اۆتونوميالى رايوندىق پارتكومنىڭ تۇراقتى كوميتەتى كەڭەيتىلگەن ٴماجىلىس اشتى

باس شۋجي شي جينپيڭنىڭ 2022 - جىلعى جاڭا جىلدى قۇتتىقتاۋ ٴسوزى مەن مەملەكەتتىك ساياسي كەڭەستىڭ جاڭا جىل شاي ماجىلىسىندە سويلەگەن ماڭىزدى ٴسوزىنىڭ رۋحىن جەتكىزدى، ۇيرەندى

ما شيڭرۇي ٴماجىلىستى باسقاردى

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي). 1 - ايدىڭ 6 - كۇنى تۇستەن بۇرىن اۆتونوميالى رايوندىق پارتكومنىڭ تۇراقتى كوميتەتى كەڭەيتىلگەن ٴماجىلىس اشىپ، باس شۋجي شي جينپيڭنىڭ 2022 - جىلعى جاڭا جىلدى قۇتتىقتاۋ ٴسوزى مەن مەملەكەتتىك ساياسي كەڭەستىڭ جاڭا جىل شاي ماجىلىسىندە سويلەگەن ماڭىزدى ٴسوزىنىڭ رۋحىن، ت. ب جەتكىزدى، ۇيرەندى، رايونىمىزدىڭ قىزمەت وتەۋ كاسىبىنىڭ، وقۋ - اعارتۋ ىستەرىنىڭ «14 - بەسجىلدىق» دامۋ جوباسىن اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.

ٴماجىلىس مىنالاردى اتاپ كورسەتتى: باس شۋجي شي جينپيڭ 2022 - جىلعى جاڭا جىلدى قۇتتىقتاۋ سوزىندە جانە مەملەكەتتىك ساياسي كەڭەستىڭ جاڭا جىل شاي ماجىلىسىندە سويلەگەن ماڭىزدى سوزىندە پارتيا مەن مەملەكەت ىستەرىندە ٴبىر جىلدان بەرگى قول جەتكەن شۇعىلالى تابىستاردى تەرەڭ سۇيىسپەنشىلىكپەن ەسكە الىپ، بۇكىل پارتياعا، بۇكىل ەلدەگى ٴار ۇلت حالقىنا تاماشا جاڭا جىل تىلەگىن جەتكىزىپ، ميلليارد حالىقتىڭ «بىرگە بولاشاققا اتتاناتىن» كۇرەسكەرلىك ىنتاسىن قاۋلاتىپ، ٴبىزدى تەرەڭ شابىتتاندىردى، ايرىقشا جىگەرلەندىردى. «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، اناعۇرلىم سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، باس شۋجي شي جينپيڭنىڭ ماڭىزدى ٴسوزىنىڭ رۋحاني ٴمانىن، باي مازمۇنىن تەرەڭ ٴتۇسىنىپ، «ەكىنى تۇراقتاندىرۋدىڭ» شەشۋشى ماڭىزىن تەرەڭ ۇعىنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، دامۋ مەن حاۋىپسىزدىكتى ٴبىر تۇتاس جوسپارلاپ، يدەيالىق تانىمدى جوعارىلاتىپ، سەنىمدى بەكەمدەپ، بەكىمدى نىعايتىپ، اقىل - پاراسات پەن كۇش - قۋاتتى ۇيىستىرىپ، بارلىق بەلسەندى فاكتورلاردى تولىق جۇمىلدىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، قاشان دا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن ويلاپ، ستراتەگيالىق تاباندىلىق پەن سابىرلىلىقتى ساقتاپ، كەڭ ٴارى تالعار بيىكتەرگە جەتىپ ٴارى جىڭىشكە، نازىك تۇستارعا دا قۇلشىنىپ، رايونىمىزدىڭ رەفورما، دامۋ، ورنىقتىلىق ىستەرىندە جاڭا ناتيجەگە قول جەتكىزىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋىمىز كەرەك.

ٴماجىلىس «جۇڭگو كوممۋنيستىك پارتياسى ٴتارتىپ تەكسەرۋ كوميتەتىنىڭ قىزمەت ەرەجەسىن»، «جۇڭگو كوممۋنيستىك پارتياسىنىڭ ۇيىمدىق قىزمەت ەرەجەسىن» جەتكىزدى، ۇيرەندى. ٴماجىلىس مىنالاردى اتاپ كورسەتتى: ٴار دارەجەلى پارتكومدار (پارتيا باسشىلىق گرۋپپاسى) پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىگىن مۇقيات تياناقتاندىرىپ، «جۇڭگو كوممۋنيستىك پارتياسى ٴتارتىپ تەكسەرۋ كوميتەتىنىڭ قىزمەت ەرەجەسىن» ۇيرەنۋدى، ۇگىتتەۋدى، دايەكتىلەندىرۋدى ماڭىزدى ساياسي مىندەت ەتىپ،  پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن بۇلجىماي ىلگەرىلەتىپ، «ەرەجەنىڭ» دايەكتىلەنۋىنىڭ، اتقارىلۋىنىڭ تىڭعىلىقتى بولۋىن بار كۇشپەن ىلگەرىلەتۋ؛ ٴار دارەجەلى ٴتارتىپ تەكسەرۋ، باقىلاۋ - تەكسەرۋ ورگاندارى مەن قالىڭ ٴتارتىپ تەكسەرۋ، باقىلاۋ - تەكسەرۋ كادرلارى باستاماشىلدىقپەن ۇيرەنىپ، دايەكتىلەندىرىپ، قىزمەت جاۋاپكەرشىلىگىن مۇقيات اتقارىپ، ورگاننىڭ وزىندىك قۇرىلىسىن اناعۇرلىم كۇشەيتىپ، ٴتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتۋ كەرەك. جاڭا داۋىردەگى پارتيانىڭ ۇيىمدىق لۋشيانىن مۇقيات دايەكتىلەندىرىپ، «جۇڭگو كوممۋنيستىك پارتياسىنىڭ ۇيىمدىق قىزمەت ەرەجەسىن» ويداعىداي دايەكتىلەندىرىپ، اتقارىپ، پارتيانىڭ ۇيىمدىق قىزمەتكە بولعان جالپى بەتتىك باسشىلىعىنا تاباندى بولىپ جانە كۇشەيتىپ، پارتيانىڭ ورتالىقتانعان ٴبىر تۇتاس ۇيىمداستىرۋ ٴتۇزىمىن اقاۋسىزداندىرىپ، قورعاپ، جوعارى مەن تومەن ساباقتاساتىن، اتقارۋى پارمەندى ۇيىمداستىرۋ جۇيەسىن كەمەلدەندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى، ماماندانعان كادرلار قوسىنى مەن وتاندى ٴسۇيىپ كۇرەس جۇرگىزۋدى مۇرات ەتكەن، جاڭالىق اشۋعا، جاسامپازدىق جاراتۋعا باتىل ۇزدىك دارىندىلار قوسىنىن قۇرىپ، ۇيىمدى كۇشەيتۋ، القانى مىقتى ۇستاۋ، قوسىندى جەتەكتەۋ، دارىندىلاردى تاربيەلەۋ قابىلەتىن ۇزدىكسىز جوعارىلاتىپ، ۇيىمداستىرۋ قىزمەتىنىڭ تۇزىمدەنۋىن، ولشەمدەنۋىن، عىلميلانۋىن ىلگەرىلەتىپ، شينجياڭنىڭ ۇيىمداستىرۋ قىزمەتىنىڭ جاڭا جاعدايىن قۇلشىنا اشۋ كەرەك.

ٴماجىلىس اۆتونوميالى رايوننىڭ قىزمەت وتەۋ كاسىبى جانە وقۋ - اعارتۋ ىستەرىن، كاسىپتىك وقۋ - اعارتۋدىڭ «14 - بەسجىلدىق» دامۋ جوباسىن اقىلداستى، قارادى. ٴماجىلىس مىنالاردى اتاپ كورسەتتى: حالىقتى وزەك ەتكەن دامۋ يدەياسىنا تاباندى بولىپ، وڭىرلىك باسىمدىقتى تياناق ەتىپ، جاڭالىق اشۋ ارقىلى دەم بەرۋگە تاباندى بولىپ، جاڭالاۋ، جوعارىلاتۋ ارەكەتىن اتقارىپ، قىزمەت وتەۋ كاسىبىنىڭ سىرتقا ەسىك اشۋىن كەڭەيتىپ، ساۋداگەر شاقىرىپ، قارجى ەنگىزۋ تەبىنىن ارتتىرىپ، الۋان مەنشىك تۇزىمىندەگى قىزمەت وتەۋ كاسىپورىندارىنىڭ دامۋىنا قولداۋ كورسەتۋ؛ ۇكىمەت پەن ساۋدا اراسىندا ەتەنە، پاك قاتىناستى ساقتاپ، شارۋاشىلىق - ساۋدا ورتاسىن ساپالىلاندىرىپ، بازارلانعان، زاڭمەن باسقارىلاتىن، حالىقارالانعان تاماشا شارۋاشىلىق - ساۋدا ورتاسىن قالىپتاستىرىپ، دارىندى اينالىمىنىڭ، زات اينالىمىنىڭ، قارجى اينالىمىنىڭ، ينفورماتسيا اينالىمىنىڭ قولايلى اينالىمىن جەبەپ، يدەيانى اناعۇرلىم ازات ەتىپ، قامداۋ جاعىنداعى قۇرىلىمدىق رەفورمانى اناعۇرلىم تەرەڭدەتىپ، وسى زامانعى قىزمەت وتەۋ كاسىبىن زور كۇشپەن دامىتىپ، شينجياڭ ەرەكشەلىگىنە يە، ٴار ۇلت بۇقاراسىن يگىلىككە كەنەلتەتىن، جوعارى ساپالى دامۋعا تىرەك بولاتىن وسى زامانعى كاسىپ سالاسى جۇيەسىن جەدەل قالىپتاستىرۋ كەرەك. پارتيانىڭ وقۋ - اعارتۋ قىزمەتىنە بولعان باسشىلىعىن جاپپاي كۇشەيتىپ، ونەگە كورسەتىپ ادام تاربيەلەۋ ٴتۇبىرلى مىندەتىن تياناقتاندىرىپ، پارتيا ٴۇشىن ادام تاربيەلەۋ، مەملەكەت ٴۇشىن دارىندى تاربيەلەۋگە تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن رۋح سومداپ، ادام تاربيەلەۋگە تاباندى بولىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتىپ، جۇڭحۋا ۇلتى ورتاق تۇلعا تانىمى تاربيەسىن ٴار دارەجەلى، ٴار ٴتۇرلى وقۋ - اعارتۋعا شىن مانىندە ەنگىزىپ، مەكتەپكە دەيىنگى تاربيەنىڭ جالپىلاسۋ، جالپىعا ٴتيىمدى بولۋ، دامۋ جەتىستىگىن ۇزدىكسىز بەكەمدەپ، مىندەتتى وقۋ - اعارتۋدىڭ ساپالى، بىركەلكى دامۋىن ىلگەرىلەتىپ، ادەتتەگى ورتا مەكتەپتەردىڭ الۋان تۇرلىلەنگەن ەرەكشە دامۋىن جەبەپ، وسى زامانعى كاسىپتىك وقۋ - اعارتۋ جۇيەسىن قالىپتاستىرىپ، جوعارى دارەجەلى وقۋ - اعارتۋدىڭ جالپىلىق قۋاتىن ورنىقتى قاداممەن جوعارىلاتىپ، وقۋ - اعارتۋدىڭ دامۋ، قامتاماسىز ەتۋ دەڭگەيىن جوعارىلاتىپ، وقۋ - اعارتۋ ارقىلى شينجياڭعا باعىتتامالى كومەكتەسۋ قىزمەتىن تەرەڭدەتىپ، وقىتۋشىلاردىڭ ورنىن، مامىلەسىن جوعارىلاتىپ، حالىق رازى بولاتىن وقۋ - اعارتۋدى ويداعىداي قۇرۋ كەرەك.

ٴماجىلىس باسقا دا ىستەردى اقىلداستى.