汉文 ىلە اقپارات تورابىنا حوش كەلدىڭىزدەر!
قۇلجا قالاسى زاڭ جالپىلاستىرۋ ۇگىتىن قۇرىلىس الاڭدارىنا دەيىن جەتكىزدى
2022-04-15 11:17:28     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

سۋرەتتە: ۇگىت مايدانىنان كورىنىس.

جاڭ جينفىڭ فوتوسى


ٴتىلشىمىز جاڭ جينفىڭ حابارلايدى. 4 - ايدىڭ 8 - كۇنى قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى باستاماشى بولىپ، قۇلجا قالالىق قوعام حاۋىپسىزدىگى مەكەمەسى، پروكۋراتۋرا مەكەمەسى، سوت مەكەمەسى سياقتى 6 ورىن بىرگە «ەڭبەكاقىنى كەشەۋىلدەتۋدى زاڭ بويىنشا تۇبىرىنەن وڭاۋ، حالىق تۇرمىسىنىڭ تومەنگى شەگىن بەكەمدەۋ» تاقىرىبىنداعى زاڭ جالپىلاستىرۋ ۇگىت قيمىلىن قۇرىلىس الاڭدارىندا وتكىزدى.

قۇلجا قالالىق جيان يە . يۇنجيڭ قۇرىلىس نىسانى الاڭىندا زاڭ جالپىلاستىرۋ قىزمەتكەرلەرى جۇمىسكەرلەرگە «ەڭبەك زاڭى»، «ەڭبەك توقتامى زاڭى»، «شارۋا جۇمىسكەرلەردىڭ ەڭبەكاقىسىن بەرۋدى قامتاماسىزداندىرۋ ەرەجەسى» سياقتى زاڭ - ەرەجەلەردى ٴتۇسىندىردى ٴارى ولارعا قاتىستى زاڭدار جونىندەگى ۇگىت ماتەريالدارىن تاراتتى.

«قازىر ٴبىز سياقتى شارۋا جۇمىسكەرلەردىڭ ۇقىق - مۇددەسىن قورعاۋعا كوپتەگەن تاراۋلار ات سالىسۋدا. وسى تاراۋلاردىڭ قامتاماسىزداندىرۋىندا ٴبىز الاڭسىز جۇمىس ىستەي الاتىن بولدىق» دەدى سۋ دىشۇن ەسىمدى جۇمىسكەر.

جاقىنعى جىلداردان بەرى قۇلجا قالالىق پارتكوم، ۇكىمەت شارۋا جۇمىسكەرلەردىڭ ەڭبەكاقىسىن كەشەۋىلدەتۋ جاعدايىنا قاتاڭ سوققى بەرىپ، 13 ورىننىڭ كاسىپتىك تىرەكتى كادرلارىنان ۇيىمداسقان ەڭبەكاقىنى كەشەۋىلدەتۋ ماسەلەسىن تۇبىرىنەن وڭاۋ ارناۋلى گرۋپپاسىن ۇيىمداستىرىپ، مەرزىم بويىنشا ٴارقايسى ارنالار ارقىلى اڭىس ەتىلگەن ماسەلەلەرگە تالداۋ جاساپ، ەڭبەكاقىنى كەشەۋىلدەتۋ ماسەلەسىنىڭ سەبەبىن ىشكەرىلەي تەكسەرىپ، تۇبىرىنەن وڭاۋ جاعىنا ٴۇرتىس كۇش سالدى.

قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ەڭبەكتى باقىلاۋ - تەكسەرۋ ۇلكەن اترەتى قۇرىلىس سالاسى ورتا اترەتىنىڭ باستىعى شي جيارۇڭ بىلاي دەدى: «بۇدان كەيىن تۇرعىن ٴۇي قۇرىلىسى، سۋ ىستەرى، قاتىناس، قوعام حاۋىپسىزدىگى، پروكۋراتۋرا، سوت سياقتى تاراۋلارمەن بىرگە قيمىلداۋدى ۇزدىكسىز كۇشەيتىپ، ەڭبەكتى قامتاماسىزداندىرۋدى باقىلاۋ - تەكسەرۋ، زاڭ اتقارۋ تەبىنىن ۇزدىكسىز ارتتىرىپ، ەڭبەكاقى بەرۋدەن باس تارتۋ، جات نيەتپەن ەڭبەكاقى كەشەۋىلدەتۋ سياقتى ارەكەتتەرگە قاتاڭ سوققى بەرىپ، شارۋا جۇمىسكەرلەردىڭ ەڭبەكاقىسىنىڭ ۋاعىندا، تولىق تاراتىلۋىنا كەپىلدىك ەتەمىز».