− باس شۋجي شي جينپيڭنىڭ 3 - رەتكى «ٴبىر بەلدەۋ، ٴبىر جول» قۇرىلىسى اڭگىمە ماجىلىسىندەگى ماڭىزدى ٴسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

«جاڭا دامۋ ۇستانىمىن تولىق، دالمە - ٴدال، جان - جاقتى دايەكتىلەندىرىپ، جوعارى ولشەمدى، باياندى، حالىق تۇرمىسىنا ٴتيىمدى بولۋدى نىسانا ەتىپ، ۇلاستىرۋ - تۇتاستىرۋ سەلبەستىگىنىڭ نەگىزىن نىعايتىپ، حالىقارالىق سەلبەستىكتىڭ جاڭا ٴورىسىن كەڭەيتىپ، حاۋىپ - قاتەردەن ساقتانۋ جانە ونى تىزگىندەۋ تورىن بەرىك توقىپ، اناعۇرلىم جوعارى سەلبەستىك دەڭگەيىن، اناعۇرلىم جوعارى ۇسىنىلىم ونىمدىلىگىن، اناعۇرلىم جوعارى قامداۋ ساپاسىن، اناعۇرلىم جوعارى دامۋ سەرپىمدىلىگىن جۇزەگە اسىرۋعا قۇلشىنىپ، <ٴبىر بەلدەۋ، ٴبىر جولدى> بىرگە قۇرۋدىڭ جوعارى ساپالى دامۋىن ىلگەرىلەتۋدە تىڭ تابىستارعا ۇزدىكسىز قول جەتكىزۋ كەرەك»، 3 - رەتكى «ٴبىر بەلدەۋ، ٴبىر جول» قۇرىلىسى اڭگىمە ماجىلىسىندە، باس شۋجي شي جينپيڭ «ٴبىر بەلدەۋ، ٴبىر جول» ٴدوپ كەلگەن جاڭا جاعدايدى تەرەڭدەي ٴتۇسىندىرىپ، «ٴبىر بەلدەۋ، ٴبىر جولدى» بىرگە قۇرۋدىڭ جوعارى ساپالى دامۋىن ۇزدىكسىز ىلگەرىلەتۋ جونىندە كەلەلى ورنالاستىرۋ جاساپ، ايقىن تالاپ قويدى.

كەزەكتە 100 جىلدىق وزگەرىس پەن عاسىرلىق ىندەت قاباتتاسىپ، دۇنيە ٴجۇزى اۋمالى - توكپەلى وزگەرىس مەزگىلىنە ٴوتىپ، ورنىقسىزدىق، تۇراقسىزدىق كورنەكتى جوعارىلادى. سونىمەن بىرگە، دۇنيە ٴجۇزىنىڭ كوپ ۇيەكتەنۋ اۋقىمى تۇبىرىنەن وزگەرگەن جوق، ەكونوميكانىڭ جاھاندانۋى جاڭا سەرپىمدىلىك ايگىلەپ، كوپ جاقتىلىقتى قورعاۋ، تىلدەسىپ، سەلبەسۋدى كۇشەيتۋ ٴۇنى اناعۇرلىم كۇشەيە ٴتۇستى. ىندەتكە بىرگە قارسى اتتانۋدى باستان كەشىرگەن ٴار ەل حالقى ٴار ەلدىڭ تاعدىرىنىڭ تىعىز بايلانىسىپ جاتقاندىعىن، ادامزاتتىڭ بەينەت پەن زەينەتتى بىرگە وتكەرەتىن تاعدىرلاس ورتاق تۇلعا ەكەندىگىن اناعۇرلىم جەتە تانىدى. مەيلى ىندەتكە توتەپ بەرۋدە، الدە ەكونوميكانى قالپىنا كەلتىرۋدە بولسىن، تۇگەلدەي ىنتىماقتاسا سەلبەسۋ جولىمەن ٴجۇرۋ كەرەك، تۇگەلدەي كوپ جاقتىلىققا تاباندى بولۋى ٴتيىس. ۇلاستىرۋدى، تۇتاستىرۋدى جەبەۋ، اشىق، سيىسىمدى بولۋعا تاباندى بولۋ − الەمدىك داعدارىسقا توتەپ بەرۋ مەن ۇزاق بولاشاقتىق دامۋدى جۇزەگە اسىرۋدا، ٴسوزسىز، باسىپ وتەتىن جول، مۇندا «ٴبىر بەلدەۋ، ٴبىر جولدى» بىرگە قۇرۋ ماڭىزدى رول اتقارادى. ماڭىزدى وراي الدىندا، كۇن سايىن كۇردەلىلەنگەن حالىقارالىق ورتا الدىندا، قايتكەندە ورايدى يگەرىپ، سىن - سايىستارعا توتەپ بەرىپ، پايدالىسىنا ۇمتىلىپ، زالالدىسىنان ساقتانىپ، «ٴبىر بەلدەۋ، ٴبىر جولدى» بىرگە قۇرۋدىڭ جوعارى ساپالى دامۋ بەتالىسىمەن ۇزدىكسىز العا باسۋىن ىلگەرىلەتۋگە بولاتىندىعى جونىندە، باس شۋجي شي جينپيڭ «دامۋدىڭ نەگىزىن بەكەمدەۋ»، «سەلبەستىكتىڭ جاڭا سالالارىن ورنىقتى قاداممەن كەڭەيتۋ»، «جاڭا دامۋ ارناسىن قالىپتاستىرۋعا اناعۇرلىم ويداعىداي قىزمەت وتەۋ»، «حاۋىپ - قاتەردەن ساقتانۋدى جانە ونى تىزگىندەۋدى جاپپاي كۇشەيتۋ»، «ٴبىر تۇتاس جوسپارلاۋدى، سايكەستىرۋدى كۇشەيتۋ» سياقتى جاقتاردان، ٴسوز جوق، مىقتى ۇستاۋعا ٴتيىستى ٴبىر قىدىرۋ ٴتۇيىندى قىزمەتتەردى العا قويىپ، «ٴبىر بەلدەۋ، ٴبىر جولدى» بىرگە قۇرۋدىڭ جوعارى ساپالى دامۋىن ۇزدىكسىز ىلگەرىلەتۋگە ايقىن بەتالىس جانە جول كورسەتىپ، ەلىمىزدىڭ جوعارى دەڭگەيدە ەسىك اشۋدى بۇلجىماستان كەڭەيتۋدەگى، «ٴبىر بەلدەۋ، ٴبىر جولدى» بىرگە قۇرۋدىڭ جوعارى ساپالى دامۋىن بۇلجىماستان ىلگەرىلەتۋدەگى بەكىمى مەن سەنىمىن ايگىلەپ، ەلىمىزدىڭ «ٴبىر بەلدەۋ، ٴبىر جولدى» بىرگە قۇرۋ ارقىلى ىندەتتەن كەيىنگى الەمدىك ەكونوميكانىڭ قالپىنا كەلۋى مەن ادامزاتتىڭ تاعدىرلاس ورتاق تۇلعاسىن بىرگە قۇرۋدى ىلگەرىلەتۋدەگى ٴىرى ەلدىك جاۋاپكەرشىلىگىن كورسەتتى.

«ٴبىر بەلدەۋ، ٴبىر جولدى» بىرگە قۇرۋدىڭ ۇمتىلىسى − دامۋ، ۇستانعانى − بىرگە يگىلىككە كەنەلۋ، جەتكىزگەنى − ٴۇمىت. «ٴبىر بەلدەۋ، ٴبىر جولدى» جوعارى ساپادا بىرگە قۇرۋدى ىلگەرىلەتۋ اناعۇرلىم كوپ ەلدەر مەن حالىقتاردىڭ دامۋ ورايى مەن ناقتى تيىمدىلىككە قول جەتكىزۋىنە مۇمكىندىك جاساۋ بولىپ تابىلادى. دامۋدىڭ نەگىزىن بەكەمدەپ، ساياسي ٴوزارا سەنىمدىلىكتى تەرەڭدەتىپ، ساياسي ورتاق تانىمدى ناقتى ارەكەتكە اينالدىرۋدى، ۇستانىمدى شىنايى مويىنداۋدى ناقتى جەتىستىككە اينالدىرۋدى ىلگەرىلەتۋ؛ ۇلاستىرۋ - تۇتاستىرۋدى تەرەڭدەتىپ، قۇرلىق، تەڭىز، اۋە، ينتەرنەت «ٴتورت ٴبىر تۇلعالانعان» ۇلاستىرۋ - تۇتاستىرۋ ورنالاسىمىن كەمەلدەندىرىپ، الەمنىڭ ۇلاسۋىنىڭ، تۇتاسۋىنىڭ ارتقان شاماسىن جەبەۋ؛ ساۋدانى ىركىلىسسىزدەندىرۋدى تەرەڭدەتىپ، ساۋدا مەن قارجى قوسۋدىڭ ەركىن، قولايلى بولۋ دەڭگەيىن جوعارىلاتىپ، ساۋدانىڭ بىركەلكى، تەڭ يگىلىكتەنەتىن دامۋىن جەبەۋ؛ قارجىنى اينالىمعا سالۋدى تەرەڭدەتىپ، كوپ نەگىزدى قارجى قوسۋ، قارجى قۇراۋ جۇيەسىن اقاۋسىزداندىرۋ؛ گۋمانيتارلىق اۋىس - كۇيىستى تەرەڭدەتىپ، گۋمانيتارلىق اۋىس - كۇيىستىڭ كوپ نەگىزدى ىقپالداستىق ۇلكەن ارناسىن قالىپتاستىرۋ كەرەك. سەلبەستىكتىڭ جاڭا سالالارىن ورنىقتى قاداممەن كەڭەيتىپ، سالاماتتىق، جاسىل، سيفرلىق، جاڭالىق اشۋ سياقتى جاڭا سالالارداعى سەلبەستىكتەردى ورنىقتى ورىستەتىپ، ىندەتكە قارسى اتتانۋدىڭ حالىقارالىق سەلبەستىگىن كۇشەيتىپ، وركەندەپ كەلە جاتقان ەلدەردىڭ ەنەرگياداعى جاسىل، تومەن كومىر قىشقىل گازدى دامۋىن قولداپ، ەكولوگيالىق ورتا مەن كليماتتى جونگە سالۋ سەلبەستىگىن تەرەڭدەتىپ، «جىبەك جولى ەلەكتروندىق ساۋداسىن» دامىتىپ، سيفرلى سەلبەستىك ارناسىن قالىپتاستىرىپ، عىلىم - تەحنيكادا جاڭالىق اشۋ ارەكەت جوسپارىن ويداعىداي اتقارىپ، اشىق، ٴادىل، تۋراشىل، كەمسىتپەيتىن عىلىم - تەحنيكالىق دامۋ ورتاسىن قالىپتاستىرۋ كەرەك. نىشاندىق ينجەنەريالاردى ساپالى تۇلعالاۋدا حالىق تۇرمىسى ينجەنەرياسى − بىرگە قۇرۋشى مەملەكەتتەردەگى حالىق بۇقاراسىنىڭ تابىس سەزىمىن جەدەل جوعارىلاتۋدىڭ ماڭىزدى جولى، ٴبىر تۇتاس جوسپارلاۋدى كۇشەيتىپ، حالىققا جاناسىمدى، جۇرت تىلەگىن توعىستىراتىن اناعۇرلىم كوپ سەلبەستىك جەتىستىكتەرىن قالىپتاستىرۋ كەرەك. حاۋىپ - قاتەردەن ساقتانۋدى جانە ونى تىزگىندەۋدى جاپپاي كۇشەيتىپ، شەكارا سىرتىنداعى نىسانداردىڭ حاۋىپ - قاتەرىنەن بارلىق جاعدايدا الدىن الا ساقتاندىرۋ، باعالاۋ كەشەندى قىزمەت وتەۋ تۇعىرىن قۇرۋدى قاراستىرىپ، شەتەلدەگى مۇددەنى قورعاۋ، حالىقارالىق لاڭكەستىككە قارسى تۇرۋ، حاۋىپسىزدىكتى قامتاماسىز ەتۋ سياقتى مەحانيزمدەردىڭ سايكەسۋىن، سەلبەسۋىن كۇشەيتىپ، ىندەتتەن ساقتانۋ - تىزگىندەۋ مەن «ٴبىر بەلدەۋ، ٴبىر جولدى» بىرگە قۇرۋ سەلبەستىگىن ٴبىر تۇتاس جوسپارلاپ ىلگەرىلەتىپ، شەكارا سىرتىنداعى ادامدارىمىزدىڭ ٴومىرىنىڭ حاۋىپسىزدىگى مەن دەنساۋلىعىن، پسيحيكالىق اقاۋسىزدىعىن بار كۇشپەن قامتاماسىز ەتۋ كەرەك.

جاڭا دامۋ كەزەڭىنە قادام تاستاعان، جاڭا دامۋ ۇستانىمىن دايەكتىلەندىرگەن، جاڭا دامۋ ارناسىن قالىپتاستىرعان جۇڭگو «ٴبىر بەلدەۋ، ٴبىر جولدى» بىرگە قۇرۋعا اناعۇرلىم قۋاتتى قوزعاۋشى كۇش، اناعۇرلىم زور كەڭىستىك، اناعۇرلىم ساپالى جول ازىرلەيدى. جاڭا دامۋ ارناسىن قالىپتاستىرۋعا اناعۇرلىم ويداعىداي قىزمەت وتەۋ سىندى ٴتۇيىندى قىزمەتتى اناعۇرلىم ويداعىداي، اناعۇرلىم ناقتى يگەرسەك، «ٴبىر بەلدەۋ، ٴبىر جولدى» بىرگە قۇرۋدىڭ جوعارى ساپالى دامۋىن ىلگەرىلەتۋ، ٴسوز جوق، ۇزدىكسىز جاڭا جاعدايعا ۇيلەسىپ، جاڭا لەپ ايگىلەپ، اناعۇرلىم مول ناتيجەگە قول جەتكىزەدى. ٴسوز جوق، مىنانى جەتە تانۋ كەرەك: ٴبىز قالىپتاستىراتىن جاڭا دامۋ ارناسى، استە، توماعا - تۇيىق ەل ٴىشى اينالىمى ەمەس، قايتا اناعۇرلىم اشىق، ٴبىرىن - ٴبىرى جەبەيتىن ەلى ٴىشى، حالىقارا سىندى قوس اينالىم. جاڭا دامۋ ارناسىندا، جۇڭگو بازارىنىڭ كومەسكى كۇشى تولىق اشىلىپ، دۇنيە جۇزىندەگى ٴار ەلگە اناعۇرلىم زور قاجەتسىنۋ جاراتادى؛ جۇڭگونىڭ سىرتقا اشىلعان قاقپاسى ونان ارى ايقارا اشىلادى، دامۋ ورايىن دۇنيە جۇزىندەگى ٴار ەلمەن ورتاقتاسادى؛ جۇڭگونىڭ سىرتپەن سەلبەستىگى ۇزدىكسىز تەرەڭدەپ، دۇنيە جۇزىندەگى ٴار ەلمەن ٴوزارا تيىمدىلىك جەتكىزىپ، بىرگە يگىلىككە كەنەلۋدى جۇزەگە اسىرادى. جاڭا دامۋ ارناسىن قالىپتاستىرۋ مەن «ٴبىر بەلدەۋ، ٴبىر جولدى» بىرگە قۇرۋدى ٴبىر تۇتاس ويلاستىرىپ جانە جوسپارلاپ، نازاردى جاڭا كۇش سالۋ تۇيىندەرىنە شوعىرلاندىرىپ، جاڭا ۇشتاسۋ تۇيىندەرىن قالىپتاستىرۋ كەرەك. ٴارقايسىسىنىڭ وزىندىك ەرەكشەلىگى بار، ٴبىرىن - ٴبىرى تولىقتايتىن، ىركىلىسسىز، حاۋىپسىز قۇرلىق ارناسىن جەدەل كەمەلدەندىرىپ، تەڭىزدەگى ورنالاسىمدى ساپالىلاندىرىپ، ەل ٴىشى مەن حالىقارا سىندى قوس اينالىمدى ىركىلىسسىزدەندىرۋگە پارمەندى تىرەك ازىرلەۋ كەرەك. كاسىپ سالاسى تىزبەگىنىڭ، قامداۋ تىزبەگىنىڭ ىركىلىسسىز ۇشتاسۋىن كۇشەيتىپ، كەلۋ قاينارىنىڭ كوپ نەگىزدەنۋىن ىلگەرىلەتۋ كەرەك.

«ٴبىر بەلدەۋ، ٴبىر جولدى» بىرگە قۇرۋ − بۇگىنگى دۇنيە جۇزىندەگى ەرەكشە قارسى الۋعا بولەنگەن حالىقارالىق الەۋمەتتىك ٴونىم جانە حالىقارالىق سەلبەستىك تۇعىرى. جاڭا ۇلى ساپاردا ٴبىز بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن امالياتتا ايگىلەپ، اشىق بولۋ، جاسىل بولۋ، كىرشىكسىز بولۋ ۇستانىمىن اسقاقتاتىپ، وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن، ۋاقىتتى ۇتا، جەدەل قارماناتىن رۋحپەن قىزمەتكە كىرىسىپ، ٴبىر تۇتاس جوسپارلاۋدى، سايكەستىرۋدى كۇشەيتىپ، ٴتۇيىندى مىندەتتەردى ىلگەرىلەتۋدى ويداعىداي يگەرىپ، شارالاردى ناقتى، ەگجەي - تەگجەيلى تياناقتاندىرىپ، «ٴبىر بەلدەۋ، ٴبىر جولدى» بىرگە قۇرۋدىڭ جوعارى ساپالى دامۋىن بۇلجىماستان ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ٴۇشىن تىڭ دا اناعۇرلىم زور ۇلەس قوسۋىمىز كەرەك.

(شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى)