باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جاڭا ۇلى جورىقتا ەرلىكپەن العا ىلگەرىلەيىك
2022-01-01 11:41:31     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

جاڭا ۇلى جورىقتا ەرلىكپەن العا ىلگەرىلەيىك

− جاڭا جىلعا ارناۋ

حالىق گازەتىنىڭ باسماقالاسى


100 جىلدىق كۇرەس ۇلى تاريحي ەپوس بولىپ جازىلدى؛ ۇلى جورىق ۇدەرە العا ۇمتىلۋعا ۇندەيدى. جۇرەك تەبىرەنتەرلىك 2021 - جىلدى ۇزاتىپ، ۇمىتكە تولى 2022 - جىلدى قارسى العان جۇڭگو اتتى الىپ كەمە جەلكەنىن جايىپ، تولقىن جارا العا ىلگەرىلەدى، ميلليارد حالىق ەرەكشە اسەرگە بولەنىپ، كوكىرەكتى ماقتانىش سەزىمى كەرنەدى.

2021 - جىل − پارتيا مەن مەملەكەت تاريحىنداعى بەلەستىك مانگە يە ٴبىر جىل، ەلىمىزدىڭ وسىزامانداندىرۋ قۇرىلىسى اياق الىسىندا ەرەكشە ماڭىزدى سيپاتقا يە. 100 جىلدىق وزگەرىس پەن عاسىرلىق ىندەت قاباتتاسقان، اسا اۋىر دا ماشاقاتتى ەل ىشىندەگى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ ٴتۇرلى مىندەتتەرى الدىندا شي جينپيڭ جولداستى ۇيتقى ەتكەن پارتيا ورتالىق كوميتەتى بيىكتەن الىسقا كوز جىبەرىپ، بولىمسىز قىلاڭنان بولىمىستى تانىپ، ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، دامۋ مەن حاۋىپسىزدىكتى ٴبىر تۇتاس جوسپارلاپ، «بەستى ٴبىر تۇلعاندىرۋ» جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، «ٴتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، بۇكىل پارتياداعى، بۇكىل ەلدەگى ٴار ۇلت حالقىن تىزە قوسا، قيىنشىلىقتى جەڭە العا ىلگەرىلەۋگە، ٴورىس اشا العا ۇمتىلۋعا ىنتىماقتاستىرىپ، باستاپ، پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزىپ، «14 - بەسجىلدىقتا» تاماشا باستاما جاراتتى!

وسى ٴبىر جىلدا ٴبىز كەدەيلىكتەن ارىلتۋدان قامال الۋ شايقاسىنىڭ جەڭىسىنە  مەجەلى مەرزىمىندە قول جەتكىزىپ، جاپپاي دوڭگەلەك داۋلەتتى قوعامدى مەجەلى مەرزىمىندە قۇرىپ، ٴبىرىنشى 100 جىلدىق كۇرەس نىساناسىن جۇزەگە اسىردىق. جۇڭگو كوممۋنيستىك پارتياسى جۇڭگو حالقىن، ٴوزىن ۇزدىكسىز الۋەتتەندىرىپ، جانقيارلىقپەن كۇرەس جۇرگىزۋگە، ەڭبەكشىل قوس قولىنا سۇيەنىپ، ايانباي قۇلشىنۋعا ىنتىماقتاستىرىپ، باستاپ، جۇڭحۋا الابىندا جاپپاي دوڭگەلەك داۋلەتتى قوعام قۇرىپ، مۇلدە كەدەيلىك ماسەلەسىن تاريحي سيپاتتى شەشىپ، جۇڭحۋا ۇلتىنىڭ تالماي تالپىنعان ىزگى ارمانىن رەالدىققا اينالدىردى. بۇل − جۇڭحۋا ۇلتىنىڭ ۇلى داڭقى! بۇل − جۇڭگو حالقىنىڭ ۇلى داڭقى! بۇل − جۇڭگو كوممۋنيستىك پارتياسىنىڭ ۇلى داڭقى! جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا بەلەستىك مانگە يە.

وسى ٴبىر جىلدا ٴبىز سوتسياليستىك وسىزاماندانعان مەملەكەتتى جاپپاي قۇرىپ، ەكىنشى 100 جىلدىق كۇرەس نىساناسىنا اتتانۋدىڭ تىڭ جورىعىن ٴساتتى باستادىق. جاڭا دامۋ جاعدايىن قالىپتاستىرۋدا تىڭ قادام تاستالىپ، جوعارى ساپالى دامۋدا تىڭ ونىمدىلىككە قول جەتكىزىلىپ، مەملەكەتتىڭ ستراتەگيالىق عىلىم - تەحنيكا قۋاتى جەدەل نىعايىپ، كاسىپ تىزبەگىنىڭ دارەجەسى جوعارىلاپ، رەفورما جاساپ، ەسىك اشۋ جاپپاي تەرەڭدەپ، حالىق تۇرمىسىن قامتاماسىزداندىرۋ پارمەندى، ٴونىمدى بولىپ، استىقتان 18 جىل بويى ٴۇرتىس مول ٴونىم الىنىپ، ەكولوگيالىق وركەنيەت قۇرىلىسى ٴۇرتىس ىلگەرىلەپ، قوعامدىق جالپى جاعداي ورنىقتى بولىپ، مەملەكەت قورعانىسىن جانە ارميانى وسىزامانداندىرۋ قۇرىلىسى جەدەلدەدى، اۋىر جاراتىلىستىق اپاتتاردى جەڭىپ، اپاتتان كەيىن قالپىنا كەلتىرۋ، قايتا قۇرۋ قىزمەتى تىڭعىلىقتى، پارمەندى ورىستەتىلدى، ەلىمىزدىڭ ەكونوميكالىق دامۋى جانە ىندەتتەن ساقتانۋ - تىزگىندەۋ قىزمەتى الەمنىڭ وزىق دەڭگەيىنەن كورىنىپ، بەتاشار جىلدىڭ باستاماسىندا تىڭ بەينە ايگىلەنىپ، بولاشاقتاعى دامۋ ىرىقتىلىعىن مىقتى يگەرىپ، جوعارى ساپالى دامۋدى جۇزەگە اسىرۋىمىزعا بەرىك نەگىز قالاندى.

وسى ٴبىر جىلدا ٴبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتتى تۇردە قۇتتىقتاپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلادىق. پارتيا 19 - كەزەكتى ورتالىق كوميتەتىنىڭ التىنشى جالپى ٴماجىلىسى پارتيامىزدىڭ 3 - تاريحي قارارى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى، بۇل شۇعىلالى ماركسيزمدىك تۇعىرنامالىق قۇجات − جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى بولىپ، بۇكىل پارتياداعى، بۇكىل ەلدەگى ٴار ۇلت حالقىن كۇرەس نىساناسىنان جازباي، تاسقىنداعان رۋحپەن بولاشاققا بەت الۋعا جىگەرلەندىردى.

وسى ٴبىر جىلدا ٴبىز جۇڭگوشا ٴىرى ەل ديپلوماتياسىن جاپپاي ىلگەرىلەتىپ، شىنايى كوپ جاقتىلىقتى قورعاپ جانە ونى امالياتتا ايگىلەپ، جاڭاشا حالىقارالىق قاتىناس ورناتۋعا قۇلشىنىپ، ادامزاتتىڭ تاعدىرلاس ورتاق تۇلعاسىن قۇرۋدى جەدەلدەتتىك. الەمدىك وزگەرىستە تىڭ جاعداي جاراتىپ، الەمدىك قىم - قۋىت جاعدايدا  داعدارىستى ورايعا اينالدىرىپ، كۇرەس جانە سەلبەستىك بارىسىندا قايراتتانا العا ىلگەرىلەپ، ادامزات ٴدوپ كەلگەن سايىستار مەن الەمدىك ماسەلەلەرگە بىرگە توتەپ بەرىپ، باياندى بەيبىت، جاپپاي حاۋىپسىز، بىرگە گۇلدەنەتىن، اشىق تا سيىسىمدى، كىرشىكسىز دە كورىكتى دۇنيە ٴجۇزىن قۇرۋعا جۇڭگو پاراساتىن، جۇڭگو جوباسىن، جۇڭگو كۇشىن ارنادىق.

