ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ماجىلىسىندە بىلاي دەپ باسا دارىپتەدى

ساقتانۋ - تىزگىندەۋ شاراسىن زاڭ بويىنشا دالمە - ٴدال، عىلمي تياناقتاندىرىپ، ادام، زات اينالىمىنىڭ حاۋىپسىز، ٴتارتىپتى، ىركىلىسسىز بولۋىن جەبەۋ كەرەك

ەركىن تۇنياز، شاۋكەت يمىن، نۇرلان ٴابىلماجىن ۇلى، لي يفي، جاڭ چۇنلين، حى جۇڭيوۋ قاتىناستى 

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي) 2021 - جىلى 12 - ايدىڭ 31 - كۇنى اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ٴماجىلىسىن باسقارىپ اشتى. ٴماجىلىس باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ٴبىر تۇتاس جوسپارلاپ ىلگەرىلەتۋ جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، «سىرتتان كىرۋدەن ساقتانۋدى، ىشتە قايتا بەلەڭ بەرۋدەن ساقتانۋدى» ۇدايىلاندىرۋعا تاباندى بولۋ، ىندەتتەن ساقتانۋ - تىزگىندەۋ قىزمەتىن عىلمي، دالمە - ٴدال، ويداعىداي ىستەۋ جونىندە ورنالاستىرۋ جاسادى.

اۆتونوميالى رايون باسشىلارىنان ەركىن تۇنياز، شاۋكەت يمىن، نۇرلان ٴابىلماجىن ۇلى، لي يفي، جاڭ چۇنلين، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ٴزۇمرات وبۇل، ياڭ فاسىن، ٴيۇسۇپجان مامەت، ەلزات احىمەتجان، قادەن كابەن ۇلى قاتارلىلار ماجىلىسكە قاتىناستى.

ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ٴبىر تۇتاس جوسپارلاپ ىلگەرىلەتۋ جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، زاڭ بويىنشا، دالمە - ٴدال، عىلمي ساقتانۋ - تىزگىندەۋگە تاباندى بولىپ، «سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ» جالپى تاكتيكاسى مەن «اۋقىمدىق اداقتاۋدى تۇبەگەيلى ورىنداۋ» باس باعىتىن دايەكتىلەندىرىپ، «ەكى مەرەكە» كەزىندەگى ىندەتتەن ساقتانۋ - تىزگىندەۋ قىزمەتىن ٴتۇيىندى تۇردە ويداعىداي يگەرىپ، ۇدايىلانعان ىندەتتەن ساقتانۋ - تىزگىندەۋ قىزمەتىن ۇقىپتىلىقپەن باستان - اياق مىقتى يگەرۋ كەرەك. 

ٴبىرىنشى، ساقتانۋ - تىزگىندەۋ شاراسىن زاڭ بويىنشا عىلمي، دالمە - ٴدال تياناقتاندىرۋ كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتىلەندىرىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالابىن تياناقتاندىرىپ، ٴتارتىپتى ساقتاۋ مەن ومىرشەڭدىك قۋاتتى ارتتىرۋدىڭ، قاتاڭ ساقتانۋ - تىزگىندەۋ مەن بۇقاراعا قولايلىلىق جاراتۋدىڭ قاتىناسىن ۇيلەسىمدى، ويداعىداي ٴبىر جاقتى ەتىپ، زاڭ بويىنشا، عىلمي، دارەجەگە، تۇرگە ٴبولىپ، دالمە - ٴدال ساقتانىپ جانە تىزگىندەپ، ٴتۇزىلىس - مەحانيزمدى كەمەلدەندىرىپ، شارا مەن ولشەمدى ساپالىلاندىرىپ، ساقتانۋ - تىزگىندەۋ شاراسىنىڭ قارابايىر، ٴبىر سىدىرعى، قاباتتاسپالى بولۋىنان ساقتانىپ، ادام، زات اينالىمىنىڭ حاۋىپسىز، ٴتارتىپتى، ىركىلىسسىز بولۋىن جەبەۋ كەرەك.

ەكىنشى، وتكەلدىڭ ىندەتتەن ساقتانۋ - تىزگىندەۋ قىزمەتىن قاتاڭ، شىنايى مىقتى يگەرۋ كەرەك. وتكەلدىڭ ىندەتتەن ساقتانۋ - تىزگىندەۋ قىزمەتىن «سىرتتان كىرۋدەن ساقتانۋداعى» ماڭىزدىنىڭ ماڭىزدىسى رەتىندە قاراپ، ساقتانۋدى نەگىز ەتۋگە تاباندى بولىپ، قاينارىن باسقارۋ - تىزگىندەۋدى كۇشەيتىپ، قاراستى جەردىڭ جاۋاپكەرلىگىن تياناقتاندىرىپ، وتكەلدىڭ ىندەتتەن ساقتانۋ - تىزگىندەۋ قىزمەت مەحانيزمىنىڭ رولىن تولىق ساۋلەلەندىرىپ، ساقتانۋ - تىزگىندەۋ ارقاۋىن مىقتاپ شيراتىپ، جابىق اينالىمدى باسقارۋدى قاتاڭداستىرىپ، ىندەتتىڭ وتكەلدەن كىرۋىن قاتاڭ بوگەۋ كەرەك.

