ٴتىلشىمىز لي شين ـ ان قۇلجادان حابارلايدى.اۆتونوميالى رايوندىق پارتكوم مەن ۇكىمەتتىڭ بەكىتۋىمەن، 2021 ـ جىلى 9 - ايدىڭ 5 - كۇنىنەن 29 ـ كۇنىنە دەيىن، اۆتونوميالى رايوننىڭ ەكولوگيالىق ورتانى قورعاۋدى باقىلاۋ ـ تەكسەرۋ گرۋپپاسى ىلە وبلىسىندا داعدىلى باقىلاۋ ـ تەكسەرۋىن جانە اتموسفەراعا ارناۋلى باقىلاۋ ـ تەكسەرۋىن جۇرگىزدى. 2022 - جىلى 1 - ايدىڭ 9 - كۇنى تۇستەن بۇرىن باقىلاۋ ـ تەكسەرۋ پىكىرىن اڭىس ەتۋ ٴماجىلىسى قۇلجا قالاسىندا اشىلدى، باقىلاۋ ـ تەكسەرۋ گرۋپپاسىنىڭ باستىعى جيا چۇنلين باقىلاۋ ـ تەكسەرۋ پىكىرىن اڭىس ەتتى، وبلىستىق پارتكومنىڭ شۋجيى چيۋ شۋحۋا پوزيتسيا ٴبىلدىرىپ، ٴسوز سويلەدى، وبلىستىق پارتكومنىڭ ورىنباسار شۋجيى، وبلىستىڭ ۋاقىتتىق باستىعى ەلشات تۇرسىنباي ۇلى ٴماجىلىستى باسقاردى.

2021 - جىلى 9 - ايدىڭ 5 - كۇنى ىلە وبلىسىندا تۇرىپ قىزمەت ورىستەتكەلى بەرى، باقىلاۋ - تەكسەرۋ گرۋپپاسى مالىمەت تىڭداۋ، ماتەريالداردى الدىرىپ كورۋ، ٴبىر ٴبولىم ادامدارمەن اڭگىمەلەسۋ، ارالاپ جاعداي ۇعىسۋ، اشكەرەلەۋدى قابىلداۋ جانە ناق مايداندا ۇلگى الىپ تەكسەرۋ سياقتى تاسىلدەر ارقىلى وبلىس دارەجەلى سالادا باقىلاۋ - تەكسەرۋ جۇرگىزۋ، اۋدان، قالالارعا بارىپ باقىلاۋ - تەكسەرۋ جۇرگىزۋ جانە ماسەلە دەرەكتەردى جيناقتاۋ سىندى 3 ساتى بويىنشا قىزمەت ورىستەتتى. پارتيا، ۇكىمەت ورىندارىنداعى باسشى كادرلاردان جالپى 14 اداممەن جەكە - جەكە اڭگىمەلەسىپ، وبلىسقا توتە قاراستى ورىندارداعى 23 قاتىستى تاراۋدان (ورنىنان) جاعداي ۇعىستى، 744 نۇسقا قۇجات - ماتەريالدى الدىرىپ كوردى، بۇقارادان تەلەفون، حات ارقىلى كەلگەن 61 اشكەرەلەۋدى قابىلداپ 10 اۋدان، قالا مەن باقشا رايونىن جاپپاي قامتىعان تومەنگە ٴتۇسىپ باقىلاۋ - تەكسەرۋ جۇرگىزۋ قيمىلىن ورىستەتىپ، اشىق جانە جاسىرىن تەكسەرۋ تاسىلىمەن 174 ورىندى ناق مايداندا تەكسەردى. باقىلاۋ ـ تەكسەرۋ ارقىلى وبلىستىق پارتكوم مەن ۇكىمەت شي جينپيڭنىڭ ەكولوگيالىق وركەنيەت يدەياسىن، سونداي ـ اق پارتيا ورتالىق كوميتەتىنىڭ، مەملەكەتتىك كەڭەستىڭ جانە اۆتونوميالى رايوندىق پارتكومنىڭ، ۇكىمەتتىڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ جونىندەگى ماڭىزدى شەشىمدەرى مەن ورنالاستىرۋلارىن ىشكەرىلەي دايەكتى تياناقتاندىرىپ، ەكولوگيالىق ورتانى قورعاۋ قىزمەتىندە ماڭىزدى ىلگەرىلەۋشىلىككە جانە ونىمدىلىككە قول جەتكىزگەندىگىن، الايدا اتموسفەرانىڭ لاستانۋىنان ساقتانۋ جانە ونى جونگە سالۋ، ەكولوگيانى قالپىنا كەلتىرۋ جانە ونى جونگە سالۋ سياقتى 5  جاقتا ٴالى دە ماسەلە ورىن تەۋىپ وتىرعاندىعىن بايقاعان. 

