− ىلە وبلىسىنىڭ پارتيا تاريحىن ۇيرەنۋ تاربيەسىن تىڭعىلىقتى ورىستەتۋى جونىندە جالپى شولۋ

يان يىڭجيان (ٴوز ٴتىلشىمىز)

تالاي رەتكى ساناعا تەرەڭ اسەر ەتكەن تالقى، ۇيرەنۋ، ٴار مايدان كوكەيگە تەرەڭ ۇيالاعان پارتيا تاريحى جونىندەگى ۇگىت - لەكسيا، جۇرت جۇرەگىن جىلىتارلىق حالىق تۇرمىسىنداعى ٴاربىر ناقتى ىستەر ...

پارتيا تاريحىن ۇيرەنۋ تاربيەسى ورىستەتىلگەننەن بەرى اۆتونوميالى وبلىس «تاريحتى ۇيرەنۋ ارقىلى قاعيدانى ٴتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ٴمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋدى» تىعىز توڭىرەكتەپ، «ۇيرەنۋ، وي جۇگىرتۋ، امالياتتا ايگىلەۋ، ۇعىنۋ، ۇمتىلۋ، اتقارۋدى» تياناق ەتىپ، بۇكىل وبلىستاعى 5 مىڭ 805 نەگىزگى ساتى پارتيا ۇيىمىن، 150 مىڭنان استام پارتيالى كادردى ىلە حالقىنىڭ باقىت سەزىمىن، تابىس سەزىمىن ارتتىرۋدى نشان ەتۋگە ۇيىمداستىرىپ، پارتيا تاريحىن ۇيرەنۋ تاربيەسىن جوعارى ولشەم، جوعارى ساپامەن ىلگەرىلەتىپ، بۇكىل وبلىستا «پارتيا تاريحىن ۇيرەنۋ، يدەيانى ٴتۇسىنۋ، ناقتى ٴىس ىستەۋ، جاڭا جاعداي اشۋدىڭ» جالىندى جاعدايىن جانە قويۋ اۋانىن قالىپتاستىرىپ، ىلەنىڭ ەكونوميكالىق، قوعامدىق ىستەرىنىڭ جوعارى ساپالى دامۋىن ىلگەرىلەتۋگە وراسان زور بىرىككەن كۇش ۇيىستىردى.

جوعارى دارەجەلى ورىندار تومەن دارەجەلى ورىنداردى باستاپ، «شەشۋشى از ساندىلار» باستاماشىلىق ەتىپ، ۇلگى كورسەتتى

تاريحتى ۇيرەنۋ ارقىلى كورەگەندىكتەن عيبارات الۋعا، بولاشاقتى دۇرىس بولجاۋعا بولادى. 2021 - جىلى 2 - ايدىڭ 25 - كۇنى ىلە وبلىسىنىڭ پارتيا تاريحىن ۇيرەنۋ تاربيەسى جاپپاي باستالدى. 

وبلىستىق پارتكوم ساياسي جاۋاپكەرلىكتى باتىل، شىنايى ارقالاپ، نەگىزگى تۇلعالىق جاۋاپكەرلىكتى نىعايتىپ، ٴبىر تۇتاس جوسپارلاۋدا، جۇمىلدىرىپ ورنالاستىرۋدا، ۇيىمداستىرىپ اتقارۋدا الدا ٴجۇرىپ، وبلىستىق پارتكوم شۋجيى گرۋپپا باستىعى بولعان اۆتونوميالى وبلىستىق پارتكومنىڭ پارتيا تاريحىن ۇيرەنۋ تاربيەسىنە باسشىلىق ەتۋ گرۋپپاسىن قۇرىپ، پارتكوم ٴبىر تۇتاس جەتەكشىلىك ەتكەن، ۇگىت، ۇيىمداستىرۋ تاراۋلارى جەتەكشىلىك ەتىپ، جاۋاپتى بولعان، ٴارقايسى مۇشە ورىندار سايكەسىپ، سەلبەسكەن، ٴار دارەجەلى پارتيا ۇيىمى جاپپاي ات سالىسقان قىزمەت جاعدايىن قالىپتاستىردى.

