ٴتىلشىمىز يان جيانشيا حابارلايدى.4 - ايدىڭ 22 - كۇنى اشىلعان ىلە وبلىسىنىڭ ٴبىلىم مەنشىك ۇقىعىن كەپىلگە قويىپ قارجى قۇراۋ جانە قامسىزداندىرۋ قىزمەتىن ىلگەرىلەتۋ جونىندەگى اڭگىمە ماجىلىسىنەن ۇعىسۋىمىزشا، بيىل جىل باسىنان بەرى ىلە وبلىستىق بازاردى باقىلاۋ - باسقارۋ مەكەمەسى (ٴبىلىم مەنشىك ۇقىعى مەكەمەسى) ٴبىلىم مەنشىك ۇقىعىن كەپىلگە قويىپ قارجى قۇراۋدىڭ جاڭا شاراسى جونىندە بەلسەنە ىزدەنىس جاساپ، كاسىپورىنداردىڭ پاتەنتتى تيىمدىلىككە، ٴبىلىم مەنشىك ۇقىعىن قارجىعا اينالدىرۋىنا مۇمكىندىك جاراتقان.

وسى رەتكى اڭگىمە ٴماجىلىسىن ىلە وبلىستىق بازاردى باقىلاۋ - باسقارۋ مەكەمەسى (ٴبىلىم مەنشىك ۇقىعى مەكەمەسى) ىلە وبلىستىق عىلىم - تەحنيكا مەكەمەسىمەن، بانكە كاسىبى قوعامىمەن، قامسىزداندىرۋ كاسىبى قوعامىمەن بىرگە وتكىزدى، مۇنداعى ماقسات بانكە مەن كاسىپورىندى ۇشتاستىرۋ تەكشەسىن قۇرۋ ٴتاسىلى ارقىلى اۆتونوميالى وبلىستىڭ ٴبىلىم مەنشىك ۇقىعىن كەپىلگە قويىپ قارجى قۇراۋ جانە ٴبىلىم مەنشىك ۇقىعىنا قاتىستى قامسىزداندىرۋ كاسىبىنىڭ دامۋىن ىلگەرىلەتىپ، جاڭالىق اشقان كاسىپورىنداردىڭ ٴبىلىم مەنشىك ۇقىعىن قورعاۋ تانىمىن كۇشەيتىپ، بانكە، قامسىزداندىرۋ قۇرىلىمدارىنىڭ ٴبىلىم مەنشىك ۇقىعىنىڭ قولدانىلۋىنا قولداۋ كورسەتۋ تەبىنىن ارتتىرۋىن جەبەپ، بانكەلەردى، قامسىزداندىرۋ سەرىكتەستىكتەرىن سالالىق ابزالدىعىنان پايدالانىپ، ٴبىلىم مەنشىك ۇقىعىن قوزعاۋشى ەتىپ جاڭالىق اشا دامۋدى جوعارى ساپالى بانكە، قامسىزداندىرۋ قىزمەت وتەۋىمەن قامداۋعا جەتەكتەپ، اۆتونوميالى وبلىستىڭ ٴبىلىم مەنشىك ۇقىعىن جەبەۋ جانە قورعاۋ قىزمەتىن ونان ارى ىلگەرىلەتۋ ٴۇشىن بولىپ تابىلادى.

اڭگىمە ماجىلىسىندە فينانس قۇرىلىمدارى مەن قامسىزداندىرۋ قۇرىلىمدارى ٴبىلىم مەنشىك ۇقىعىن كەپىلگە قويىپ قارجى قۇراۋ، سونداي - اق ٴبىلىم مەنشىك ۇقىعىن قامسىزداندىرۋدىڭ ماڭىزى جانە قاتىستى بىلىمدەر جونىندە تۇسىنىك جاسادى، وبلىستىق بازاردى باقىلاۋ - باسقارۋ مەكەمەسىنىڭ (ٴبىلىم مەنشىك ۇقىعى مەكەمەسى) قىزمەتكەرلەرى پاتەنت سياقتى ٴبىلىم مەنشىك ۇقىعىن قورعاۋ، سونداي - اق پاتەنت سيلىعىن ٴوتىنىش ەتۋگە قاتىستى بىلىمدەردى ۇگىتتەدى. 10 فينانس قۇرىلىمىنىڭ، سونداي - اق جوعارى، جاڭا تەحنيكالى 10 كاسىپورىننىڭ جانە «ارنايىلانعان، سارالانعان، ەرەكشە، جاڭا كاسىپورىنداردىڭ، شاعىن الپاۋىت كاسىپورىنداردىڭ» ۋاكىلدەرى اڭگىمە ماجىلىسىنە قاتىناستى.

