققا جول اشۋعا بولادى! جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − بارلىق جۇڭحۋا پەرزەنتتەرىنىڭ ورتاق داڭقى ٴارى بارلىق جۇڭحۋا پەرزەنتتەرىنىڭ ورتاق بورىشى. جاڭا ساپاردا ەكى جاعالاۋداعى باۋىرلاستار، ەل ٴىشى - سىرتىنداعى بارلىق جۇڭحۋا پەرزەنتتەرى ۇلت اقيقاتىن بىرگە ارقالاپ، تاريحي ۇلكەن اۋقىمعا ۇيلەسىپ، ەكى جاعالاۋ قارىم - قاتىناسىنىڭ بەيبىت دامۋىن بىرگە ىلگەرىلەتىپ، وتاننىڭ بەيبىت بىرلىككە كەلۋ اياق الىسىن ىلگەرىلەتىپ، ٴبىر نيەت، ٴبىر تىلەكتە بولىپ، ۇلتتىڭ گۇلدەنۋى ۇلى ٴىسىن بىرگە ىسكە اسىراتىن جالىندى جاعداي قالىپتاستىرسا، ٴسوز جوق، وتاندى بىرلىككە كەلتىرۋ ۇلى ٴىسىن ورىنداي الادى، ٴسوز جوق، جۇڭحۋا ۇلتىنىڭ ۇلى گۇلدەنۋىنىڭ تاماشا كەلەشەگىن بىرگە جاراتا الادى.

شينحۋا اگەنتتىگىنىڭ 10 - ايدىڭ 11 - كۇنى بەيجيڭنەن بەرگەن حابارى