«شەشۋشى از سانداعىلار» ۇلگى كورسەتىپ ۇيرەنىپ، «باسىم كوپ سانداعىلار» ىلەسىپ ۇيرەندى. وبلىستىق پارتكوم ىلگەرىندى - كەيىندى 32 رەت تۇراقتى مۇشەلەر ٴماجىلىسىن، باسشىلىق گرۋپپا جيىنىن، ارناۋلى تاقىرىپتىق ٴماجىلىس اشىپ، پارتيا تاريحىن ۇيرەنۋ تاربيەسىن اتقارۋ جوباسىن، تياناقتاندىرۋدى ىلگەرىلەتۋ قىزمەت جوباسىن، اقپارات، ۇگىت قىزمەتى جوباسىن جانە ارناۋلى تاقىرىپتىق ۇيرەنۋ، ارناۋلى تاقىرىپتىق ۇگىت - لەكسيا، ارناۋلى تاقىرىپتىق پارتيا ساباعى، ارناۋلى تاقىرىپتىق كۋرس، ارناۋلى تاقىرىپتىق ۇيىمدىق تۇرمىس جيىنى، ارناۋلى تاقىرىپتىق دەموكراتيالىق تۇرمىس جيىنىنا قاتىستى ٴبىر قىدىرۋ قۇجاتتاردى زەرتتەپ جاسادى. 

وبلىستىق پارتكوم نازاريا ۇيرەنۋ وزەكتى گرۋپپاسى ۇدايىلاندىرىلعان پارتيا تاريحىن ۇيرەنۋدى 8 رەت ورىستەتىپ، باستاماشىلىقپەن 2 كۇندىك ارناۋلى تاقىرىپتىق ۇيرەنۋدى 4 رەت ورىستەتىپ جانە 5 كۇندىك ارناۋلى تاقىرىپتىق كىتاپ وقۋ كلاسىن ەكى رەت اشىپ، 4 رەت ارناۋلى تاقىرىپتىق ۇيرەنۋ جۇرگىزىپ، تالقى ورىستەتىپ، ۇيرەنۋدە ٴبىر ادىم الدا ٴجۇرىپ ىشكەرىلەي ۇيرەنۋدى ورىنداپ، بۇكىل وبلىستاعى ٴار دارەجەلى پارتكوم (پارتگرۋپپا) نازاريا ۇيرەنۋ وزەكتى گرۋپپاسىنىڭ رەت - سانى بويىنشا 7 مىڭ 285 مايدان ٴتۇرلى فورماداعى ارناۋلى تاقىرىپتىق ۇيرەنۋ ورىستەتۋىنە جەتەكشىلىك ەتىپ جانە باستاپ، وزەكتى ۇيرەنۋ گرۋپپاسىنىڭ ۇيرەنۋىن پارتيا تاريحىن ۇيرەنۋ تاربيەسىندەگى ارناۋلى تاقىرىپتىق ۇلگى كورسەتۋ ساباعىنا اينالدىردى.

اۆتونوميالى وبلىس ارالاپ جەتەكشىلىك ەتۋدى پارتيا تاريحىن ۇيرەنۋ تاربيەسىن ىشكەرىلەي تەرەڭدەتۋدەگى «جەبەۋشى» ەتۋگە تاباندى بولىپ، وبلىستىڭ ٴتورت باسشىلىق القاسىنىڭ باسشىلارى گرۋپپا باستىعى مىندەتىن ارقالاعان وبلىسقا توتە قاراستى ورىنداردى ارالاپ جەتەكشىلىك ەتۋ گرۋپپاسىن جانە وبلىسقا توتە قاراستى ورىندارداعى ورىنباسار مەڭگەرمە دارەجەلى باسشى كادرلار گرۋپپا باستىعى مىندەتىن ارقالاعان اۋدان، قالاعا جەتەكشىلىك ەتۋ گرۋپپاسىن ۇيىمداستىرىپ قۇرىپ، بۇكىل وبلىستا پارتيا تاريحىن ۇيرەنۋ تاربيەسىنە جاپپاي، اشىق - اشكەرە باقىلاۋ جۇرگىزىپ، اۆتونوميالى وبلىستىڭ پارتيا تاريحىن ۇيرەنۋ تاربيەسىندە بەتالىستان اۋىتقىماۋعا، قىزمەتتە جالعاندىق ىستەمەۋگە، پارمەندى ىلگەرىلەتۋگە شىنايى كەپىلدىك ەتتى.

