شينحۋا اگەنتتىگىنىڭ 1 - ايدىڭ 5 - كۇنى بەيجيڭنەن بەرگەن حابارى. 2022 - جىلى 1 - ايدىڭ 5 - كۇنى مەملەكەت ٴتوراعاسى شي جينپيڭ قىرعىزستاننىڭ زۇڭتۇڭى جاپاروۆپەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.

 شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى، جۇڭگو مەن قىرعىزستان ەكى ەل باستان - اياق ٴوزارا قۇرمەت ەتۋ، تەڭ تۇرعىدا تيىمدىلىك جاساۋ، سەلبەسىپ تەڭ يگىلىكتەنۋ پرينسيبىن ۇستانىپ، ەكى ەل قارىم - قاتىناسىنىڭ ارشىندى دامۋعا قول جەتكىزۋىن ىلگەرىلەتىپ، جان - جاقتى ستراتەگيالىق سەرىكتەستىك قارىم - قاتىناستىڭ جاڭا بيىگىنە شىعىپ، حالىقارالىق قوعامعا جاڭاشا حالىقارالىق قارىم - قاتىناس ورناتۋدىڭ ۇلگىسىن كورسەتتى. جۇڭگو مەن قىرعىزستان قارىم - قاتىناسىنىڭ دامۋى ەكى ەل مەن ەكى ەل حالقىن يگىلىككە كەنەلتىپ قانا قويماي، ورتا ازيا ٴوڭىرىنىڭ بەيبىتشىلىگىن، ورنىقتىلىعىن جەبەۋگە دە ۇلەس قوستى.

 شي جينپيڭ بىلاي دەپ باسا دارىپتەدى: مەن جۇڭگو مەن قىرعىزستان قارىم - قاتىناسىنىڭ دامۋىنا وسكەلەڭ ٴمان بەرەمىن، جاپاروۆ زۇڭتۇڭمەن تىعىز بايلانىستى ساقتاپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن جاڭا باستالۋ ٴتۇيىنى ەتىپ، ەكى ەلدىڭ ستراتەگيالىق ٴوزارا سەنىمدىلىگىن جوعارىلاتىپ، «ٴبىر بەلدەۋ، ٴبىر جولدى» بىرگە قۇرۋ سەلبەستىگىن تەرەڭدەتىپ، جۇڭگو مەن قىرعىزستاننىڭ جان - جاقتى ستراتەگيالىق سەرىكتەستىك قارىم - قاتىناسىن تىڭ ساتىعا كوتەرۋدى ىلگەرىلەتۋدى قالايمىن.

جاپاروۆ مىنالاردى ٴبىلدىردى: ديپلوماتيالىق قارىم - قاتىناس ورناتقان 30 جىلدان بەرى قىرعىزستان مەن جۇڭگو جان - جاقتى ستراتەگيالىق سەرىكتەستىك قارىم - قاتىناستى ٴساتتى ورناتىپ، ەكى ەلدىڭ ٴار سالاداعى سەلبەستىگى دۇنيە ٴجۇزىن جالت قاراتقان تابىستارعا قول جەتكىزدى. جۇڭگو ۇكىمەتى قىرعىزستان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە جانە ونىڭ ىقپالىنا ٴونىمدى توتەپ بەرۋىنە ماڭىزدى قولداۋ كورسەتتى. جاپاروۆ ٴتوراعا شي جينپيڭنىڭ قىرعىزستان مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ دامۋىنا ٴوزى تىكەلەي كوڭىل بولگەندىگىنە العىس ايتتى، جۇڭگو جاقپەن بىرگە ەكى ەل قارىم - قاتىناسىن اناعۇرلىم تەرەڭدەتىپ، ەكى جاقتى سەلبەستىكتى بار كۇشپەن بەكەمدەۋدى جانە كەڭەيتۋدى قالايتىندىعىن ٴبىلدىردى.