شالقار تەڭىز تولقىسا، مىزعىماس تىرەكتىڭ قۇدىرەتىن سەزەسىڭ؛ وركەش - وركەش تاۋلاردىڭ ەڭسەسىن شوقتىقتى شىڭنان كورەسىڭ. پارتيا 18 ـ قۇرىلتايىنان بەرگى وسىناۋ جىلدار پارتيا مەن مەملەكەت ىستەرىنىڭ دامۋ ۇردىسىندە توتەنشە وزگەشە ٴارى وتە ايرىقشا بولدى. پارتيا جاعدايدىڭ، ورتانىڭ كۇردەلىلىگى مەن قاتاڭدىعىنا، مىندەتتىڭ اۋىرلىعى مەن جاپالىلىعىنا ٴدوپ كەلدى، بۇل الەمدە، تاريحتا سيرەك كەزدەسەدى. باس شۋجي شي جينپيڭ ماركسيزمشىل ساياساتكەردىڭ، ستراتەگتىڭ باتىلدىعى ارقىلى ەل ٴىشى ـ سىرتىنىڭ جالپى جاعدايىن جوبالاپ، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ قىزمەتتەرىن ىلگەرىلەتىپ، بۇكىل پارتياعا، بۇكىل ەلدەگى ٴار ۇلت حالقىنا باسشىلىق ەتىپ، ورايدى مىقتى يگەرىپ، قيىندىقتاردان قامال الىپ، ۇزاق ۋاقىتتان بەرى شەشۋدى ويلاساق تا شەشە الماعان كوپتەگەن قيىن ماسەلەلەردى شەشىپ، بۇرىن ىستەۋدى ويلاساق تا ىستەي الماعان ٴبىرتالاي ٴىرى ىستەردى ىستەدى. پارتيا مەن مەملەكەت ىستەرىندە تاريحي سيپاتتى تابىستارعا قول جەتكىزىپ، تاريحي سيپاتتى وزگەرىستەر جارىققا شىقتى. مۇنىڭ ەڭ ٴتۇبىرلى سەبەبى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە رول ۇستاپ، جول باستاۋىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە. 

اماليات مىنانى تولىق دالەلدەدى، پارتيا شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋىن ىلگەرىلەتۋدەگى تاريحي بارىستا شەشۋشى مانگە يە. تاريح بىزگە مىنانى تەرەڭ ۇعىندىردى: پارتيا ورتالىق كوميتەتىنىڭ ۇيتقىسىن، بۇكىل پارتيانىڭ ۇيتقىسىن باتىل قورعاۋ - پارتيانىڭ كەلەلى ساتتە ورتاق تانىم ۇيىستىرىپ، باتىل تالعام جاساۋىنىڭ تەتىگى، پارتيانىڭ ىنتىماقتاسا بىرلىككە كەلىپ، جەڭىسپەن العا باسۋىنىڭ ماڭىزدى كەپىلى. 

تاريحتىڭ كارتيناسى ۇدەرە العا تارتۋ بارىسىندا سۇلبالاندى؛ ٴداۋىردىڭ شۇعىلالى داستانى ۇزدىكسىز كۇرەس جۇرگىزۋ بارىسىندا جازىلدى. 2022 ـ جىلى پارتيانىڭ 20 ـ قۇرىلتايى اشىلادى، بۇل پارتيا مەن مەملەكەتتىڭ ساياسي تۇرمىسىنداعى ٴىرى ٴىس. ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋىمىز كەرەك. باس شۋجي شي جينپيڭ: «بۇگىن ٴبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ٴارقانداي كەزدەگىدەن دە جاقىنداي تۇستىك، جۇڭحۋا ۇلتىنىڭ ۇلى گۇلدەنۋ نىساناسىن جۇزەگە اسىرۋعا سەنىمىمىز كامىل جانە قۋاتىمىز قاپتال جەتەدى، سونىمەن بىرگە، ٴسوزجوق، اناعۇرلىم جاپالى قۇلشىنىستار جاساۋعا دايىندالۋىمىز كەرەك دەپ اتاپ كورسەتكەن بولاتىن». ەمتيحان تاپسىرۋدىڭ جاڭا جولىنا قادام تاستاعانىمىزدا ٴبىز جۇڭحۋا ۇلتىنىڭ ۇلى گۇلدەنۋىنىڭ وڭاي ـ وسپاق، قۇر ايعاي ـ سۇرەنمەن عانا جۇزەگە اسپايتىندىعىن، ۇلتتىڭ گۇلدەنۋىنە جاقىنداعان سايىن ٴساتتى بولا بەرمەيتىندىگىن، حاۋىپ - قاتەر مەن سىن - سايىستارعا تولى بولاتىندىعىن، ٴتىپتى، اساۋ تولقىندار بولاتىنىن تەرەڭ سەزىندىك؛ جاپپاي دوڭگەلەك داۋلەتتى قوعام قۇرۋ ٴبىزدىڭ تەك جۇڭحۋا ۇلتىنىڭ ۇلى گۇلدەنۋىنە قادام تاستاۋىمىزداعى شەشۋشى ٴبىر قادام ەكەنىن، ۇلتتىڭ گۇلدەنۋىنىڭ نۇرلى بولاشاعىنا قۇشاق اشۋدا، اناعۇرلىم داڭقتى بورىش ٴبىزدىڭ جاۋاپكەرلىك ارقالاۋىمىزدى كۇتۋدە ەكەنىن، ٴتىپتى دە ۇلى كەرەمەتتەر ٴبىزدىڭ جاسامپازدىق جاراتۋىمىزدى كۇتىپ تۇرعانىن بىلدىك. ٴبىز  پارتيا قۇرۋ ۇلى رۋحىن ساۋلەلەندىرىپ، قاي ـ قاشان دا كىشپەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، نەعۇرلىم قيىن بولعان سايىن سولعۇرلىم العا ۇمتىلاتىن ەرلىك جىگەردى ساقتاپ، اي سايىن تولىسىپ، كۇن سايىن جاڭاراتىن اسقاق جىگەردى ساقتاپ، جاڭا ۇلى جورىقتا بوگەتتەردى بۇزىپ، ەرلىكپەن العا باسىپ، بەلگىلەنگەن نىسانانى العان بەتىنەن قايتپايتىن قايسارلىقپەن قۇلشىنا جۇزەگە اسىرىپ، 100 شاقىرىم جولدىڭ 90 شاقىرىمىن باسساڭ دا جارىم جولدا ٴجۇرمىن دەپ ٴبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن ىلگەرىلەتۋ جولىندا قاجىماي ـ تالماي كۇرەس جۇرگىزۋىمىز كەرەك.

جاڭا ۇلى جورىقتا ەرلىكپەن العا ۇمتىلۋدا، ٴسوزسىز، ستراتەگيالىق تۇراقتىلىقتى ساقتاۋ كەرەك. 100 جىلدىڭ الدىنداعى توقىراپ، تۇرالاعان جاعدايدان بۇگىنگى كوركەيىپ دامىعان تاماشا جاعدايعا دەيىن جۇڭگو حالقى مەن جۇڭحۋا ۇلتىنىڭ تاياۋ زاماننان كەيىن تاريحي تاعدىرىن وزگەرتىپ، بۇگىنگىدەي ۇلى تابىستارعا قول جەتكىزە الۋىنداعى ەڭ ٴتۇبىرلى سەبەپ - جۇڭگو كوممۋنيستىك پارتياسىنىڭ پارمەندى باسشىلىعى بولعاندىعىندا. بۇگىن جۇڭحۋا ۇلى توپىراعىندا ارشىندى قادام تاستاپ، جۇڭحۋا مادەنيەتىن جالعاستىرىپ، جۇڭگونىڭ مەملەكەت جاعدايىنا ۇيلەسەتىن جولعا تۇسكەن بىزدە شەكسىز كەڭ ساحنا، شەكسىز تەرەڭ تاريحي نەگىز، شەكسىز كۇشتى العا باسۋ تىرەگى بار. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى باعىتىن جاپپاي دايەكتىلەندىرىپ، مۇرات - سەنىمنەن اينىماۋ، العا باسۋ جولىنان تايماۋ، بەرىك سەنىممەن رەفورما جاساۋ، ەسىك اشۋدى سوڭىنا دەيىن جالعاستىرىپ، جۇڭگوشا سوتسياليزم جولىمەن ەرلىكپەن العا ىلگەرىلەسەك، جۇڭگونىڭ دامىپ، العا باسۋ تاعدىرىن، ٴسوزسىز، ٴوز قولىمىزدا مىقتى ۇستاي الامىز.

جاڭا ۇلى جورىقتا ەرلىكپەن العا ۇمتىلۋدا، ٴسوزسىز، تاريحي سەنىمدى بەكەمدەۋ كەرەك. 100 جىلدان بەرى پارتيامىز جۇڭگو حالقىنىڭ باقىتى، جۇڭحۋا ۇلتىنىڭ گۇلدەنۋى، ادامزاتتىڭ العا باسۋى، دۇنيە جۇزىنىڭ ۇلى بىرلىگى، دۇنيەنىڭ كوپكە ورتاق بولۋى ٴۇشىن قۇلشىنىپ، ادىلدىكتى، تۋراشىلدىقتى دارىپتەپ كەلدى، مىنە بۇل پارتيامىزدىڭ تاريحي سەنىمگە يە بولۋىنداعى ەڭ مىعىم نەگىزى، پارتيامىزدىڭ جۇڭگودا بيلىك جۇرگىزۋ جانە ۇزاق ۋاقىت بيلىك جۇرگىزۋ تاريحي سەنىمى، سونداي - اق  پارتيامىزدىڭ حالىقتى ۇزدىكسىز العا باسۋعا ىنتىماقتاستىرىپ باستاۋىنداعى تاريحي سەنىمى. جاڭا ەمتيحان تاپسىرۋ جولىندا ۇزدىكسىز ويداعىداي جاۋاپ قايتارا الۋ - الماۋىمىزدىڭ تەتىگى − بەرىك تاريحي سەنىمنىڭ بولۋ - بولماۋىندا. ماركسيزمدىك، كوممۋنيزمدىك نانىمدى بەكەمدەپ، جۇڭگوشا سوتسياليزم سەنىمىن كۇشەيتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سەنىمىن كۇشەيتىپ، تاريحي سەنىمدى بەكەمدەپ، تاريحتى ەستە بەرىك ساقتاپ، ٴوز ٴىسىمىزدى ويداعىداي، تىڭعىلىقتى ىستەۋدەن جازباي،  مۇرات - سەنىمدى توعىستىرىپ، كۇش - قۋاتتى ۇيىستىرساق، ٴبىز، ٴسوزسىز، ۇزدىكسىز تابىسقا جەتەمىز،ٴبىز، ٴسوزسىز، تابىسقا جەتە الامىز!

جاڭا، ۇلى جورىقتا ەرلىكپەن العا ىلگەرىلەۋدە، ٴسوزسىز، كۇرەس جىگەرىن تاسقىنداتۋ كەرەك. سوتسياليزم ەڭبەكپەن، جاڭا ٴداۋىر كۇرەسپەن قولعا كەلگەن. عاسىرلىق ىندەتتىڭ سوققىسىندا، ٴجۇز جىلدىق وزگەرىس تەز قۇبىلىپ، سىرتقى ورتا اناعۇرلىم كۇردەلى دە قاتاڭ ٴارى تۇراقسىز بولۋدا، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ٴدال شەشۋشى كەزەڭىندە تۇر. ٴبىز اۋەلگى ماقساتتى، بورىشتى ەستە بەرىك ساقتاپ، «قايدان كەلدىك، ەندى قايدا بارامىز» دەگەن وسى نەگىزگى سۇراۋعا ويداعىداي جاۋاپ قايتارىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاپ، حالىقتى وزەك ەتە دامۋ يدەياسىن امالياتتا ايگىلەپ، حالىق ٴۇشىن دامۋدى، دامۋدا حالىققا سۇيەنۋدى، دامۋ جەتىستىكتەرىنەن حالىقتى يگىلىكتەندىرۋدى باستان - اياق ورىنداپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن قوزعاپ، حالىقتىڭ تاماشا تۇرمىسقا تالپىنۋ ارمانىن ۇزدىكسىز جۇزەگە اسىرۋىمىز؛ تىڭ دامۋ ساتىسىن تياناق ەتىپ، تىڭ دامۋ تانىمىن تولىق، دالمە - ٴدال، جاپپاي دايەكتىلەندىرىپ، تىڭ دامۋ ارناسىن جەدەل قالىپتاستىرىپ، جوعارى ساپالى دامۋدى ىلگەرىلەتىپ، ٴومىر ٴسۇرۋ قۋاتىمىزدى، باسەكەلىك قۋاتىمىزدى، دامۋ قۋاتىمىزدى، باياندى جالعاستىرۋ قۋاتىمىزدى كۇشەيتىپ، باستان - اياق جالىندى جىگەرمەن تىرشىلىك ەتۋىمىز جانە دامي ٴتۇسۋىمىز؛ تاريحتىڭ دۇرىس جاعىندا، ادامزاتتىڭ العاباسۋى جاعىندا تۇرىپ،  ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بەيبىت، دامىعان، تەڭدىك، ادىلدىك، دەموكراتيا، ەركىندىك سىندى بۇكىل ادامزاتقا ورتاق قۇندى اسقاقتاتىپ، باستان - اياق دۇنيە بەيبىتشىلىگىن قۇرۋشى، تۇتاس جەرشارىن دامىتۋعا ۇلەس قوسۋشى، حالىقارالىق ٴتارتىپتى قورعاۋشى بولىپ، ادامزات وركەنيەتىنىڭ العا باسۋىنا جانە دۇنيەنىڭ بەيبىتشىلىگى مەن دامۋىنا  تىڭ دا اناعۇرلىم زور ۇلەس قوسۋىمىز كەرەك. ەڭ تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، كۇرەسكەرلىك رۋحتى ساۋلەلەندىرىپ، كۇرەس تاكتيكاسىن يگەرىپ، كۇرەس قابىلەتىن شىڭداپ، قيىندىقتاردان قامال الىپ، ٴورىس اشا العا ىلگەرىلەپ، قيىندىقتان تايسالماي، قىسىمنان يمەنبەسەك، ٴسوزجوق، ٴتۇرلى قيىنشىلىقتار  مەن حاۋىپ - قاتەرلەردى جەڭىپ، جاڭا ٴداۋىر شۇعىلاسىندا تىڭ تاريحي ۇلى تابىس جاراتا الامىز. 

ايدىن شالقار تەڭىزدە، جەلكەن جايدىق. وسى زامانعى جۇڭگونىڭ جەر - سۋى كوركەم، حالقى ارىندى، بولاشاعى نۇرلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتيانىڭ، حالىقتىڭ، ٴداۋىردىڭ ٴۇمىتىن اقتايتىن تىڭ ناتيجەلەر جاراتۋعا قۇلشىنىپ، پارتيا 20 - قۇرىلتايىنىڭ تابىسپەن اشىلۋىن قارسى الىپ، جاڭا ٴداۋىردىڭ تىڭ جورىعىندا اناعۇرلىم ۇلى جەڭىستەر مەن داڭقتارعا قول جەتكىزەيىك!