باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ەڭ تاڭداۋلى ادەبيەت - كوركەمونەر تۋىندىلارىمەن حالىقتى القاپ، ٴداۋىردى جىرلايمىز
2021-11-26 12:29:56     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

− وبلىسىمىزدىڭ مادەنيەت سالاسىنداعىلار پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن قىزۋ تالقىلادى 


ٴتىلشىمىز حۋاڭ يان حابارلايدى. 100 جىلدىق بوران - شاشىن مەن تولقىنداردان تايسالماي ايبىندى ساپاردى باسىپ ٴوتتى، 100 جىلدىق قاجىرلى كۇرەس ارقىلى عاسىرلىق ۇلى ناتيجەنى سومدادى. جاقىنعى كۇندەردەن بەرى وبلىسىمىزدىڭ مادەنيەت سالاسىنداعى پارتيالى كادرلار پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ مازمۇنداماسىن توپتىق ارناۋلى تاقىرىپتا ۇيرەنىپ، تالقى ورىستەتۋ، اسەرلەرىن سويلەۋ، ٴىس جۇزىندىك قىزمەتپەن بىرلەستىرە وتىرىپ جاڭا شارالاردى اقىلداسۋ سياقتى جاندى دا ٴار الۋان فورمالار ارقىلى جالپى ٴماجىلىستىڭ رۋحىن مۇقيات ۇيرەنىپ، ۇعىنىپ، جالپى ٴماجىلىستىڭ رۋحىمەن قىزمەت امالياتىنا سانالىلىقپەن جەتەكشىلىك ەتتى. كوپشىلىك ٴبىر اۋىزدان بىلاي دەدى: اناعۇرلىم جوعارى ساپاداعى ادەبيەت - كوركەمونەر تۋىندىلارىن جاراتۋ ارقىلى قىزىل گەندى جالعاستىرىپ، ۇلى ٴداۋىردى ەستەلىككە الىپ، قۇدىرەتتى كۇش - قۋاتتى تاسقىنداتىپ، جاڭا ٴداۋىر جولىمەن ۇدىرە العا تارتامىز.

جالپى ماجىلىستە بىلاي دەپ باسا دارىپتەلدى: مادەنيەت قۇرىلىسى جاعىندا ەلىمىزدىڭ يدەولوگيا سالاسى جاعدايىندا جالپى جاعدايلىق، ٴتۇبىرلى بۇرىلىس جارىققا شىعىپ، بۇكىل پارتيانىڭ، بۇكىل ەلدەگى ٴار ۇلت حالقىنىڭ مادەنيەت سەنىمى كورنەكتى كۇشەيىپ، بۇكىل قوعامنىڭ ۇيىستىرۋ قۋاتى مەن باۋراۋ قۋاتى ايرىقشا جوعارىلاپ، جاڭا داۋىردە پارتيا مەن مەملەكەت ىستەرىندە جاڭا جاعداي اشۋعا پارمەندى يدەيالىق كەپىلدىك جانە قۇدىرەتتى رۋحاني كۇش ازىرلەندى.

