− مەملەكەت ٴتوراعاسى شي جينپيڭنىڭ جاڭا جىلدى قۇتتىقتاۋ ٴسوزى وبلىسىمىزداعى قالىڭ كادر - جۇرتشىلىقتى ەرلىكپەن العا ۇمتىلۋعا جىگەرلەندىردى
ٴتىلشىمىز لي يافىڭ حابارلايدى. «ٴبىز اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسقاندا عانا تاريحتىڭ ۇمىتىنەن شىعا الامىز، ٴداۋىردىڭ ۇمىتىنەن شىعا الامىز، حالىقتىڭ ۇمىتىنەن شىعا الامىز». ٴتوراعا شي جينپيڭنىڭ 2022 - جىلعى جاڭا جىلدى قۇتتىقتاۋ سوزىندەگى ٴاربىر اۋىز ٴسوز - سويلەمى ىلەدەگى قوعامنىڭ ٴار سالاسىنداعىلاردىڭ كۇرەس جۇرگىزۋ قىزعىندىلىعىن تاسقىنداتتى. ىلەدەگى قالىڭ كادر - جۇرتشىلىق ٴبىر اۋىزدان مىنانى ٴبىلدىردى: سەنىمدى اناعۇرلىم بەكەمدەپ، ەرىك - جىگەردى نىعايتىپ، جاڭا جورىقتا قاجىماي العا ۇمتىلىپ، جاڭا داۋىردە تىڭ ۇلەس قوسىپ، تۇلعالىق ەكونوميكانى، وتكەل ەكونوميكاسىن، ساياحات ەكونوميكاسىن ٴتۇيىن ەتكەن وسى زامانعى كاسىپ جۇيەسىن قۇرۋدى جەدەلدەتىپ، جوعارى ساپالى دامىعان، ەكونوميكادا الۋەتتى وبلىس قۇرۋ ٴۇشىن قاجىماي كۇرەس جۇرگىزەمىز.
«ەندى ٴبىر ايدان استام ۋاقىتتان كەيىن بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ شىمىلدىعى اشىلادى. اناعۇرلىم كوپ ادامدى قار - مۇز سپورتىنا قاتىناستىرۋ وليمپيادا سپورتىنىڭ ٴمان - ماڭىزى دا بولىپ تابىلادى. ٴبىز شىن كوڭىلمەن دۇنيە جۇزىنە وليمپيادانىڭ سالتاناتتى جينالىسىن تارتۋ ەتەمىز». ٴتوراعا شي جينپيڭنىڭ جاڭا جىلدى قۇتتىقتاۋ سوزىندەگى وسى ٴبىر اۋىز ٴسوز وبلىستىق دەنەتاربيە مەكەمەسى ۋنيۆەرسالدى باسقارماسىنىڭ باستىعى حى زىحۋدى ەرەكشە جىگەرلەندىردى.
ول بىلاي دەدى: «جاڭا ٴبىر جىلدا بەيجيڭ قىسقى وليمپيادا سپورت جارىسىن وراي ەتىپ، <بۇقارا قايدا بارىپ دەنە شىنىقتىرادى، قايتكەندە عىلمي دەنە شىنىقتىرادى، دەنەتاربيەنى قايتكەندە ەكونوميكا جانە قوعامنىڭ جوعارى ساپالى دامۋى ٴۇشىن ٴتىپتى دە ويداعىداي قىزمەت ەتتىرۋگە بولادى> دەگەن ٴۇش ٴىرى ماسەلەنى كۇش سالا شەشىپ، قۇلشىنا قىزمەت ىستەپ، تاماشا ناتيجەمەن پارتيا 20 - قۇرىلتايىنىڭ جەڭىسپەن اشىلۋىن قارسى الامىز».
