− اۆتونوميالى رايوندىق 9 - رەتكى پارتيا قۇرىلتايىنان بەرگى ەكونوميكالىق، قوعامدىق دامۋ جونىندە جالپى شولۋ (2)
شينجياڭ گازەتىنىڭ ٴتىلشىسى شى شين
5 جىل − ۋاقىت ولشەمى ٴارى دامۋدىڭ كورسەتكىشى.
«قوس 100 جىلدىق» كۇرەس نىساناسىنىڭ تاريحي توعىسۋ تۇيىنىندە تۇرىپ، اۆتونوميالى رايوندىق 9 - رەتكى پارتيا قۇرىلتايىنان بەرگى 5 جىلعا قايىرىلا قاراعاندا، شينجياڭنىڭ دامۋى ادامدى شاتتاندىرىپ، جۇرت جۇرەگىن جەلپىندىرەدى.
5 جىلدان بەرى تۇتاس رايون جوعارىدان تومەنگە دەيىن شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكالىق، قوعامدىق دامۋدا تاتىمدى جاۋاپناما تاپسىردى: ەرەكشە باسىمدىققا يە كاسىپ سالاسى دامىپ، زورايىپ، رەفورما جاساۋ، ەسىك اشۋ ۇزدىكسىز تەرەڭدەپ، دامۋدىڭ ومىرشەڭدىك قۋاتى ۇزدىكسىز كۇشەيدى، نەگىزدىك قۇرىلعى مەن قالا، اۋىل بەت - بەينەسىندە وراسان زور وزگەرىس تۋىلىپ، جاپپاي دوڭگەلەك داۋلەتتى قوعامدى ۋاعىندا ورناتتى.
جاڭا ساپاردا تاعى دا اتتانىپ، شينجياڭنىڭ دامۋ نەگىزى اناعۇرلىم بەرىك، ورتاسى اناعۇرلىم جاقسى، ارىنى اناعۇرلىم مىعىم، ساپاسى اناعۇرلىم جوعارى بولدى.
جوعارى ساپالى دامۋ ورنىقتى قاداممەن الىستى بەتكە الدى
جاڭا ۇستانىم دامۋدى جاڭا بەتالىسقا باستادى.
2016 - جىلدان بەرى اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، ەكونوميكالىق دامۋدىڭ جاڭا كۇيىنە بەلسەندى ۇيلەسىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ، ەكونوميكانىڭ جوعارى ساپالى دامۋىن ىلگەرىلەتتى.
جوسپارلاپ، ورنالاستىرىپ، شەبەر تياناقتاندىردى.
1 - كاسىپ سالاسىنىڭ دەڭگەيىن جوعارىلاتۋعا تاباندى بولىپ، استىقتى ورنىقتىرىپ، ماقتانى ساپالىلاندىرىپ، مال شارۋاشىلىعىن جەبەپ، جەمىس كاسىبىن كۇشەيتىپ، ەرەكشە كاسىپتى گۇلدەندىرىپ، وسى زامانعى اۋىل شارۋاشىلىعى كاسىپ سالاسى جۇيەسىن، ٴوندىرىس جۇيەسىن جانە تيجارات جۇيەسىن جەدەل ورناتتى.
2 - كاسىپ سالاسىندا ٴتۇيىندى يگەرۋگە تاباندى بولىپ، مۇناي، حيميا ونەركاسىبى سياقتى ٴداستۇرلى كاسىپ سالاسىن جاڭالاۋ، دارەجەسىن كوتەرۋدى جەدەل ىلگەرىلەتىپ، دامۋدىڭ جاڭا قوزعاۋشى قۋاتىن بەلسەنە جەتىلدىردى.
3 - كاسىپ سالاسىن قاۋىرت دامىتۋعا تاباندى بولىپ، قىزمەت وتەۋ كاسىبىن زورايتۋدى، ساپالىلاندىرۋدى ىلگەرىلەتىپ، قىزمەت وتەۋمەن قامتاماسىزداندىرۋدى ۇزدىكسىز كەڭەيتىپ، سۇرانىس كومەسكى كۇشىن جارىققا شىعاردى. جۋىق جىلداردان بەرى شينجياڭ ساياحات ارقىلى شينجياڭدى گۇلدەندىرۋ ستراتەگياسىن كۇش سالا ىلگەرىلەتىپ، ساياحات كاسىبىنىڭ دەڭگەيىن جوعارىلاتىپ، دارەجەسىن ٴوسىرۋدى جەدەلدەتىپ، ساياحات كاسىبى جوعارى ساپالى دامۋدىڭ كورنەكتى جارقىن تۇيىنىنە اينالدى، 2019 - جىلى ەل ٴىشى - سىرتىنان قابىلداعان ساياحاتشى 200 ميلليون ادام - رەتتەن استى.
