لي يفي، حى جۇڭيوۋ بىرگە كەزدەستى

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي). 11 - ايدىڭ 25 - كۇنى اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ٴتوراعاسى ەركىن تۇنياز قاتارلى اۆتونوميالى رايوننىڭ جانە بيڭتۋاننىڭ باسشىلارى ۇرىمجىدە رايونىمىزداعى 8 - كەزەكتى بۇكىل مەملەكەتتىك ٴمورال ۇلگىلەرىنىڭ جانە كورسەتىلۋ سيلىعى يەگەرلەرىنىڭ ۋاكىلدەرىمەن كەزدەستى.

اۆتونوميالى رايوننىڭ جانە بيڭتۋاننىڭ باسشىلارىنان لي يفي، حى جۇڭيوۋ، قادەن كابەن ۇلى، تيان ۋىن، سارقىت اقان ۇلى، ماڭلىك سەيىت، قادىلبەك قامزا ۇلى، ازەز مۇسا، لي شينميڭ، لي جيدۇڭ قاتارلىلار بىرگە كەزدەستى.

چىن چۋانگو اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ٴار ۇلت حالقى اتىنان رايونىمىزداعى 8 - كەزەكتى بۇكىل مەملەكەتتىك ٴمورال ۇلگىلەرىن جانە كورسەتىلۋ سيلىعى يەگەرلەرىن قىزۋ قۇتتىقتادى جانە ولارعا وسكەلەڭ قۇرمەت ٴبىلدىردى. ول بىلاي دەدى: باس شۋجي شي جينپيڭنىڭ بۇكىل مەملەكەتتىك ٴمورال ۇلگىلەرىمەن جانە كورسەتىلۋ سيلىعى يەگەرلەرىمەن ىستىق ىقىلاسپەن كەزدەسۋى پارتيا ورتالىق كوميتەتى مەن باس شۋجي شي جينپيڭنىڭ ٴمورال قۇرىلىسىنا بارىنشا ٴمان بەرگەندىگىن، ٴمورال ۇلگىلەرىنە ىقىلاستى قامقورلىق جاساعاندىعىن تولىق ايگىلەدى. كوپشىلىكتىڭ باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، پارتيانى قىزۋ ٴسۇيىپ، وتاندى قىزۋ ٴسۇيىپ، حالىقتى قىزۋ ٴسۇيىپ، سوتسياليزمدى قىزۋ ٴسۇيىپ، داڭقتى قاستەرلەپ، تاعى دا قايراتتانىپ، ۇلگىلىك، ونەگەلىك رولىن تولىق ساۋلەلەندىرىپ، باستان - اياق ٴمورالدى امالياتتا ايگىلەۋشى، رۋح جەتەكشىسى، ٴداۋىر كۇرەسكەرى بولىپ، بۇكىل رايونداعى ٴار ۇلت كادرلارىنىڭ، بۇقاراسىنىڭ يدەيا - ٴمورال قۇرىلىسىن ىلگەرىلەتۋگە تىڭ دا اناعۇرلىم زور ۇلەس قوسۋىن ٴۇمىت ەتەمىن.

چىن چۋانگو بىلاي دەپ اتاپ كورسەتتى: جەر - جەر، تاراۋلار «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن دەن قويا ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ ٴمورال قۇرىلىسىن كۇشەيتۋ جونىندەگى ماڭىزدى بايىمداۋلارىن جانە ورتالىقتىڭ ۇلت قىزمەتى ٴماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، قوعامدىق ٴمورال، كاسىپتىك ٴمورال، وتباسى تاماشا ٴمورالى، جەكە باستىق ٴمورال قۇرىلىسىن جاپپاي ىلگەرىلەتىپ، تاربيەلەۋدى، جەتەكتەۋدى ۇزدىكسىز كۇشەيتىپ، اماليات ارقىلى داعدىلانىپ، ٴتۇزىم جاعىنان قامتاماسىز ەتىپ، جاڭا داۋىردەگى ٴمورال قۇرىلىسىنىڭ قارىشتاپ ورىستەتىلۋىن، ىشكەرىلەي دامۋىن ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اناعۇرلىم ىرىقتى رۋحاني كۇش، اناعۇرلىم مىعىم ٴمورال تىرەگىن ازىرلەۋ كەرەك.

چىن چۋانگو بىلاي دەپ باسا دارىپتەدى: تاڭداۋلى مادەنيەتتىڭ ادام باۋلۋ، ادام تاربيەلەۋ رولىن ساۋلەلەندىرىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتىپ، جۇڭحۋانىڭ ٴداستۇرلى تاماشا ٴمورالىن جالعاستىرىپ، اسقاقتاتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بۇقارالىق رۋحاني وركەنيەت قۇرۋدىڭ ساپاسى مەن ونىمدىلىگىن جوعارىلاتۋ كەرەك. ٴمورال ۇلگىلەرىنەن ۇيرەنۋ، ولاردى ۇگىتتەۋ قيمىلىن كەڭىنەن ورىستەتىپ، بۇكىل رايونداعى ٴار ۇلت كادرلارىن، بۇقاراسىن ٴمورال ۇلگىلەرىنىڭ وسكەلەڭ رۋحىنان دەن قويا ۇيرەنۋگە، ونى امالياتتا ايگىلەۋگە تاربيەلەپ، جەتەكتەپ، ۇلگى كۇشىن قۋاتتى قوزعاۋشى كۇشكە جانە جاندى امالياتقا اينالدىرىپ، يدەيالىق سانانى، ٴمورال ولشەمىن، وركەنيەت دەڭگەيىن ۇزدىكسىز جوعارىلاتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ ۇلگىسى، پارتياعا ادال بولۋدىڭ ۇلگىسى، سوتسياليستىك وزەكتى قۇن كوزقاراسىن امالياتتا ايگىلەۋدىڭ ۇلگىسى، قوعام ورنىقتىلىعىن قورعاۋدىڭ ۇلگىسى، ۇلتتار ىنتىماعىن كۇشەيتۋدىڭ ۇلگىسى بولۋعا ۇمتىلىپ، ٴمورالدى قاستەرلەپ، ىزگىلىككە تالپىنۋدى، جاقسىدان ونەگە الۋدى، مورالمەن الەمدى ارلەۋدى تۇتاس قوعامدا سالتقا اينالدىرۋ كەرەك.