باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جۇڭگو مەن رەسەي ەكى ەلدىڭ مەملەكەت باسشىلارى جاڭا جىلدى قۇتتىقتاپ ٴوزارا تەلەگرامما جولدادى
2022-01-01 11:35:07     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

جۇڭگو مەن رەسەي ەكى ەل زۇڭليلەرى جاڭا جىلدى قۇتتىقتاپ ٴوزارا تەلەگرامما جولدادى 


شينحۋا اگەنتتىگىنىڭ 12 - ايدىڭ 31 - كۇنى بەيجيڭنەن بەرگەن حابارى. 2021 - جىلى 12 - ايدىڭ 31 - كۇنى مەملەكەت ٴتوراعاسى شي جينپيڭ مەن رەسەيدىڭ زۇڭتۇڭى پۋتين جاڭا جىلدى قۇتتىقتاپ ٴوزارا تەلەگرامما جولدادى.

شي جينپيڭ قۇتتىقتاۋ تەلەگرامماسىندا جۇڭگو ۇكىمەتى جانە جۇڭگو حالقى اتىنان پۋتين زۇڭتۇڭعا جانە رەسەي حالقىنا شىن ىقىلاسپەن قۇتتى بولسىن ايتتى جانە ىزگى تىلەك تىلەدى. شي جينپيڭ بىلاي دەپ اتاپ كورسەتتى: 2021 - جىلى − «جۇڭگو - رەسەي تاتۋ كورشىلىك، دوستىق سەلبەستىك شارتىنا» قول قويىلعاندىعىنىڭ 20 جىلدىعى. پۋتين زۇڭتۇڭ ەكەۋىمىز بىرگە «شارتتىڭ» ۋاقىتى ۇزارتىلعاندىعىن جاريالاپ، «زاماننان بەرگى دوستىق، سەلبەسىپ تەڭ يگىلىككە كەنەلۋ» ۇستانىمىن جاقتاپ، ەكى جاقتى قارىم - قاتىناستىڭ قارىشتاپ دامۋىن جەبەدىك. ەكى جاق «تورتتە ٴوزارا باتىل قولداۋ» ورتاق تانىمىندا تاباندى بولىپ، ساياسي جاقتاعى ٴوزارا سەنىمدىلىكتى اناعۇرلىم تەرەڭدەتتى. ەكى جاق ىندەتتىڭ ىقپالىن قۇلشىنا جەڭىپ، جان - جاقتى، شىنايى سەلبەستىكتە سۇبەلى تابىستارعا قول جەتكىزدى.  

جۇڭگو - رەسەي عىلىم - تەحنيكالىق جاڭالىق اشۋ جىلىن تابىسپەن تامامدادى، ەكى جاقتىڭ ساۋدا سوماسى تاعى دا جاڭا ورە جاراتىپ، ەنەرگيا، عارىشكەرلىك،ٴوزارا توعىستىرۋ سياقتى سالالارداعى ستراتەگيالىق ٴىرى نىساندار جەدەل ىلگەرىلەتىلدى. ەكى جاق حالىقارالىق جانە وڭىرلىك ىستەردە تىعىز سايكەسىپ، شىنايى كوپ جاقتىلىقتى امالياتتا ايگىلەپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى تۇتاس ادامزاتقا ورتاق قۇندى باتىل قورعاپ، قىم - قۋىت، كۇردەلى حالىقارالىق جاعدايعا قىمباتتى ورنىقتىلىق پەن وڭ ەنەرگيا ۇستەدى. مەن ەكى جاق قاتىناسىنىڭ تابىستارىنا توتەنشە ريزامىن.

شي جينپيڭ بىلاي دەپ باسا دارىپتەدى: 2022 - جىلى ەكى جاق جۇڭگو - رەسەي دەنەتاربيە اۋىس - كۇيىس جىلىن باستاپ، ەكى ەلدىڭ زاماننان بەرگى دوستىعىنىڭ تىڭ داستانىن جازادى. پۋتين زۇڭتۇڭ جۇڭگودا ساپاردا بولادى ٴارى بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسادى، مەن ٴتۇرلى فورمالار ارقىلى پۋتين زۇڭتۇڭمەن ٴجيى بارىس - كەلىستى ساقتاپ، جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق سەلبەستىك سەرىكتەستىك قاتىناسىنىڭ باياندى بولىپ، ەكى جاقتىڭ ٴارقايسى سالاداعى سەلبەستىگى ساپاسىنىڭ جوعارىلاپ، دەڭگەيىنىڭ كوتەرىلۋىن جەبەۋگە بىرگە جەتەكشىلىك ەتىپ، ەكى ەلدىڭ ٴوز دامۋىنا، گۇلدەنۋىنە ٴتىپتى دە ويداعىداي كۇش قوسىپ، جاڭاشا حالىقارالىق قاتىناس ورناتۋدى، ادامزاتتىڭ تاعدىرلاس ورتاق تۇلعاسىن قۇرۋدى جەبەۋ ٴۇشىن ٴتىپتى دە زور ۇلەس قوسۋدى اسىعا كۇتەمىن.