جوعارى ساپالى دامۋ ارقىلى جالپى جاعدايدى ٴبىر تۇتاس مەڭگەرىپ، جاڭالىق اشۋدى ٴبىرىنشى قوزعاۋشى كۇش ەتۋگە تاباندى بولدى، ٴداستۇرلى كاسىپ سالاسى قايتا جاندانىپ، جاڭادان گۇلدەنگەن كاسىپ سالاسى قارىشتاپ دامىدى. شينجياڭ جوعارى ساپالى دامۋدىڭ جاڭا قوزعالتقىشىن ۇزدىكسىز ىسكە قوستى.
اۆتونوميالى رايون اشقان «13 - بەسجىلدىقتاعى» شينجياڭنىڭ ەكونوميكالىق، قوعامدىق دامۋ جانە 2021 - جىلدىڭ الدىڭعى جارتىسىنداعى «باستاما» جاعدايى جونىندەگى اقپار جاريالاۋ ماجىلىسىندە اۆتونوميالى رايوندىق حالىق ۇكىمەتى كەڭسەسىنىڭ ورىنباسار مەڭگەرۋشىسى شۇي حۇڭيۇن: « <13 - بەسجىلدىق> مەزگىلىندە شينجياڭنىڭ جوعارى ساپالى دامۋى كورنەكتى ونىمدىلىككە قول جەتكىزدى» دەدى.
5 جىلعا قايىرىلا قاراساق، دامۋدىڭ نەگىزى ٴتىپتى دە بەرىك بولدى، شينجياڭنىڭ وڭىرلىك ٴوندىرىس جالپى ٴونىم قۇنى 930 ميلليارد 688 ميلليون يۋاننان ٴبىر تريلليون 379 ميلليارد 758 ميلليون يۋانعا ارتىپ، 2010 - جىلداعىدان ٴبىر قاتتالۋ نىساناسى جۇزەگە استى.
دامۋدىڭ ساپاسى، ٴتىپتى، جاقسى بولدى، اۋىل شارۋاشىلىعىنىڭ نەگىزى ۇزدىكسىز بەرىك بولىپ، ونەركاسىپ ەكونوميكاسى مەن قىزمەت وتەۋ كاسىپ سالاسىنىڭ ارا سالماعى كورنەكتى جوعارىلادى، 2020 - جىلى 3 - كاسىپ سالاسىنىڭ ارتقان قۇنىنىڭ وڭىرلىك ٴوندىرىس جالپى ٴونىم قۇنىنداعى ارا سالماعى %51.2 كە جەتتى.
دامۋ ٴتىپتى دە ايشىقتالىپ، تۇنىق سۋ، جاسىل تاۋ − باعالى بايلىق ۇستانىمى جۇرت جۇرەگىنە اناعۇرلىم تەرەڭ ۇيالادى.
دامۋدىڭ تاتىمى ٴتىپتى دە جەتكىلىكتى بولدى، قالا، اۋىل تۇرعىندارىنىڭ جان باسىندىق قولداعى تابىسى جىلىنا ورتا ەسەپپەن %5.8، %8.3 ارتىپ، جەكە - جەكە 34 مىڭ 838 يۋانعا، 14 مىڭ 56 يۋانعا جەتتى.
دامۋ ٴتىپتى دە ايشىقتالىپ، تۇنىق سۋ، جاسىل تاۋ − باعالى بايلىق ۇستانىمى جۇرت جۇرەگىنە اناعۇرلىم تەرەڭ ۇيالادى.
دامۋدىڭ تاتىمى ٴتىپتى دە جەتكىلىكتى بولدى، قالا، اۋىل تۇرعىندارىنىڭ جان باسىندىق قولداعى تابىسى جىلىنا ورتا ەسەپپەن %5.8، %8.3 ارتىپ، جەكە - جەكە 34 مىڭ 838 يۋانعا، 14 مىڭ 56 يۋانعا جەتتى.
