باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
اۆتونوميالى وبلىس عىلىم - تەحنيكادا جاڭالىق اشۋ ارقىلى جوعارى ساپالى دامۋعا دەم بەردى
2022-01-15 17:22:28     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ٴتىلشىمىز ما چىڭلۋ حابارلايدى. اۆتونوميالى وبلىس بىلتىردان بەرى حالىقتى وزەك ەتكەن دامۋ يدەياسىن بەرىك ورناتىپ، ساياساتتىق جەتەكتەۋ جانە دالمە - ٴدال قولداۋ ارقىلى كاسىپورىنداردىڭ عىلىم - تەحنيكادا جاڭالىق اشۋىن قولداۋ سەرپىنىن ارتتىرىپ، كاسىپورىنداردىڭ عىلىم - تەحنيكادا جاڭالىق اشۋ قۋاتىن جوعارىلاتىپ، عىلىم - تەحنيكادا جاڭالىق اشۋ ارقىلى جوعارى ساپالى دامۋعا دەم بەردى.

اۆتونوميالى وبلىس عىلىم - تەحنيكا دارىندىلارى، عىلىم - تەحنيكالىق قوسىلىم، جەتىستىكتەر جاراتۋ سياقتى جاقتاردى توڭىرەكتەي وتىرىپ، عىلىم - تەحنيكالىق كاسىپورىنداردا ىشكەرىلەي تەكسەرۋ - زەرتتەۋ جۇرگىزىپ، عىلىم - تەحنيكالىق سۇرانىستى رەتتەپ، جيناقتاپ، عىلىم - تەحنيكالىق نىسانداردى دامىتۋدى جوسپارلاۋعا كومەكتەسىپ، 533 جوعارى ساپالى عىلىم - تەحنيكا نىسانىن زاپاس نىسان قامباسىنا ەنگىزىپ، وبلىس دارەجەلى زاپاس قوردان اۆتونوميالى رايونعا تانىستىرۋ سىندى تاماشا دامۋ ۇلگىسىن جۇزەگە اسىردى. سونىمەن بىرگە، عىلمي زەرتتەۋ نىساندارىنا سۇرانىسى بار وبلىسقا توتە قاراستى اۋدان، قالالار، تاراۋلار، عىلمي زەرتتەۋ ورىندارى سياقتىلاردى بەلسەنە ۇيىمداستىرىپ، وبلىس دارەجەلى نىسانداردى ٴوتىنىش ەتۋ بويىنشا جەلىدە 2 رەت كۋرس اشتى، بۇعان 320 ادام - رەت قاتىناسىپ، كاسىپورىنداردى ٴىس جۇزىندىك جاعدايمەن ۇشتاستىرىپ، ۋاكىلدىك سيپاتى كۇشتى، دامۋ كومەسكى كۇشى زور عىلىم - تەحنيكا نىساندارىن بەلسەندىلىكپەن جولداۋعا شابىتتاندىرىپ، نىسانداردى جولداۋ ساپاسى مەن تابىستى بولۋ مولشەرىن جوعارىلاتتى. بىلتىردان بەرى اۆتونوميالى رايونعا 260 عىلىم - تەحنيكا جوسپارى نىسانىن تانىستىردى. زەرتتەۋ ۇستىندەگى 243 عىلىم - تەحنيكا نىسانىن جاپپاي رەتتەپ، ارناعا تۇسكەن ەسەپ داپتەرىن ورناتىپ، كوتەرمەگە الىپ بايلانىس جاساۋعا جاۋاپتى ادامدى ايقىنداپ، نىسانداردىڭ اياق الىسىن دەر كەزىندە يگەرىپ، نىسانداردى ىلگەرىلەتۋ بارىسىنداعى قيىنشىلىقتار مەن ماسەلەلەردى شەشۋگە جەتەكشىلىك ەتىپ، عىلىم - تەحنيكا جوسپارى نىساندارىن باسقارۋدى ارناعا ٴتۇسىرۋ دەڭگەيىن ۇزدىكسىز جوعارىلاتتى.

