باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
شي جينپيڭ وزبەكستاننىڭ زۇڭتۇڭى ميرزيويەۆپەن ءوزارا قۇتتىقتاۋ تەلەگرامماسىن جولدادى
2022-01-04 12:43:44     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

جۇڭگو مەن وزبەكستاننىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن

شي جينپيڭ وزبەكستاننىڭ زۇڭتۇڭى ميرزيويەۆپەن ءوزارا قۇتتىقتاۋ تەلەگرامماسىن جولدادى


شينحۋا اگەنتتىگىنىڭ 1 - ايدىڭ 2 - كۇنى بەيجيڭنەن بەرگەن حابارى. 2022 - جىلى 1 - ايدىڭ 2 - كۇنى مەملەكەت ءتوراعاسى شي جينپيڭ وزبەكستاننىڭ زۇڭتۇڭى ميرزيويەۆپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى جۇڭگو - وزبەكستان قارىم - قاتىناسى داۋىرمەن بىرگە ىلگەرىلەپ، ءورىس اشا العا ۇمتىلىپ، تاتۋ - ءتاتتى وتەتىن، سەلبەستىك جاساپ تەڭ يگىلىككە كەنەلەتىن حالىقارالىق قارىم - قاتىناستىڭ ونەگەسىن ورناتتى. اسىرەسە، ەكى جاق رەفورما جاساپ، ەسىك اشۋ جانە دامۋ - گۇلدەنۋ ۇردىسىندە ءوزارا ۇيرەنىپ، ءبىر - بىرىنەن ۇلگى الىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سەلبەستىگىندە تىزە قوسا سەلبەسىپ، ءوزارا قارايلاسىپ، اتى - زاتىنا ساي جالپى بەتتىك ستراتەگيالىق سەرىكتەرگە اينالدى.

شي جينپيڭ بىلاي دەپ باسا دارىپتەدى: مەن جۇڭگو - وزبەكستان قارىم - قاتىناسىنىڭ دامۋىنا ايرىقشا ءمان بەرەمىن، ميرزيويەۆ زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، جۇڭگو - وزبەكستان جالپى بەتتىك ستراتەگيالىق سەرىكتەستىك قارىم - قاتىناسى تاريحىنىڭ تىڭ داستانىن بىرگە جازىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.

ميرزيويەۆ مىنانى ءبىلدىردى: وتكەن 30 جىل وزبەكستان مەن جۇڭگو ەكى ەل حالقىنىڭ مىڭداعان جىلدار بويىنداعى دوستىق قارىم - قاتىناس تاريحىنداعى جارقىن تاراۋ بولدى. ءتوراعا شي جينپيڭنىڭ تىكەلەي كوڭىل بولۋىندە وزبەكستان - جۇڭگو جالپى بەتتىك ستراتەگيالىق سەرىكتەستىك قارىم - قاتىناسى قارىشتاپ دامىپ، ەكى جاقتىڭ ءار سالاداعى سەلبەستىگى ءساتتى ىلگەرىلەپ، گۋمانيتارلىق اۋىس - كۇيىسى ۇزدىكسىز كۇشەيىپ، حالىقارالىق جانە وڭىرلىك ۇيىم جۇلگەسىندە تىعىز بايلانىس جاساپ كەلدى. وزبەكستان جاق جۇڭگو جاقپەن بىرگە ”ءبىر بەلدەۋ، ءبىر جولدى“ بىرگە قۇرۋ سەلبەستىگىن تەرەڭدەتىپ، وزبەكستان - جۇڭگو دوستىق قارىم - قاتىناسى مەن ەكى ەلدىڭ جان - جاقتى سەلبەستىگىنىڭ تاريحي تىڭ ساتىعا ءوتۋىن ىلگەرىلەتۋدى قالايدى.