− اۆتونوميالى رايوندىق 9 - رەتكى پارتيا قۇرىلتايىنان بەرگى ەكونوميكالىق، قوعامدىق دامۋ جونىندە جالپى شولۋ (8)

شينجياڭ گازەتىنىڭ ٴتىلشىسى جاڭ يانفاڭ

شينجياڭ قىزمەتىن ويداعىداي ىستەۋدىڭ تەتىگى پارتيادا. اۆتونوميالى رايوندىق 9 - رەتكى پارتيا قۇرىلتايىندا مىنالار اتاپ كورسەتىلدى: پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىنا پارمەندى ساياسي كەپىل ازىرلەۋ كەرەك.

5 جىلدان بەرى تۇتاس رايونداعى ٴار دارەجەلى پارتيا ۇيىمدارى جاڭا داۋىردەگى پارتيا قۇرىلىسىنىڭ جالپى تالاپتارى مەن جاڭا داۋىردەگى پارتيانىڭ ۇيىمدىق لۋشيانىن جاپپاي دايەكتىلەندىرىپ، ساياسي قۇرىلىستى ٴبىر تۇتاس باسشىلىققا الىپ، پارتيانىڭ ٴتۇرلى قۇرىلىسىن كۇشەيتىپ، پارتيانى جاپپاي قاتاڭ جونگە سالۋ جاۋاپكەرشىلىگىن تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، باس نىسانانى مىقتاپ يگەرىپ، باياندى تىنىشتىق اۋقىمىن ساقتادى، باياندى جونگە سالۋعا دەم بەردى. قالىڭ پارتيالى كادرلار پارتيانىڭ اۋەلگى ماقساتىن، بورىشىن ەستە بەرىك ساقتاپ، شەكارا وڭىرگە تامىر تارتىپ، شەكارا وڭىرگە ۇلەس قوسىپ، ٴار ۇلت بۇقاراسىن باستاپ قاسقايا العا ىلگەرىلەدى. پارتيانىڭ تۋى اسقاق جەلبىرەپ، تيانشان الابى تىڭ تىنىسقا ەنىپ، پارتيانىڭ شينجياڭدا بيلىك جۇرگىزۋ نەگىزى ٴتىپتى دە بەكەمدەلە ٴتۇستى.

نازاريامەن اۋەلگى ماقساتتى نارلەندىردى

بيىل كوكتەم باسىنان قوڭىر كۇزگە دەيىن تيانشان الابىندا پارتيا تاريحىن ۇيرەنۋ، يدەيانى ٴتۇسىنۋ، ناقتى ٴىس ىستەۋ، جاڭا جاعداي اشۋ قىزۋ ورلەۋگە كوتەرىلدى −

8 - ارميانىڭ شينجياڭداعى ٴىس باسقارماسى ەسكەرتكىش سارايىندا توپ - توپ پارتيالى كادرلار توڭكەرىستىك اعا - بۋىنداردىڭ ٴىزىن باسىپ، اۋەلگى ماقساتتى، بورىشتى سەزىندى؛ ورگانداردا، كاسىپورىنداردا، الەۋمەتتىك اۋماقتاردا، ەگىنشى - مالشىلار كەشكى مەكتەپتەرىندە ۇعىنىقتى، جالىندى ۇگىت لەكسيالار باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىنىڭ ساناعا، كوكەيگە ۇيالاۋىن جەبەدى؛ جەر - جەر، تاراۋلار بۇقارانىڭ «شۇعىل، قيىن، ۋايىمداعان، ٴزارۋ» ماسەلەلەرىن ارقاۋ ەتە وتىرىپ، ٴبىر توپ ناقتى، جاقسى ىستەردى ىستەدى... قالىڭ پارتيالى كادرلار 100 جىلدىق پارتيا تاريحىنان اقىل - پاراسات جانە كۇش - قۋات الىپ، تاريحتى ۇيرەنۋ ارقىلى قاعيدانى ٴتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ٴمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى شىن مانىندە ورىندادى.

نازاريادا سەرگەك بولعاندا عانا، ساياسيدا بەرىك بولادى.

5 جىلدان بەرى رايونىمىز باستان - اياق ساياسي قۇرىلىستى ماڭداي الدى ورىنعا قويىپ، پارتيالى كادرلاردى «ٴتورت تانىمدى» ۇزدىكسىز كۇشەيتۋگە، «ٴتورت سەنىمدى» بەكەمدەۋگە، «ەكىنى قورعاۋدى» ورىنداۋعا باستاپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتادى.