اۆتونوميالى وبلىس شينجياڭ بويىنشا «اۆتونوميالى وبلىستىڭ كوپ بولىپ شارۋاشىلىق قۇرۋ كەڭىستىگى، عىلىم - تەحنيكالىق كاسىپورىنداردىڭ جەتىلدىرگىشى مەن اۋىل شارۋاشىلىق عىلىم - تەحنيكاسىندا جاڭالىق اشۋ، كاسىپ جاراتۋعا قىزمەت وتەۋدى قولداۋ، سيلاۋ جونىندەگى ۋاقىتتىق ٴادىسى» سياقتىلاردى الدىمەن شىعارىپ، جاڭالىق اشۋ تۇعىرى قۇرىلىسىنا ۇسىنىلىم تەبىنىن بىرتىندەپ ارتتىرىپ، جاڭالىق اشۋ تۇعىرىن ٴوتىنىش ەتۋ مەن دارەجەسىن جوعارىلاتقاننان كەيىنگى قاراجات جاردەماقىسىن جوعارىلاتىپ، كومەك قاراجات ۋاقىتىن لايىقتى ۇزارتىپ، جاڭالىق اشۋ تۇعىرىنىڭ حاۋىپ - قاتەرگە توتەپ بەرۋ قۋاتىن كۇشەيتتى. بىلتىردان بەرى 11 وبلىس دارەجەلى «كوپ بولىپ شارۋاشىلىق قۇرۋ، جالپى قاۋىم جاڭالىق اشۋ» تۇعىرى مەن عىلىم - تەحنيكالىق جاڭالىق اشۋ دانەكەرى جاڭادان تۇراقتاندىرىلدى. كاسىپتىك مامانداردى ۇسىنىس ەتىپ، «سۇراپ تەكسەرۋ» قوسىنىن ۇيىمداستىرىپ، وبلىسقا توتە قاراستى عىلىم - تەحنيكالىق جاڭالىق اشۋ تۇعىرلارىن، كوپ بولىپ شارۋاشىلىق قۇرۋ، جالپى قاۋىم جاڭالىق اشۋ تۇعىرلارىن ىشكەرىلەي ارالاپ، جاعداي يەلەپ، تەكسەرۋ جۇرگىزىپ، ولقىلىقتاردى تولىقتاپ، جول تاۋىپ، ٴادىس - امال قاراستىرىپ، جازباشا ۇسىنىس ەتىپ جيناقتاپ، تۇعىردىڭ دامىپ زورايۋىنا دەم بەردى. عىلىم - تەحنيكالىق كاسىپورىندار، جاڭالىق اشۋ تۇعىرى سياقتىلاردان 107 ورىنعا جەتەكشىلىك ەتىپ، 254 ماسەلەنى اشالاپ، 317 جارامدى ۇسىنىس قويىپ، اۆتونوميالى رايون دارەجەلى 5 ينجەنەريالىق تەحنيكانى زەرتتەۋ ورتالىعىنىڭ ولشەمگە جەتۋىنە جەتەكشىلىك ەتتى. جياڭسۋ ولكەسىنىڭ كوپ بولىپ شارۋاشىلىق قۇرۋ  كەڭىستىك تۇعىرىمەن بەلسەنە ٴتۇيىلىسىپ، جەرگىلىكتى ورىننىڭ جاڭالىق اشۋ تۇعىرىنىڭ جوعارى ساپالى دامۋىن جەدەلدەتتى. 

اۆتونوميالى وبلىس عىلىم - تەحنيكا دارىندىلارى قوسىنى قۇرىلىسىن ۇزدىكسىز كۇشەيتىپ، «عىلمي زەرتتەۋ دارىندىلارىن جاڭالىق اشۋعا، شارۋاشىلىق قۇرۋعا شابىتتاندىرۋ، عىلىم - تەحنيكا جەتىستىكتەرىن وندىرگىش كۇشكە اينالدىرۋدى جەبەۋ» سياقتى ساياساتتىق شارالاردى ويداعىداي تياناقتاندىرىپ، عىلمي زەرتتەۋ دارىندىلارىنىڭ، جاڭالىق اشۋ دارىندىلارىنىڭ كاسىپورىن ٴوندىرىسىنىڭ ٴبىرىنشى شەبىنە، جاڭالىق اشۋ، شارۋاشىلىق قۇرۋدىڭ ٴبىرىنشى شەبىنە ويىسۋ ارناسىن ىركىلىسسىزدەندىرىپ، دارىندىلاردىڭ جاسامپازدىق كومەسكى كۇشىن ونان ارى تاسقىنداتىپ، جاڭالىق اشۋ، شارۋاشىلىق قۇرۋ دارىندىلارى شوعىرلانعان، ومىرشەڭدىك كۇشى تاسقىنداعان دامۋ جاعدايىن قالىپتاستىردى. ٴبىر مىڭ 60 ادامنان قۇرالعان عىلىم - تەحنيكا ارناۋلى قىزمەتكەرلەرى قوسىنى قۇرىلىسىن شىنايى، ويداعىداي يگەرىپ، قوسىن قۇرىلىمىن يكەمدى رەتتەپ، عىلىم - تەحنيكالىق قىزمەت وتەۋدى، قولدانىلمالى تەحنيكالىق كۋرستان وتكىزۋدى مەرزىم بويىنشا ۇيىمداستىرىپ جانە ورىستەتىپ، عىلىم - تەحنيكا ارناۋلى قىزمەتكەرلەرىنىڭ جالپىلىق قىزمەت وتەۋ قابىلەتىن جوعارىلاتتى. عىلىم - تەحنيكا ارناۋلى قىزمەتكەرلەرىنىڭ قىزمەت وتەۋ بايلانىس كارتوچكاسىن ٴبىر تۇتاس جاساپ، تاراتىپ، قىزمەت وتەۋ مازمۇنىن ايقىنداپ، بايلانىس جاساۋ ٴتاسىلىن جاريالاپ، قىزمەت وتەۋ وبيەكتىلەرىمەن كەلىسىم جاساسىپ، كەدەيلىكتەن ارىلتۋدان قامال الىنعان 148 قىستاققا تۇگەلدەي عىلىم - تەحنيكا ارناۋلى قىزمەتكەرلەرىن جىبەرۋدى  جۇزەگە اسىرىپ، تەحنيكا ۇيرەتۋ، ۇلگى كورسەتۋ، جەتەكتەۋ سياقتى تاسىلدەر ارقىلى بۇقارانىڭ عىلىم - تەحنيكالىق ٴبىلىم دەڭگەيىن جوعارىلاتىپ، كەدەيلىكتەن ارىتلۋدان قامال الۋدىڭ جەتىستىكتەرىن ۇزدىكسىز بەكەمدەدى، كەڭەيتتى.