پۋتين ٴتوراعا شي جينپيڭگە شىن ىقىلاسپەن قۇتتىقتاۋ ايتىپ، دوس جۇڭگو حالقىنىڭ باقىتتى، سالاماتتى بولۋىن تىلەدى. پۋتين مىنانى ٴبىلدىردى: اتتانۋ الدىندا تۇرعان ٴبىر جىل — «جۇڭگو - رەسەي تاتۋ كورشىلىك دوستىق سەلبەستىك شارتىنا» قول قويىلعاندىعىنىڭ 20 جىلدىعى. بۇل شارت ەكى ەل قاتىناسىنىڭ دامۋىنا بەرىك نەگىز قالادى. 2021 - جىلى جۇڭگو مەن رەسەيدىڭ سەلبەستىگى اسا تابىستى بولدى، ەكى جاقتىڭ ٴارقايسى جىكتەگىلەرى ساياسي پىكىرلەسۋدى بەلسەنە ورىستەتتى، ەكى جاقتى ساۋدا سوماسى تاعى دا تىڭ ورە جاراتىپ، عىلىم - تەحنيكالىق جاڭالىق اشۋ جىلىندا مول تابىسقا قول جەتكىزدىك، ەكى جاق ماڭىزدى حالىقارالىق جانە وڭىرلىك ماسەلەلەردى شەشۋدە تىعىز، ٴونىمدى سەلبەستىكتى ساقتادى. ٴبىزدىڭ ورتاق قۇلشىنۋىمىزدا، رەسەي مەن جۇڭگونىڭ ٴار سالاداعى سەلبەستىگىندە، ٴسوزجوق، ونان ارى دامۋشىلىقتارعا قول جەتەتىنىنە سەنەمىن. مەن جۇڭگولىق دوستاردىڭ بەيجيڭ قىسقى وليمپيادا سپورت جارىسىن، ٴسوز جوق، ٴساتتى وتكىزەتىندىگىنە كامىل سەنەمىن، ٴتوراعا شي جينپيڭمەن بىرگە وسى دەنەتاربيە جينالىسىنىڭ اشىلۋ ساتىندە كەزدەسۋدى اسىعا كۇتەمىن.

سول كۇنى مەملەكەتتىك كەڭەستىڭ زۇڭليى لي كىچياڭ مەن رەسەيدىڭ زۇڭليى ميشۋستين دە جاڭا جىلدى قۇتتىقتاپ ٴوزارا تەلەگرامما جولدادى. لي كىچياڭ مىنانى ٴبىلدىردى: جۋىردا ەكى جاق ەكى ەل زۇڭليلەرىنىڭ 26 - رەتكى مەرزىمدىك ديدارلاسۋىن ٴساتتى وتكىزىپ، كوپتەگەن ماڭىزدى ورتاق تانىمعا كەلدى. مەن ميشۋستين زۇڭليمەن بىرگە تىعىز قىزمەت بايلانىسىن ساقتاپ، ەكى ەلدىڭ ناقتى سەلبەستىگىندە جاڭا جاعداي جاراتىپ، جاڭا بەينەنى ايگىلەپ، تىڭ تابىسقا قول جەتكىزۋدى قالايمىن. ميشۋستين مىنانى ٴبىلدىردى: ەكى جاق ەكى ەل زۇڭليلەرىنىڭ 26 - رەتكى مەرزىمدىك ديدارلاسۋى ارقىلى ەكى ەلدىڭ ناقتى سەلبەستىگىن ونان ارى كەڭەيتۋ جونىندە تىڭ ورنالاستىرۋ جاسادى، ەكى جاقتىڭ ورتاق كوڭىل ٴبولىپ وتىرعان ماسەلەلەر جونىندەگى سىندارلى ديدارلاسۋىن ۇزدىكسىز ساقتاۋىن قالايمىن، جۇڭگو جاقتىڭ بەيجيڭ 2022 - جىلعى قىسقى وليمپيادا سپورت جارىسى مەن مۇگەدەكتەر قىسقى وليمپيادا سپورت جارىسىن ٴساتتى وتكىزۋىن تىلەيمىن.