وسى 5 جىلدا ٴبىز پارتيانىڭ جاسامپاز نازارياسىمەن تىلەكتەردى توعىستىرىپ، جۇرەكتەرگە ۇيالاتتىق. شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، اۆتونوميالى رايوننىڭ پارتيا مۇشەلەرىن تاربيەلەۋ − باۋلۋ قىزمەت جوباسى سياقتىلاردى جاساپ، اتقارىپ، ۇدايىلانعان ۇيرەنۋ مەحانيزمىن ورناتىپ، اقاۋسىزداندىرىپ، پارتيالى كادرلاردىڭ ۇيرەنۋدى، وي جۇگىرتۋدى، قولدانۋدى ساباقتاستىرىپ، تانىمنىڭ، سەنىمنىڭ، ارەكەتتىڭ بىرلىگىن ورىنداۋىن ىلگەرىلەتتىك.

وسى 5 جىلدا ٴبىز پارتيا ىشىندەگى توپتىق ۇيرەنۋدىڭ ارەكەتتە ايگىلەنىپ، ونىمدىلىك كورسەتۋىن ىلگەرىلەتتىك. «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسىمەن بىرلەستىرىپ «ۇيرەنۋ، بۇرىلىس جاساۋ، جەبەۋ» ارناۋلى قيمىلىن ورىستەتىپ، قالىڭ پارتيا مۇشەلەرىنىڭ پارتيانىڭ قاتاڭ ىشكى ساياسي تۇرمىسى بارىسىندا پارتيالىلىقتى شىڭداپ، تۇسىنىكتى جوعارىلاتىپ، ستيلگە بۇرىلىس جاساۋىنا وراي جاراتتىق. «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى مەن پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، ۇزاق ٴونىمدى مەحانيزمدى ورناتىپ، اقاۋسىزداندىرىپ، بۇكىل رايونداعى پارتيالى كادرلاردى سەنىم نەگىزىن بەكەمدەپ، رۋحاني كالتسيدى تولىقتاپ، يدەيانىڭ تىزگىنىن مىقتى يگەرۋگە جەتەكتەدىك.

نەگىزدى نىعايتىپ، تاعاندى بەكەمدەپ، قامال ورناتتى

قىسقا عانا بىرنەشە جىلدا ٴۇشتۇرپان اۋدانى يماملىرىم قالاشىعى تومەنگى مەكىت قىستاعى شارۋاشىلىق قۇرۋ باقشاسىن، ٴتۇرلى جەمىس باقشاسىن، اعاش ساڭىراۋقۇلاق باقشاسىن، ەكولوگيا باقشاسىن قۇرىپ، كەزىندەگى وسى كەدەي قىستاق اقسۋ ايماعىنداعى «دوڭگەلەك داۋلەتتى قىستاققا» اينالدى.

«وسى وزگەرىستەردى قىستاقتا تۇراتىن قىزمەت اترەتىنىڭ كومەگىنەن بولە قاراۋعا بولمايدى»، - دەدى تومەنگى مەكىت قىستاعىنىڭ تۇرعىنى قاھارمان راحمان اسەرلەنىپ.

نەگىزگى ساتى گۇلدەنسە، شينجياڭ گۇلدەنەدى، نەگىزگى ساتى ورنىقتى بولسا، شينجياڭ ورنىقتى بولادى. 5 جىلدان بەرى اۆتونوميالى رايون نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭدى تىنىشتاندىرۋدىڭ ۇزاق بولاشاقتىق جوسپارى جانە نەگىزدى بەكەمدەۋ شاراسى ەتۋگە تاباندى بولىپ، نەگىزگى ساتى پارتيا ۇيىمدارىن بۇقاراعا قىزمەت ەتۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ بەرىك جاۋىنگەر قامالى ەتىپ قۇرىپ شىعۋعا قۇلشىندى −

نەگىزگى ساتىنى قاۋىرت يگەرۋدىڭ ايقىن بەتالىسىن مىقتاپ ورناتىپ، پارتيا ياچەيكالارىن ولشەمدەندىرۋ، جۇيەلىلەندىرۋ قۇرىلىسىن كۇشەيتىپ، قىستاق دارەجەلى ۇيىمداردى «جۇلدىز دارەجەلى» ەتىپ قۇرۋدى ىلگەرىلەتىپ، ٴارقايسى سالاداعى نەگىزگى ساتى پارتيا ۇيىمدارىنىڭ جاپپاي ىلگەرىلەۋىن، جان - جاقتى ىسىلۋىن ىلگەرىلەتتى؛

«ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ۇزدىكسىز، كۇش جالعاپ ورىستەتىپ، كادرلار توپ - توبىمەن اۋىل - قىستاق، مال شارۋاشىلىق رايوندارىنا ىشكەرىلەي بارىپ، جاقسى ىستەردى ىستەپ، قيىن ىستەردى شەشىپ، بۇقارانى كوزقاراستى وزگەرتۋگە، جاقسى تۇرمىسقا قۇلشىنا تالپىنىس جاساۋعا باستادى؛

پارتيا قۇرىلىسن يگەرىپ، كەدەيلىكتەن ارىلتۋدان قامال الۋدى ىلگەرىلەتىپ، قامال الۋ جاۋاپكەرشىلىگىن قاتايتىپ، ناقتىلاندىرىپ، ٴبىرىنشى شەپتەگى كەدەيلەردى سۇيەمەلدەۋ كۇشى مەن ٴار ۇلت بۇقاراسى كۇش بىرىكتىرە قامال الىپ، مىڭ جىلدىق مۇلدەم كەدەيلىك ماسەلەسى تاريحي سيپاتتى شەشىم تاپتى؛

قىستاق دارەجەلى پارتيا ۇيىمى جەتەكشىلەرىن ۇزدىكتەردەن، مىقتىلاردان قويىپ، قىستاق دارەجەلى زاپاس كۇشتەردى جەتىلدىرۋدى كۇشەيتىپ، نەگىزگى ساتى ۇيىمى شەبىن ويداعىداي قۇرىپ، نەگىزگى ساتى ۇيىمىنىڭ تىرەكتى كۇشتەرىن ۇزدىكسىز زورايتتى.

نەگىزگى ساتىنى يگەرۋ، نەگىزدى بەكەمدەۋدى تاباندىلىقپەن يگەرۋ ارقىلى تۇتاس رايونداعى ٴار دارەجەلى پارتيا ۇيىمدارى قالىڭ پارتيا مۇشەلەرى مەن ٴار ۇلت بۇقاراسىن پارتيا تۋى استىنا تىعىز ىنتىماقتاستىرىپ، نەگىزگى ساتى پارتيا ۇيىمدارىنىڭ جاۋىنگەرلىك قۋاتىن، ۇيىسۋ قۋاتىن ۇزدىكسىز نىعايتتى.

شەكارا وڭىرگە تامىر تارتىپ، جاۋاپكەرشىلىكتى باتىل ارقالادى

ەل بيلەۋدە دارىندىلارعا يە بولۋ بارىنەن ماڭىزدى. 5 جىلدان بەرى اۆتونوميالى رايون جاڭا داۋىردەگى جاقسى كادر ولشەمىنە تاباندى بولىپ، «تورتتە ەرەكشە بولۋ» سىندى ۇلتتىق وڭىرلەردەگى كادرلار ولشەمىن تياناقتاندىرىپ، وتاننىڭ تۇتاستىعىن قورعايتىن، ۇلتتىق بولشەكتەۋشىلىككە قارسى تۇراتىن يدەيالىق تانىم مەن ٴىس جۇزىندىك بەينەنى ماڭداي الدى ورىنعا قويىپ، ادال، پاك، جاۋاپكەرشىلىك ارقالايتىن ٴار ۇلت كادرلار قوسىنىن كۇش سالا سومدادى.

− بىلىمدىلەردى، ىسكەرلەردى عىلمي، دالمە - ٴدال مىندەتكە قويدى. ىندەتتەن ساقتانۋ - تىزگىندەۋ، ەكونوميكالىق دامۋ، كەدەيلىكتەن ارىلتۋدان قامال الۋ سياقتى نەگىزگى ساتىنىڭ ٴبىرىنشى شەبىندە جانە جاپالى وڭىرلەردە كادرلاردى باۋلىدى، شىنىقتىردى، تاڭداپ ٴوسىردى، ىستەتتى؛ ۇزدىك جاس كادرلاردى ادەتتە بايقاۋ، يكەمدى باسقارۋ، ۇزدىكسىز باۋلۋ، ۇيلەسىمدى ۋاقىتتا ىستەتۋ قىزمەتىن ويداعىداي ىستەپ، ٴبىر توپ جاس كادرلار نەگىزگى ساتى ٴبىرىنشى شەبىندە شىنىعىپ، كوز اياسىن كەڭەيتىپ، قاجىر - قايراتىن جانىپ، دارىنىن جەتىلدىردى.