اۆتونوميالى رايوندىق ەكولوگيالىق ورتانى قورعاۋدى باقىلاۋ ـ تەكسەرۋ قىزمەتىنە باسشىلىق ەتۋ گرۋپپاسىنىڭ ٴبىر تۇتاس تالابى بويىنشا، اۆتونوميالى وبلىس باقىلاۋ ـ تەكسەرۋ پىكىرىن تاپسىرىپ العاننان كەيىنگى 30 قىزمەت كۇنى ىشىندە رەتتەۋ ـ تۇزەتۋ مىندەتى تىزىمدىگىن جاساپ، اۆتونوميالى رايوندىق پارتكوم مەن ۇكىمەتكە جولدايدى، كوشىرمەسىن اۆتونوميالى رايوندىق ەكولوگيالىق ورتانى قورعاۋدى باقىلاۋ ـ تەكسەرۋ قىزمەتىنە باسشىلىق ەتۋ گرۋپپاسى كەڭسەسىنە دە جولدايدى ٴارى رەتتەۋ ـ تۇزەتۋ مىندەتى تىزىمدىگىن باسىپ تاراتقاننان كەيىنگى 6 اي ىشىندە رەتتەۋ ـ تۇزەتۋدىڭ تياناقتاندىرىلۋ جاعدايىن جولدايدى. اۆتونوميالى رايوندىق ەكولوگيالىق ورتانى قورعاۋدى باقىلاۋ - تەكسەرۋ قىزمەتىنە باسشىلىق ەتۋ گرۋپپاسى كەڭسەسى رەتتەۋ - تۇزەتۋدىڭ ىلگەرىلەتىلۋ جاعدايىنا مەرزىم بويىنشا ورنالاستىرۋ جاساپ، كەسەتسىز ۋاقىتتا اشىق جانە جاسىرىن تەكسەرۋ جۇرگىزىپ وتىرادى ٴارى قاتىستى جاعدايلاردى ەكولوگيالىق ورتانى قورعاۋدا پارتيا مەن ۇكىمەت بىردەي جاۋاپكەرشىلىك ارقالاۋدى باعالاۋدىڭ ماڭىزدى نەگىزى ەتەدى. باقىلاۋ - تەكسەرۋ گرۋپپاسى اۆتونوميالى وبلىسقا ەكولوگيالىق ورتانى قورعاۋداعى جاۋپكەرلىگى قۋزاستىرىلاتىن  ماسەلەلەردىڭ دەرەگىن وتكىزىپ بەرەدى. باقىلاۋ ـ تەكسەرۋ گرۋپپاسى وتكىزىپ بەرگەن ەكولوگيالىق ورتانى قورعاۋ جاۋاپكەرلىگى قۋزاستىرىلاتىن ماسەلە دەرەكتەرىن اۆتونوميالى وبلىس تالاپ بويىنشا، ٴتارتىپ - ەرەجە بويىنشا تەكسەرىپ ٴبىر جاقتى ەتەدى.

اڭىس ەتۋ ٴماجىلىسى بەينە ەكران فورماسىندا اشىلدى. باقىلاۋ ـ تەكسەرۋ گرۋپپاسىنىڭ ورىنباسار باستىعى ياڭ يۇڭگاڭ جانە باقىلاۋ ـ تەكسەرۋ گرۋپپاسىنىڭ مۇشەلەرى، جاۋ تيانجيە، سەرجان ۇعىباي ۇلى، ليۋ شينلي، چىن فاجان، جيا ي - شىڭ، ديڭ باڭۋىن، ٴنابيجان يبىرايىم، چىن شياڭ، قايرات اشىك ۇلى قاتارلى وبلىستىڭ 4 باسشىلىق القاسىنىڭ باسشىلارى، اۆتونوميالى وبلىستىڭ قاتىستى تاراۋلارىنىڭ نەگىزگى جاۋاپتىلارى نەگىزگى ٴماجىلىس الاڭىندا ماجىلىسكە قاتىناستى. حاۋ جيانمين، تاۋ چيڭسۇڭ، جياۋ شياۋفان، ياڭ شينپيڭ قاتارلى وبلىس باسشىلارى جانە ٴارقايسى اۋدان - قالانىڭ (وتكەل) باسشىلارى بولىمشە ٴماجىلىس الاڭىندا ماجىلىسكە قاتىناستى.