− 2021 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتكەندىگى تۋرالى ەستەلىك

2021 - جىلدىڭ سوڭى، بەيجيڭ جۇڭنانحاي. 

ورتالىق كوميتەت ساياسي بيۋروسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىندا ماڭىزدى ٴبىر بايانداما − «2021 - جىلعى فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ جاعدايى جونىندەگى بايانداما» جيىنعا قاتىناسقان جولداستاردىڭ الدىنا قويىلدى. 

«ٴبىز فورماشىلدىق، تورەشىلدىك قاساڭ دەرتتەرى مەن كىناراتتارىن وڭاۋدى، جونگە سالۋدى تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتۋدىڭ ۇدايىلانعان مەحانيزمىن ورناتىپ، نەگىزگى ساتىداعى پارتيا مۇشەلەرىنىڭ، كادرلاردىڭ ٴىس ىستەپ، ناتيجە شىعارۋ بەلسەندىلىگىن قاۋلاتتىق. قاجىماي - تالماي قۇلشىنۋ ارقىلى پارتيا ستيلى، ۇكىمەت ستيلى شىت جاڭا بەينەگە ەنىپ، قوعامدىق سالت، حالىق سالتى ۇزدىكسىز جاقساردى». 

ناقتى، ٴداپ باسىپ بەرىلگەن باعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ستيلدى توقتاۋسىز مىقتى يگەرىپ، فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتكەن قوماقتى جەتىستىكتەرىن تولىق ايگىلەدى. 

ٴبىر جىلدان بەرى پارتيا ورتالىق كوميتەتىنىڭ ٴبىرسىپىرا ورنالاستىرۋلارى مەن شارالارى نەگىزگى ساتى كادرلارىنىڭ اۋىرتپالىعىن جەڭىلدەتتى، باسقارۋ قابىلەتىنىڭ ونىمدىلىگىن ارتتىردى، ونىڭ جەتىستىكتەرى حالىق بۇقاراسىنا ۇزدىكسىز تيىمدىلىك جەتكىزدى. دامىلسىز كۇش سالىپ، تاباندىلىقپەن جالعاستىرىپ، فورماشىلدىقتى شوعىرلى تۇردە وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدىڭ بەلسەندى ناتيجەسىن ۇزدىكسىز ايگىلەپ، بۇكىل پارتيادا جوعارىدان تومەنگە دەيىن جاڭا جورىقتا ەكپىندەي ىلگەرىلەۋدىڭ، جاڭا داۋىردە ەڭبەك ٴسىڭىرۋدىڭ قۋاتتى ۇلى كۇشىن ۇيىستىردى.

ٴوزى ونەگە بولىپ، باستان - اياق جالعاستىردى − باس شۋجي شي جينپيڭ نەگىزگى ساتىنىڭ اۋىرتپالىعىن جەڭىلدەتۋ قىزمەتىنە ايرىقشا ٴمان بەردى

2021 - جىلى 12 - اي، بەيجيڭ جيڭشي قوناق ٴۇيى، ورتالىقتىڭ ەكونوميكالىق قىزمەت ٴماجىلىسى اشىلدى. 

وسى رەتكى ماڭىزدى ماجىلىستە باس شۋجي شي جينپيڭ دارەتحانانى وزگەرتۋ سىندى تالاي وتباسىلارمەن بايلانىستى حالىق تۇرمىسىنىڭ ناقتى ىسىنەن فورماشىلدىقتىڭ زالالىن اتاپ ٴوتتى −

«بۇكىل ەلدە كليمات، ەكولوگيالىق ورتا سان قيلى، ەكونوميكالىق تۇرمىس دەڭگەيى دە ٴار الۋان، بارلىق دارەتحانانى ٴبىر ٴتۇرلى ادىسپەن وزگەرتۋگە قايتىپ بولادى؟ كەيبىر جەرلەردە ٴجۇردىم - باردىم شالاعايلىق، جەڭىل - جەلپى سيپاي سالۋ قىرۋار دارەتحانالاردا اۋىر ماسەلەلەردىڭ ورىن تەبۋىنە اپارىپ سوقتى، سوندىقتان مەن كوپ رەت بەكىتۋ جازدىم». باس شۋجي شي جينپيڭنىڭ ٴسوزى سانانى وياتىپ، تەرەڭ وي سالدى. 

بۇلاردىڭ ىشىندە ەكى بەكىتۋ اراعا كوپ ۋاقىت سالماي ىركەس - تىركەس جاسالدى. بىرىندە: «فورماشىلدىق، تورەشىلدىك − كەدەيلەردى سۇيەمەلدەۋ مەن اۋىل - قىستاقتى گۇلدەندىرۋدەگى ەڭ ۇلكەن قاتەر، ونىڭ قايتا باس كوتەرۋىنە، استە، جول بەرمەۋ كەرەك» دەپ قاتاڭ ەسكەرتۋ جاسالدى. ەندى بىرىندە: «تەزدىككە ەمەس، ساپاعا تالپىنىپ، حالىقتى قالجىراتىپ، اقشانى بوسقا شاشۋعا، فورماشىلدىق ىستەپ، مونتانسۋعا باتىل قارسى تۇرۋ كەرەك» دەپ قاداعالاي تاپسىرىلدى.

جۇرتتىڭ انىق ەسىندە، 2021 - جىلى 2 - ايدىڭ 25 - كۇنى اشىلعان كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭ بىلاي دەپ اتاپ كورسەتكەن ەدى: «قۇنتسىزدىققا باتىل قارسى تۇرۋ، تەڭگەرمەشىلىككە باتىل قارسى تۇرۋ، ٴىس جۇزىندىككە ۇيلەسپەيتىن <بەت - بەدەل ينجەنەريالارىمەن> اينالىسۋعا باتىل قارسى تۇرۋ، فورماشىلدىققا، تورەشىلدىككە باتىل قارسى تۇرۋ، بارلىق قىزمەتتى كەدەي بۇقارا ٴۇشىن ٴىس جۇزىندىك ماسەلەنى شەشۋدە تياناقتاندىرۋ كەرەك». 

جىل باسىنان جىل سوڭىنا دەيىن ورنالاستىرۋ جاساۋدان بەكىتۋ جازۋعا دەيىن فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدى باس شۋجي شي جينپيڭ باستان - اياق كوكەيىندە ساقتادى. 

2021 - جىلى پارتيا مەن مەملەكەت تاريحىنداعى ايرىقشا ٴبىر جىل بولدى. 