«وسى ٴبىر جىلدا تاعى دا ەستەن كەتپەس جۇڭگو ٴۇنى، جۇڭگو ٴسانى، جۇڭگو حيكايالارى تولىپ جاتىر. بۇكىل ەل بويىنشا جوعارىدان تومەنگە دەيىن ىندەتتەن ساقتانۋ - تىزگىندەۋگە جۇمىلۋدىڭ باتىل دا پارمەندى بولۋى؛ اپاتقا ۇشىراعان بۇقارانىڭ ٴبىر - بىرىنە قول ۇشىن بەرىپ، اتا مەكەنىن قايتا قۇرۋى؛ حالىق ازاتتىق ارمياسىنىڭ كوماندير - جاۋىنگەرلەرىنىڭ، قارۋلى ساقشى وفيتسەر - اسكەرلەرىنىڭ ارميانى قۇدىرتتەندىرۋدى مۇرات ەتىپ، وتاندى قورعاۋى... سانسىز قاراپايىم قاھارماندار ەرلىكپەن كۇرەس جۇرگىزىپ، جاڭا داۋىردەگى جۇڭگونىڭ اسقاق جىگەرمەن قارىشتاپ العا باسۋىنىڭ بۋىرقانعان ارناسىن قالىپتاستىردى». ٴتوراعا شي جينپيڭنىڭ جاڭا جىلدى قۇتتىقتاۋ سوزىندەگى وسى سوزدەر قۇلجا قالالىق دەنساۋلىق ساقتاۋ - سالاماتتىق كوميتەتى پارتكومى كەڭسەسىنىڭ ورىنباسار مەڭگەرۋشىسى لي جۇيپيڭدى ەرەكشە جىگەرلەندىردى. ول بىلاي دەدى: «ىندەتتەن ساقتانۋ - تىزگىندەۋدى ۇدايىلاندىرۋ سياقتى بۇل وزەكتى ٴتۇيىندى مىقتى يگەرىپ، ۆاكسينا ەگۋ قىزمەتىن ويداعىداي جاقسارتىپ، يممۋنيتەتتىك قالتقىنى بەكەمدەپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىنە بەلسەنە ۇلەس قوسامىن».
قارۋلى ساقشى شينجياڭ باس اترەتى بەلگىلى ماتورلى كولىك بولىمشە اترەتى ەرەكشە سوعىس جۇرگىزۋ ٴتورتىنشى ورتا اترەتىنىڭ جەتەكشىسى سۇڭ يۇيحاڭ بىلاي دەدى: «تاباندىلىقپەن جاتتىعۋدا ۋاقىت توسىپ تۇرمايدى، ۋاقىتپەن جارىسىپ جەدەل قيمىلداۋ رۋحىمەن جىگەرلەنە العا ۇمتىلىپ، مويىماس تاباندىلىقپەن العا باسىپ، بورىش پەن مىندەتتى اتقارۋ قابىلەتىمدى جاپپاي جوعارىلاتىپ، ارميانى قۇدىرەتتەندىرۋ نىساناسىن جۇزەگە اسىرۋ ٴۇشىن ٴتىپتى دە زور ۇلەس قوسامىن».
«حالىقتىڭ قامىن ٴارقاشان كوكەيىمنەن شىعارمايمىن؛ حالىقتىڭ قالاۋىن، مەن، ٴسوز جوق، ورىنداۋعا ۇمتىلامىن» ٴتوراعا شي جينپيڭنىڭ بۇل ٴسوزى حالىق كوڭىلىنەن تەرەڭ ورىن الدى، قورعاس قالاسى مۇقىر اۋماعىنىڭ تۇرعىنى ايازباي قازىبي ۇلى دا بۇل سوزدەن ەرەكشە اسەرلەندى. ول بىلاي دەدى: «پارتيا مەن ۇكىمەتتىڭ سۇيەمەلدەۋىندە جاڭا ۇيگە كوشىپ كىردىم، تۇراقتى قىزمەتكە دە ورنالاستىم، جاڭا جىلدا تىنباي قۇلشىنۋ ارقىلى تۇرمىسىمدى ٴتىپتى دە شالقىتا تۇسپەكپىن».
قۇلجا قالالىق ٴدوڭمالى ٴمالى باسقارماسى دوستىق كوشەسى الەۋمەتتىك اۋماعى پارتيا ياچەيكاسىنىڭ شۋجيى جۋ جىحۋا مىنانى ٴبىلدىردى: «تاپسىرمانى ەستە بەرىك ساقتاپ، نەگىزگى ساتىنى جونگە سالۋ ۇلگىسىندە جاڭالىق اشىپ، جونگە سالۋ قابىلەتىن جوعارىلاتىپ، الەۋمەتتىك اۋماقتىڭ شەپتىك قىزمەت وتەۋ قابىلەتىن تولىق ساۋلەلەندىرىپ، الەۋمەتتىك اۋماق تۇرعىندارىنىڭ ەڭ الاڭسىز، ەڭ جايلى تۇراعىنا اينالدىرامىز».
«ٴار جولى بۇقارانىڭ ۇيىنە بارعانىمدا تاعى قانداي قيىنشىلىقتارىڭىز بار دەپ ۇنەمى سۇراپ، اۋىلداستاردىڭ سوزدەرىن ٴارقاشان كوڭىلىمە ٴتۇيىپ وتىردىم». ٴتوراعا شي جينپيڭنىڭ جاڭا جىلدى قۇتتىقتاۋ سوزىندەگى بۇل سوزدەردى ەستىگەندە، موڭعۇلكۇرە اۋدانى موڭعۇلكۇرە قالاشىعى اۋليە شوقى الەۋمەتتىك اۋماعىنىڭ تۇرعىنى سۋلىسايچيكى كوزىنە ىستىق جاس الدى. ول تاعى «پارتيا مەن مەملەكەتتىڭ حالىققا ٴتيىمدى ٴتۇرلى ساياساتىنان يگىلىكتەنۋ ارقىلى وتباسىمىزبەن 120 شارشى مەترلىك ۇلكەن ۇيگە كوشىپ كىردىك، جىلۋمەن قامداۋ قۇرىلعىسى، قۇبىر سۋى، لاس سۋ ىعىستىرۋ قۇرىلعىسى، تازالىق بولمەسى سياقتى قۇرىلعىلارى تولىق. جاڭا جىلدا ەڭبەكشىل قوس قولىما سۇيەنىپ، اناعۇرلىم باقىتتى تۇرمىس جاراتۋعا ۇزدىكسىز قۇلشىنامىن».
توعىزتاراۋ اۋداندىق يۇنشان ورتا مەكتەبىنىڭ وقىتۋشىسى ابىلەت ابدۇسامات مىنانى ٴبىلدىردى: «جاڭا ٴبىر جىلدا وقىتۋ ارقىلى ادام تاربيەلەۋ سىندى اۋەلگى ماقساتتى، ونەگە ارقىلى ادام تاربيەلەۋدەي ۇلى بورىشتى جالعاستى ويداعىداي ارقالاپ، ۋاقىتپەن جارىسىپ، ەسىل شاقتاردىڭ ٴۇمىتىن اقتاپ، وقىتۋ بارىسىندا تىڭ قامال الۋعا قۇلشىنامىن».
موڭعۇلكۇرە اۋداندىق دامۋ - رەفورما كوميتەتى باعا ٴبولىمىنىڭ باستىعى ۋ جىيۇڭ مىنانى ٴبىلدىردى: جاڭا ٴبىر جىلدا ٴىرى نىسان قۇرىلىسىن ۇزدىكسىز مىقتى يگەرىپ، باعا باسقارۋ جانە زاپاس استىق ساقتاۋ قىزمەتىن ويداعىداي ىستەپ، بۇقارانىڭ تۇرمىس ورەسى مەن باقىت كورسەتكىشىن جوعارىلاتۋ ٴۇشىن تىڭ ۇلەس قوسامىن».