قازىرگە دەيىن بۇكىل وبلىستاعى ٴار دارەجەلى پارتيا ۇيىمى «ٴۇش جيىن، ٴبىر ساباق»، «پارتيا تۋى تيانشاندى نۇرلاندىردى» نەگىزگى تاقىرىپتىق پارتيا كۇنى سياقتى قيمىلداردى تياناق ەتىپ، رەت - سانى بويىنشا 130 مىڭ 500 مايدان شوعىرلى ۇيرەنۋ جۇرگىزدى؛ 98 مىڭنان استام پارتيا مۇشەسى تانىمدارىن ورتاعا سالىپ، اسەرلەرىن بايانداپ، قول جەتكىزگەن تابىستارىن اڭگىمەلەدى؛ 30 مىڭ 600 مايدان - رەت قيمىل ورىستەتىپ، رەت - سانى بويىنشا 133 مىڭ پارتيا مۇشەسى پارتياعا مۇشە بولعان كەزدەگى سەرتىن قايتالاپ، رەت - سانى بويىنشا 533 مىڭ 200 ادام ۇزدىك جەكەلەردىڭ ونەگەلى ٴىس - ارەكەتى جونىندەگى باياندامانى تىڭدادى؛ بەلگىلەنگەن 4 ۇيرەنۋ ماتەريالىنان مەملەكەتتە ورتاق قولدانىلاتىن ٴتىل - جازۋ نۇسقاسىنان 188 مىڭ دانا، ۇيعۇر ٴتىل - جازۋىنداعى نۇسقاسىنان 10 مىڭ 840 دانا، قازاق ٴتىل - جازۋىنداعى نۇسقاسىنان 8 مىڭ 216 دانا تاراتىلدى؛ 720 مىڭ دانا ۇگىت ماتەريالى ٴار ۇلت جۇرتشىلىعىنىڭ وتباسىنا دەيىن تاراتىلىپ، ۇيرەنۋ ماتەريالىنىڭ تولىق جەتكىزىلۋى قامتاماسىزداندىرىلدى.

ۇيرەنۋ ۇلگىسىندە جاڭالىق اشىپ، ۇيرەنۋ مازمۇنىن تەرەڭدەتىپ، ۇيرەنۋ قيمىلىن الۋان تۇرلىلەندىرۋ - اۆتونوميالى وبلىستىڭ پارتيا تاريحىن ۇيرەنۋ تاربيەسىندە قول جەتكىزگەن تابىستارىن ٴتىپتى دە كورنەكتىلەندىردى.

دۇرىس جولدان اۋىتقىماي، جاڭالىق اشىپ، ىلە ەرەكشەلىگىنىڭ جارقىن ٴتۇيىنىن قالىپتاستىردى

پارتيا تاريحىن ۇيرەنۋ تاربيەسى ورىستەتىلگەننەن بەرى اۆتونوميالى وبلىس دۇرىس جولدان اۋىتقىماي، جاڭالىق اشىپ، «بەلگىلەنگەن ارەكەتتى» تىڭعىلىقتى ورىنداۋمەن بىرگە، «ٴوزى تاڭداعان ارەكەتتەن» ٴتىپتى دە تىڭ ناتيجە جاراتىپ، پارتيا تاريحىن ۇيرەنۋ تاربيەسىندە «ىلەنىڭ وزىندىك ەرەكشەلىككە يە» جارقىن ٴتۇيىنىن قالىپتاستىرۋعا كۇش سالدى.

«جۇڭگو كوممۋنيستىك پارتياسىنىڭ ىلەدەگى ٴار ۇلت حالقىنا باسشلىق ەتىپ، ارمان قۋۋ جولى»، «كۇرە قۇرباندار قابىرستاندىعى»، «شۋىرما قۇرباندار قابىرستاندىعى»، «اۋەلگى ماقساتپەن پارتياعا تالپىنۋ تاربيە ٴۇيى»، «ۋاڭ مىڭ كىتاپ ٴۇيى»، «اق تەرەك شەكارا قورعانىس مادەنيەت ەسكەرتكىش سارايى» سياقتى پارتيالىلىق تاربيە بازاسى مەن وتانشىلدىق تاربيە بازاسىنىڭ قالىپتاستىرىلۋى، ىلەنىڭ توڭكەرىستىك ەستەلىگىنىڭ تاماشا بەتاشارىن اشىپ، ىلەنىڭ ۇلان - بايتاق دالاسىنداعى قاھارمانداردىڭ اڭگىمەلەرى پارتيانىڭ 100 جىلدىق شۇعىلالى تاريحىنىڭ شۇلەن شۇعىلاسىن جالپاق جۇرتقا ايگىلەدى.

اۆتونوميالى وبلىس وزىندىك ەرەكشەلىككە يە توڭكەرىستىك مادەنيەت بايلىعى ابزالدىعىنان پايدالانىپ، بيڭتۋان رۋحىنىڭ، تيانشان جول جاساۋ رۋحىنىڭ، اق تەرەك رۋحىنىڭ، شەكارا قورعانىس رۋحىنىڭ ىشكى ٴمانىن جان - جاقتى بايانداپ، ەگجەي - تەگجەيلى ۇعىنىپ، بازانى ساباقحاناعا، ناقتى زاتتى وقۋلىققا اينالدىردى. اۆتونوميالى وبلىس العاشقى توپتا 8 پارتيالىلىق تاربيە بازاسىن «ينتەرنەتكە كوشىرىپ» پارتيا تاريحىن ۇيرەنۋ تاربيەسى ابزال بايلىعىنىڭ «جەلى سىرتىنان» «جەلىگە» ۇلاسۋىن جۇزەگە اسىردى. تاۋلىك بويى اشىپ پايدالانۋعا بولاتىن ارناۋلى تاقىرىپتاعى پارتيا ساباعى «بۇلت ساباقحاناسى»، «قارتتار ۇگىت - لەكسيا ۇيىرمەسىنىڭ» پارتيا تاريحىن ۇيرەنۋدە «7 نى جەتكىزۋ» قيمىلى، «1 - شىلدە وردەنىنىڭ» يەگەرى مامەتجان ومەردىڭ، «ەكىدە تاڭداۋلى، بىردە ۇزدىكتەردىڭ» ۇلگىسى جۇماتاي اۋباكىر ۇلىنىڭ ٴتول كەشىرمەلەرىن بايانداۋى، شارۋالاردىڭ داستارقان باسىنداعى «ميكرو ۇگىت - لەكسيا»، مال شارۋاشىلىق رايونىنداعى اتتىلار ۇگىت - لەكسياسى، «ون مىڭ شۋجي قاتىناسقان كولەمدى ۇگىت - لەكسيا» سياقتى جاندى دا الۋن ٴتۇرلى ۇيرەنۋ، تاربيەلەۋ ۇلگىسى ارقىلى باس شۋجي شي جينپيڭنىڭ پارتيا تاريحىن ۇيرەنۋ، تاربيەلەۋ، اتتانىسقا كەلتىرۋ جينالىسىندا سويلەگەن ماڭىزدى ٴسوزىنىڭ رۋحىن، «1 - شىلدە» ماڭىزدى ٴسوزىنىڭ رۋحىن، پارتيا 19 - كەزەكتى ورتالىق  كوميتەتى التىنشى جالپى ٴماجىلىسىنىڭ رۋحىن، توڭكەرىستىك حيكايالاردى، اسكەري تىڭ يگەرۋ حيكايالارىن، ۇلتتار ىنتىماعى حيكايالارىن ورگاندارعا، زاۆودتارعا، ساباقحانالارعا، الەۋمەتتىك اۋماقتارعا، جايلاۋعا جانە اتىز باسىنا، داستارقان باسىنا دەيىن كەڭ كولەمدە جەتكىزدى. 

مول مازمۇندى، الۋان ۇلگىدەگى ۇگىت - لەكسيا، ۇگىتتەۋ قيمىلدارى پارتيا تاريحىن ۇيرەنۋ تاربيەسىنىڭ ىشكەرىلەي جانە كەڭ اۋقىمدا ورىستەتىلۋىن كەڭەيتۋمەن بىرگە، قالىڭ پارتيا مۇشەلەرى مەن حالىق بۇقاراسىنىڭ پارتيا جونىندەگى تانىمىن تەرەڭدەتىپ، ٴىس تىندىرىپ، جاڭالىق اشۋ مۇرات - سەنىمىن بەكەمدەدى. ايتالىق، تۇتاس وبلىس بويىنشا جالپى 76 مىڭ مايدان - رەت پارتيا تاريحى جونىندە شوعىرلى ۇگىت - لەكسيا ورىستەتىلىپ،   پارتيالى كادرلار مەن بۇقارانى جاپپاي قامتۋ جۇزەگە اسىرىلىپ، پارتيا تاريحىن ۇيرەنۋ تاربيەسىن بارلىق جۇرت تەگىس ٴبىلدى، جۇرت كوكەيىنە ۇيالادى. 

تاريحتى ۇيرەنۋدى امالياتپەن ۇشتاستىرىپ، نازاردى بۇقارانىڭ «شۇعىل، قيىن، ۋايىمداعان، ٴزارۋ» ماسەلەلەرىنە شوعىرلاندىردى

 پارتيانىڭ كەلۋ قاينارى − حالىق، پارتيانىڭ ٴتۇپ تامىرى جانە جان تامىرى −  حالىق. حالىق ٴۇشىن قۇرۋ، حالىققا سۇيەنىپ گۇلدەنۋ، باستان - اياق حالىقپەن بىرگە بولۋ، حالىق مۇددەسى ٴۇشىن كۇرەسۋ − پارتيامىزدىڭ قۇرىلۋ، گۇلدەنۋ قۇدىرەتتەنۋىندەگى شىعار ٴتۇيىنى جانە تابان تىرەر تياناعى. بۇقارانىڭ ريزا بولۋ دارەجەسى، تابىس سەزىمى جانە باقىت سەزىمى پارتيا تاريحىن ۇيرەنۋ جەتىستىكتەرىن سىننان وتكىزەتىن «سىنتاس».

وبلىستىق پارتكوم حالىقتى وزەك ەتكەن دامۋ يدەياسىنا باستان - اياق تاباندى بولىپ، قيىنشىلىعى ەڭ اۋىر بۇقارادان باستاپ كىرىسۋگە، ەڭ كورنەكتى ماسەلەلەردەن باستاپ يگەرۋگە، رەال مۇددەنى شىعار ٴتۇيىن ەتۋگە تاباندى بولىپ، «بۇقارا ٴۇشىن ناقتى ٴىس ىستەيمىن» امالياتتىق قيمىلىن پارتيا تاريحىن ۇيرەنۋدىڭ تۇتاس بارىسىنا سىڭىرۋگە تاباندى بولىپ، «بۇقارا ٴۇشىن ناقتى ٴىس ىستەيمىن»  امالياتتىق قيمىلىنىڭ تۇلعالىق جوباسىن بەلگىلەپ، «N + 10 + 10» قىزمەت تىزىمدىگىندەگى 28 ٴتۇيىندى مىندەتتى تۇراقتاندىرىپ، وبلىستىڭ ٴتورت باسشىلىق القاسىنىڭ باسشىلارى باستاماشى بولىپ ىستەۋ، تاراۋلار مەن ورىنداردىڭ «ٴبىرىنشى باسشىلارى» ناقتى جاۋاپتى بولۋدى بەلگىلەپ، مىندەت كورسەتكىشى مەن ناقتى شارالاردى ناقتىلاندىرىپ، ولشەمدەندىرىپ، امالياتتىق قيمىلدىڭ عىلمي جوبالانۋىنا، ساڭلاۋسىز ۇشتاسۋىنا، ٴونىمدى ىلگەرىلەتىلۋىنە شىنايى كەپىلدىك ەتتى.

اۆتونوميالى وبلىستىڭ «N + 10 + 10» قىزمەت مىندەتىن تياناقتاندىرۋدى توڭىرەكتەي وتىرىپ، بىرلەسكەن تۇيىق اينالىمدى - باسقارۋ قىزمەت مەحانيزمىن ورناتىپ، «تىزىمدىك تۇرعىزۋ ۇلگىسىمەن، نىسانداندىرۋ ۇلگىسىمەن، تىزىمنەن ٴوشىرۋ ۇلگىسىمەن» باسقارۋدى اتقارىپ، جۇمىس مەرزىمىن كەرى شەگەرىپ ورنالاستىرىپ، كارتا ٴىلىپ شايقاس جۇرگىزدى. وبلىس، اۋدان، قالانىڭ ٴتورت باسشىلىق القاسىنىڭ باسشىلارى جانە ٴار ۇلت پارتيالى كادرلارى «ٴبىرىنشى شەپتە قىزمەت ىستەۋ ٴادىسىن» كۇش سالا ساۋلەلەندىرىپ،  بۇقارانىڭ «شۇعىل، قيىن، ۋايىمداعان، ٴزارۋ» ماسەلەلەرىن كەڭ كولەمدە ۇعىسۋ، جاپپاي تەكسەرۋ - زەرتتەۋ جۇرگىزۋ قيمىلىن ىشكەرىلەي ورىستەتىپ، ناقتى جاعدايدى ناق مايداندا ۇعىسۋ، توپتىق اڭگىمەمە ٴماجىلىسىن وتكىزۋ، حالىق رايىن تەكسەرۋ سياقتى كوپ ٴتۇرلى تاسىلدەر ارقىلى يگەرىپ، ۇنەمى ىزىنە ٴتۇسۋ، اۋقىمدىق ونىمدىلىكتى سۇراستىرۋ ارقىلى جاقسى ىستەردى شىنايى ىستەپ، شىنايى ىستەردى ناقتى ىستەدى.

ٴسويتىپ، ىلەنىڭ بايتاق دالاسىندا ٴار ۇلت بۇقاراسىنىڭ شىنايى نازار اۋدارۋىندا، حالىق تۇرمىسىنا قاتىستى ناقتى ىستەر تياناقتانىپ، ٴونىم بەردى: ٴجۇز شاقىرىمدىق جاسىل ٴدالىز ينجەنەريا قۇرىلىسى، كونە شاعىن تۇرعىندار رايونىن جاڭالاۋ، تۇيىق كوشەلەردى تۇتاستىرۋ، جاسىلداندىرىلعان كولىك توقتاتۋ الاڭى قۇرىلىسى، قالا الەۋمەتتىك اۆتوكولىك ايالداماسىنداعى تىنىعۋ ورنى قۇرىلىسى، قالانىڭ كوشە مۇيىستەرىن جاسىلداندىرۋ قۇرىلىسى، 43 ٴتۇرلى اكىمشىلىك قىزمەت وتەۋدى ولكە اتتاپ ٴبىتىرۋ، ٴار دارەجەلى ەمدەۋ قۇرىلىمدارىنىڭ الىس ارالىقتى ەمدەۋگە قىزمەت وتەۋدى جاپپاي قامتۋىن جۇزەگە اسىرۋ، جەدەل جەتكىزۋدى قىستاقتارعا، الەۋمەتتىك اۋماقتارعا ەنگىزۋ، اۋىل - قىستاقتارداعى ۇيلەردى جەر سىلكىنىسىنە ٴتۇزىمدى ەتىپ، جاڭالاۋ، مىندەتتى وقۋ - اعارتۋ ساتىسىنداعى ٴجۇز مىڭ وقۋشىنى ٴنارلى ازىق - تۇلىكپەن قامداۋ، قالا، اۋىلداردا جۇمىستاندىرۋ ورنى مەن جۇمىستانعان ادام سانىن ارتتىرۋ ... 