ٴىرى ىستەر، قۋانىشتى ىستەر تولاسسىز بولدى − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتادىق، پارتيا 19 - كەزەكتى ورتالىق كوميتەتىنىڭ التىنشى جالپى ٴماجىلىسىن اشتىق، پارتيا تاريحىن ۇيرەنۋ تاربيەسىن ورىستەتتىك، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتتىك، جاپپاي دوڭگەلەك داۋلەتتى قوعام ورناتتىق، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا ساپارىن باستادىق... 

حاۋىپ - قاتەر، سىن - سايىس قاتاڭ بولدى − دۇنيە جۇزىندە 100 جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل الەمدە جاپپاي تارالۋى قاباتتاسا ىقپال كورسەتتى، ەل ىشىندەگى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ٴتۇرلى مىندەتتەرى ايرىقشا اۋىر، ماشاقاتتى بولدى... 

مىندەت نەعۇرلىم ماشاقاتتى بولعان سايىن، سىن - سايىس نەعۇرلىم ٴجيى تۋىلعان سايىن توتەنشە مىعىم ستيل ارقىلى قامتاماسىز ەتۋ سولعۇرلىم قاجەت بولدى، شەگە قاعۋ رۋحىمەن فورماشىلدىقتى ۇزدىكسىز وڭاپ - جونگە سالىپ، پارتيا ورتالىق كوميتەتىنىڭ بەدەلىن قورعاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ نەگىزگى ساتىعا تياناقتانىپ تامىر تارتۋىنا شىنايى كەپىلدىك ەتۋ سولعۇرلىم قاجەت بولدى. 

ساياسيداعى تاباندىلىق نازاريالىق جاقتاعى سەرگەكتىكتەن كەلەدى. 

وسى جىلدا باس شۋجي شي جينپيڭ ورتالىقتىڭ ماڭىزدى ماجىلىستەرىندە فورماشىلدىقتى، تورەشىلدىكتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ جونىندە كوپ رەت ماڭىزدى بايىمداۋلار جاسادى. 

2021 - جىلى 1 - ايدىڭ 22 - كۇنى 19 - كەزەكتى ورتالىق ٴتارتىپ تەكسەرۋ كوميتەتىنىڭ بەسىنشى جالپى ماجىلىسىندە باس شۋجي شي جينپيڭ بىلاي دەپ باسا دارىپتەدى: «فورماشىلدىقپەن، تورەشىلدىكپەن ەشقانداي ىمىراعا كەلمەي، جالپى بەتتىك قاداعالاپ، نىسانالى تۇزەتىپ، جونگە سالىپ، ۇزدىكسىز تۇردە نەگىزگى ساتىنىڭ تىنىسىن كەڭەيتىپ، اۋىرتپالىعىن جەڭىلدەتىپ، ناقتى ٴىس تىندىرۋعا ٴمان بەرەتىن، ناقتى ناتيجەگە ٴمان بەرەتىن ادام ىستەتۋ باعدارىن ورناتىپ، بۇكىل پارتيانى جاۋاپكەرشىلىك ارقالاۋعا، جاۋاپكەرشىلىكتى ادا ەتۋگە، ٴىس تىندىرىپ، ناتيجە شىعارۋعا قۋزاۋ كەرەك».

ٴبىر ايدان كەيىن پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا باس شۋجي شي جينپيڭ مىنانى تالاپ ەتتى: «فورماشىلدىقتى، تورەشىلدىكتى باتىل جويىپ، نەگىزگى ساتىنىڭ اۋىرتپالىعىن جەڭىلدەتۋگە نازار اۋدارۋ كەرەك. مىندەتتى شالاعايلىقپەن ورىنداۋ، ىنتا قويماۋ سياقتى جايتتەردىڭ تۋىلۋىنان ساقتانۋ، قالاي جازىلسا سولاي وقىپ بەرە سالۋدان ساقتانۋ، كوزگە ٴتۇسۋ ٴۇشىن لەپىرۋدەن ساقتانۋ كەرەك». 

...

تۋ ۇستاپ، باعدار بەلگىلەدى، اسقاق ٴۇن ايبىندى لەپ اڭداتتى. 

ٴبىرسىپىرا ماڭىزدى بايىمداۋلار باس شۋجي شي جينپيڭنىڭ ستيل قۇرىلىسىنا ايرىقشا ٴمان بەرەتىندىگىن، فورماشىلدىقتىڭ زالال - زاردابىن بۇگە - شىگەسىنە دەيىن بىلەتىندىگىن ايگىلەدى؛ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ فورماشىلدىق، تورەشىلدىك كورنەكتى ماسەلەلەرىن ۇزدىكسىز تۇزەيتىن، جونگە سالاتىن، نەگىزگى ساتىنىڭ اۋىرتپالىعىن جەڭىلدەتۋدى ىلگەرىلەتەتىن باتىل ەرىك - جىگەرى مەن مىعىم بەكىمىن كورسەتتى. 

جەرگىلىكتى ورىنداردا قىزمەت تەكسەرۋ نەگىزگى ساتىنىڭ ٴىس جۇزىندىك جاعدايىن ٴبىلۋدىڭ، بۇقارانىڭ جۇرەك ۇنىنە قۇلاق ٴتۇرۋدىڭ ماڭىزدى تەرەزەسى. 

2021 - جىلى 2 - ايدىڭ 3 - كۇنى ەگىنشىلىك كالەندارى بويىنشا كوكتەم باسى. ٴيىر - ٴيىر تاۋ جولىن بويلاپ، جوتا - جوتادان اسىپ، تالاي - تالاي يىندەردى اينالىپ، گۇيجوۋداعى ٴار ۇلت كادر - بۇقاراسىنا امانداسۋعا، حال سۇراۋعا بارعان باس شۋجي شي جينپيڭ تاۋدىڭ تەرەڭ قويناۋىنداعى، ۇلى داريانىڭ جاعاسىنداعى بيجيە قالاسى چيانشي اۋدانى شينرىن مياۋزۋ اۋىلى حۋا - ۋ قىستاعىنا كەلدى. 

مياۋزۋ قىستاق تۇرعىنىنىڭ ۇيىندە قوناق بولمەدەن، اس ۇيدەن تازالىق بولمەسىنە دەيىن باس شۋجي شي جينپيڭ ەرەكشە ىجداعاتپەن قاراپ شىقتى. 

ىجداعاتپەن قاراپ شىعىپ قانا قويعان جوق، ەگجەي - تەگجەيلى سۇراپ ۇعىستى. 

ۇيلەرىڭىزدە قانشا جەر بار، وعان نەلەر ەگەسىزدەر، قايدا جۇمىس ىستەيسىزدەر، تابىستارىڭىز قانشا، بالالارىڭىز مەكتەپكە بارعاندا وقۋ قاراجاتىن تاپسىرا ما، بولاشاقتا قانداي جوسپارلارىڭىز بار... وتباسى، شارۋا جايلارى جونىندە اڭگىمەلەسىپ وتىرىپ، باس شۋجي شي جينپيڭ ەگجەي - تەگجەيلى سۇراپ، جەرگىلىكتى ورىنعا قاتىستى جاعدايلاردى ۇعىستى. 

حالىقتىڭ تۇرمىسىن كوردى، ەكولوگيانى تەكسەردى، مادەنيەتكە نازار سالدى، الەۋمەتتىك اۋماققا باردى، پارتيا قۇرىلىسىن ۇعىستى... باس شۋجي شي جينپيڭ كىدىرىسسىز ساپار بارىسىندا، حالىق بۇقاراسىمەن ىشكەرىلەي ارالاسىپ، حالىقپەن بىرگە بولىپ، ٴوز باسىنان ونەگە كورسەتىپ، ناقتى ستيلدى قالاي اسقاقتاتۋ، ىشكەرىلەي تەكسەرۋ - زەرتتەۋ جۇرگىزۋ جونىندە بۇكىل پارتياعا ۇلگى بولدى. 

ٴبىر جىلدان بەرى مەيلى ماڭىزدى ماجىلىستەرگە قاتىناسسىن، الدە جەرگىلىكتى وڭىرلەرگە بارىپ ىشكەرىلەي قىزمەت تەكسەرسىن، باس شۋجي شي جينپيڭ فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋگە دايەكتى ٴمان بەرىپ وتىردى −

كادرلارمەن سىرلاسقاندا، باس شۋجي مىنانى قاداعالاي تاپسىردى: «شىنايى يگەرىپ، ناقتى ىستەۋگە، تياناقتاندىرۋدى مىقتاپ يگەرۋگە تاباندى بولىپ، بارلىق قىزمەتتى ناقتى ىستەپ، ناقتى ناتيجە شىعارۋ، قول جەتپەسكە قول سوزۋدان اۋلاق بولۋ، ٴىس جۇزىندىكتەن قول ۇزبەۋ، فورماشىلدىقتى، تورەشىلدىكتى باتىل تيۋ كەرەك. ادال ادام بولۋدى، شىنايى ٴسوز سويلەۋدى، ادال ٴىس ىستەۋدى ومىرلىك ۇستانىم ەتۋ كەرەك، سوندا عانا شىن مانىندە نىق قاداممەن ۇزاق بولاشاققا جەتۋگە بولادى».

باسقارۋ ٴتۇزىلىسى جونىندە باس شۋجي بىلاي دەپ باسا دارىپتەدى: «عىلىم - تەحنيكا قىزمەتكەرلەرى قاراعا ىلەسۋ، داستارقاندا بولۋ سياقتى قيمىلدارعا ازىراق قاتىناسۋى كەرەك، بۇنىڭ بالەندەي كەلەر - كەتەرى جوق! عىلىم - تەحنيكا قىزمەتكەرلەرىنىڭ قىرۋار ۋاقىتىن ماعىناسىز كۇتىپ الۋ، اتتاندىرىپ سالۋ قيمىلدارىندا زايا كەتىرۋىنە، قاجەتسىز ساراپتاۋ، باعالاۋ قيمىلدارىنا جۇمساۋىنا، فورماشىلدىقتىڭ، تورەشىلدىكتىڭ قيلى - قيلى قيمىلدارىنا جۇمساۋىنا، استە، جول بەرۋگە بولمايدى!». 

نەگىزگى ساتىنىڭ حال - جاعدايىن ۇعىستى، قىزمەت تەكسەرۋ بارىسىندا، ەڭبەكاقى كىرىسى، تۇرعىن ٴۇي، ەمدەلۋ، بالالاردىڭ وقۋعا ٴتۇسۋى، زەينەتكە شىعۋ، ورنالاستىرۋ، ٴاربىر ٴىستى، ٴاربىر شارۋانى باس شۋجي تاپتەشتەي تاپسىرۋدا نەگىزگى ساتىداعى كادرلاردىڭ ۋايىمنان ارىلۋىنا، جاڭا داۋىردەگى كۇرەس جىرىن جازۋىنا مۇمكىندىك جاساۋدى ماقسات ەتتى. 

ورەلى ونەگەمەن ٴتالىم بەرىپ، نەگىزگى ساتىعا مەيىرىن توكتى. 

نەگىزگى ساتى كادرلارى جاپا - تارماعاي بىلاي دەدى: «قازىر بۇقاراعا قىزمەت وتەۋگە اناعۇرلىم كوپ ۋاقىت بولە الاتىن بولدىق، كادرلار مەن بۇقارانىڭ قاتىناسىن جاقىنداتۋ بارىسىندا پارتيا مەن حالىقتىڭ ەتەنە بايلانىسىن قويۋلاتتىق، كوپشىلىك پارتياعا اناعۇرلىم سەنىم ارتتى، پارتيا ورتالىق كوميتەتىنىڭ حالىق تۇرمىسى جونىندەگى ورنالاستىرۋلارى دا تەز تياناقتاناتىن بولدى، نەگىزگى ساتى كادرلارى ٴىس تىندىرىپ، ناتيجە شىعارۋدىڭ تاماشا داۋىرىنە ىلەستى». 

قاجىماي - تالماي تاباندىلىق كورسەتىپ، تياناقتاندىرۋدى مىقتى يگەردى − نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەي، ناقتى ىلگەرىلەتتى 

7 جاقتاعى 18 ماسەلە، 72 تارماقتى شارا! 

فورماشىلدىقتاعى ەسكى ماسەلەلەر مەن ٴتۇسىن وزگەرتكەن جاڭا بەينەلەرىن تەكسەرىپ ورتاعا سالىپ، شەشۋ شارالارىن ٴبىر - بىردەن العا قويدى، 2021 - جىلى جۇڭگو كوممۋنيستىك پارتياسى ورتالىق كوميتەت كەڭسەسى «فورماشىلدىق ماسەلەلەرىن ونان ارى ىشكەرىلەي شەشىپ، 2021 - جىلعى نەگىزگى ساتىنىڭ اۋىرتپالىعىن جەڭىلدەتۋ قىزمەتىن ويداعىداي ىستەۋ جونىندەگى باستى شارالار جانە جۇمىس  ٴبولىسى جوباسىن» باسىپ تاراتتى. بۇل قۇجات باستىلىق، ٴماجىلىس باستىلىق، قۋزاپ تەكسەرۋ، تەكسەرۋ، باعالاۋ تىم كوپ، تىم ٴجيى بولۋ سياقتى كورنەكتى ماسەلەلەرگە نازاردى شوعىرلاندىرعان ورتالىق كوميتەت كەڭسەسىنىڭ قاتارىنان 4 - جىل باسىپ تاراتقان قۇجاتى ەدى.

بۇل ماڭىزدى قۇجات تاعى ٴبىر مارتە انىق سيگنال تاراتتى: نەگىزگى ساتىنىڭ اۋىرتپالىعىن جەڭىلدەتۋدە دامىلداۋ، بوساڭسۋ ويىندا بولۋعا، استە، بولمايدى. 

جوعارى دەڭگەيدە جوبالاۋ انىق، ايقىن بولعاندا عانا دايەكتىلەندىرۋ، تياناقتاندىرۋ دالمە - ٴدال بولادى. 

ٴبىر جىلدان بەرى پارتيا ورتالىق كوميتەتىنىڭ پارمەندى باسشىلىعىندا، فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدىڭ ورتالىق دەڭگەيىندەگى ارناۋلى قىزمەت مەحانيزمىنە مۇشە ورىندار ٴوز مىندەتتەرىن اتقارىپ، سايكەسە، سەلبەسە ارەكەت ەتتى −

ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى نەگىزگى ساتىنىڭ اۋىرتپالىعىن جەڭىلدەتۋدى ٴتارتىپ تەكسەرۋ، باقىلاۋ - تەكسەرۋ قىزمەتىنە ٴسىڭىرىپ، جاۋاپقا تارتۋ قىزمەتىنىڭ ساياسيلىعىن، دالدىگىن، ناقتى ونىمدىلىگىن كۇشەيتتى؛ ورتالىق كوميتەت ۇيىمداستىرۋ ٴبولىمى كادرلاردى جاۋاپكەرشىلىك ارقالاۋعا، ٴىس تىندىرۋعا ىنتالاندىرۋدىڭ ناقتى شارالارىن تياناقتاندىرۋدى ۇزدىكسىز ويداعىداي يگەردى؛ ورتالىق كوميتەت ۇگىت ٴبولىمى كوپ مەديالى تۇعىردان كەشەندى پايدالانىپ ۇگىتتەۋدى، جەتەكتەۋدى كۇشەيتتى؛ ورتالىق رەفورمانى جاپپاي تەرەڭدەتۋ باسشىلىق گرۋپپاسى كەڭسەسى نەگىزگى ساتىنىڭ باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىن كۇشەيتۋگە قاتىستى شارالاردىڭ تياناقتانۋىن، ناتيجە بەرۋىن ىلگەرىلەتتى؛ ورتالىق پەن مەملەكەت ورگاندارى قىزمەت كوميتەتى ورتالىق پەن مەملەكەت ورگاندارىنداعى پارتيا مۇشەلەرىنىڭ، كادرلاردىڭ باستاماشىلدىقپەن ستيلدى جاقسارتۋىن، جاۋاپكەرشىلىك ارقالاپ، ىسكەرلىك كورسەتۋىن ىلگەرىلەتتى؛ مەملەكەتتىك حالىق قۇرىلتايى تۇراقتى كوميتەتى كەڭسەسى زاڭنىڭ اتقارىلۋىن تەكسەرۋدى ونان ارى ارناعا ٴتۇسىرىپ، تەكسەرۋ - زەرتتەۋ جەتىستىكتەرىن كادەگە جاراتۋدى كۇشەيتتى؛ مەملەكەتتىك كەڭەس كەڭسەسى قۇجاتتاردى ىقشامداپ، جيىندى ازايتىپ، مەملەكەتتىك كەڭەستىڭ قاتىستى تاراۋلارىنىڭ قۋزاپ تەكسەرۋ، تەكسەرۋ، باعالاۋ تاسىلدەرىنە بۇرىلىس جاساۋىن ىلگەرىلەتتى؛ مەملەكەتتىك ساياسي كەڭەس كەڭسەسى قىزمەت تەكسەرۋ، تەكسەرۋ - زەرتتەۋ قيمىلدارىن ونان ارى ارناعا ٴتۇسىردى. 

جوعارى مەن تومەن ٴبىر نيەتتە بولىپ، جۇمىلا يگەرىپ، بىرگە باسقاردى. 

بۇگىنگى تاڭدا نەگىزگى ساتىنىڭ اۋىرتپالىعىن جەڭىلدەتۋدىڭ ۇدايىلانعان مەحانيزمى قالىپتاسۋ ۇستىندە، نەگىزگى ساتىنىڭ اۋىرتپالىعىن شىنايى جەڭىلدەتۋ، شىنايى اۋىرتپالىعىن جەڭىلدەتۋ جالپى بەتتىك ورتاق تانىمعا اينالدى. 

− نازاريا ۇيرەنۋدە «فورماشىلدىقتى» باتىل تيىپ، يدەيا - ساياسي تاربيەسىنىڭ «ساناعا ٴسىڭىپ، جۇرەككە  ۇيالاۋىنا» شىنايى كەپىلدىك ەتتى. 

پارتيا مۇشەلەرىن ەسكەرتكىش سارايلارىنا، كورمە سارايلارىنا بارىپ قىزىل تاريحتان اسەر الىپ، وي تۇيۋگە ۇيىمداستىردى، زەيىن سىناۋ جارىستارى، كىتاپ وقۋ، ماقالا قابىلداۋ سياقتى قيمىلدار ۇيىمداستىرىپ ۇيرەنۋ ىنتاسىن قاۋلاتتى، قاھارمان ۇلگىلەردىڭ ۋاكىلدەرىن نەگىزگى تاقىرىپتىق پارتيا تاريحى ساباقحاناسىنا كەلىپ ماڭگى پارتياعا ىلەسۋدەگى تەرەڭ تولعانىستارىمەن بولىسۋگە ۇسىنىس ەتتى... پارتيا قۇرىلعاندىعىنىڭ 100 جىلدىعى قارساڭىندا، پارتيا تاريحىن ۇيرەنۋ تاربيەسى بۇكىل پارتيادا جوعارىدان تومەنگە دەيىن قانات جايدى. 

نازاريا ۇيرەنۋ «ات ٴۇستى وتە شىعاتىن شارۋا» ەمەس، تەك كوڭىل قويا وتىرىپ ۇيرەنىپ، ويلانىپ، امالياتتا ايگىلەپ، ۇعىنىپ، ناقتى ونىمدىلىككە ناقتاپ ٴمان بەرگەندە عانا پارتيانىڭ جاسامپاز نازاريالارىن ٴىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە شىن مانىندە اينالدىرۋعا بولادى. 

ٴبىر جىلدان بەرى پارتيا تاريحىن ۇيرەنۋ تاربيەسىمەن جانە پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋمەن، دايەكتىلەندىرۋمەن بىرلەستىرگەن قالىڭ پارتيالى كادرلار نازاريا ۇيرەنۋدەگى فورماشىلدىقتى باتىل تيىپ، ۇيرەنۋ ستيلىن تۇزەتتى. شولا وقىپ وتە شىعىپ، ودان - بۇدان كوشىرىپ قانا ۇيرەنىپ بولدىم دەيتىن «بوياما قىلىقتار» ازايىپ، دەن قويا ۇيرەنەتىن، تياناقتى تۇردە ۇعىناتىن «شىن ۇيرەنۋلەر» كوبەيدى؛ ماردىمسىزعا مارقاياتىن، تولىق تۇسىنۋگە تالپىنبايتىن، ۇيرەنۋ مەن قولدانۋ ٴبىر - بىرىنەن اجىراپ قالعان «قۇر قاڭقالىق» ازايىپ، ۇيرەنۋ ارقىلى ارەكەتتى جەبەيتىن، ۇيرەنۋ ارقىلى ىسكەرلىكتى جەبەيتىن، ۇيرەنگەندى قولدانا بىلەتىن «شىن قابىلەت» كۇشەيدى. 

باقىلاۋ، تەكسەرۋ، باعالاۋ ۇزدىكسىز ارناعا ٴتۇسىرىلىپ، ىنتالاندىرۋ، شابىتتاندىرۋ «قولباسشىلىق تاياقشاسىنان» ويداعىداي پايدالاندى.

جول نۇسقاعىشتان پايدالانىپ، اۆتوكولىك جۇرگىزىپ، كەزىگىپ قالعان قىستاق تۇرعىندارىمەن شۇيىركەلەسىپ، ەركىن اڭگىمەلەستى... بەيجيڭنەن كەلگەن «باسشىنىڭ» ىقىلاستى، جايدارى ەكەندىگىن بايقاعان قىستاق تۇرعىندارى بىرتە - بىرتە ٴسوز تيەگىن اعىتتى. بۇل نەگىزگى ساتىنىڭ اۋىرتپالىعىن جەڭىلدەتۋ بويىنشا قاداعالاۋ تۇيىنىندە تۇراتىن تەكسەرۋ - زەرتتەۋ گرۋپپاسىنىڭ گانسۋ ولكەسى جيڭيۋان اۋدانىندا تەكسەرۋ - زەرتتەۋ جۇرگىزگەندەگى كورىنىسى. 

قۇلاققاعىس ەتپەي، جۇمىس باسىنا توتە بارۋ كەدەرگىنى جويۋعا، ناقتى جاعدايدى يەلەۋگە پايدالى. 

ٴبىر جىلدان بەرى جەر - جەردىڭ، تاراۋلاردىڭ باقىلاۋ، تەكسەرۋ، باعالاۋ ٴتاسىلى بارعان سايىن ارناعا ٴتۇستى. كەيبىر جەرلەر «ٴبىر ٴىستى ٴبىر تەكسەرۋدى، ٴبىر باعالاۋدى» اتقارىپ باقىلاۋ، تەكسەرۋ، باعالاۋ ىستەرىنە قاراتىلعان جوسپارعا كىرگىزىلۋىن باعالاۋدى، تابىسىن باعالاۋدى كۇشەيتتى؛ كەيبىر تاراۋلار «كوپتەگەن باعالاۋدى بىرىكتىرىپ»، نەگىزگى ساتىنىڭ تەكسەرۋگە دايىندالۋ، باعالاۋعا دايىندالۋ اۋىرتپالىعىن جەڭىلدەتتى؛ ٴىشىنارا جەرلەر مەن تاراۋلار بولىمشە اترەت جىبەرىپ، «دابىرا قىلماي» جاسىرىن احۋال ۇعىستى، ونىڭ ٴتاسىلى يكەمدى، ونىمدىلىگى جاقسى بولدى.

ونىمدىلىگى جوعارىلادى، سانى ازايدى.

2021 - جىلى ورتالىق پەن مەملەكەت ورگاندارىنىڭ باقىلاۋ، تەكسەرۋ، باعالاۋ جوسپارىنا جالپى 47 ٴتۇر ەنگىزىلىپ، 2018 - جىلعى 900 گە تاياۋ تۇردەن %94.8 ازايدى؛ ولكە، رايون، قالالاردىڭ جىلدىق جوسپارى جالپى 1184 ٴتۇر بولىپ، 2020 - جىلعىدان %17.4 ازايدى. 

− قۇجاتتى ىقشامداۋ، جيىندى ازايتۋ قاتاڭ ولشەمىن بۇلجىماي ساقتاپ، قۇجات باستىلىق پەن ٴماجىلىس باستىلىقتى ادا - كۇدە تيدى.

«اۋىل - قىستاقتى گۇلدەندىرۋدەن ۇلگى كورسەتەتىن قىستاعىمىزدىڭ حالىقتىق سالت - سانا كوشەسىندە اق ٴتۇستى قوقىر - قوقسىق ٴالى دە كوپ، گۇل تەكشە كورىنىسى الا - قۇلا، ٴار كۇنى سىرت جەردەن كەلەتىن نەشە 100 ساياحاتشى مۇنى كورسە قالاي ويلايدى؟». قىستاق پارتيا ياچەيكاسىنىڭ ارناۋلى تاقىرىپتىق ۇيىمدىق تۇرمىس جيىنىندا ٴبىر پارتيا مۇشەسى ياچەيكا شۋجيىنە وسىلايشا سىن ايتىپ، پىكىر بەردى.

ناقتى ونىمدىلىككە تالپىنىپ، ناقتى ٴىستى ايتىپ، «كوڭىل جىقپاستىقتى»، «ات ۇستىلىكتى» ادا - كۇدە تيدى. بۇل ۇيىمدىق تۇرمىس جيىنى جەر - جەردىڭ قۇجاتتى ىقشامداپ، جيىندى ازايتۋىنىڭ، ٴماجىلىس ستيلىندە بۇرىلىس جاساۋىنىڭ شاعىن كورىنىسى.

قۇجات باستىلىق پەن ٴماجىلىس باستىلىققا قوش ايتىپ، ٴىس تىندىرۋ ىنتاسىن قاۋلاتتى.

«قازىر اۋداندا قىسقا جيىن اشۋ قالىپتى كۇيگە اينالدى، باسشىلار تياناقتاندىرۋدى قالاي يگەرۋگە بولادى دەگەندى ايتادى، مۇنداي جيىننىڭ ونىمدىلىگى جاقسى»، «بۇرىندارى %70 ۋاقىت قۇجات، ماجىلىسكە جۇمسالاتىن، قازىر %70 تىك ۋاقىت قىستاققا بارۋعا جۇمسالاتىن بولدى»... نەگىزگى ساتى كادرلارىنىڭ سوزىنەن ولار سەزىنگەن تاماشا وزگەرىستەردى اڭعارۋعا بولادى. 

− نازاردى نەگىزگى ساتىنىڭ ويلاعانىنا، كوكسەگەنىنە شوعىرلاندىرىپ، ٴىس جۇزىندىك ماسەلەلەردىڭ شەشىلۋىن ىلگەرىلەتتى.

فورماشىلدىقتىڭ ٴتۇرى كوپ، انتەك ٴمان بەرمەسەك ٴتۇسىن وزگەرتىپ شىعا كەلەدى، كومەسكىلەنىپ ٴتۇرىن وزگەرتەدى، تەك ماسەلەنى باعدار ەتۋگە تاباندى بولىپ، باعىتتامالى جونگە سالۋدى كورنەكتىلەندىرگەندە عانا نەگىزگى ساتى كادرلارىنىڭ اۋىرتپالىعىن جەڭىلدەتىپ، ناقتى تابىس سەزىمىنە كەنەلۋىنە مۇمكىندىك جاساۋعا بولادى.

كەيبىر جەرلەر مەن تاراۋلاردىڭ وزەن، كول باستىعى ٴتۇزىمى، ورمان باستىعى ٴتۇزىمى ادىسىنە ەلىكتەۋ، دۇرمەككە ەرىپ «باستىق» تاعايىنداۋ، اتى بار دا زاتى جوق بولۋ سياقتى ماسەلەلەرگە مەڭزەس، ورتالىق دەڭگەيىندە فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ٴۇشىن ىشكەرىلەي تەكسەرۋ - زەرتتەۋ جۇرگىزۋ ارقىلى ارناعا ٴتۇسىرۋ پىكىرىن العا قويدى.

قىستاق دارەجەلى ۇيىمداردىڭ اۋىرتپالىعى تىم سالماقتى بولۋ جايتىنە مەڭزەس، «قىستاق دارەجەلى ۇيىمداردىڭ اۋىرتپالىعىن جەڭىلدەتۋ قىزمەت جوباسى» شىعارىلىپ، قىستاق دارەجەلى ۇيىمداردىڭ ولشەمگە جەتۋىن، سالىستىرىپ باعالاۋ جانە باعالاۋ - تەكسەرۋ سياقتىلاردى ارناعا ٴتۇسىرۋ جاقتارىنا كۇش سالدى.

...

اۋىرتپالىقتى جەڭىلدەتۋ ونىمدىلىگىنىڭ جاقسى بولعان - بولماعاندىعى جونىندە نەگىزگى ساتى كادرلارى ٴسوز سويلەۋگە بارىنشا ۇقىقتى. 

تەكسەرۋ ساۋالناماسىنىڭ ناتيجەسىنەن قاراعاندا %89 نەگىزگى ساتى كادرى 3 جىلدان بەرگى اۋىرتپالىقتى جەڭىلدەتۋ قىزمەتىنە ريزا بولعان، %92 نەگىزگى ساتى كادرى قۇجاتتى ىقشامداۋ، جيىندى ازايتۋ، باقىلاۋ - تەكسەرۋدى، تەكسەرۋدى، باعالاۋدى ٴبىر تۇتاس جوسپارلاپ ارناعا ٴتۇسىرۋ شىنايى ونىمدىلىككە قول جەتكىزدى دەپ قاراعان.

ۇزاق بولاشاققا كوز جىبەرىپ، شىنايى يگەرىپ، تىڭعىلىقتى ىستەدى − نەگىزگى ساتىنىڭ اۋىرتپالىعىن جەڭىلدەتۋ ناتيجەسىن بەكەمدەدى، كەڭەيتتى

2021 - جىل − پارتيا ورتالىق كوميتەتىنىڭ فورماشىلدىقتى شوعىرلى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتكەندىگىنىڭ 3 - جىلى.

3 جىل ٴۇرتىس كۇش سالۋ ارقىلى فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتى ورناتىلۋدان دامۋعا، ٴتۇيىندى يگەرۋدەن اۋماقتى جەتەكتەۋگە دەيىن يدەيالىق كوزقاراس، قىزمەت ستيلى، پارتيا مەن بۇقارا، كادرلار مەن بۇقارا قاتىناسى سياقتى كوپ جاقتاردا قۋانارلىق وزگەرىستەردى تۋدىردى.

− كوزقاراس وزگەردى، نەگىزگى ساتىنىڭ اۋىرتپالىعىن جەڭىلدەتۋ كوزقاراسى جۇرت جۇرەگىنە تەرەڭ ۇيالادى.

جىلجىمالى ينتەرنەت تەحنيكاسىنىڭ دامۋىنا ىلەسە، فورماشىلدىق «كەڭسە ۇستەلىنەن» «ساۋساق ۇشىنا» بەت الدى، ٴتۇسى وزگەرگەن «قىزمەت توبى»، «ۇكىمەت ٴىسى APP» نەگىزگى ساتى كادرلارىنا اۋىر جۇك بولدى.

فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدىڭ ورتالىق دەڭگەيىندەگى ارناۋلى قىزمەت مەحانيزمىنىڭ ٴبىر تۇتاس جوسپارلاپ سايكەستى ىلگەرىلەتىلۋىندە جەر - جەر، تاراۋلار «ساۋساق ۇشىنداعى فورماشىلدىققا» جارىم جىل ۋاقىتپەن ارناۋلى وڭاپ - جونگە سالۋ ورىستەتتى.

«ەڭ تىكە سەزىنۋگە بولاتىنى قول تەلەفوننىڭ <شىر - شىر ەتكەن> ەسكەرتپە دىبىسىنىڭ ازايعاندىعى بولدى». حۋبەي ولكەسى ۋحان قالاسى جياڭ - ان رايونى دانشۇيچى مالىسىندەگى ٴبىر نەگىزگى ساتى كادرىنىڭ ايتقانىنداي، ارناۋلى وڭاپ - جونگە سالۋ ارقىلى قىزمەت توبى رەتتەلدى، قازىر قول تەلەفوندا ٴبىر باسشىلىق القا توبى، ٴبىر كادرلار اۋىس - كۇيىس جاساۋ توبى جانە ٴبىر كاسىپتىك جەتەكشىلىك توبى عانا قالدى، «توپقا قادالۋ»، «ٴبارىن قالدىرماي كورىپ شىعۋ» احۋالى ازايدى.

«ساۋساق ۇشى» بۇرىس ستيلىن تۇزەتۋ - جونگە سالۋ يدەيالىق تانىمنىڭ جوعارىلاۋىنا تۇرتكى بولدى.

كوپتەگەن نەگىزگى ساتى كادرى مىنالاردى ٴبىلدىردى: كوپشىلىك جىلىجىمالى ينتەرنەت قولدانىلمالى جۇيەسىن ويداعىداي ىستەتە الماۋدىڭ ٴوزى دە نەگىزگى ساتىنىڭ  اۋىرتپالىعىن ارتتىرىپ، پارتيا مەن بۇقارا قاتىناسىن زياندايتىندىعىن جاپپاي تانىپ جەتتى. «بۇرىن مەكەمەمىز ۇنەمى بىرنەشە APP ورناتىپ، قۇبىلتىپ تۇرۋعا قۇمار بولاتىن، قازىر كوپشىلىك مۇنداي ارەكەتتىڭ قاتەرىن تانىپ جەتە باستادى، جاۋاپكەرشىلىكتەرى دە ارتا ٴتۇستى».

− اۋىرتپالىق جەڭىلدەدى، نەگىزگى ساتىنىڭ قىزمەت ستيلى اناعۇرلىم ناقتى بولا ٴتۇستى.

ٴبىر قىستاق تۇرعىندار كوميتەتىندە جۇزدەگەن بەلگى تاقتايشا اسىلىپ، بىرەن - ساران كادر بارلىق جۇمىستى ۇستىنە الاتىن. سان الۋان بەلگى تاقتايشا ٴبىر مەزگىل نەگىزگى ساتى كادرلارىنا اۋىر اۋىرتپالىق اكەلگەن بولاتىن.

«سول كەزدە مەن ساناپ كوردىم، تۇرعىندار كوميتەتىنىڭ وزىندە 99 تاقتايشا ٴىلىنىپتى، ونىڭ ىشىندە بەلگى تاقتايشاسى، ٴتۇزىم تاقتايشاسى، ۇگىت تاقتايشاسى سياقتىلار بار ەدى، ماتەريال ساپاسى الۋان ٴتۇرلى، كوزدىڭ جاۋىن الادى». حىنان ولكەسى حىبي قالاسى چيشيان اۋدانى شيتان الەۋمەتتىك اۋماعىنداعى ٴبىر الەۋمەتتىك اۋماق كادرىنىڭ ايتقانىنداي، كوپشىلىكتىڭ ٴبارى «بەلگى تاقتايشا ٴىلىپ، ٴتۇزىمدى قابىرعاعا شىعارۋعا» سۇيەنىپ، قىزمەتتى ىلگەرىلەتۋ فورماشىلدىق ەكەنىن ٴبىلىپ تۇرسا دا، الايدا تاقتايشانى الىپ تاستاسا جىل سوڭىنداعى تەكسەرىپ وتكىزىپ الۋ وتكەلىنەن وتە الماي قالۋدان الاڭدايتىن.

وسىعان بايلانىستى، چيشيان اۋدانىنىڭ فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن ورىستەتۋدە بەلگى تاقتايشانى ٴبىر - بىرلەپ تەكسەرىپ، ازايتۋ ماڭىزدى تۇيىندەردىڭ ٴبىرى بولدى.

قازىرگى كەزدە شيتان الەۋمەتتىك اۋماعى تۇرعىندار كوميتەتىنىڭ اۋلاسىنا تاعى بارساڭىز، كاريدورداعى دىڭگەككە شيتان الەۋمەتتىك اۋماعى ياچەيكا كوميتەتى، تۇرعىندار كوميتەتى، تۇرعىندار ٴىسىن باقىلاۋ كوميتەتى، جالپىلىق وڭاۋ ورتالىعى سىندى 4 تاقتايشا ىلىنگەندىگىن، بۇرىنعى «سىرەسكەن، الباتى قويىلعان» بەلگى تاقتايشاسىنىڭ كوزدەن عايىپ بولعاندىعىن اڭعاراسىز.

تاقتايشا ازايدى، قىزمەت وتەۋ كۇشەيدى. قازىر تاقتايشا الىندى، قارسى الۋ، اتتاندىرىپ شىعارۋ ازايدى، نەگىزگى ساتى كادرلارىنىڭ كوللەكتيۆ ەكونوميكانى دامىتىپ، اۋىلداستاردى بايۋعا باستايتىن ۋاقىتى كوبەيدى.

نەگىزگى ساتى كادرلارى جاپپاي مىنالاردى ٴبىلدىردى: فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتى ورىستەتىلگەننەن بەرى، قۇر ۇران سالۋ، «قوقيلانۋ» جاعدايى بارىنشا ازايدى، قۇجات ستيلى، جيىن ستيلى قىسقا، ناقتى، جاڭا بولۋعا قاراي بۇرىلىس جاسادى، باقىلاۋ، تەكسەرۋ، باعالاۋ تۇيىنگە، شىنايىلىققا، ناتيجەگە قاراي بۇرىلىس جاسادى، نەگىزگى ساتى كادرلارىنىڭ ٴبىرىنشى شەپكە باراتىن، ناقتى ٴىس ىستەيتىن، تياناقتاندىرۋدى يگەرەتىن ۋاقىتى اناعۇرلىم كوبەيدى.

− تىلەك بارعان سايىن بىرىكتى، نەگىزگى ساتى كادرلارى مەن بۇقاراسىنىڭ قاتىناسى اناعۇرلىم ەتەنە بولدى.

2021 - جىلدىڭ قىسقى توقىراۋى، اشەكەي شامدار ىلىنە باستاعان. يۇننان كۇنميڭ قالاسى پانلۇڭ رايونى گۋلوۋ ٴمالىسى تاۋيۋان الەۋمەتتىك اۋماعى پارتيا مۇشەلەرى - بۇقاراعا قىزمەت وتەۋ ورتالىعىندا قۋانىش ٴۇنى تولاستامادى، بۇل ورىندا بىرلەسكەن ويىن - ساۋىق قيمىلى وتكىزىلىپ، كوپشىلىك ٴبىر اراعا باس قوستى.

الەۋمەتتىك اۋماق كادرى بىلاي دەپ تانىستىردى: الەۋمەتتىك اۋماق قىزمەتى رۇقسات ٴتۇزىمى اتقارىلعاننان بەرى، الەۋمەتتىك اۋماق قىزمەتكەرلەرىنىڭ اۋىرتپالىعى كورنەكتى جەڭىلدەدى، ۇيىمنىڭ وسىنداي قيمىلدارى دا بارعان سايىن كوبەيدى.

ۇعىسۋعا قاراعاندا، «امبەباپ تۇرعىندار كوميتەتى»، «الەۋمەتتىك اۋماق امبەباپ تاراۋى» ماسەلەسىن شەشۋ ٴۇشىن، كۇنميڭ قالالىق قالا، اۋىل الەۋمەتتىك اۋماقتارىن باسقارۋ قىزمەتى باسشىلىق گرۋپپاسى «ٴبىر ٴادىس، ٴۇش ٴتىزىمدى» باسىپ تاراتىپ، الەۋمەتتىك اۋماقتىڭ ۇستىنە الاتىن قىزمەت ٴتۇرىن ىقشامداپ، الەۋمەتتىك اۋماق كادرلارىنىڭ اۋىرتپالىعىن جەڭىلدەتتى. اداقتاۋ ارقىلى الەۋمەتتىك اۋماق ۇستىنە العان قىزمەت تۇرلەرى بۇرىنعى 198 تۇردەن 43 تۇرگە ىقشامدالدى، الەۋمەتتىك اۋماق قىزمەتكەرلەرىنىڭ كۇردەلى اكىمشىلىك ىستەردەن بوساپ، اناعۇرلىم كوپ ۋاقىتى مەن زەيىن - زەردەسىن جۇمساپ بۇقاراعا قىزمەت وتەۋىنە مۇمكىندىك جاسالدى.

بۇقارانىڭ جۇرەك ٴۇنىن دەن قويا تىڭداپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشتى. الەۋمەتتىك اۋماق قىزمەتىندەگى «جۇمىسپەن قاربالاس بولۋدان» «قىزمەت وتەۋدى يگەرۋگە» دەيىنگى بۇرىلىس الەۋمەتتىك اۋماق قىزمەتكەرلەرىنىڭ اۋىرتپالىعىن جەڭىلدەتتى ٴارى بۇقارانى اناعۇرلىم مەيىرلى قىزمەت وتەۋدەن يگىلىكتەندىردى.

3 جىل ٴۇرتىس كۇش سالۋدىڭ ارقاسىندا حالىق بۇقاراسى ماڭىنداعى بولماشى وزگەرىستەردەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدەگى باتىل بەكىمىن سەزىندى. اماليات نەگىزگى ساتىنىڭ اۋىرتپالىعىن جەڭىلدەتۋ قىزمەتى پارتيانىڭ ستيل قۇرىلىسىن كۇشەيتۋدىڭ، وزىنە - ٴوزى توڭكەرىس جۇرگىزۋىنىڭ ماڭىزدى تۇتقاسىنا اينالعاندىعىن دالەلدەدى.

ٴۇرتىس كۇش سالعاندا قاجىماي - تالماي ۇلەس قوسۋعا بولادى. 

فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتى كورنەكتى تابىسقا قول جەتكىزدى، الايدا ٴىشىنارا جاڭا ماسەلەلەردىڭ جارىققا شىعۋىنان ايرىقشا قىراعى بولعان ٴجون −

كەيبىر جەرلەر مەن تاراۋلاردا فورماشىلدىقتى، تورەشىلدىكتى تۇبىرىنەن تىزگىندەۋ قيىن، بىرنەشە جىل يگەرىپ، ٴبىراز تابىسقا جەتسەك بولعانى دەپ قاراپ، بەيعامدىققا سالىنۋ يدەياسى، شايقاستان جالىعۋ كوڭىل كۇيى، بوساڭسۋ پيعىلى تۋىلدى؛

كەيبىر جەرلەر مەن تاراۋلاردىڭ نەگىزگى تۇلعالىق جاۋاپكەرشىلىگى قاتاڭ، ناقتى بولمادى، نەگىزگى ساتىنىڭ اۋىرتپالىعىن جەڭىلدەتۋ تاجىريبەسى مەن شاراسىن باياندىلاندىرۋ قۇرىلىسىندا ىستەگەنى ٴالى دە جەتكىلىكتى ەمەس، نەگىزگى ساتىلار بىردە ۇستاپ، بىردە توقتاتىپ قويۋدان، ٴبىر مەزەتتىك قانا جۇمىس ىستەۋدەن الاڭداپ وتىر؛ 

كەيبىر جەرلەر مەن تاراۋلار ۇقىقتى تومەنگە بەرگەنىمەن، جاۋاپكەرشلىكتى تومەنگە بەرگەنىمەن، الايدا بايلىقتى تەڭ قادامدا تومەنگە بەرمەۋگە بۇرىنعىداي ادەتتەنىپ، ساياساتتىڭ تياناقتانۋىنىڭ قيىنعا سوعۋىن كەلتىرىپ شىعاردى، كەيبىرى ٴالى دە قاراستى جەر بويىنشا باسقارۋدى سىلتاۋ ەتىپ، جاۋاپكەرشىلىكتى نەگىزگى ساتىعا يتەرمەلەدى...

پارتيانى قاتاڭ باسقارۋدىڭ ٴۇزىلىس بەلگىسى جوق، ستيل قۇرىلىسى ماڭگى جالعاسادى.

يدەيا - ساياسيدىڭ ٴتۇبىرلى نەگىزىن بەكەمدەۋ، ٴتۇزىلىستى، مەحانيزمدى اقاۋسىزداندىرۋ، نەگىزگى ساتىنى جونگە سالۋدى كۇشەيتۋ، ٴتۇيىندى ماسەلەلەردى شەشۋ، نەگىزگى ساتىنى ىشكەرىلەي ارالاپ احۋال ۇعىسۋ... جاڭا جاعداي، جاڭا مىندەت الدىندا، تەك شىنايى يگەرىپ، تىڭعىلىقتى ىستەپ، ۇزاق ۋاقىت كۇش سالعاندا عانا نەگىزگى ساتى كادرلارىنىڭ تاسقىنداعان رۋحاني بەينەمەن، شىڭدالعان قىزمەت ستيلمەن پارتيا مەن مەملەكەت ىستەرىنىڭ دامۋى ٴۇشىن قايراتتانا ۇمتىلۋىنا مۇمكىندىك جاساۋعا بولادى.

2022 - جىل پارتيا 20 - قۇرىلتايى اشىلاتىن جىل، «14 - بەسجىلدىق» مەزگىلىنىڭ شەشۋشى جىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، فورماشىلدىقتاعى كورنەكتى ماسەلەلەردى ٴۇرتىس شەشىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتەتىن، كەڭەيتەتىن بولساق، كادرلاردىڭ ستيلى اناعۇرلىم ناقتى، پارتيا مەن بۇقارانىڭ قاتىناسى اناعۇرلىم تىعىز، كادرلار مەن بۇقارانىڭ قاتىناسى اناعۇرلىم ەتەنە بولىپ، پارتيانىڭ تىلەگى، حالىقتىڭ تىلەگى اناعۇرلىم ۇيىسىپ، تاماشا ستيل ارقىلى جاڭا داۋىردە جاڭا دا ۇلى جەڭىستەرگە قول جەتكىزەتىن بولامىز. 

شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى. تىلشىلەر ۋاڭ چي، سۇن شاۋلۇڭ، گاۋ لەي. جازۋعا قاتىناسقاندار: جاڭ يان، ياڭ جانفي.