«مادەنيەت سەنىمى − اناعۇرلىم نەگىزدىك، اناعۇرلىم كەڭ، اناعۇرلىم تەرەڭ سەنىم. ٴبىر مەملەكەتتىڭ، ٴبىر ۇلتتىڭ دامۋىنداعى ەڭ نەگىزگى، ەڭ ورنىقتى، ەڭ باياندى كۇش - قۋات. وسكەلەڭ مادەنيەت سەنىمى بولماسا، مادەنيەتتىڭ گۇلدەنىپ - كوركەيۋى بولماسا، جۇڭحۋا ۇلتىنىڭ ۇلى گۇلدەنۋى بولمايدى» دەدى وبلىستىق ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ٴتوراعاسى جىن جيڭتيڭ. ول تاعى بىلاي دەدى: «وبلىستىق ادەبيەت - كوركەمونەرشىلەر بىرلەستىگى بورىشتىلىق سەزىم مەن كوكەيتەستىلىك سەزىمدى ۇزدىكسىز ارتتىرىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ويداعىداي ۇيرەنىپ، ۇگىتتەپ، دايەكتىلەندىرىپ جانە تياناقتاندىرىپ، مادەنيەت سەنىمىن ادەبيەت - كوركەمونەر تۋىندىلارىن جاراتۋ بارىسىمەن توعىستىرادى ٴارى وندا بەينەلەيدى. تۇرمىسقا ىشكەرىلەي ارالاسۋ، حالىق اراسىنا تەرەڭ تامىر تارتۋ نەگىزگى تاقىرىبىنداعى امالياتتىق قيمىل ارقىلى ىلە ەرەكشەلىگىنە، ىلە ستيلىنە يە ادەبيەت - كوركەمونەر سارا تۋىندىلارىن جەتىلدىرىپ جانە جالپىلاستىرىپ، مادەنيەت سەنىمىن <شينجياڭدى مادەنيەتپەن نارلەندىرۋ> ينجەنەرياسىنىڭ جالپى بارىسىمەن توعىستىرامىز جانە وندا بەينەلەيمىز. حالىقتى وزەك ەتۋ يدەياسىن بەينەلەگەن ادەبيەت - كوركەمونەر تۋىندىلارىن جاراتۋ باعدارىن ورناتىپ، سوتسياليستىك وزەكتى قۇن كوزقاراسىن ساۋلەلەندىرۋدى ٴتۇرلى ادەبيەت - كوركەمونەر امالياتىمەن توعىستىرىپ، مادەنيەتپەن ادامدى وزگەرتۋ، مادەنيەتپەن ادام تاربيەلەۋ، «جۇڭحۋانىڭ كلاسسيكالىق تۋىندىلارىن وقۋ» سياقتى جەلىلەس قيمىلداردى بەلسەنە ورىستەتىپ، مادەنيەت سەنىمىن ٴداۋىر رۋحىن ساۋلەلەندىرۋدىڭ جالپى بارىسىمەن توعىستىرامىز جانە وندا بەينەلەيمىز. بارشا ادەبيەت - كوركەمونەر قىزمەتكەرلەرىن داۋىرلىك تاقىرىپتى مىقتى يگەرىپ، كوركەمونەر تۋىندىلارىن جاراتىپ، ىلەدەگى ٴار ۇلت حالقىنىڭ ىنتىماقتاسا كۇرەس جۇرگىزىپ، جاڭا جورىققا ارشىندى قادام تاستاعان باي - مازمۇندى تۇرمىسىن ەستەلىككە الىپ جانە ونى سۋرەتتەپ، نەگىزگى اۋەندى اسقاقتاتا شىرقاپ، ەڭ تاڭداۋلى ادەبيەت - كوركەمونەر تۋىندىلارىمەن حالىقتى القاپ، ٴداۋىردى جىرلاۋعا باستايمىز.

«پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحى مادەنيەت سالاسىنا ايقىن باعدار كورسەتتى». پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ مازمۇنداماسىن مۇقيات ۇيرەنگەننەن كەيىن وبلىستىق مادەنيەت سارايى كەڭسەسىنىڭ مەڭگەرۋشىسى چياۋ يۇي بىلاي دەدى: «كەلەسى قادامدا وبلىستىق مادەنيەت سارايى يدەيا مەن ارەكەتتى جالپى ٴماجىلىستىڭ رۋحىمەن شىنايى بىرلىككە كەلتىرىپ، داڭقتى ٴداستۇردى ۇزدىكسىز ساۋلەلەندىرىپ، قىزىل قان تامىردى جالعاستىرىپ، قىزمەت امالياتىمەن تىعىز ۇشتاستىرىپ، <جۇڭگو ارمانى . مادەنيەتتى بارشا وتباسىنا جەتكىزۋ> سياقتى تاقىرىپتىق قيمىلداردى ۇزدىكسىز ويداعىداي ورىستەتىپ، ٴار ۇلت بۇقاراسىنىڭ مادەنيەت قاجەتىن ٴتىپتى دە ويداعىداي قاناعاتتاندىرامىز».

«جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قارارىندا» پارتيا ورتالىق كوميتەتىنىڭ جۇڭحۋانىڭ تاڭداۋلى ٴداستۇرلى مادەنيەتى − جۇڭحۋا ۇلتىنىڭ كورنەكتى ابزالدىلىعى، ٴبىزدىڭ دۇنيە ٴجۇزى مادەنيەتى تولقىنىندا تابان تىرەپ تۇرۋىمىزدىڭ نەگىزى ەكەندىگىن، ونى، ٴسوز جوق، جاڭا ٴداۋىر شارت ـ جاعدايىمەن ۇشتاستىرىپ، ويداعىداي جالعاستىرۋىمىز جانە ساۋلەلەندىرۋىمىز كەرەكتىگىن باسا دارىپتەگەندىگى العا قويىلدى. ٴبىز جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋ، دامىتۋ ينجەنەرياسىن اتقارىپ، جۇڭحۋانىڭ تاڭداۋلى ٴداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتىپ، تۇتاس قوعامنىڭ مادەني مۇرالاردى قورعاۋ تانىمىن كۇشەيتىپ، مادەني مۇرالاردى قورعاۋ تەبىنىن ارتتىرامىز.

بۇل جونىندە وبلىستىق كىتاپحانانىڭ ورىنباسار باستىعى ما جيڭ بىلاي دەدى: «ٴبىز جالپى ٴماجىلىس رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، ۇيرەنۋ، وي جۇگىرتۋ، امالياتتا ايگىلەۋ، ۇعىنۋ، ۇيرەنگەندى كادەگە جاراتۋعا تاباندى بولىپ، جالپى ٴماجىلىس رۋحىن كىتاپحانانىڭ ٴتۇرلى قىزمەتتەرىمەن توعىستىرىپ، <وركەنيەتكە مۇراگەرلىك ەتۋ، قوعامعا قىزمەت وتەۋ> اۋەلگى ماقساتىن ويداعىداي امالياتتا ايگىلەپ، الەۋمەتتىك كىتاپحانانىڭ قوعامدىق تاربيە جاعىنداعى فۋنكتسيالىق رولىن تولىق ساۋلەلەندىرىپ، وقىرمانداردىڭ رازى بولۋىن باعدار ەتۋگە تاباندى بولىپ، بورىش پەن جاۋاپكەرشىلىكتى ونان ارى كۇشەيتىپ، حالىق تۇرمىسىنا ساپالى قىزمەت وتەۋ، جالپى حالىقتىڭ كىتاپ وقۋىن جالپىلاستىرۋ سياقتى قيمىلداردى كۇش سالا ورىستەتىپ، ىلەدە قويۋ كىتاپ وقۋ اۋانىن قالىپتاستىرىپ، ىلە كىتاپحانا ىستەرىنىڭ جوعارى ساپالى دامۋىن ىلگەرىلەتەمىز».

ٴداۋىر دامۋدا، بورىش ۇندەۋ تاستاۋدا. قۇلجا قالالىق مادەنيەت سارايى اسەمونەر، حاتكەرلىك، فوتو سۋرەت ٴبولىمىنىڭ مەڭگەرۋشىسى حان شياۋيىڭ بىلاي دەدى: «بۇدان بىلايعى قىزمەتتە جالپى ٴماجىلىس رۋحىن ىشكەرىلەي ۇيرەنىپ، ٴتۇسىنىپ، دايەكتىلەندىرىپ، تاڭداۋلى ٴداستۇرلى مادەنيەتتى ساۋلەلەندىرىپ، الەۋمەتتىك مادەنيەتكە ويداعىداي قىزمەت وتەپ، مادەنيەت بايلىعىنان ورتاق يگىلىكتەنۋدى جۇزەگە اسىرىپ، جاڭا داۋىرگە لايىق سارا تۋىندىلار جاراتىپ، ٴار ۇلت بۇقاراسىن اناعۇرلىم مول، اناعۇرلىم ٴنارلى رۋحاني ازىقپەن سۋسىنداتامىز».