بايلىقتى بىرىكتىرىپ، دامۋدى بىرگە جەبەدى

ىلە وبلىستىق كاسىپتىك وقۋ - اعارتۋ توبى بىرلەستىگى قۇرىلدى

ٴتىلشىمىز ياڭ جيڭ - ي حابارلايدى. 1 - ايدىڭ 12 - كۇنى ىلە وبلىستىق كاسىپتىك وقۋ - اعارتۋ توبى بىرلەستىگى رەسمي قۇرىلدى. توپتىڭ قۇرىلۋى اۆتونوميالى وبلىستىڭ كاسىپتىك وقۋ - اعارتۋىنىڭ توپتاستىرۋ ۇلگىسىندەگى دامۋ جولىمەن ٴجۇرىپ، كاسىپتىك وقۋ - اعارتۋدىڭ جوعارى ساپالى دامۋىنا تىڭ ومىرشەڭدىك كۇش ۇستەگەندىگىن اڭعارتادى. اۆتونوميالى وبلىستىڭ ورىنباسار باستىعى ليۋ چيڭحۋا قيمىلعا قاتىناستى ٴارى ٴسوز سويلەدى.

ىلە وبلىستىق كاسىپتىك وقۋ - اعارتۋ توبى بىرلەستىگىن اۆتونوميالى وبلىستىڭ كاسىپتىك وقۋ - اعارتۋ باقشا رايونىن تياناق ەتىپ، ٴارقايسى كاسىپتىك مەكتەپ، تەحنيك جۇمىسشىلار مەكتەبى، كاسىپتىك قوعام جانە قاتىستى باستاماشى، مىقتى كاسىپورىن سياقتى 69 كاسىپورىن، ٴىسورىن، 31 جەكە مۇشە بىرگە قۇرعان. بۇل بىرلەستىك مەكتەپ، سالا، كاسىپورىنداردىڭ ٴوندىرىس، پراكتيكا بايلىعىنان ٴونىمدى پايدالانىپ، ٴوندىرۋ، جوبالاۋ، زەرتتەپ اشۋ، تەحنيكالىق قىزمەت وتەۋ تەكشەسىن بىرلەسىپ قۇرىپ، مەكتەپ پەن كاسىپورىننىڭ تەرەڭ توعىسۋىن جۇزەگە اسىرىپ، كاسىپ سالاسى مەن كاسىپ تۇرلەرىن،كاسىپتىك قىزمەت ورنىن، كاسىپتىك ساباق مازمۇنى مەن كاسىپتىك ولشەمدى، وقىتۋ بارىسى مەن ٴوندىرىس بارىسىن، وقۋ تاريحى كۋالىگى مەن كاسىپتىك تولىمدىلىق كۋالىگىن، كاسىپتىك وقۋ - اعارتۋ مەن ٴومىر بويى ۇيرەنۋدى ٴوزارا ۇشتاستىرىپ، اۆتونوميالى وبلىستىڭ كاسىپتىك وقۋ - اعارتۋىنىڭ وقىتۋ ساپاسىن اناعۇرلىم جوعارىلاتىپ، جوعارى ساپالى ەڭبەكشىلەر مەن جوعارى دارەجەلى تەحنيكا دارىندىلارىن تاربيەلەيدى. 

ناق مايداندا «ىلە وبلىستىق كاسىپتىك وقۋ - اعارتۋ توبى بىرلەستىگىن قۇرۋ، تىزىمگە الدىرۋىن ماقۇلداۋ جونىندەگى بەكىتپە» وقىلىپ، «ىلە وبلىستىق كاسىپتىك وقۋ - اعارتۋ توبى بىرلەستىگىنىڭ ەرەجەسى» قارالىپ ماقۇلداندى ٴارى بىرلەستىكتىڭ 1 - رەتكى القالار ٴماجىلىسىنىڭ القالارى جاريالاندى، مۇشە ورىندارعا ماڭدايشالىق تاراتىلعاننان كەيىن كەلىسىمگە قول قويىلدى. 

