باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
شي جينپيڭ قازاقستاننىڭ تۇڭعىش زۇڭتۇڭى نازاربايەۆپەن، زۇڭتۇڭ توقايەۆپەن جەكە - جەكە ٴوزارا قۇتتىقتاۋ تەلەگرامماسىن جولدادى
2022-01-05 11:03:21     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

جۇڭگو مەن قازاقستاننىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن

شي جينپيڭ قازاقستاننىڭ تۇڭعىش زۇڭتۇڭى نازاربايەۆپەن، زۇڭتۇڭ توقايەۆپەن جەكە - جەكە ٴوزارا قۇتتىقتاۋ تەلەگرامماسىن جولدادى


شينحۋا اگەنتتىگىنىڭ 1 - ايدىڭ 3 - كۇنى بەيجيڭنەن بەرگەن حابارى. 2022 - جىلى 1 - ايدىڭ 3 - كۇنى مەملەكەت ٴتوراعاسى شي جينپيڭ قازاقستاننىڭ تۇڭعىش زۇڭتۇڭى نازاربايەۆپەن، زۇڭتۇڭ توقايەۆپەن جەكە - جەكە قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 30 جىلدىعىن قۇتتىقتادى. 

شي جينپيڭ نازاربايەۆكە جولداعان قۇتتىقتاۋ تەلەگرامماسىندا مىنالاردى اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى، جۇڭگو - قازاقستان قارىم - قاتىناسى داۋىرمەن بىرگە العا باسىپ، ٴورىس اشا جاڭالىق اشىپ، قارىشتاپ دامۋ جاعدايىن باستان - اياق ساقتاپ، كورشى ەلدەر اراسىنداعى تاتۋ كورشىلىك دوستىقتىڭ، ٴوزارا پايدا جەتكىزىپ، تەڭ يگىلىككە كەنەلۋدىڭ ۇلگىسىنە اينالدى. تۇڭعىش زۇڭتۇڭ نازاربايەۆ جۇڭگومەن دوستىق ساياساتتى باتىل اتقارىپ، ەكى ەل قاتىناسىنىڭ دامۋىن ىلگەرىلەتۋگە، «ٴبىر بەلدەۋ، ٴبىر جولدى» بىرگە قۇرۋ سەلبەستىگىن تەرەڭدەتۋگە كورنەكتى ۇلەس قوستى، مەن مۇنى جوعارى باعالايمىن.

شي جينپيڭ مىنالاردى باسا دارىپتەدى: تۇڭعىش زۇڭتۇڭ نازاربايەۆ مەنىڭ كونە دوسىم، مەن نازاربايەۆپەن اراداعى تاماشا قىزمەت قاتىناسىن جانە تەرەڭ دوستىقتى قاستەرلەيمىن. جۇڭگو - قازاقستان قارىم - قاتىناسىنىڭ دامۋىنا ايرىقشا ٴمان بەرەمىن، تۇڭعىش زۇڭتۇڭ نازاربايەۆپەن بىرگە قۇلشىنىپ، جۇڭگو مەن قازاقستاننىڭ باياندى، جان - جاقتى ستراتەگيالىق سەرىكتەستىك قارىم - قاتىناسىنىڭ ورنىقتى، باياندى دامۋىن ىلگەرىلەتىپ، ەكى ەلگە جانە ەكى ەل حالقىنا باقىت جاراتۋدى قالايمىن. 

شي جينپيڭ توقايەۆكە جولداعان قۇتتىقتاۋ تەلەگرامماسىندا مىنالاردى اتاپ كورسەتتى: جۇڭگو مەن قازاقستان دوس كورشىلەر جانە ماڭگىلىك جان - جاقتى ستراتەگيالىق سەرىكتەر. ديپلوماتيالىق قارىم - قاتىناس ورناتقان 30 جىلدان بەرى، ەكى ەل قارىم - قاتىناسى باستان - اياق جوعارى دەڭگەيلى اينالىمدى ساقتاپ، ساياسيداعى ٴوزارا سەنىمدىلىك ۇزدىكسىز تەرەڭدەپ، ٴار جىكتەگىلەردىڭ اۋىس - كۇيىسى كۇن سايىن جيىلەپ، «ٴبىر بەلدەۋ، ٴبىر جولدى» بىرگە قۇرۋ سەلبەستىگىنىڭ تابىسى مول بولىپ، ەكى ەل حالقىنا ناقتى پايدا جەتكىزدى. 

شي جينپيڭ مىنالاردى باسا دارىپتەدى: جۇڭگو قازاقستاننىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولىمەن ٴجۇرۋىن بۇرىنعىداي قولدايدى. مەن جۇڭگو - قازاقستان قارىم - قاتىناسىنىڭ دامۋىنا ايرىقشا ٴمان بەرەمىن، توقايەۆ زۇڭتۇڭمەن بىرگە قۇلشىنىپ، ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، جۇڭگو مەن قازاقستاننىڭ ٴداستۇرلى دوستىعىن بەكەمدەپ، ەكى ەلدىڭ ستراتەگيالىق توعىسۋىن تەرەڭدەتىپ، جۇڭگو مەن قازاقستاننىڭ ماڭگىلىك جان - جاقتى ستراتەگيالىق سەرىكتەستىك قارىم - قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتىپ، ەكى ەلگە جانە ەكى ەل حالقىنا باقىت جاراتۋدى قالايمىن. 

نازاربايەۆ بىلاي دەدى: جۇڭگو قازاقستاننىڭ تاۋەلسىزدىگىن ەڭ ەرتە مويىنداعان ەلدەردىڭ ٴبىرى. ەكى جاق ٴوزارا سەنىم ارتۋ جانە ٴوزارا قۇرمەت ەتۋ نەگىزىندە قازاقستان مەن جۇڭگونىڭ ماڭگىلىك، جان - جاقتى ستراتەگيالىق سەرىكتەستىك قاتىناسىن ورناتتى. قازاقستان جۇڭگومەن بىرگە قازاقستان مەن جۇڭگونىڭ ٴار سالاداعى سەلبەستىگىنىڭ اناعۇرلىم زور دامۋىن ىلگەرىلەتۋدى قالايدى. 

توقايەۆ مىنالاردى ٴبىلدىردى: ديپلوماتيالىق قارىم - قاتىناس ورناتقان 30 جىلدان بەرى، قازاقستان مەن جۇڭگو حالىقارالىق قوعامنىڭ مەملەكەتتەر ارا قارىم - قاتىناستى دامىتۋىنا ۇلگى ورناتىپ، ەۆروپا - ازيا ٴوڭىرىنىڭ ورنىقتىلىعىنىڭ، گۇلدەنۋىنىڭ ماڭىزدى فاكتورىنا اينالدى. ەكى جاق تاريحتان قالعان شەكارا ماسەلەسىن تۇبەگەيلى شەشىپ، ەكى ەلدىڭ ورتاق شەكاراسىن قازاقستان مەن جۇڭگونىڭ دوستىعى مەن ىنتىماعىنىڭ كوپىرى ەتتى. مەن سىزبەن بىرگە قازاقستان - جۇڭگو قاتىناسىن دامىتۋ جولىندا اناعۇرلىم زور قۇلشىنىستار جاساۋدى قالايمىن.