سىمايىل تىلەۋالدى شاي ماجىلىسىنە قاتىناستى، ما شيڭرۇي ٴسوز سويلەدى، ەركىن تۇنياز، شاۋكەت يمىن، لي يفەي، شوكىرات زاكىر، نايىم ياسىن

ماجىلىسكە قاتىناستى، نۇرلان ٴابىلماجىن ۇلى شاي ٴماجىلىسىن باسقاردى  

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي) 2021 ـ جىلى 12 ـ ايدىڭ 31 ـ كۇنى تۇستەن كەيىن اۆتونوميالى رايوندىق ساياسي كەڭەس شينجياڭ يىڭبين قوناق سارايىنىڭ ٴماجىلىس ورتالىعىندا جاڭا جىل شاي ٴماجىلىسىن وتكىزدى، بۇكىل رايونىمىزداعى ٴار ۇلت، ٴار سالا قايراتكەرلەرىنىڭ ۋاكىلدەرى ٴبىر ارادا باس قوسىپ، باس شۋجي شي جينپيڭنىڭ 2022 ـ جىلعى جاڭا جىلدى قۇتتىقتاۋ ٴسوزىن تىڭدادى، كوردى. 

سىمايىل تىلەۋالدى، ما شيڭرۇي، ەركىن تۇنياز، شاۋكەت يمىن، لي يفەي، شوكىرات زاكىر، نايىم ياسىن، جاڭ چۇنلين، حى جۇڭيوۋ، ليۋ لين، ياڭ چىڭ، جاڭ جۋ، چىن ۋيجۇن، ۋاڭ ميڭشان، ٴزۇمرات وبۇل، ياڭ فاسىن، ٴيۇسۇپجان مامەت، ەلزات احىمەتجان، قادەن كابەن ۇلى ٴارقايسى دەموكراتيالىق پارتيا - توپتاردىڭ شينجياڭ رايوندىق كوميتەتتەرىندەگى، اۆتونوميالى رايوندىق ساۋدا ـ ونەركاسىپشىلەر بىرلەستىگىندەگى جاۋاپتىلارمەن جانە پارتيادا، توپتا جوق قايراتكەرلەردىڭ ۋاكىلدەرىمەن، اۆتونوميالى رايوننىڭ قاتىستى جاقتارىنداعى جاۋاپتى جولداستارمەن، سونداي ـ اق ٴار ۇلت، ٴار سالا قايراتكەرلەرىنىڭ ۋاكىلدەرىمەن ٴبىر ارادا قۋانىشپەن باس قوسىپ، جاڭا جىلدى بىرگە قارسى الدى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ۇلى شاي ٴماجىلىسىن باسقاردى.

دۋ قول شاپالاق ٴۇنى ىشىندە اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم مەن ۇكىمەت اتىنان ٴارقايسى  دەموكراتيالىق پارتيا ـ توپتارعا، ساۋدا ـ ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، ٴارقايسى حالىقتىق ۇيىمدارعا، بۇكىل رايونداعى جۇمىسشىلارعا، شارۋالارعا، زيالىلارعا، كادرلارعا جانە ٴار سالاداعى قايراتكەرلەرگە، حالىق ازاتتىق ارمياسىنىڭ شينجياڭدا تۇراتىن كوماندير ـ جاۋىنگەرلەرىنە، قارۋلى ساقشى كوماندير ـ جاۋىنگەرلەرىنە، قوعام حاۋىپسىزدىگى كادر ـ ساقشىلارىنا، ٴورت ٴوشىرۋ، ورتتەن ساقتانۋ، قۇتقارۋ قىزمەتكەرلەرىنە، شينجياڭ ٴوندىرىس - قۇرىلىس بيڭتۋانىنداعى جۇمىسشى - قىزمەتكەرلەرگە، ورتالىقتىڭ شينجياڭدا تۇراتىن ورىندارىنداعى جولداستارعا، شينجياڭنىڭ ٴتۇرلى ىستەرىنىڭ دامۋىنا كوڭىل بولگەن، قولداۋ كورسەتكەن بارشا دوستارعا شىنايى سالەم جولدادى جانە جاڭا جىل بايلانىسىمەن ىزگى تىلەك ٴبىلدىردى! 

ما شيڭرۇي بىلاي دەدى: باس شۋجي شي جينپيڭ 2022 ـ جىلعى جاڭا جىلدى قۇتتىقتاۋ سوزىندە ٴبىر جىلدان بەرى پارتيا مەن مەملەكەت ىستەرىندە قول جەتكەن شۇعىلالى تابىستاردى تەرەڭ سۇيىسپەنشىلىكپەن ەسكە الىپ، بۇكىل پارتياعا، بۇكىل ەلدەگى ٴار ۇلت حالقىنا جاڭا جىلدىق ىزگى تىلەگىن جەتكىزىپ، العا باسۋ بەتالىسىن كورسەتتى، ٴبىز بۇدان ەرەكشە شابىت الدىق، ايرىقشا جەلپىندىك، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جاڭا داۋىردەگى شينجياڭ قىزمەتىن ويداعىداي ىستەۋ سەنىمىمىز بەن بەكىمىمىز اناعۇرلىم بەكەمدەلدى. 

ما شيڭرۇي بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ٴمان بەرەدى. باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە  ٴجۇز جىلدان بەرى بولماعان زور وزگەرىسكە نازار اۋدارىپ، شينجياڭ قىزمەتىنە ستراتەگيالىق تۇرعىدان كوز جىبەرىپ جانە جوسپار جاساپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ايقىن العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەپ، شينجياڭ قىزمەتىندە كەلەلى ونىمدىلىككە قول جەتكىزۋگە جەتەكشىلىك ەتتى. قول جەتكەن ەلەۋلى ناتيجەلەر ـــ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، باس شۋجي شي جينپيڭنىڭ رول ۇستاپ، جەتەكشىلىك ەتۋىنىڭ؛ جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ دايەكتىلەندىرىلۋىنىڭ، تياناقتاندىرىلۋىنىڭ؛ اۆتونوميالى رايوننىڭ ٴار كەزەكتى باسشىلىق القالارىنىڭ ۇزدىكسىز كۇرەس جۇرگىزۋىنىڭ؛ بۇكىل رايونىمىزداعى ٴار ۇلت كادرلارى مەن بۇقاراسىنىڭ ىنتىماقتاسا العا باسۋىنىڭ ناتيجەسى، وعان ٴار دارەجەلى پارتيا ۇيىمدارى مەن  ٴارقايسى دەموكراتيالىق پارتيا ـ توپتاردىڭ، پارتيادا، توپتا جوق قايراتكەرلەردىڭ، حالىقتىق ۇيىمداردىڭ، سونداي ـ اق بارشا حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ جۇرەك قانى، اقىل ـ پاراساتى جانە ماڭداي تەرى سىڭگەن. كەزەكتە شينجياڭنىڭ قوعامدىق جالپى جاعدايى ورنىقتى، حالقى تىنىش ٴومىر، شات - شادىمان تىرشىلىك كەشىرۋدە،ٴار ۇلت كادرلارى مەن بۇقاراسى جاڭا تاريحي باستامادا شينجياڭ قىزمەتىن ويداعىداي ىستەۋگە زور ٴۇمىت ارتۋدا. ٴبىز شينجياڭنىڭ ىستەرىن بار كۇشىمىزدى سارقا جۇمساپ ويداعىداي ىستەپ، شينجياڭنىڭ ورنىقتىلىق جانە دامۋ قىزمەتتەرىندە تىڭ تابىستارعا قول جەتكىزۋىن تىڭعىلىقتى ىلگەرىلەتۋىمىز كەرەك.

ما شيڭرۇي بىلاي دەدى: 2022 − جىل - پارتيا 20 ـ قۇرىلتايى اشىلاتىن جىل. جاڭا جىلدا، ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ، ورتالىقتىڭ ەكونوميكالىق قىزمەت ٴماجىلىسىنىڭ جانە 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال، جان ـ جاقتى دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى اۋقاتتاندىرىپ، شينجياڭدى گۇلدەندىرىپ، شينجياڭدى باياندى كوركەيتىپ، شينجياڭ قىزمەتىنە ستراتەگيالىق تۇرعىدان كوز جىبەرۋگە جانە ونى جوسپارلاۋعا تاباندى بولىپ، جۇرت تىلەگىن ۇيىستىرۋدى نەگىز ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولىپ، ەلىمىزدە ٴدىندى جۇڭگوشالاندىرۋ باعىتىنا تاباندى بولىپ، سوتسياليستىك وزەكتى قۇن كوزقاراسىن ساۋلەلەندىرۋگە جانە جەتىلدىرۋگە تاباندى بولىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولىپ، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى، دامۋ مەن حاۋىپسىزدىكتى ٴبىرتۇتاس جوسپارلاپ، وزىنە - ٴوزى توڭكەرىس جاساۋ باتىلدىعى مەن كەڭ پەيىلىن ساقتاپ، ٴىس تىندىرۋ، كاسىپ اشۋ سەنىمى مەن بەكىمىن كۇشەيتىپ، جاسامپازدىق سيپاتقا يە رەفورما شارالارىن ورتاعا قويىپ، قىزمەتتەگى قيىنشىلىقتار مەن ماسەلەلەردى شەشىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرەتىن ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزىپ، پارتيا 20 ـ قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋىمىز كەرەك.

اۆتونوميالى رايوندىق ساياسي كەڭەستىڭ مۇشەسى، شينجياڭ داشۋەسى ماتەماتيكا جانە جۇيە عىلىمى شۋەيۋاننىڭ پروفەسسورى نۇرمامەت حالەل، اۆتونوميالى رايوندىق ساياسي كەڭەستىڭ مۇشەسى، شينجياڭ مەديتسينا داشۋەسىنە قاراستى 1 - شيپاحانانىڭ ورىنباسار باستعى مۇقيات ورازقان ۇلى شاي ماجىلىسىندە لەبىز ٴبىلدىردى.

اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ٴوندىرىس - قۇرىلىس بيڭتۋانىنىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى، اۋە ارمياسىنىڭ ٴۇرىمجى بازاسىنداعى جاۋاپتى جولداستار، اۆتونوميالى رايوننان دەمالىسقا، زەينەتكە شىققان ورىنباسار ولكە دارەجەلىدەن جوعارى ۇرىمجىدە تۇراتىن ساقا جولداستار شاي ماجىلىسىنە قاتىناستى.