باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى مەن اۋىل - قىستاقتى گۇلدەندىرۋ جونىندەگى ماڭىزدى بايىمداۋلارىن ارناۋلى تاقىرىپتا ۇيرەندى
2021-11-27 15:23:19     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەپ، اۋىل - قىستاقتى گۇلدەندىرۋدى ىلگەرىلەتۋ كەرەك

چىن چۋانگو باسقاردى، ەركىن تۇنياز، شاۋكەت يمىن، حى جۇڭيوۋ قاتىناستى


شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي). جۋىقتا اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى توپتىق ۇيرەنۋ ٴماجىلىسىن وتكىزىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى مەن اۋىل - قىستاقتى گۇلدەندىرۋ جونىندەگى ماڭىزدى بايىمداۋلارىن ارناۋلى تاقىرىپتا ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ٴماجىلىسىن باسقاردى.

ەركىن تۇنياز، شاۋكەت يمىن، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ٴزۇمىرات وبۇل، ياڭ فاسىن، ٴيۇسۇپجان مامەت، ەلزات احمەتجان، قادەن كابەن ۇلى قاتارلىلار قاتىناستى.

ماجىلىستە چىن چۋانگو، ەركىن تۇنياز، ياڭ فاسىن، ٴيۇسۇپجان مامەت ۇيرەنۋ اسەرلەرى جونىندە پىكىر اۋىستىردى.

كوپشىلىكتىڭ ٴسوزىن مۇقيات تىڭداعاننان كەيىن چىن چۋانگو ٴسوز سويلەدى. ول بىلاي دەدى: پارتيا 18 - قۇرىلتايىنان بەرى باس شۋجي شي جينپيڭ اۋىل شارۋاشىلىعى، اۋىل - قىستاق، شارۋالار قىزمەتى مەن اۋىل - قىستاقتى گۇلدەندىرۋ جونىندە ٴبىرسىپىرا ماڭىزدى بايىمداۋلار جاساپ، ٴبىرسىپىرا جاسامپازدىق سيپاتتى جاڭا ۇستانىمداردى، جاڭا يدەيالاردى، جاڭا ستراتەگيالاردى ورتاعا قويدى. باس شۋجي شي جينپيڭنىڭ ماڭىزدى بايىمداۋلارى اۋىل شارۋاشىلىعى، اۋىل - قىستاق، شارۋالار قىزمەتىندەگى ٴبىرسىپىرا كەلەلى نازاريالىق جانە امالياتتىق ماسەلەلەرگە عىلمي جاۋاپ بەردى، بۇل جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ارەكەت تۇعىرناماسى جانە ٴتۇبىرلى بويسۇنۋ ولشەمى. باس شۋجي شي جينپيڭنىڭ ماڭىزدى بايىمداۋلارىنىڭ باي مازمۇنىن تەرەڭ ٴتۇسىنىپ، دالمە - ٴدال يگەرىپ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ماڭىزدىلىعى مەن كوكەيتەستىلىگىن جەتە تانىپ، اۋىل شارۋاشىلىعىن، اۋىل - قىستاقتى الدىمەن دامىتۋ باعىتىن تياناقتاندىرىپ، اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىن ۇزدىكسىز ىلگەرىلەتۋ كەرەك.

چىن چۋانگو بىلاي دەپ باسا دارىپتەدى: «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ اۋىل - قىستاق قىزمەتى ٴماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن دايەكتىلەندىرىپ، تياناقتاندىرىپ، يدەيا مەن ارەكەتتى باس شۋجي شي جينپيڭنىڭ ماڭىزدى بايىمداۋلارىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، رايونىمىز اۋىل شارۋاشىلىعى، اۋىل - قىستاق، شارۋالار قىزمەتىنىڭ جوعارى ساپالى دامۋىن تىڭعىلىقتى ىلگەرىلەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بار كۇشپەن بەكەمدەۋ، كەڭەيتۋ كەرەك. كومەكتەسۋ - سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاپ، «ٴتورتتى توقتاتپاۋدى» قاتاڭ تياناقتاندىرىپ، قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ٴتۇزىمىن، مەحانيزمىن اقاۋسىزداندىرىپ، كەمەلدەندىرىپ، كولەمدى تۇردە قايتالاي كەدەيلەسۋدىڭ تۋىلماۋىنىڭ تومەنگى شەگىن باتىل ساقتاپ، كەدەيلىكتەن ارىلتۋ نەگىزىن اناعۇرلىم بەكەمدەۋ، ونىمدىلىگىن اناعۇرلىم باياندى ەتۋ كەرەك. استىق حاۋىپسىزدىگىن باتىل قامتاماسىزداندىرۋ كەرەك. استىق حاۋىپسىزدىگىنىڭ ساياسي جاۋاپكەرشىلىگىن شىنايى ارقالاپ، پارتيا مەن ۇكىمەت تەڭ جاۋاپكەرشىلىك اتقارىپ، ەگىستىك جەردىڭ قىزىل سىزىعىن قاتاڭ ساقتاپ، وسى زامانعى تۇقىم شارۋاشىلىعىن بار كۇشپەن دامىتىپ، وسى زامانعى اۋىل شارۋاشىلىعى عىلىم - تەحنيكاسى مەن زاتتىق ماتەريال، جابدىق تىرەگىن كۇشەيتىپ، شارۋالاردىڭ استىق ەگىمشىلىگى كىرىسىن قامتاماسىزداندىرىپ، اس - سۋ ىسىراپشىلدىعىن باتىل تەجەپ، استىق حاۋىپسىزدىگىنە شىنايى كەپىلدىك ەتۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. جەرگىلىكتى جاعدايعا قاراي ىستەۋگە، تۇرگە ٴبولىپ جەتەكشىلىك ەتۋگە تاباندى بولىپ، اۋىل - قىستاق كاسىپ سالاسىن جەدەل دامىتىپ، زورايتىپ، شينجياڭ ەرەكشەلىگىنە يە وسى زامانعى اۋىل - قىستاق كاسىپ سالاسى جۇيەسىن جەدەل ورناتۋ؛ اۋىل - قىستاق قۇرىلىسى قيمىلىن بار كۇشپەن اتقارىپ، اۋىل - قىستاقتى دامىتۋ قۇرىلىسىنىڭ بەت - بەينەسىن شىنايى جاقسارتۋ؛ اۋىل - قىستاق رەفورماسىن تەرەڭدەتىپ، اۋىل - قىستاقتى دامىتۋدىڭ ىشكى قوزعاۋشى كۇشىن كۇشەيتۋ؛ قالا مەن اۋىلدىڭ توعىسا دامۋىن ىلگەرىلەتىپ، ونەركاسىپ پەن اۋىل شارۋاشىلىعى ٴبىرىن - ٴبىرى جەبەيتىن، قالا مەن اۋىل ٴبىرىن - ٴبىرى تولىقتايتىن، سايكەستى داميتىن، بىرگە گۇلدەنەتىن جاڭاشا ونەركاسىپ - اۋىل شارۋاشىلىعى، قالا - اۋىل قاتىناسىن جەدەل قالىپتاستىرۋ؛ اۋىل - قىستاق ەكولوگيالىق وركەنيەت قۇرىلىسىن كۇشەيتىپ، اۋىل - قىستاقتىڭ گۇلدەر جايناپ، قۇستار سايراعان كوركەم كورىنىسىن ساقتاپ قالۋ؛ سوتسياليستىك رۋحاني وركەنيەت قۇرىلىسىن كۇشەيتىپ، ىزگىلىككە تالپىناتىن، العا ۇمتىلاتىن وركەنيەتتى اۋىل سالتىن جەتىلدىرۋ؛ اۋىل - قىستاقتى جونگە سالۋدى كۇشەيتىپ جانە جاقسارتىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋدىڭ جاڭا ارناسىن قالىپتاستىرۋدى ىلگەرىلەتۋ كەرەك. قىزمەت جاۋاپكەرشىلىگىن ناقتىلاندىرۋ، قاتايتۋ كەرەك. بەس دارەجەلى شۋجي اۋىل شارۋاشىلىعى، اۋىل - قىستاق، شارۋالار قىزمەتى مەن اۋىل - قىستاقتى گۇلدەندىرۋدى يگەرۋگە تاباندى بولۋ قاجەت، ٴار دارەجەلى پارتكوم مەن ۇكىمەت باسشىلىق جاۋاپكەرشىلىگىن تياناقتاندىرىپ، پارتيا مەن ۇكىمەتتىڭ ٴبىرىنشى باسشىلارى باستى جاۋاپكەرشىلىكتى ارقالاپ، وزدەرى يگەرۋ، ارناۋلى جاۋاپتى جولداستار ارناۋلى يگەرۋ، القا مۇشەلەرى سەلبەسىپ يگەرۋ كەرەك. ٴار دارەجەلى باسشىلىق گرۋپپالارى ٴبىر تۇتاس جوسپارلاۋ جاۋاپكەرشىلىگىن تياناقتاندىرىپ، اۋداندىق، قالالىق پارتكوم مەن ۇكىمەت تۇلعالىق جاۋاپكەرشىلىكتى تياناقتاندىرىپ، اۋىل - قالاشىق جانە قىستاق ناقتى جاۋاپكەرشىلىكتى تياناقتاندىرىپ، اۋىل شارۋاشىلىعى، اۋىل - قىستاق، شارۋالار قىزمەت ورنالاستىرۋىنىڭ ىشكەرىلەي تياناقتانۋىن، ەگجەي - تەگجەيلى تياناقتانۋىن، ناقتى ونىمدىلىك كورسەتۋىن ىلگەرىلەتۋ كەرەك.