ٴتىلشىمىز دۋ لەي، ەرىكتى ٴتىلشى شياۋ جيانچياڭ حابارلايدى. ٴتىلشىنىڭ 4 - ايدىڭ 6 - كۇنى وبلىستىق اۋىل شارۋاشىلىق، اۋىل - قىستاق مەكەمەسىنەن ۇعىسۋىنشا، بيىل وبلىسقا توتە قاراستى ورىندار مۇددەنى بايلانىستىرۋ مەحانيزمىن كەمەلدەندىرۋدى دانەكەر ەتىپ، تىزبەكتى ۇزارتۋدى، تولىقتاۋدى، نىعايتۋدى، ساپالىلاندىرۋدى ىلگەرىلەتىپ، ٴوندىرىستى يگەرۋدەن تىزبەكتى يگەرۋگە، ٴونىمدى يگەرۋدەن كاسىپتى يگەرۋگە، بۋىندى يگەرۋدەن جۇيەنى يگەرۋگە بۇرىلىس جاساپ، ٴوندىرۋدى، مانەرلەۋدى، ساتۋدى ۇشتاستىرىپ، اۋىل شارۋاشىلىعىن، مادەنيەتتى، ساياحاتتى توعىستىرىپ، اۋىل شارۋاشىلىعى كاسىپ سالاسىندا قۇندى، ونىمدىلىكتى ارتتىرۋ ٴورىسىن كەڭەيتىپ، اۋىل شارۋاشىلىعى تۇتاس كاسىپ تىزبەگى قۇرىلىسىن بار كۇشپەن ىلگەرىلەتىپ، اۋىل - قىستاقتاردى گۇلدەندىرۋدى جانە اۋىل شارۋاشىلىعىن، اۋىل - قىستاقتى وسىزامانداندىرۋعا تىرەك ازىرلەمەكشى ەكەن.

قازىر ىلە تيانشان گۇل الابىنداعى لاۆاندا مانەرلەۋ رايونىندا 5000 شارشى مەترلىك بولات قاڭقالى زاۆود ٴۇيىنىڭ نەگىزگى تۇلعاسى سالىنىپ بولدى، جۇمىسشىلار ەڭ سوڭعى جابدىق ورناتۋ دايىندىق قىزمەتىن ىستەۋدە. زاۆود ٴۇيى سالىنىپ بولعاننان كەيىن حالىقار

اداعى ەڭ وزىق بۇكىلدەي اۆتوماتتى بولعان ەفير مايىن ۇلاسپالى بۋلاندىرىپ ايىرۋ ٴوندىرىس جەلىسى ىسكە قوسىلىپ، جىلىنا 160 - 200 توننا جوعارى ساپالى لاۆاندا مايى وندىرىلەدى.ىلە تيانشان گۇل الابىنداعى لاۆاندا جىنتىكتەي مانەرلەۋ رايونى نىسانىنا شامامەن 30 ميلليون يۋان قارجى قوسىلىپ، نەگىزىنەن اۋا الماستىرىپ بالعىن كۇيىندە ساقتاۋ قامباسى، بۇكىلدەي اۆتوماتتى تۇرگە ايىرۋ، قوراپتاۋ سەحى، حوش ٴيىستى ونىمدەردى زەرتتەۋ - اشۋ ورتالىعى، سۇرىپتالعان ماي الۋ ورتالىعى جانە اۋىل شارۋاشىلىق ونىمدەرىن جىنتىكتەي مانەرلەۋ ورتالىعى قۇرىلىپ، تيانشان گۇل الابىندا ەگىلگەن لاۆاندا، ريم كۇرەڭكەيى، شۇعىنىق سياقتىلاردى جىنتىكتەي مانەرلەپ، اۋىل شارۋاشىلىق ونىمدەرىنىڭ قوسىمشا قۇنىن جوعارىلاتىپ، 1 -، 2 - كاسىپتەردىڭ توعىسپالى دامۋىن جۇزەگە اسىرادى.

