باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
«الىپ سامۇرىق زەڭگىر كوكتە قانات قاقتى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋگە بەت الۋىنا جەتەكشىلىك ەتكەندىگى جونىندە شولۋ»
2022-01-05 11:20:04     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شينحۋا اگەنتتىگى كولەمدى شولۋ تاراتتى

«الىپ سامۇرىق زەڭگىر كوكتە قانات قاقتى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋگە بەت الۋىنا جەتەكشىلىك ەتكەندىگى جونىندە شولۋ»


شينحۋا اگەنتتىگىنىڭ 1 - ايدىڭ 1 - كۇنى بەيجيڭنەن بەرگەن حابارى. شينحۋا اگەنتتىگى 1 - ايدىڭ 1 - كۇنى «الىپ سامۇرىق زەڭگىر كوكتە قانات قاقتى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋگە بەت الۋىنا جەتەكشىلىك ەتكەندىگى جونىندە شولۋ» اتىندا كولەمدى شولۋ جاريالادى.

ماقالادا بىلاي دەلىندى: تاريحتىڭ ساعات ٴتىلى 2022 - جىلدى كورسەتكەن كەزدە بايتاق جۇڭگو جاڭا جىلدىڭ شۇعىلاسىنا شومدى.

جاڭا تاريحي باستامادا تۇرىپ، پارتيا 18 - قۇرىلتايىنان بەرگى قۇلاشىن كەڭ جايعان ۇلى امالياتقا قايىرىلا كوز جۇگىرتكەندە ٴبىز شەكسىز ماقتانىش سەزىنەمىز −

شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىكپەن پارتيا مەن مەملەكەت ىستەرىندە تاريحي تابىستارعا جەتىپ، تاريحي وزگەرىستەر تۋىلۋىن ىلگەرىلەتتى، جۇڭحۋا ۇلتىنىڭ ۇلى گۇلدەنۋى بوگەۋ بەرمەس تاريحي بارىسقا قادام تاستادى. جۇڭگوشا سوتسياليزم جاڭا داۋىرگە وتكەن 9 جىل پارتيانىڭ 100 جىلدىق تاريحىندا، 5000 جىلدىق جۇڭحۋا وركەنيەتى تاريحىندا ماڭىزدى كورسەتكىشتىك ماڭىزعا يە.

جاڭا تاريحي باستامادا تۇرىپ، پارتيا 18 - قۇرىلتايىنان بەرگى ايبىندى دا سالتاناتتى ۇلى بارىسقا قايىرىلا كوز جىبەرگەندە، ٴبىز مىناعان اناعۇرلىم كامىل سەنەمىز −

پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق ورنىن، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ ورتاق تىلەگىن بەينەلەدى، ول جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي ٴۇردىستى ىلگەرىلەتۋ جونىنەن شەشۋشى ماڭىزعا يە.

ماقالا جالپى 5 بولىككە بولىنگەن: تۇيدەك بۇلتتار كوشسە دە قايىسپاي ەركىن تۇردى − ٴتۇپ قازىق قۇرىشتاي بەرىك بولىپ، حاۋىپكە قارسى اتتانىپ، قايسار ۇيتقى ايبىندى جورىققا جول باستادى؛ بيىكتەن شار تاراپقا كوز سالدى − اقيقاتقا تاباندى بولىپ، داۋىرمەن بىرگە العا باسىپ، يدەيا نۇرىمەن ۇلى امالياتقا جەتەكشىلىك ەتتى؛ كىرشىكسىز جۇرەك بايتاق مەكەنگە شۋاق توكتى − حالىقتان كەلىپ، حالىق ٴۇشىن ىستەپ، حالىق اراسىنان قاجىماس كۇش - قۋات الدى؛ شىعىستان تولقىن كوتەرىلىپ، بار الەمدى شىت جاڭا تۇسكە بولەدى − كۇللى دۇنيەگە كەڭ پەيىل بولىپ، ٴوزىنىڭ تابىسقا جەتۋى ٴۇشىن وزگەنىڭ دە تابىسقا جەتۋىن ويلاپ، ادامزات وركەنيەتىنىڭ العا باسۋ بەتالىسىنا جەتەكشىلىك ەتتى؛ بۇلتتى جەلكەن عىپ، كوك تەڭىزدى مەن دە وتەرمىن قاق ٴتىلىپ − ۇزدىكسىز كۇرەس جاساپ، قايسارلىقپەن العا ىلگەرىلەپ، اناعۇرلىم زور جەڭىستەر مەن داڭقتارعا جەتتى.

ماقالادا مىنالار اتاپ كورسەتىلدى: 70 نەشە جىلدان كەيىنگى بۇگىن، 100 جىلدىق ٴىرى پارتيا جاڭا ساپارعا قادام تاستاعان شەشۋشى ساتتە، باس شۋجي شي جينپيڭ تاعى دا «ەميتحان تاپسىرۋ» ٴسوزى ارقىلى 95 ميلليوننان استام پارتيا مۇشەسىن «ٴبىز، ٴسوز جوق، ۇزدىكسىز جاقسى ناتيجەگە قول جەتكىزىپ، جاڭا داۋىردەگى جاڭا ساپاردا تىڭ بەينە، تىڭ ىسكەرلىك كورسەتۋىمىز كەرەك»، - دەپ جىگەرلەندىردى.

وزىنە - ٴوزى توڭكەرىس جاساۋ رۋحىن ماڭگى ساقتاپ، پارتيانى جاپپاي قاتاڭ باسقارۋدى ماڭگى جالعاستىرۋ ساياسي سانالىلىعىن كۇشەيتىپ، وزىنە - ٴوزى توڭكەرىس جاساۋ ۇلى رۋحى ارقىلى ۇلى قوعامدىق توڭكەرىسكە جەتەكشىلىك ەتكەن جۇڭگو كوممۋنيستىك پارتياسى العا باسۋ جولىنداعى بارلىق حاۋىپ - قاتەرلەر مەن سىن - سايىستاردى، ٴسوز جوق، جەڭەدى.

9 جىلدان استام ۋاقىتتان بەرگى ۇلى كۇرەس بوران - شاشىننىڭ شىڭداۋىن باستان كەشىرگەن بارلىق پارتيالى كادرلار ۇيتقى قالىپتاستىرۋدىڭ، ۇيتقىنى قولداۋدىڭ، ۇيتقىنى قورعاۋدىڭ باستان - اياق ٴبىزدىڭ زور وزگەرىستەرگە توتەپ بەرۋ بارىسىندا ستراتەگيالىق باسىمدىقتى ساقتاۋىمىزدىڭ تاپتىرماس جولى، شەشۋشى ٴادىسى، ەڭ زور سەنىم ەكەندىگىن تەرەڭىنەن سەزىندى.

بۇگىن ٴبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ٴارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ٴتىپتى دە كامىل جانە قۋاتىمىز دا جەتەدى، سونداي - اق، ٴسوز جوق، اناعۇرلىم اۋىر، اناعۇرلىم جاپالى قۇلشىنىس كورسەتۋگە دايىندالۋىمىز كەرەك.

العان بەتتەن قايتپايتىن تاباندىلىقپەن، ٴجۇز شاقىرىمدىق جولدىڭ توقسان شاقىرىمىن باسساڭ دا ٴالى جولدامىن دەپ ٴبىلۋ كەرەك دەگەن سەرگەكتىكپەن قاجىماي - تالماي شايقاسىپ، جۇرەكتىلىكپەن كۇرەس جاساپ، كۇرەس جاساۋعا شەبەر بولىپ، تاۋ كەزىكسە جول سالىپ، وزەن كەزىكسە كوپىر سالعاندا، جۇڭگو حالقى تالپىنىپ كەلگەن تاماشا ارمان، ەڭ سوڭىندا، شىندىققا اينالاتىن بولادى.

ۇزدىكسىز كۇرەس جۇرگىزىپ، قايسارلىقپەن ىلگەرىلەيىك، وتكەن 100 جىلدا ۇلى جەڭىس پەن داڭققا جەتكەن جۇڭگو كوممۋنيستىك پارتياسى مەن جۇڭگو حالقى، ٴسوز جوق، جاڭا داۋىردەگى جاڭا ساپاردا اناعۇرلىم ۇلى جەڭىستەر مەن داڭقتارعا جەتەتىن بولادى!