ىلە وبلىستىق كاسىپتىك وقۋ - اعارتۋ بىرلەستىگى قۇرىلعاننان كەيىن كاسىپتىك تاراۋ مەن مەكتەپ ٴتۇرى شەكاراسىن تالقانداپ، توپقا مۇشە ورىنداردىڭ وقۋشى قابىلداۋ، جۇمىسقا ورنالاستىرۋ، قاراجات ۇسىنىلىمى، مەكتەپ پەن كاسىپورىننىڭ سەلبەستىگى، جياڭسۋ ولكەسىنىڭ باعىتتامالى كومەك بەرۋى سياقتى جاقتارداعى بەيىمدەۋ ساياساتتارىنا بەلسەنە قول جەتكىزۋدى ٴبىر تۇتاس جوسپارلاپ، توپقا مۇشە مەكتەپتەردىڭ وقىتۋ شارت - جاعدايىن جاقسارتۋ، تاپشى دارىندىلاردى ەنگىزۋ، وقىتۋشىلار قوسىنىنىڭ قابىلەتىن جوعارىلاتۋ سياقتى نىسان قۇرىلىستارىن ىلگەرىلەتەدى؛ ورتا دارەجەلى كاسىپتىك مەكتەپ، تەحنيكوم، قولدانىلمالى تەحنيكا تۇرىندەگى تولىق كۋرس مەكتەبى، اشىق داشۋە سياقتىلاردىڭ وقۋ - اعارتۋى دا دارەجەگە ٴبولىپ تاربيەلەۋ مەن بىرلەسىپ تاربيەلەۋدى ىلگەرىلەتىپ، ورتا، جوعارى دارەجەلى كاسىپتىك مەكتەپتەردە «بەس جىلدىق تياناقتى ٴتۇزىم»، «3+2»، «تەحنيكومعا تىكە قابىلداۋ»، «ارناۋلى كۋرس، كاسىپتىك مەكتەپ، تەحنيكالىق مەكتەپ وقۋشىلارىنىڭ ەمتيحانى»، كاسىپتىك ۇزدىكسىز تاربيەلەۋ سياقتى تاربيەلەۋ، باۋلۋ ۇلگىسىن قالىپتاستىرادى. وبلىسقا توتە قاراستى ورىنداردىڭ شارۋاشىلىق قۇرىلىمى مەن كاسىپ سالاسىنىڭ دامۋ دەڭگەيىنە نەگىزدەلە وتىرىپ، ساياحات، توقىماشىلىق، كيىم - كەشەك، حيميا ونەركاسىبى جانە دەنساۋلىق ساقتاۋ، سالاماتتىق، مەكتەپكە كىرۋ الدىنداعى تاربيە سياقتى قىزمەتكەر تاپشى تەحنيكوم كاسىپتەرىمەن ٴتۇيىندى تۇردە سەلبەستىك ورناتىپ جانە ونى ويداعىداي جاقسارتىپ، اۆتونوميالى وبلىستىڭ كاسىپتىك وقۋ - اعارتۋىنىڭ ٴوز الدىنا تاماشا، اقاۋسىز دامۋ جانە ەكونوميكاعا، قوعامعا قىزمەت وتەۋ قۋاتىن كۇشەيتەدى؛ وقۋ - اعارتۋ، وقىتۋ بايلىعى  ساپالىلاندىرىلىپ جانە بىرىكتىرىلىپ، قاتىستى شارالار بەلگىلەنىپ جانە اتقارىلىپ، وقىتۋشىلاردى ٴوزارا اۋىستىرۋ، جىبەرۋ، وقىتۋ بايلىعىنان ورتاق يگىلىكتەنۋ، كاسىپتىك ۇيىرمەلەردى بىرلىكتە قۇرۋ سياقتى جاقتاردا سەلبەستىك ورناتۋدا ىزدەنىس جاسالىپ، سالا، كاسىپورىن، كاسىپتىك جوعارى مەكتەپ، ورتا تەحنيكوم مەكتەپتەرىندەگى كاسىپتىك دارىندىلار ورتاق ات سالىسقان ماماندار قامباسى قۇرىلادى.