ىلە گۋانتۇڭ بيولوگيالىق توبى شەكتى سەرىكتەستىگى دامۋ - جوسپارلاۋ ٴبولىمىنىڭ باستىعى گۋان يۇڭگۋاڭ بىلاي دەدى: «بيىل ٴبىز تيانشان گۇل الابى لاۆاندانى جىنتىكتەي مانەرلەۋ رايونىن ٴتۇيىندى تۇردە قۇردىق. وسىدان كەيىن ٴبىز اۋىل شارۋاشىلىق قوسىمشا ونىمدەرى كورمە زالىن سالىپ، تيانشان گۇل الابىنا كەلگەن ساياحاتشىلار ارقىلى ىلە وبلىسىنىڭ ساپالى اۋىل شارۋاشىلىق قوسىمشا ونىمدەرىن بۇكىل ەلگە بەت الدىرامىز».

ەرەكشەلىككە يە ەگىمشىلىك گۋانتۇڭ توبىنىڭ جەتەكشى كاسىپ سالاسىنىڭ ٴبىرى، كەزەكتە لاۆاندا ەگىلگەن جەر اۋماعى 20 مىڭ مۋدان، ەرەكشە جەمىس ورمانى 10 مىڭ مۋدان اسادى. الداعى بىرنەشە جىلدا گۋانتۇڭ توبى جەمىس ونىمدەرىنىڭ ساپاسىن ونان ارى جوعارىلاتىپ، جىنتىكتەي مانەرلەۋ، بۇكىلدەي اۆتوماتتى تۇرگە ايىرىپ قوراپتاۋ، اۋا الماستىرىپ بالعىن كۇيىندە ساقتاۋ سياقتى قۇرىلعىلاردى قۇرىپ، الحورى، ۇساق قىزىل ورىك قاعى، جەمىس شىرىنى، جەمىس قويمالجىڭى، قانتتالعان جەمىس جانە جەمىس قويمالجىڭى سياقتى قاتىستى ونىمدەردى ٴوندىرىپ، ساپا مەن ٴونىم مولشەرىن بىردەي ارتتىرىپ، ىلەنىڭ جەمىس ورمانى ماركاسىن جاراتادى. سونىمەن بىرگە، ىلەنىڭ لاۆاندا كاسىبىنىڭ دامۋىنا جەتەكشىلىك ەتىپ، تيانشان گۇل الابىن اۋىل - قىستاقتى گۇلدەندىرۋدەن ۇلگى كورسەتۋ رايونى، 1 -، 2 -، 3 - كاسىپتەردى توعىستىرۋداعى جەتەكشى رايون، مەملەكەتتىك وسى زامانعى اۋىل شارۋاشىلىعى كاسىپ باقشاسى، مەملەكەتتىك 5A دارەجەلى كورىنىس رايونى ەتىپ قۇرىپ، 1 -، 2 -، 3 - كاسىپتەردىڭ توعىسپالى دامۋىن ىشكەرىلەي ىلگەرىلەتەدى.

تاياۋ جىلداردان بەرى وبلىسقا توتە قاراستى ورىندار باسىمدىققا، ەرەكشەلىككە يە كاسىپتەردى الۋەتتەندىرۋدە تاباندى بولىپ، ەگىمشىلىكتى دامىتۋدى اۋىل - قىستاقتى گۇلدەندىرۋدەگى ماڭىزدى كاسىپ ەتۋدە تاباندى بولىپ، كولەمدەنگەن ەگىمشىلىك، ماشينالانعان جۇمىس، ولشەمدەنگەن باسقارۋ، سيفرلانعان قۇرىلىس جۇرگىزىپ، ٴبىرىنشى كاسىپ ەگىمشىلىگىن نەگىز ەتىپ، ونى وندىرىستەن كەيىنگى مانەرلەۋ، ساقتاۋ، زات اينالىمى، بالعىن كۇيىندە ساقتاۋ سياقتىلارعا دەيىن كەڭەيتىپ، ودان اۋىل شارۋاشىلىعى سەيىل - سەرۋەنى، اۋىل - قىستاق ساياحاتى، ايگىلى ماركا قۇرىلىسى، كاسىپ سالاسى شوعىرى سياقتىلاردى تۋىنداتىپ، تۇتاس تىزبەكتى كاسىپ سالاسىنىڭ دامۋ ۇلگىسىن قالىپتاستىردى.

بىرنەشە كۇننەن بەرى چاپچال سىبە اۆتونوميالى اۋدانى چاپچال قالاشىعى انديڭ قىستاعىنداعى مىڭحور كوكونىس ەگۋ بازاسىندا كەيبىر ەگىمشى وتباسىلار بالدىرعان كوكونىس، پاميدور سياقتى داعدىلى كوكونىستەردى ەگۋمەن قاربالاس بولسا، كەيبىرەۋى قىزىل مارال، اس بۇرشاق سياقتى ەرەكشە كوكونىستەردى تەرۋمەن ابىگەر بولىپ ٴجۇر.

«ٴبىزدىڭ بۇل جەردە جيىنى 120 جوعارى ولشەمدى جىلىجاي، 200 دوعاشا قالتقى بار، نەگىزىنەن قىزىل مارال، ٴبيدايىق، جالبىز، بالاۋسا بامبۇك، ٴتاتتى كارتوپ مايساسى، بالدىرعان كوكونىس سياقتى 16 ٴتۇرلى كوكونىس ەگىلەدى. سەلبەستىك كووپەراتيۆىنىڭ تۇراقتى بەتالىسى − ەرەكشە كوكونىس ەگۋ ارقىلى كوكونىستەرىمىزدى بازاردان ٴوز ۇلەسىن يەلەپ، جاسىل ەگىمشىلىك، عىلمي باسقارۋ ارقىلى كوكونىستەرىمىزدى قالىڭ تۇتىنۋشىلار ۇناتاتىن ەتۋ. قازىر كووپەراتيۆتە جيىنى 30 ەگىمشى وتباسى بار، جىلدىق ساتىلىم سوماسى 5 ميلليون يۋاننان اسادى» دەدى مىڭحور كوكونىس كاسىپتىك سەلبەستىك كووپەراتيۆىنىڭ باس القاسى ۋان داچۇن.

بىلتىردان بەرى وبلىسقا توتە قاراستى ورىندار اۋىل شارۋاشىلىعىن كاسىپ سالالاندىرۋدا اۋىل شارۋاشىلىعى تۇتاس كاسىپ تىزبەگىن قۇرىپ، اۋىل شارۋاشىلىق ونىمدەرىنىڭ بايلىق ابزالدىعىن تولىق ساۋلەلەندىرىپ، اۋىل شارۋاشىلىق ونىمدەرىن مانەرلەۋ كاسىبىنىڭ دامۋىن جەدەلدەتىپ، اۋىل شارۋاشىلىعىن كاسىپ سالالاندىرىپ باسقارۋدى ىلگەرىلەتىپ، اۋىل - قىستاقتاردا 1 -، 2 -، 3 - كاسىپتەردىڭ توعىسپالى دامۋىن جەبەپ كەلەدى. بۇدان بىلاي، اۆتونوميالى وبلىس باستاماشى كاسىپورىندار مەن اۋىل شارۋاشىلىعىنىڭ تۇتاس كاسىپ تىزبەگىن جەتىلدىرۋدى، دامىتۋدى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋدىڭ ماڭىزدى شاراسى ەتىپ، باسىمدىلىققا يە ەرەكشە كاسىپتەرگە نازار اۋدارىپ، «ٴبىر قىستاقتا ٴبىر ٴونىم بولۋعا»، «ٴبىر اۋىلدا ٴبىر كاسىپ بولۋعا»، «ٴبىر اۋداندا ٴبىر ەرەكشەلىككە يە ٴونىم بولۋعا» تاباندى بولىپ، كاسىپ قۇرىلىمىن ساپالىلاندىرىپ، تىزبەكتى ۇزارتۋدى، تولىقتاۋدى، نىعايتۋدى، ساپالىلاندىرۋدى ىلگەرىلەتىپ،  توعىسپالى دامۋدى ىلگەرىلەتىپ، نازاردى اۋىل شارۋاشىلىعىنداعى جەتەكشى كاسىپكە، جوعارعى، ورتاڭعى، تومەنگى بۋىنداعى تولىقتاۋ تۇيىندەرىنە اۋدارىپ، عىلىم ـ تەحنيكا مەن قارجى سىندى ەكى ۇلكەن تىرەككە كۇش سالىپ، تۇتاس تىزبەكتى ٴتۇرلى تيجارات تۇلعالارىن شوعىرلاندىرىپ، اۋىل شارۋاشىلىق ونىمدەرىن مانەرلەۋ باقشا رايونى تۇعىرىنىڭ فۋنكتسياسىن كەمەلدەندىرىپ، وسىزاماندانعان اۋىل شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك.