«بۇقارالىق ۇگىت ـ لەكسيا ۇيىرمەسى» بۇقارا اراسىنا، «جاس لەكتورلار ۇيىرمەسى» مەكتەپتەرگە بارىپ ۇگىت - لەكسيا جاسادى، ۇگىت ـ لەكسياشىلار نەگىزگى ساتىنى ارالاپ، پارتيانىڭ ٴۇنىن جەتكىزدى

ما چىڭلۋ (ٴوز ٴتىلشىمىز)

بىرنەشە كۇننەن بەرى اۆتونوميالى وبلىس يكەمدى دە الۋان ٴتۇرلى تاسىلدەر ارقىلى پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن «ٴنول ارالىقتان» بۇقارانىڭ كوكەيىنە ۇيالاتىپ، جالپى ٴماجىلىس رۋحىنىڭ جۇرت جۇرەگىنە تەرەڭ ۇيالاۋىنا كەپىلدىك ەتتى. 

«بۇقارالىق ۇگىت - لەكسيا ۇيىرمەسى» بۇقارا اراسىنا بارىپ ۇگىت - لەكسيا جاسادى 

تەكەس اۋدانى «بۇقارالىق ۇگىت ـ لەكسيا» بايلىعى ابزالدىلىعىن تولىق ساۋلەلەندىرىپ، قىستاق «ەكى كوميتەتى» كادرلارى، پارتيا مۇشەلەرى ۋاكىلدەرىن جەدەل ۇيىمداستىرىپ «بۇقارالىق ۇگىت ـ لەكسيا ۇيىرمەسىن» قۇرىپ، فورماسى الۋان ۇگىت ـ لەكسيا قيمىلدارىن ورىستەتۋ ارقىلى قالىڭ پارتيالى كادرلار مەن بۇقارانى پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋدىڭ قىزۋ ورلەۋىن كوتەرۋگە باستادى. 

قۇجىرتى موڭعۇل ۇلتتىق اۋىلى كۇرە قىستاعىندا «بۇقارالىق ۇگىت ـ لەكسيا ۇيىرمەسىنىڭ» مۇشەلەرى قىستاق تۇرعىنى با . ۋرىنبانىڭ وتباسىنا بارىپ، جالپى ٴماجىلىس رۋحىن ۇگىتتەپ، ونىمەن تاياۋ جىلداردان بەرگى قىستاقتىڭ وزگەرىسى جايىندا اقتارىلا اڭگىمەلەستى. «قىستاعىمىزدىڭ سۋ، ەلەكتر، جول سياقتى نەگىزدىك قۇرىلعىلارى بارىنشا جاقسارىپ، باقىت سەزىمىمىز جوعارىلادى. تاياۋدا مەن قىستاق پارتيا ياچەيكاسىنا پارتياعا كىرۋ ٴوتىنىشىمدى تاپسىردىم، پارتياعا ماڭگى ىلەسەمىن» دەدى با . ۋرىنبا. 

بەتپە ـ بەت ۇگىت ـ لەكسيا جاساۋ ارقىلى ۇگىت ـ لەكسيا شەبىن قىستاق تۇرعىندارىنىڭ وتباسىنا كوشىرىپ، اڭگىمەلەسۋ تاسىلىمەن بۇقارانىڭ جالپى ٴماجىلىس رۋحىن ىشكەرىلەي ۇيرەنۋىنە كومەكتەسىپ، جالپى ٴماجىلىس رۋحىن جۇرت جۇرەگىنە ونان ارى تەرەڭ ۇيالاتتى.

كۇرە قىستاعى پارتيا ياچەيكاسىنىڭ شۋجيى ۋ دۇڭبو: «ٴبىز جالپى ٴماجىلىس رۋحىن ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى <بۇقارا ٴۇشىن ناقتى ٴىس ىستەيمىن> امالياتتىق قيمىلىمەن ۇشتاستىرىپ، ٴار ۇلت حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋىنە كومەكتەسىپ، ولاردىڭ كىرىسىن ارتتىرىپ، اۋقاتتانۋىنا كومەكتەسىپ، تۇرمىس ساپالارىن ۇزدىكسىز جوعارىلاتتىق» دەدى.

«جاس لەكتورلار ۇيىرمەسى» مەكتەپ اۋلاسىندا ۇگىت ـ لەكسيا جاسادى

كۇنەس اۋداندىق وداق كوميتەتى «جاس لەكتورلار ۇيىرمەسىنىڭ» ەرىكتى قىزمەت وتەۋ رولىن ساۋلەلەندىرىپ، اۋداندىق 2 ـ ورتا مەكتەپكە بارىپ، «پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن مەكتەپتەرگە جەتكىزۋ» ارناۋلى تاقىرىپتىق ۇگىت ـ لەكسيا قيمىلىن ورىستەتىپ، جاستار مەن ورەندەردىڭ ۇلتتىق ماقتانىش سەزىمى مەن مەملەكەت داڭقى سەزىمىن كۇشەيتىپ، جاستار مەن ورەندەردىڭ پارتيانى، وتاندى، اتا - مەكەندى ٴسۇيۋ ىنتاسىن تاسقىنداتتى.