ٴۇشىنشى، كوپ ارنامەن باقىلاۋ - ولشەۋ، ساقتاندىرۋ مەحانيزمىن كۇشەيتۋ كەرەك. الدىن - الا تەكسەرۋ، تۇرگە ايىرىپ دياگنوز قويۋ جانە العاشقى دياگنوز قويۋ جاۋاپكەرشىلىگىن قاتاڭداستىرىپ، حىسۋان تەكسەرۋ ناتيجەسىنە ساي حاۋىپ - قاتەردى باعالاۋ، ساقتاندىرۋ مەحانيزمىن ورناتىپ، كوپ سالالى باقىلاۋ - ولشەۋ، ساقتاندىرۋ مەحانيزمىن كەمەلدەندىرىپ، باقىلاۋ - ولشەۋ، ساقتاندىرۋ جۇيەسىنىڭ اسا سەزىمتالدىعى مەن سەنىمدىلىگىن ساقتاۋ كەرەك.

ٴتورتىنشى، ٴتۇيىندى بۋىندارداعى ىندەتتەن ساقتانۋ - تىزگىندەۋدى مۇقيات، ناقتى تياناقتاندىرۋ كەرەك. توپتاسۋ سيپاتتى قيمىلداردى قاتاڭ تەجەپ، ساياحات كورىنىس رايوندارى مەن الەۋمەتتىك ورىندارداعى، ٴتۇيىندى مەكەمە - ورىندارداعى ىندەتتەن ساقتانۋ - تىزگىندەۋدى كۇشەيتىپ، ىندەتتەن ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرۋ كەرەك. ۋاكسينا سالۋدى ۇزدىكسىز ويداعىداي ىستەپ جانە كۇشەيتپەلى ۋاكسينا سالۋ قىزمەتىن كۇشەيتىپ، يممۋنيتەتتىك قورعانىس شەبىن بەكەمدەۋ كەرەك.

بەسىنشى، ۇگىتتەۋ، جەتەكتەۋ تەبىنىن بارىنشا ارتتىرۋ كەرەك. بۇقارانىڭ ارىز - ارمانى مەن قوعامدىق كوكەيتەستى ماسەلەلەرگە بەلسەنە، ىرىقتى، دەركەزىندە اڭىس قايتارىپ، ىندەتتەن ساقتانۋ - تىزگىندەۋدىڭ قاتىستى بەلگىلەمەلەرى مەن اقاۋسىزدىق بىلىمدەرى جونىندەگى ۇگىت - تاربيەنى ۇزدىكسىز كۇشەيتىپ، ٴار ۇلت بۇقاراسىن ويداعىداي، عىلمي ساقتانۋعا باستاپ، جاڭا داۋىردەگى وتانشىلدىق تازالىق قيمىلىن ىشكەرىلەي ورىستەتىپ، قالا - اۋىلداردىڭ تازالىعىن، ورتاسىن ۇزدىكسىز جاقسارتۋ كەرەك.

التىنشى، قىزمەت جاۋاپكەرلىگىن قاتاڭداستىرۋ، ناقتىلاندىرۋ كەرەك. بۇكىل شينجياڭ ٴبىر تۇتاس جۇيە، بيڭتۋان مەن جەرگىلىكتى ورىن ٴبىر تۇتاس جۇيە دەگەنگە تاباندى بولىپ، بىرلەسىپ ساقتانۋ - تىزگىندەۋدى، بۇقارالىق ساقتانۋ - تىزگىندەۋدى كۇشەيتىپ، «ٴتورت جاقتىڭ جاۋاپكەرلىگىن» قاتاڭ تياناقتاندىرىپ، ٴتۇزىلىس - مەحانيزمدى اقاۋسىزداندىرىپ جانە كەمەلدەندىرىپ، باقىلاۋ - تەكسەرۋ جانە جاۋاپكەرلىكتى تياناقتاندىرۋدى كۇشەيتۋ كەرەك.

اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنا مۇشە ورىندارداعى جاۋاپتى جولداستار ماجىلىسكە قاتىناستى.