رەفورما جاساۋ، ەسىك اشۋ جاڭا قوزعاۋشى قۋات ۇستەدى
پاراساتتى شاعىن اۋماق ارقىلى حالىققا تيىمدىلىك جاساۋ، پاراساتتى ۇكىمەت ٴىسى ارقىلى حالىققا پايدا جەتكىزۋ، زەردەلى قىزمەت وتەۋ ارقىلى حالىققا قولايلىلىق جاساۋ... 2020 - جىلدان قازىرگە دەيىن، بۇراتالا قالاسى ينفورماتسيالاندىرۋ قۇرىلىسىنان پايدالانىپ، قوعامدى جونگە سالۋ تاسىلىندە جاڭالىق اشىپ، تىڭ تىنىس بايقاتتى.
قوعامدى جونگە سالۋ ٴتۇزىلىس رەفورماسىن قوزعالتقىش ەتۋمەن بىرگە، رەفورما، ەكونوميكالىق ٴتۇزىلىس، حالىق تۇرمىسى سالاسى، ەكولوگيالىق ورتانى قورعاۋ ٴتۇزىلىسى، ۇگىت، مادەنيەت ٴتۇزىلىسى، شينجياڭ ٴوندىرىس - قۇرىلىس بيڭتۋانى، پارتيا قۇرىلىسى سياقتى ٴتۇيىندى سالالار مەن شەشۋشى بۋىندارعا دا ۇزدىكسىز كۇش قوستى.
ٴۇرىمجى حالىقارالىق قۇرلىقتىق پورت اۋماعى جىبەك جولى ەكونوميكالىق بەلدەۋى وزەكتى رايونىنىڭ نىشاندىق ينجەنەرياسى رەتىندە، حالىقارالىق قۇرلىقتىق پورتتىڭ جۇمىس ٴتۇزىلىس مەحانيزمىن ساپالىلاندىرۋ ارقىلى شەكارا وتكەلىنەن ٴوتۋ ۋاقىتى 12 ساعاتتان 6 ساعات ىشىنە قىسقارىپ، تاسىمالدىڭ وزىندىك قۇنى %60 تومەندەدى، «شوعىرلى جيناۋ، شوعىرلى تاسىمالداۋ» ۇلگىسى جۇكسىز ٴجۇرۋ سالىستىرماسى مەن زات اينالىم وزىندىك قۇنىن ٴونىمدى تۇردە تومەندەتتى، تاجىريبەسى بۇكىل مەملەكەتتە كوشىرىپ جالپىلاستىرىلدى.
تالاي - تالاي اسقار تاۋ، اساۋ وزەندەردەن ٴوتتى، ٴالى دە ۇزدىكسىز تاۋ اسىپ، سۋ كەشۋگە تۋرا كەلەدى.
اۆتونوميالى رايون قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، رەفورمانى جاپپاي تەرەڭدەتۋدىڭ شەشۋشى رولىن شىن مانىندە ويداعىداي ساۋلەلەندىرىپ، رەفورمالاردى جاڭا دامۋ ارناسىن قالىپتاستىرۋدى ىلگەرىلەتۋگە قاراي شوعىرلاندىرىپ، كۇش سالدىرىپ، رەفورمانى تەرەڭدەتۋ ارقىلى جاڭا دامۋدىڭ ومىرشەڭدىك كۇشىن قاۋلاتتى −
وسى 5 جىلدا، باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى وتتەگى دومنا پەشىنە وت جاعىلىپ ىسكە قوسىلدى ٴارى 1 - كەزەڭدەگى ونەركاسىپ سىناعىن باستاپ، دۇنيە ٴجۇزىنىڭ بولات - تەمىر كاسىبى تەحنيكاسىنداعى قيىن ماسەلەگە رەسمي سايىس جاريالادى.
وسى 5 جىلدا، شينجياڭ جەمىس - جيدەك شارۋاشىلىعى توبى شەكتى سەرىكتەستىگى اۋىل شارۋاشىلىعى ونىمدەرىن شينجياڭ ىشىندە ساتىپ الۋ تورى مەن شينجياڭ سىرتىنا ساتۋ تورى سىندى «ەكى تور» قۇرىلىسىن كۇش سالا ويداعىداي يگەرىپ، شينجياڭنىڭ قاۋىن - قاربىز، جەمىس - جيدەگىنىڭ حوش ٴيىسى بۇكىل ەلگە تارالدى.
وسى 5 جىلدا، شينجياڭ نانى جالاڭ كاسىپ سالاسىنان توعىسپالى كاسىپ سالاسىنا قاراي بۇرىلىس جاساپ، «ونەركاسىپ + مادەنيەت + ساياحات» جاڭا ۇلگىسىن اشتى.
...
وسى زامانعى بازار جۇيەسى بىرتىندەپ اقاۋسىزدانىپ، اۋىل شارۋاشىلىعى، اۋىل - قىستاق رەفورماسى تىڭعىلىقتى ىلگەرىلەپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسى ٴتارتىپتى ىلگەرىلەپ، حالىق شارۋاشىلىعىنا قولداۋ كورسەتۋ ساياساتى اناعۇرلىم دالمە - ٴدال بولىپ، شارۋاشىلىق - ساۋدا ورتاسى ۇزدىكسىز جاقساردى... شينجياڭدا بازار تۇلعاسىنىڭ جالپى مولشەرى 2 ميلليوننان اسۋى وسىنىڭ ەڭ جاقسى دالەلى.
«شينجياڭدا ورنىقتىلىقتىڭ پايداسى، ساياساتتىڭ پايداسى، ىندەتتەن ساقتانۋ - تىزگىندەۋدىڭ پايداسى تولىق جارىققا شىعىپ، بازار تۇلعالارىنىڭ ىشكى ومىرشەڭدىك كۇشىن قاۋلاتىپ، ەكونوميكانىڭ جوعارى ساپالى دامۋىن ىلگەرىلەتۋدىڭ جاڭا قوزعاۋشى كۇشىنە ۇزدىكسىز اينالۋدا»، − دەدى اۆتونوميالى رايوندىق بازار باقىلاۋ - باسقارۋ مەكەمەسى تىزىمگە تىركەۋ باسقارماسىنىڭ باستىعى زو شينمين.
5 جىلدان بەرى، «ٴبىر بەلدەۋ، ٴبىر جولدى» بىرگە قۇرۋ ورايىن يگەرگەن شينجياڭ «ٴبىر پورت»، «ەكى رايون»، «بەس ۇلكەن ورتالىق»، «شەكارا وتكەلى ەكونوميكالىق بەلدەۋى» قىزمەت نەگىزگى جەلىسىن ارقاۋ ەتە وتىرىپ، باتىلدىقپەن ىزدەنىس جاساپ، بەلسەندى ىسكەرلىك كورسەتىپ، وزەكتى رايون قۇرىلىسىن ىلگەرىلەتۋدە ماڭىزدى ىلگەرىلەۋشىلىككە قول جەتكىزىپ، «ٴبىر بەلدەۋ، ٴبىر جولدى» بىرگە قۇرۋعا شينجياڭ امالياتىن ۇسىندى.
نەگىزدىك قۇرىلعىداعى ولقىلىقتاردى ۇزدىكسىز تولىقتادى
9 - ايدىڭ 26 - كۇنى G575 جەلىسىنىڭ باركول − قۇمىل تاس جول نىسانىنىڭ تىزگىندەۋ سيپاتتى ينجەنەرياسى − شىعىس تيانشان تۋنەلى تۇگەل تۇتاستىرىلدى.
شىعىس تيانشاندى تەسىپ ٴوتىپ، باقىت جولىن سالدى. باركول - قۇمىل تاس جولى نىسانى سالىنىپ بولعان سوڭ، G312 جەلىسىن، G30 ليانيۇنگاڭ - قورعاس جوعارى جىلدامدىقتى تاس جولىن، G7 بەيجيڭ - شينجياڭ جوعارى جىلدامدىقتى تاس جولىن جالعاستىرىپ، قۇمىل تاۋىنىڭ وڭتۇستىگىن، سولتۇستىگىن ٴوزارا ۇلاستىراتىن، تۇتاستىراتىن ەڭ قولايلى تاسىمال ارناسىن قالىپتاستىرادى.
بىرەۋى ارقىلى ٴبارىن تۇسپالدادى. 5 جىلدان بەرى، شينجياڭ ٴونىمدى قارجى قوسۋدى بەلسەندى كەڭەيتىپ، نەگىزدىك قۇرىلعى «ولقىلىقتارىن تولىقتاۋ» تەبىنىن ۇزدىكسىز ارتتىرىپ، قالا، اۋىل بەت - بەينەسىنىڭ «قاتتى بولشەك» جاعدايىن تەرەڭ وزگەرتتى.
ستەرەولدى قاتىناس جۇيەسىن قۇرۋدى جەدەلدەتتى − تەمىر جول تۇتاس شينجياڭنىڭ بارلىق ايماق، وبلىس، قالالارىنا جەتكىزىلدى، بارلىق ايماق، وبلىس، قالا جوعارى جىلدامدىقتى تاس جول داۋىرىنە قادام تاستادى، ٴۇرىمجى حالىقارالىق اۋەجايىن وزەك، تارماق جەلى اۋەجايلارىن تىرەك ەتكەن «كەڭىستىك جىبەك جولى» العاشى كولەم قالىپتاستىرىپ، «شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋدى» جۇزەگە اسىردى.
سۋ يگىلىگى نەگىزدىك قۇرىلعى قۇرىلىسىن كۇشەيتتى − اراتاش، قارابەل، جيەن، سۋباش سياقتى ٴىرى، ورتا تۇرپاتتى سۋ قويمالارىن سالدى، اسىرەسە، ياركەن وزەنى سياقتى ٴتۇيىندى وزەن اعارلارىنداعى سۋ يگىلىگى تورابى ينجەنەرياسىنىڭ سالىنۋى ياركەن وزەنىندەگى مىڭ جىلدىق سۋ اپاتى ماسەلەسىن تۇبەگەيلى شەشىپ، الاپتاعى 2 ميلليون 400 مىڭنان استام ٴار ۇلت بۇقاراسىنا ىرىس - قۇت اكەلدى.
جاڭاشا قالا - قالاشىقتاندىرۋ مەن جاڭاشا اۋىل - قىستاق قۇرىلىسىن تەز قارقىنمەن ىلگەرىلەتتى، «13 − بەسجىلدىقتا» جيىنى اۋىل - قىستاق بەيقۇت ٴۇي ينجەنەرياسى بويىنشا ٴبىر ميلليون 169 مىڭ 800 ٴۇي، قالا - قالاشىقتاعى قامتاماسىز ەتۋ سيپاتتى ۇيلەردەن ٴبىر ميلليون 293 مىڭ 600 ٴۇي سالىنىپ، قالا - قالاشىقتاعى لاشىقتى اۋماقتاردا ٴبىر ميلليون 122 مىڭ ٴۇي جاڭالانىپ، 10 ميلليونعا جۋىق بۇقارا جاڭا قونىسقا قۋانا كوشتى. تيانشان الابىنىڭ ەسكى بەينەسى شىت جاڭالانىپ، تام ۇيلەردە تۇراتىن، باتپاق جولمەن جۇرەتىن بۇرىنعى تاريح كەلمەسكە كەتتى.
ٴونىمدى قارجى قوسۋ ارتۋدى ورنىقتىرۋ، ولقىلىقتاردى تولىقتاۋ، قۇرىلىمدى رەتتەۋ جاعىنداعى شەشۋشى رولىن ساۋلەلەندىردى، ٴونىمدى قارجى قوسۋدى ۇيلەسىمدى كەڭەيتۋ ٴتۇيىندى نىسان قۇرىلىستارىن ىلگەرىلەتتى. ساندى مالىمەتتە كورسەتىلگەنىندەي، «13 - بەسجىلدىق» مەزگىلىندە شينجياڭ تۇراقتى مال - مۇلىككە جالپى 4 تريلليون 100 ميلليارد يۋان قارجى قوسقان.
4G تورى قالا - اۋىلدى قامتىدى، 5G قۇرىلىسى ورنىقتى ىلگەرىلەتىلۋدە، ەڭ قيىر شەتتەگى اۋىل - قىستاقتارداعى، ەڭ الىس مال شارۋاشىلىق فەرمالارىنداعى ەگىنشى - مالشىلاردىڭ ٴوزى بەينە بايلانىس ارقىلى توڭىرەكتىڭ ٴتورت بۇرىشىمەن حابارلاسا الادى... بۇگىنگى شينجياڭ ينفورماتسيانىڭ وقشاۋ ارالىن تالقانداپ، دامۋدىڭ ۇلكەن اعىمىنا قوسىلدى.
سونىمەن قاتار، اۆتونوميالى رايون اۋىل - قىستاقتى گۇلدەندىرۋ ستراتەگياسىن ىشكەرىلەي اتقارىپ، وزەن باستىعى ٴتۇزىمىن، كول باستىعى ٴتۇزىمىن جاپپاي تياناقتاندىردى، بيىل ورمان باستىعى ٴتۇزىمىن جاپپاي جولعا قويدى، اۋىل - قىستاق قونىستانۋ ورتاسىن رەتتەۋ، جونگە سالۋ مەن كورىكتى اۋىل - قىستاق قۇرىلىسىن تۇلعالى ىلگەرىلەتتى، اسپانى ٴتىپتى دە اشىق، تاۋى ٴتىپتى دە جاسىل، سۋى ٴتىپتى دە تۇنىق كورىكتى مەكەن جارىققا شىعۋدا.