«جاس لەكتورلار ۇيىرمەسىنىڭ» مۇشەلەرى وقۋشىلارعا جالپى ٴماجىلىستىڭ استارى مەن كەلەلى ماڭىزىن ىشكەرىلەي ٴتۇسىندىرىپ، قاراردىڭ نەگىزگى مازمۇنى، «ٴتورت ۇلى تابىس»، «ون ٴىرى تاجىريبە»، پارتيانىڭ ەڭ جاڭا نازاريالىق جاسامپازدىعى سياقتىلاردى توڭىرەكتەپ، جالپى ٴماجىلىس رۋحىن جۇيەلى، جان - جاقتى بايىمدادى. پارتيا تاريحى جونىندەگى اڭگىمەلەرمەن ۇشتاستىرىپ، جاستار مەن ورەندەردىڭ جالپى ٴماجىلىس رۋحىن شىنايى تۇسىنۋىنە، قۇنتتاپ يگەرۋىنە مۇمكىندىك جاساپ، قالىڭ جاستار مەن ورەندەردى يدەيا مەن ارەكەتتى جالپى ٴماجىلىس رۋحىمەن بىرلىككە كەلتىرۋگە باستادى.

«ٴبىز ٴبىرىنشى 100 جىلدىق نىسانانىڭ ورىندالۋىنا كۋا بولدىق، جاڭا ٴداۋىردىڭ جاستارى رەتىندە قۇلشىنا ۇيرەنىپ، ٴداۋىر جۇكتەگەن مىندەتتى جالعاپ، كەلەسى 100 جىلدىق نىساناعا قاراي ۇدەرە العا تارتامىز» دەدى اۋداندىق 2 ـ ورتا مەكتەپتىڭ 2 ـ جىلدىق وقۋشىسى حى جيايۇي.

ۇگىت - لەكسياشىلار نەگىزگى ساتىعا بارىپ، پارتيانىڭ ٴۇنىن جەتكىزدى

اۆتونوميالى وبلىستىڭ پارتيا تاريحىن ۇيرەنۋ تاربيەسىنە جەتەكشىلىك ەتۋ 4 - گرۋپپاسىنىڭ مۇشەسى ميھىرنيسا توحتى بۇقارالىق قىزمەتتەن سىرت، جالپى ٴماجىلىس رۋحىن نەگىزگى ساتىنىڭ ٴبىرىنشى شەبىنە جەتكىزىپ، بارشا جۇرت تەگىس بىلۋىنە مۇمكىندىك جاسادى.

ميھىرنيسا توحتى ىلگەرىندى ـ كەيىندى قۇلجا اۋدانى جەلىجۇزى قالاشىعى باتىس 1 ـ رايون الەۋمەتتىك اۋماعى مەن گۇڭيۋە الەۋمەتتىك اۋماعىنا بارىپ، بۇقاراعا جالپى ٴماجىلىس رۋحىن ۇگىتتەدى. ۇگىت ـ لەكسيادا ول اسەرلى دە قىزىقتى اڭگىمەلەر جانە قاراپايىم دا ۇعىنىقتى ٴتىل ارقىلى بۇقاراعا جۇڭگو كوممۋنيستىك پارتياسىنىڭ 100 جىلدىق كۇرەسىنىڭ ۇلى بارىسىن، كەلەلى تابىستارىن جانە تاريحي تاجىريبەلەرىن بايانداپ بەردى.

الەۋمەتتىك اۋماق تۇرعىنى ۋاڭ لان: «بۇگىن ميھىرنيسا توحتىنىڭ تۇسىندىرۋىندە مەن جالپى ٴماجىلىس رۋحىن جانە حالىققا تيىمدىلىك جاساۋ ساياساتتارىن ۇعىندىم. پارتيانىڭ باسشىلىعىندا تۇرمىسىمىز، ٴسوز جوق، بارعان سايىن جاقسارادى» دەدى.

وبلىسقا توتە قاراستى ٴار دارەجەلى، ٴار تۇردەگى ۇگىت - لەكسياشىلار بۇقارانىڭ كاسىپ، تۇرمىس ٴىس جۇزىندىگىمەن ۇشتاستىرا وتىرىپ ٴوزارا ىقپالداسىپ، پىكىر اۋىستىرىپ، كوپشىلىكتى يدەيانى ازات ەتۋ بارىسىندا امالياتقا ىشكەرىلەي ارالاسۋعا شابىتتاندىرىپ، نەگىزگى ساتىداعى كادرلار مەن بۇقارانى جالپى ٴماجىلىس رۋحىن ىشكەرىلەي ۇيرەنۋگە، ۇگىتتەۋگە، دايەكتىلەندىرۋگە جەتەكتەپ، جالپى ٴماجىلىس رۋحىن جۇرت جۇرەگىنە تەرەڭ ۇيالاتتى.