شينحۋا اگەنتتىگىنىڭ 10 - ايدىڭ 14 - كۇنى بەيجيڭنەن بەرگەن حابارى. 10 - ايدىڭ 14 - كۇنى مەملەكەت ٴتوراعاسى شي جينپيڭ 130 - كەزەكتى جۇڭگو يمپورت - ەكسپورت تاۋارلار جارمەڭكەسىنە (گۋاڭجوۋ جارمەڭكەسى) قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: گۋاڭجوۋ جارمەڭكەسى قۇرىلعان 65 جىلدان بەرى حالىقارالىق ساۋداعا قىزمەت وتەۋگە، ٴىش پەن سىرتتى ۇلاستىرۋدى جەبەۋگە، ەكونوميكانىڭ دامۋىن ىلگەرىلەتۋگە ماڭىزدى ۇلەس قوستى. كەزەكتە دۇنيە جۇزىندە 100 جىلدىق وزگەرىس پەن عاسىرلىق ىندەت ارالاسىپ، قاباتتاسىپ، دۇنيە ٴجۇزىنىڭ ەكونوميكاسى، ساۋداسى تەرەڭ وزگەرىسكە ٴدوپ كەلۋدە. گۋاڭجوۋ جارمەڭكەسى جاڭا دامۋ ارناسىن قالىپتاستىرۋعا قىزمەت وتەپ، مەحانيزمدە جاڭالىق اشىپ، كاسىپ كۇيىن بايىتىپ، فۋنكتسيالارىن كەڭەيتىپ، جۇڭگونىڭ جان - جاقتى سىرتقا ەسىك اشاتىن، حالىقارالىق ساۋدانىڭ جوعارى ساپالى دامۋىن جەبەيتىن، ەل ٴىشى، حالىقارا سىندى قوس اينالىمدى ۇلاستىراتىن ماڭىزدى تۇعىردى قۇلشىنا تۇلعالايدى.

جۇڭگو دۇنيە جۇزىندەگى ٴارقايسى ەلمەن بىرگە قول ۇستاسا وتىرىپ، شىن مانىندەگى كوپ جاقتىلىقتان جازباي، جوعارى دەڭگەيدەگى اشىق دۇنيە ٴجۇزى ەكونوميكاسىن قۇرۋدى ىلگەرىلەتۋدى قالايدى.

130 - كەزەكتى جۇڭگو يمپورت - ەكسپورت تاۋارلار جارمەڭكەسى سول كۇنى گۋاڭدۇڭ ولكەسىنىڭ گۋاڭجوۋ قالاسىندا شىمىلدىعىن اشتى، نەگىزگى تاقىرىبى： «ەل ٴىشى، حالىقارا سىندى قوس اينالىمدى جەبەۋ»، ساۋدا ىستەرى مينيسترلىگى مەن گۋاڭدۇڭ ولكەلىك حالىق ۇكىمەتى بىرگە ۇيىمداستىرىپ وتكىزدى.