2021 - جىلدىڭ سوڭىنا دەيىن وبلىسقا توتە قاراستى ورىنداردا جارامدى  تاپقىرلىق پاتەنتى 190 نەشە، قولدانىلمالى جاڭا تيپتەگى پاتەنت 2540 نەشە، سىرتقى كورىنىس جوباسى پاتەنتى 270 نەشە بولىپ، جيىنى 3 مىڭنان استى. ٴوتىنىش ەتىلگەن تاۋار ماركاسى 7 مىڭنان، تىركەۋگە الدىرعان تاۋار ماركاسى 5 مىڭ 300 دەن، كۇشكە يە تىركەلگەن تاۋار ماركاسى 23 مىڭ 900 دەن استى. ورتا، شاعىن، ۇساق كاسىپورىنداردىڭ دامۋىنا تۇساۋ بولاتىن ٴداستۇرلى تاسىلدەگى قارجى قۇراۋدىڭ قيىن بولۋى، قارجى قۇراۋدىڭ قىمبات بولۋى ماسەلەسىنە قاراتا، ىلە وبلىستىق بازاردى باقىلاۋ - باسقارۋ مەكەمەسى (ٴبىلىم مەنشىك ۇقىعى مەكەمەسى) كاسىپورىننىڭ ٴبىلىم مەنشىك ۇقىعىنان قارجى قۇراۋ كومەسكى كۇشىن اشىپ، كاسىپورىننىڭ بۇرىنعى نەمەسە ساۋدادان كەلگەن پاتەنت ۇقىعى، تاۋار ماركاسى سياقتى كومەسكى مال - مۇلىكتەرىن كەپىلگە قويۋىنا قولداۋ كورسەتىپ، ونى ناق اقشاعا اينالدىرىپ، كاسىپورىننىڭ بوس تۇرعان ٴبىلىم مەنشىك ۇقىعىن ٴونىمدى جانداندىرىپ، ٴبىلىم مەنشىك ۇقىعىن كەپىلگە قويىپ قارجى قۇراۋدى كاسىپورىنداردىڭ قارجى قۇراۋى قيىن بولۋ ماسەلەسىن شەشۋدىڭ ٴونىمدى تاسىلىنە اينالدىردى. 

ىلە زىسۋليرىن بيو عىلىم - تەحنيكا شەكتى سەرىكتەستىگى − مەملەكەتتىك جوعارى، جاڭا تەحنيكا كاسىپورنى، سەرىكتەستىكتە شينجياڭ جۇپار ٴشوپ جىنتىكتەي مانەرلەۋ ينجەنەرياسىن زەرتتەۋ ورتالىعى، اۆتونوميالى رايون دارەجەلى كاسىپورىن تەحنيكا ورتالىعى، ىلە وبلىسىنىڭ حوش ٴيىستى وسىمدىكتەردى زەرتتەۋ ورتالىعى، مەملەكەت پاتەنتىنەن 30 نەشە ٴتۇرى، مەملەكەت پەن اۆتونوميالى رايوننىڭ قاتىستى نىساندارىنان 20 نەشە ٴتۇرى بار، ٴتۇرلى جەتىستىكتەر، ولشەمدەر، كۋالاندىرۋلار سياقتى باسقا دا ٴبىلىم مەنشىك ۇقىقتارىنان 20 نەشە ٴتۇرى بار.

«تاۋار ماركاسى ارقىلى دا قارىز اقشا الۋعا بولاتىنىن ويلاماپپىن، ٴبىز بانكەدەن قارىز الۋ كەلىسىمىنە قول قويىستىق، ٴبىلىم مەنشىك ۇقىعىن كەپىلگە قويىپ قارجى قۇراۋدى تۇڭعىش رەت ىسكە اسىردىق». وسى سەرىكتەستىكتىڭ قازىنا باس باقىلاۋشىسى جوۋ جىنيۇي تىلشىگە بىلاي دەدى: ٴبىلىم مەنشىك ۇقىعىن كەپىلگە قويىپ قارجى قۇراۋ كاسىپورىننىڭ ٴوندىرىس اينالىمىنداعى قارجى تاپشىلىعى ماسەلەسىن شەشتى، بۇل كاسىپورىننىڭ زەرتتەۋ - اشۋعا دەن قويىپ، كاسىپتى زورايتىپ، بازار اشۋىنا ٴتيىمدى بولماق. 

وبلىستىق بازاردى باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى شۋە ميڭ بىلاي دەدى: «بيىل وبلىسقا توتە قاراستى بازاردى باقىلاۋ - باسقارۋ جۇيەسى ٴبىلىم مەنشىك ۇقىعىن قورعاۋ قىزمەتىنىڭ تەبىنىن ۇزدىكسىز ارتتىرىپ، <ٴبىلىم مەنشىك ۇقىعى ارناۋلى زاڭ اتقارۋ ارەكەتى>، <كوك اسپان ارەكەتى> سياقتى ارناۋلى زاڭ اتقارۋ ارەكەتتەرىن ورىستەتۋ ارقىلى ٴبىلىم مەنشىك ۇقىعىنا قول سۇعاتىن زاڭعا قايشى ارەكەتتەرگە سوققى بەرىپ، ٴبىلىم مەنشىك ۇقىعىن قورعاۋعا كومەكتەسۋ جانە قورعاۋ جاعىنان قىزمەت وتەۋ دەڭگەيىن جوعارىلاتادى».