− كادرلاردى تاربيەلەۋ − باۋلۋ تەبىنىن ارتتىردى. جوعارى ساپالى دامۋعا دەم بەرۋ، اۋىل - قىستاقتى گۇلدەندىرۋ سياقتى ارناۋلى تاقىرىپتىق باۋلۋدى ورىستەتىپ، باعىتتامالى تۇردە كادرلار قوسىنىنىڭ ماماندانۋ ساپا قابىلەتىن جوعارىلاتتى.

− جاۋاپكەرشىلىك ارقالاپ، ىسكەرلىك كورسەتكەن كادرلارعا تىرەك بولىپ، دەم بەردى. «ٴۇشتى ٴبولۋ» تالابىن تياناقتاندىرىپ، قاتەلىككە كەشىرىممەن قاراۋ، قاتەلىكتى تۇزەتۋ مەحانيزمىن اقاۋسىزداندىرىپ، كادرلاردى باتىلدىقپەن ٴورىس اشۋعا، باتىلدىقپەن ىستەۋگە، باتىلدىقپەن جاڭا ٴداۋىردىڭ ارىندى ىسكەرى، ناعىز دارىندىسى بولۋعا جەتەكتەدى.

− كەدەيلىكتەن ارىلتۋدان قامال الۋ، ىندەتتەن ساقتانۋ - تىزگىندەۋ، ورنىقتىلىقتى قورعاۋ سياقتى قىزمەت ورنىندا بەينەسى كورنەكتى بولعان پارتيا مۇشەلەرى مەن پارتيا ۇيىمدارىن بار كۇشپەن ۇگىتتەپ، ماراپاتتاپ، «وزاتتاردان ۇيرەنۋ، باتىل جاۋاپكەرشىلىك ارقالاۋدىڭ» قىزۋ ورلەۋىن كوتەردى. 5 جىلدان بەرى تالاي - تالاي شارالار تياناقتانىپ، ونىمدىلىگىن كورسەتىپ، ٴبىر توپ ىستەۋگە پەيىل، شىن ىستەيتىن، ٴىس تىندىراتىن پارتيالى كادر ٴارقايسى شەپتە جارقىراپ كوزگە ٴتۇستى.

كەدەيلىكتەن ارىلتۋدان قامال الۋ شايقاس مايدانىندا ٴپايزاۋات اۋدانىنداعى اۋىلداستاردىڭ «سورتاڭ سۋ ىشۋىنە» قوش ايتىپ، «ٴشاربات سۋ» ىشۋىنە بار كۇشىن سارقا جۇمساعان «كەدەيلىكتەن ارىلتۋدان قامال الۋدىڭ مەملەكەتتىك ونەگەسى» ليۋ حۋدىڭ حيكاياسى ادامدى اسەرلەندىردى؛ مۇزداي سۋىق كولدە ٴوز ومىرىمەن ٴومىردى قۇتقارعان «ٴداۋىر ونەگەسى» لاچين بايەكەنىڭ ىزگى ىستەرى سانسىز ادامدى جىگەرلەندىردى؛ 30 جىلدى ٴبىر كۇندەي وتكىزىپ، نەگىزگى ساتىعا تامىر تارتىپ، بۇقارانى باستاپ كەدەي قىستاقتى ۇلگى كورسەتەتىن قىستاققا اينالدىرعان «1 - شىلدە وردەنىنىڭ» يەگەرى مامەتجان ٴومار جۇرتتىڭ قۇرمەتىنە بولەندى.

5 جىلدان بەرى قالىڭ پارتيالى كادرلار ۇلت رۋحى مەن ٴداۋىر رۋحىن اسقاقتاتىپ، توراڭعى رۋحىن جانە بيڭتۋان رۋحىن امالياتتا ايگىلەپ، جاڭا داۋىردە شەكارا وڭىرگە تامىر تارتىپ، شەكارا وڭىرگە ۇلەس قوسىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ تىرەكتى كۇشىنە اينالدى.

جۇلدىز جارىعى ساپارعا شىققاندارعا تەڭ تۇسەدى، ۋاقىت كۇرەسكەردىڭ ٴۇمىتىن اقتايدى. جاڭا تاريحي باستامادا، پارتيانىڭ پارمەندى باسشىلىعىندا رايونىمىزداعى قالىڭ پارتيالى كادرلار سەنىمىن بەكەمدەپ، بورىشتى اقتاپ، ٴار ۇلت بۇقاراسىن باستاپ قايراتتانا العا ىلگەرىلەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازادى!