− ٴتوراعا شي جينپيڭنىڭ 2022 - جىلعى جاڭا جىلدى قۇتتىقتاۋ ٴسوزى تۋرالى تولعانىس ③

حالىق گازەتىنىڭ شولۋشىسى

«ٴىرى ەلدە ٴىرى ەلگە ٴتان سالاۋات بولادى، سونداي - اق ٴىرى ەلگە ٴتان جاۋاپكەرشىلىك تە بولادى. سان - سالالى ىستەر، تۇپتەپ كەلگەندە، جالپى جۇرتتىڭ، بارشا وتباسىنىڭ ٴىسى بولىپ تابىلادى». 2022 - جىلعى جاڭا جىلدى قۇتتىقتاۋ سوزىندە، ٴتوراعا شي جينپيڭ حالىق تۇرمىسىنىڭ ىستىعى مەن سۋىعىن كوڭىل تورىنە قويىپ، سان مىڭداعان وتباسىنىڭ قامىن ويلاپ، «حالىقتىڭ قامىن ٴارقاشان كوكەيىمنەن شىعارمايمىن؛ حالىقتىڭ قالاۋىن، مەن، ٴسوز جوق، ورىنداۋعا ۇمتىلامىن» دەپ باسا دارىپتەپ، «كوپشىلىكتى اناعۇرلىم تاماشا تۇرمىسقا كەنەلتۋدە ٴبىزدىڭ كوز الداعى ناتيجەلەرگە قاناعاتتانىپ قالۋىمىزعا بولمايدى، ٴالى دە ۇزاق جول باسۋىمىزعا تۋرا كەلەدى» دەپ اتاپ كورسەتتى. مەيىرگە تولى سوزدەر، شىن ىقىلاستى سەزىم ٴىرى پارتيانىڭ، ٴىرى ەلدىڭ كوسەمىنىڭ حالىققا دەگەن تەرەڭ ىنتا - ىقىلاسىن ايگىلەپ، جۇڭگو كوممۋنيستەرىنىڭ وزگەرمەيتىن قۇن تالپىنىسىن ٴتۇسىندىردى.

مىزعىماس اۋەلگى ماقساتتى جۇڭگونىڭ بايتاق دالاسىنا جازدى. قارلى بورانعا قاراماي، شىجىعان ىستىقتى ەلەڭ قۇرلى كورمەي، بالشىق كەشىپ، توقتاۋسىز ٴجۇرىپ، توقتاۋسىز كورىپ، توقتاۋسىز تولعانىپ، توقتاۋسىز جەتەكشىلىك ەتتى... 2021 - جىلى ٴتوراعا شي جينپيڭ ىلگەرىندى - كەيىندى 10 رەت نەگىزگى ساتىعا ىشكەرىلەي بارىپ قىزمەت تەكسەردى، تەكسەرۋ - زەرتتەۋ جۇرگىزدى. جاڭا جىلدى قۇتتىقتاۋ سوزىندە، ٴتوراعا شي جينپيڭ تەبىرەنە بىلاي دەدى: «مەن ٴبىراز جەردە تەكسەرۋ - زەرتتەۋ جۇرگىزىپ، ٴبىرتالاي جاعدايلاردى كوردىم، ەستىدىم، بۇلار ماعان كوپ وي سالدى جانە تابىس سيلادى. ٴار جولى بۇقارانىڭ ۇيىنە بارعانىمدا، تاعى قانداي قيىنشىلىقتارىڭىز بار دەپ ۇنەمى سۇراپ، اۋىلداستاردىڭ سوزدەرىن ٴارقاشان كوڭىلىمە ٴتۇيىپ وتىردىم». تاۋ اسىپ، سۋ كەشىپ، سان مىڭ شاقىرىم جول باستى، «حالىق» دەگەن ٴسوزدى بارلىعىنان ماڭىزدى ورىنعا قويدى. جۇڭگو كوممۋنيستىك پارتياسى دۇنيەگە كەلىسىمەن، جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى ٴوزىنىڭ اۋەلگى ماقساتى، بورىشى ەتىپ تۇراقتاندىردى. 100 جىلدىق كۇرەس بەلەسىنە قايىرىلا قاراساق، پارتيامىزدىڭ حالىقتى ىنتىماقتاستىرىپ، باستاپ توڭكەرىس، قۇرىلىس، رەفورما جۇرگىزۋىندەگى ٴتۇبىرلى ماقساتى حالىقتى تاماشا تۇرمىسقا كەنەلتۋ ٴۇشىن، مەيلى قانشاما زور سىن - سايىس پەن قىسىمعا ٴدوپ كەلسە دە، مەيلى قانشاما زور قۇرباندىق پەن بوداۋ بەرسە دە، وسىدان باستان - اياق اينىمادى، ەشقانداي مىزعىمادى. پارتيامىز حالىقتان كەلگەن، حالىققا تامىر تارتقان، حالىققا قىزمەت ەتەدى، حالىق پارتيانىڭ بيلىك جۇرگىزىپ، مەملەكەتتى گۇلدەندىرۋدەگى ەڭ زور سەنىمى. پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ پارتيانىڭ ٴۇشىنشى تاريحي قارارىن جاساۋى بۇكىل پارتياعا جاڭا داۋىردەگى العا ىلگەرىلەۋ جورىعىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، «قايدان كەلدىك، قايدا بارامىز» سىندى نەگىزگى تاقىرىپقا ويداعىداي جاۋاپ بەرىپ، قاي - قاشان دا پارتيانىڭ حالىق بۇقاراسىمەن ەتەنە بايلانىسىن ساقتاپ، قالىڭ حالىق بۇقاراسىنىڭ 100 جىلدىق پارتيا تاريحىنان جۇڭگو كوممۋنيستىك پارتياسىنىڭ قانداي پارتيا ەكەندىگىن تەرەڭ تانىپ، سول ارقىلى مىزعىماستان پارتيانىڭ سوزىنە قۇلاق اسۋىنا، پارتياعا ىلەسۋىنە مۇمكىندىك جاساۋدى ەسكەرتۋ ٴۇشىن.

كەدەيلىكتى جويۋ، حالىق تۇرمىسىن جاقسارتۋ، بىرگە بايۋدى جۇزەگە اسىرۋ − سوتسياليزمنىڭ ماندىك تالابى، پارتيامىزدىڭ بۇكىل ىنتا - پەيىلىمەن حالىق ٴۇشىن قىزمەت ىستەۋگە تاباندى بولۋداي ٴتۇبىرلى باستى ماقساتىنىڭ ماڭىزدى بەينەسى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ قامال الىپ، قيىنشىلىقتاردى جەڭىپ، قايراتتانا العا ىلگەرىلەپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزدى. 2021 - جىلى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى سىندى كەلەلى تاريحي ساتتە، ٴبىز ٴبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي شەشىپ، پارتيانىڭ حالىققا، تاريحقا بەرگەن ايبىندى ۋادەسىن ورىنداپ، دۇنيە جۇزىندەگى كەدەي جان سانىنىڭ كارتاسىن كورنەكتى كىشىرەيتىپ، ادامزاتتىڭ دامۋىنا، العا باسۋىنا ماڭىزدى ۇلەس قوستىق. جاڭا جىلدى قۇتتىقتاۋ سوزىندە، ٴتوراعا شي جينپيڭ تەرەڭ سەزىممەن تەبىرەنە «مەن دە اۋىل - قىستاقتان شىقتىم، كەدەيلىك جايىن ابدەن بىلەمىن» دەدى، «ۇرپاقتان - ۇرپاققا جالعاستىرا قۇلشىنۋ ارقىلى كەشەگى كەدەي ادامدار قازىر تويا تاماقتانىپ، جىلى كيىنە الاتىن بولدى، ولار وقيتىن وقۋعا، تۇراتىن ۇيگە، ەمدەۋ قامسىزداندىرۋىنا دا يە بولدى» دەپ اتاپ كورسەتتى، «جاپپاي دوڭگەلەك داۋلەتتىلىككە جەتۋ، كەدەيلىكتەن ارىلتۋ پارتيامىزدىڭ حالىققا بەرگەن جاۋابى، سونداي - اق دۇنيە جۇزىنە قوسقان ۇلەسى بولىپ تابىلادى» دەپ باسا دارىپتەدى.

جاپپاي دوڭگەلەك داۋلەتتى قوعام ورناتۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. جاپپاي دوڭگەلەك داۋلەتتى قوعام ورناتىپ، ٴبىرىنشى 100 جىلدىق كۇرەس نىساناسىن جۇزەگە اسىرۋ جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا تۇگەلدەي كەزەڭدىك مانگە يە. سونىمەن بىرگە ٴبىز، ٴسوز جوق، مىنانى تاني ٴبىلۋىمىز كەرەك، بۇل تەك جۇڭحۋا ۇلتىنىڭ ۇلى گۇلدەنۋىنە قاراي اياق باسۋداعى شەشۋشى ٴبىر قادام عانا. دامۋدىڭ بىركەلكى، تولىق بولماۋ ماسەلەسىن شەشۋدىڭ، قالا مەن اۋىلدىڭ وڭىرلىك دامۋ پارقىن كىشىرەيتۋدىڭ، ادامنىڭ جان - جاقتى دامۋىن جانە جالپى حالىقتىڭ بىرگە بايۋىن جۇزەگە اسىرۋدىڭ ٴالى مىندەتى اۋىر، جولى الىس. ٴبىزدىڭ ەشقانداي داندايسيتىن، توقمەيىلسيتىن، بوساڭسىپ دامىلدايتىن سەبەبىمىز جوق، ٴسوز جوق، قولايلى جاعدايدان ۇتىمدى پايدالانىپ، كۇش ۇستىنە كۇش قوسىپ، ۇزدىكسىز كۇرەس جۇرگىزۋىمىز كەرەك. بارلىعىندا حالىق ٴۇشىن ىستەۋگە، بارلىعىندا حالىققا سۇيەنۋگە تاباندى بولىپ، قاي - قاشان دا حالىقتى كوڭىلدىڭ ەڭ بيىك تورىنە قويىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، رەفورمانى، دامۋدى ىلگەرىلەتۋدىڭ جەتىستىكتەرىمەن جالپى حالىقتى اناعۇرلىم كوپ، اناعۇرلىم ادىلدىكپەن يگىلىككە كەنەلتىپ، بىرگە دامۋدى ىلگەرىلەتۋدە اناعۇرلىم كورنەكتى ناقتى ىلگەرىلەۋشىلىككە قول جەتكىزسەك، ٴبىز، ٴسوز جوق، قالىڭ حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتە الامىز.

بيلىك دەگەنىمىز حالىق، حالىق دەگەنىمىز بيلىك، پارتيامىز بيلىككە قول جەتكىزۋدە، بيلىكتى قورعاۋدا حالىقتىڭ تىلەگىن قورعادى. جاڭا ۇلى جورىقتا بۇقارانىڭ تۇرمىسىن ٴتىپتى دە باي، ٴتىپتى دە باقىتتى ەتۋ جۇڭگو كوممۋنيستەرىنىڭ ىنتا - ىقىلاسىنىڭ تياناعى، بورىشىنىڭ بايلاۋى. حالىقتى وزەك ەتكەن دامۋ يدەياسىنا تاباندى بولىپ، قاي - قاشان دا حالىقپەن بىرگە ويلاپ، بىرگە ىستەپ، ماڭگى حالىقپەن تىنىستاس، تاعدىرلاس، تىلەكتەس بولساق، جۇڭگو حالقىنىڭ ۇلى ارمانى تيەلگەن كەمە، ٴسوز جوق، تولقىن جارا العا ىلگەرىلەپ، شۇعىلالى بولاشاقتى جەڭىسپەن بەتكە الاتىن بولادى.