ٴاربىر ىستەلگەن ناقتى، جاقسى ىستەردىڭ قاي - قايسىسى دا بۇقارانىڭ جۇزىنە كۇلكى ٴۇيىرىلتىپ، پارتيا تاريحىن ۇيرەنۋ تاربيەسىنىڭ ناتيجەسىن ايگىلەدى. قازىرگە دەيىن وبلىسقا توتە قاراستى ورىنداردىڭ «10 ٴتۇرلى حالىققا تيىمدىلىك جاساۋ ينجەنەرياسى»، «حالىق ٴۇشىن ىستەلگەن 10 ناقتى ٴىس» جانە «حالىق ٴۇشىن ىستەلگەن N ناقتى ٴىس» %100 ورىندالىپ، تۇتاس وبلىستاعى 2 ميلليون 930 مىڭ 600 ادام يگىلىككە كەنەلىپ، بۇقارانىڭ تابىس سەزىمى، باقىت سەزىمى جانە حاۋىپسىزدىك سەزىمى كورنەكتى جوعارىلاپ، ريزا بولۋ مولشەرى %99.98 كە جەتتى.

پارتيا تاريحى ساۋلە بولىپ توگىلىپ، العا باسۋ جولىن نۇرلاندىردى. پارتيا تاريحى ٴمولدىر بۇلاق بولىپ، جان - دۇنيەنىڭ شاڭ - توزاڭىن تازارتتى؛ پارتيا تاريحى ۇران بولىپ، العا باسۋ كۇشىن تاسقىنداتتى. 

ٴار رەتكى نازاريا مەن اماليات ۇشتاستىرىلعان ارناۋلى تاقىرىپتىق كۋرس، ٴار مايدان دابىرالى ۇگىت - لەكسيا ٴماجىلىسى، ٴار رەتكى توڭكەرىستىك قۇربانداردى ساعىنا ەسكە العان توڭكەرىستىك ساپار، ٴاربىر جۇرت تىلەگىن توعىستىرعان حالىق تۇرمىسىنا قاتىستى ناقتى ىستەر، ٴاربىر ۇدەرە العا تارتقان دامۋ بەلگىلەرى... قالادان اۋىل - قىستاققا، ورگاننان الەۋمەتتىك اۋماقتارعا، كاسىپورىننان مەكتەپ اۋلاسىنا دەيىن، ٴزاۋلىم عيماراتتان اتىز باسىنا دەيىن، ينجەنەريا نىسان قۇرىلىسىنىڭ الدىڭعى شەبىنەن كەدەيلىكتەن ارىلتۋدان قامال الۋ جەتىستىكتەرىن بەكەمدەۋ ناق مايدانىنا دەيىن، «شەشۋشى ازشىلىقتىڭ» ايتقانى مەن ىستەگەنى، ٴار ۇلت پارتيالى كادرلارىنىڭ ورتاق ٴۇنى، ورتاق قيمىلداۋى، پارتيا تاريحىن ۇيرەنۋ، يدەيانى ٴتۇسىنۋ، ناقتى ىستەر ىستەۋ، جاڭا جاعداي اشۋ ورلەۋى ىلە القابىندا ۇزدىكسىز جالعاسىپ جاتتى.

 ارمان قۋۋ جولى داڭعىل ەمەس، تولقىن جارا العا ىلگەرىلەۋ ٴۇشىن تەك قاجىرلىلىقپەن ۇمتىلۋعا تۋرا كەلەدى!