باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جۇڭگو مەن تۇركمەنستان ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن شي جينپيڭ تۇركمەنستاننىڭ زۇڭتۇڭى بەردىمۇحامەتوۆپەن ٴوزارا قۇتتىقتاۋ تەلەگرامماسىن جولدادى
2022-01-09 10:42:11     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

جۇڭگو مەن تۇركمەنستان ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن

شي جينپيڭ تۇركمەنستاننىڭ زۇڭتۇڭى بەردىمۇحامەتوۆپەن ٴوزارا قۇتتىقتاۋ تەلەگرامماسىن جولدادى


شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى. 2022 - جىلى 1 - ايدىڭ 6 - كۇنى مەملەكەت ٴتوراعاسى شي جينپيڭ تۇركمەنستاننىڭ زۇڭتۇڭى بەردىمۇحامەتوۆپەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى جۇڭگو - تۇركمەنستان قارىم - قاتىناسى قارىشتاپ دامىدى. جۇڭگو − تۇركمەنستانمەن ديپلوماتيالىق قارىم - قاتىناس ورناتقان تۇڭعىش مەملەكەت، تۇركمەنستاننىڭ ماڭگىلىك بەيتاراپ تۇرۋ ساياساتىن اتقارۋىنا 1 - توپتا قولداۋ كورسەتكەن مەملەكەت، تۇركمەنستاننىڭ ساياسي قۇجات فورماسىمەن تۇراقتاندىرعان تۇڭعىش ستراتەگيالىق سەرىگى ٴارى تۇركمەنستاننىڭ ٴبىرىنشى ٴىرى تابيعي گاز ساۋدا سەرىگى. جۇڭگو - تۇركمەنستان قارىم - قاتىناسىنىڭ دامۋى ەكى ەلگە جانە ەكى ەل حالقىنا ناقتى پايدا جەتكىزۋمەن بىرگە، ٴوڭىردىڭ بەيبىتشىلىگىن، ورنىقتىلىعىن قورعاۋعا ماڭىزدى ۇلەس قوستى. شي جينپيڭ بىلاي دەپ باسا دارىپتەدى: جۇڭگو جاق تۇركمەنستانمەن بولعان قارىم - قاتىناسىنا باسا ٴمان بەرەدى، تۇركمەنستان جاقتىڭ ٴوزىنىڭ مەملەكەت جاعدايىنا ۇيلەسەتىن دامۋ جولىمەن ٴجۇرۋىن بۇرىنعىداي باتىل قولدايدى، تۇركمەنستاننىڭ مەملەكەتتىڭ يەلىك ۇقىعى مەن ۇلتتىڭ تاۋەلسىزدىگىن قورعاۋىن باتىل قولدايدى، تۇركمەنستاننىڭ ماڭگىلىك بەيتاراپ تۇرۋ ساياساتىن اتقارۋىن باتىل قولدايدى. سىزبەن تىعىز بايلانىستى ساقتاپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، ٴار سالاداعى ٴوزارا تيىمدىلىك جاساۋ سەلبەستىگىن ۇزدىكسىز تەرەڭدەتىپ، جۇڭگو مەن تۇركمەنستاننىڭ ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن بىرگە ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.

بەردىمۇحامەتوۆ مىنانى ٴبىلدىردى: ديپلوماتيالىق قارىم - قاتىناس ورناتقاننان بەرى تۇركمەنستان مەن جۇڭگو ەڭ كەڭ سالادا جان - جاقتى سەلبەستىك ورىستەتىپ، وزگەشە كوپ ساتىلى ىستەستىك مەحانيزمىن ورناتتى. جۇڭگو ٴۇرتىس كوپ جىلدار بويى تۇركمەنستاننىڭ نەگىزگى ساۋدا سەرىگىنە اينالدى، بۇل ەكى جاقتىڭ ٴوزارا تيىمدىلىك جاساۋ سەلبەستىگىنىڭ ايقىن بەينەسى. تۇركمەنستان جاق تۇركمەنستان - جۇڭگو قارىم - قاتىناسىنا باسا ٴمان بەرەدى، تەڭ تۇرعىدا مامىلە جاساۋ، ٴوزارا قۇرمەت ەتۋ، ٴبىر - ٴبىرىنىڭ مۇددەسىمەن ساناسۋ پرينسيبى نەگىزىندە جۇڭگو جاقپەن تىعىز سەلبەسىپ، تۇركمەنستان - جۇڭگو قارىم - قاتىناسىنىڭ مۇنان دا جوعارى دەڭگەيگە كوتەرىلۋىن بار كۇشپەن ىلگەرىلەتەدى.