شينحۋا اگەنتتىگىنىڭ تىلشىلەرى تيان شياۋحاڭ، سۇڭ چىن، زوۋ دوۋي

　　جاقىندا ەلىمىزدەگى ىندەتتەن ساقتانۋ - تىزگىندەۋ جاعدايى اۋىر دا كۇردەلى بولا ءتۇستى. كەزەكتەگى بۇكىل ەلدەگى ىندەت جاعدايىنا قالاي قاراۋ كەرەك؟ ىندەت ءتۇيىندى تارالعان وڭىرلەردەگى تۇرمىستىق زاتتىق ماتەريالدارمەن قامداۋدى قامتاماسىز ەتۋ جاعدايى قانداي؟جۇرتشىلىق ءتۇيىندى تۇردە ءجىتى قاداعالاپ وتىرعان وسى ىستەر توڭىرەگىندە، 4 - ايدىڭ 12 - كۇنى وتكىزىلگەن مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ماجىلىسىندە شوعىرلى جاۋاپ قايتارىلدى.

ساقتانۋ - تىزگىندەۋ شەشۋشى، شۇعىل مەزگىلدە تۇر، ”يكەمدى نولگە ءتۇسىرۋ“ باس باعىتىنا ۇزدىكسىز تاباندى بولۋ

　　مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ ورىنباسار باستىعى لەي جىڭلۇڭ تانىستىرىپ بىلاي دەدى: 3 - ايدىڭ 1 - كۇنىنەن 4 - ايدىڭ 11 - كۇنىنە دەيىن 31 ولكە (رايون، قالا) مەن شينجياڭ ءوندىرىس - قۇرىلىس بيڭتۋانىنان مالىمدەلگەن جەرگىلىكتى جۇعىمدالۋشىلاردىڭ سانى جيىنى 320 مىڭنان اسىپ، 30 ولكەنى (رايون، قالا) شارپىدى.

　　”جيلين ولكەسىندەگى ىندەت جالپى جاقتان تومەندەۋ بەتالىسىنا ءوتىپ، ءۇرتىس 3 كۇن بويى جاڭادان قوسىلعان جۇعىمدالۋشىلار سانى مىڭنان تومەنگە ءتۇستى، الايدا، ءالى دە جوعارى دەڭگەيدە“. لەي جىڭلۇڭ بىلاي دەدى: شاڭحاي قالاسىنان مالىمدەلگەن جاڭادان قوسىلعان جۇعىمدالۋشىلار سانى ءۇرتىس 8 كۇن بويى 10 مىڭنان استى، ىندەت تەز جوعارىلاۋ مەزگىلىندە تۇر، الەۋمەتتىك اۋماقتا تارالۋ ءالى دە ءونىمدى تىزگىندەلگەن جوق ءارى كوپ ولكە، كوپ قالاعا تارالۋدا، مەجەمەن كەلەسى بىرنەشە كۇندە جاڭادان جۇعىمدالۋشىلار سانى ءالى دە جوعارى دەڭگەيدە بولادى.

　　مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ تانىستىرىپ بىلاي دەدى: قازىرگە دەيىن مەملەكەتتىك دەنساۋلىق ساقتاۋ، سالاماتتىق كوميتەتى بۇكىل ەل بويىنشا 16 ولكەدەن 40 نەشە مىڭ ەمدەۋ قىزمەتكەرىن جانە كۇنىنە 2 ميلليون 380 مىڭ حىسۋان تەكسەرۋ قۋاتىن شاڭحايعا كومەكتەسۋگە، شاڭحايداعى ەمدەۋ قىزمەتكەرلەرىمەن بىرگە جاڭا تيپتى ايدارشا ۆيرۋس وكپە قابىنۋىن ەمدەۋ - قۇتقارۋ جانە حىسۋان تەكسەرۋ سياقتى قىزمەتتەردى ورىستەتۋگە اتتاندىردى.

　　”قازىر ىندەت ءالى دە جوعارى دەڭگەيدە جالعاسۋدا، شارپۋ كولەمى ونان ارى كەڭەيىپ، ساقتانۋ - تىزگىندەۋ شەشۋشى، شۇعىل مەزگىلدە تۇر“. مي فىڭ بىلاي دەدى: ”يكەمدى نولگە ءتۇسىرۋ“ باس باعىتىنان ەكى ۇدايىلانباۋعا، اۋىتقىماۋعا ۇزدىكسىز تاباندى بولىپ، سەنىمدى بەكەمدەپ، اناعۇرلىم ءۇزىلدى - كەسىلدىلىكپەن، باتىلدىقپەن ساقتانۋ - تىزگىندەۋ شارالارىن ءار بۋىندا تياناقتاندىرۋ كەرەك.

كوپ ولكە بىرلەسىپ قامتاماسىز ەتىپ، بىرلەسىپ قامداپ، زاتتىق ماتەريالداردى شاڭحايعا، جيلينگە كومەككە جونەلتتى

　　بۇكىل ەلدەگى زات تاسىمالى ىركىلىسسز بە، ەمەس پە، شاڭحاي، جيلين قاتارلى ىندەت ءتۇيىندى تارالعان وڭىرلەردە تۇرمىستىق زاتتىق ماتەريال قامتاماسىزدىعى بار ما، جوق پا دەگەن ماسەلەلەر بۇكىل ەل حالقىن الاڭداتىپ وتىر.

　　مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جاقىندا حابارلاندىرۋ باسىپ تاراتىپ، وڭىرلەردىڭ، تاراۋلاردىڭ زات تاسىمالىن، اسىرەسە، ەمدەۋ، ساقتانۋ - تىزگىندەۋ زاتتىق ماتەريالى، تۇرمىستىق قاجەتتى بۇيىمدار، ۇكىمەتتىك زاپاس زاتتىق ماتەريال، پوچتا جەدەل جولداماسى سياقتى حالىق تۇرمىسى زاتتىق ماتەريالدارى مەن اۋىل شارۋاشىلىعى، ەنەرگيا، شيكىزات سياقتى ماڭىزدى ءوندىرىس زاتتىق ماتەريالدارى تاسىمالىنىڭ ىركىلىسسىزدىگىن بار كۇشپەن قامتاماسىز ەتىپ، حالىق بۇقاراسىنىڭ قالىپتى ءوندىرىس، تۇرمىس ءتارتىبىن شىنايى قورعاۋىن تالاپ ەتتى.

　　ساۋدا ىستەرى مينيسترلىگى تۇتىنۋدى جەبەۋ مەكەمەسىنىڭ ورىنباسار باستىعى لي داڭحۇي مىنالاردى ءبىلدىردى: شاڭحاي قالاسىنداعى تۇرمىستىق زاتتىق ماتەريالمەن قامداۋدى قامتاماسىز ەتۋگە قاراتا 11 ولكە بىرلەسىپ قامتاماسىز ەتۋ، بىرلەسىپ قامداۋعا ۇيىمداستىرىلدى، 4 - ايدىڭ 11 - كۇنىنە دەيىن شاڭحاي قالاسى جيىنى 18 مىڭ توننا كوكونىس سياقتى تۇرمىستىق زاتتىق ماتەريالىمەن قامدالدى جانە بولكا سياقتى 5400 نەشە توننا ازىق - تۇلىك تەگىن كومەككە بەرىلدى؛ سونىمەن بىرگە 5 ولكە بىرلەسىپ قامتاماسىز ەتۋ، بىرلەسىپ قامداۋ بويىنشا جيلين ولكەسىنە زاتتىق ماتەريال تاسىپ كومەكتەسۋگە ۇيىمداستىرىلدى.

　　”ەڭ سوڭعى 100 مەتر“ بويىنشا جەتكىزۋ تىڭعىلىقتى بولماۋ ماسەلەسىن قالاي شەشۋ كەرەك؟ لي داڭحۇي تانىستىرىپ بىلاي دەدى: ساۋدا ىستەرى مينيسترلىگى تاجىريبەلەردى قورىتىندىلاۋ نەگىزىندە، لياۋنيڭ قاتارلى جەرلەردىڭ ىندەتكە قارسى اتتانۋداعى، قامداۋدى قامتاماسىز ەتۋدەگى ” ءتورت ءبىر“ سوڭىنا دەيىن جەتكىزۋ ۇلگىسى، ياعني ءبىر ادامدى ءبىر عيماراتقا جاۋاپتى بولۋعا ورنالاستىرۋ، ءبىر عيماراتتا ءبىر ۋيشين توبىن قۇرۋ، تۇرعىنداردىڭ قاجەتىن كۇنىنە ءبىر رەت سۇراۋ، كۇنىنە ءبىر رەت تاۋار قابىلداۋعا سايكەستىرۋ سياقتى جاڭا تاجىريبەلەرىن، جاڭا ادىستەرىن كوشىرىپ جالپىلاستىرىپ، قالا تۇرعىندارىنىڭ نەگىزگى تۇرمىستىق قاجەتىن قاناعاتتاندىرۋ العى شارتىندا تۇرمىسقا قاجەتتى بۇيىمداردىڭ وتباسىلارىنا جەتكىزىلۋ مولشەرىن جوعارىلاتتى.

　　مەملەكەتتىك دامۋ جانە رەفورما كوميتەتى ەكونوميكالىق اينالىمدى رەتتەۋ مەكەمەسىنىڭ ورىنباسار باستىعى شۇي جىڭبين مىنالاردى ءبىلدىردى: مەملەكەتتىك دامۋ جانە رەفورما كوميتەتى مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى تۇرمىستىق زاتتىق ماتەريال قامتاماسىزدىعى گرۋپپاسىنىڭ رولىن ۇزدىكسىز ساۋلەلەندىرىپ، ءارقايسى مۇشە ورىندارمەن بىرگە تۇرمىستىق زاتتىق ماتەريالدى قاداعالاۋ، ساقتاندىرۋ جانە ءوندىرۋ، ساتۋدىڭ ۇشتاسۋىن كۇشەيتىپ، قاتىستى جەرلەردى ”ەڭ سوڭعى ءبىر كيلومەتر“، ”ەڭ سوڭعى 100 مەتر“ زاتتىق ماتەريال جەتكىزۋىن ىركىلىسسىزدەندىرۋگە سايكەستىرىپ، قۋزاپ، ىندەت تۋىلعان وڭىردەگى تۇرمىستىق زاتتىق ماتەريالمەن قامداۋدى قامتاماسىز ەتۋ قىزمەتىن جاقسى ىستەيدى.

قارتتارعا ۆاكسينا ەگۋدى جەدەل ىلگەرىلەتتى

　　قازىر جەر - جەر جاڭا تيپتى ايدارشا ۆيرۋس ۆاكسيناسىن ەگۋ قىزمەتىن بەلسەندىلىكپەن ورنىقتى ىلگەرىلەتۋدە. لەي جىڭلۇڭ تانىستىرىپ بىلاي دەدى: 4 - ايدىڭ 11 - كۇنىنە دەيىن 31 ولكە (رايون، قالا) مەن شينجياڭ ءوندىرىس - قۇرىلىس بيڭتۋانىندا جاڭا تيپتى ايدارشا ۆيرۋس ۆاكسيناسىنان 3 ميلليارد 300 ميلليون دوزا - رەت ەگىلگەنى مالىمدەلدى. 60 جاستان جوعارى قارتتاردان 220 ميلليوننان استام ادام ۆاكسينا ەگۋمەن قامتىلىپ، تۇتاس بارىس بويىنشا ۆاكسينا ەگىلگەندەر 210 ميلليون ادامنان اسىپ، يممۋنيتەت كۇشەيتۋ ۆاكسيناسى ەگىلگەندەر 150 ميلليون ادامنان استى.

　　”ۆاكسينا ەگۋ ىندەتتەن ساقتانۋ - تىزگىندەۋدەگى ماڭىزدى شارا، اسىرەسە، قارتتاردىڭ ۆاكسينا ەكتىرۋ ونىمدىلىگى كورنەكتى“. لەي جىڭلۇڭ بىلاي دەدى: قارتتارعا جاڭا تيپتى ايدارشا ۆيرۋس ۆاكسيناسىن ەگۋ قىزمەتىن جاقسى ىستەۋدى ونان ارى ىلگەرىلەتۋ ءۇشىن، جاقىندا مەملەكەتتىك قارتتار قىزمەتى كەڭسەسى قاتىستى حۇجاتتى ارنايى باسىپ تاراتىپ، جەر - جەردىڭ قارتتارعا ۆاكسينا ەگۋدىڭ ماڭىزدىلىعى مەن كوكەي تەستىلىگىن جەتە تانىپ، ۇيىمداستىرىپ اتقارۋدى ىجداعاتتىلىقپەن ۇزدىكسىز جاقسى ىستەپ، تۇتاس بارىس بويىنشا ءالى ەكتىرمەگەن قارتتارعا ەرتەرەك ەگۋدى قۇلشىنا ىلگەرىلەتۋدى، يممۋنيتەت كۇشەيتۋ بويىنشا ۆاكسينا ەگۋ شارتىنا ۇيلەسەتىن قارتتارعا يممۋنيتەت كۇشەيتۋ ۆاكسيناسىن ەرتەرەك ەگۋدى تالاپ ەتتى.

　　”وميكرون ءتۇرى وزگەرگەن شتاممىنىڭ قارتتارعا، اسىرەسە، ۆاكسينا ەگىلمەگەن جانە سوزىلمالى نەگىزدىك اۋرۋى بار قارتتارعا توندىرەتىن قاتەرى توتەنشە زور“. جۇڭگو اۋرۋدى تىزگىندەۋ ورتالىعى يممۋنيتەت جوسپارىنىڭ باس مامانى ۋاڭ حۋاچيڭ بىلاي دەدى: جاڭا تيپتى ايدارشا ۆيرۋس وكپە قابىنۋ سالماقتى اۋرۋىن جانە ءولىم - ءجىتىم تۋدىراتىن 3 قاتەرلى فاكتوردىڭ ىشىندە جاسى ۇلعايۋ، سوزىلمالى نەگىزدىك اۋرۋ سىندى ەكى فاكتوردى وزگەرتۋ قىيىن، ءبىراق ۆاكسينانىڭ ەگىلۋ مولشەرىن جوعارىلاتۋ ارقىلى قارتتاردىڭ سالماقتى ناۋقاسقا شالدىعۋ جانە ءولىم - ءجىتىم حاۋىپ - قاتەرىن تومەندەتۋگە بولادى، شارتقا ۇيلەسەتىن قارتتاردىڭ تەزىرەك جالپى بارىس بويىنشا ۆاكسينا ەكتىرۋىن ۇسىنامىز.

(شينحۋا اگەنتتىگىنىڭ 4 - ايدىڭ 12 - كۇنى بەيجيڭنەن بەرگەن حابارى)