شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى. مەملەكەت ٴتوراعاسى شي جينپيڭ 1 - ايدىڭ 10 - كۇنى پولشانىڭ زۇڭتۇڭى دۋداعا تەلەگرامما جولداپ، دۋدانىڭ جاڭا تيپتى ايدارشا ۆيرۋسپەن جۇعىمدالعاندىعىنا بايلانىستى حال سۇرادى. 

شي جينپيڭ مىنالاردى ٴبىلدىردى: ٴسىزدىڭ جاڭا تيپتى ايدارشا ۆيرۋسپەن جۇعىمدالعاندىعىڭىزدان حابار تاپتىم، سىزدەن شىنايى حال سۇرايمىن، ٴسىزدىڭ ەرتەرەك ساۋىعۋىڭىزعا تىلەكتەسپىن ٴارى پولشا حالقىنىڭ ىندەتتى ەرتەرەك جەڭۋىن تىلەيمىن. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو مەن پولشا ەكى ەل ٴوزارا قولداۋ كورسەتىپ، ىندەتكە قول ۇستاسا قارسى اتتاندى، ٴداستۇرلى دوستىق تەرەڭدەي ٴتۇستى. مەن جۇڭگو مەن پولشا قارىم - قاتىناسىنىڭ دامۋىنا وسكەلەڭ ٴمان بەرەمىن، سىزبەن بىرگە قۇلشىنىپ، جۇڭگو مەن پولشانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايمىن.