− جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىنىڭ اشىلۋىنا وراي

شينحۋا اگەنتتىگىنىڭ تىلشىلەرى ۋڭ چي، حۋاڭ يۋە، سۇن شاۋلۇڭ، جوۋ چياڭ

ءبىز مامىراجاي مامىر ايىندا تولقىعان گۇل تەڭىزىمىز، جاستىق ورالىمىزبەن داۋىرگە قۇشاق اشامىز.

ءبىز جاڭا كوتەرىلگەن كۇنبىز، ءومىر وتىمىزبەن بولاشاقتىڭ الاۋىن تۇتاندىرامىز.

”جاستار − بۇكىل قوعامدىق كۇشتەردىڭ ىشىندەگى ەڭ بەلسەندى، ەڭ جالىندى كۇش“. كورەگەن ۇلت ىلعي دا نازارىن جاستارعا اۋدارادى؛ كورەگەن ساياسي پارتيا ىلعي دا ۇيىمدىق نەگىزدى جاستارمەن قالايدى.

جۇڭگو كوممۋنيستىك پارتياسى قۇرىلعان كۇننەن باستاپ، قاشاندا جاستار قىزمەتىن پارتيانىڭ اسا ماڭىزدى ءبىر قىزمەتى ساناپ، جۇڭگو كوممۋنيستىك جاستار وداعىنىڭ نەگىزىن قالاپ جانە وعان باسشىلىق ەتىپ، جۇڭگو جاستار قوزعالىسىنىڭ 100 جىلدىق شۇعىلالى داڭقىن جاراتتى.

جاڭا داۋىرگە وتكەندە، شي جينپيڭ جولداستى ۇيتقى ەتكەن پارتيا ورتالىق كوميتەتى كوممۋنيستىك جاستار وداعىنىڭ ماڭىزدى رولىن كۇش سالا ساۋلەلەندىرىپ، جۇڭگو جاستارىن ىنتىماقتاستىرىپ جانە باستاپ، ماڭگى ەنجار بولمايتىن رۋحاني كۇيمەن، ماڭگى كىدىرمەيتىن العاباسار بەينەمەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزدى.

جاستىق شاقتاي جالىن اتقان 5 - ايدا، جۇڭگو كوممۋنيستىك جاستار وداعى ءوزىنىڭ 100 جىلدىق تۋعان كۇنىن قارسى الدى. 5 - ايدىڭ 10 - كۇنى تۇستەن بۇرىن جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭ حالىق سارايىندا سالتاناتپەن وتكىزىلەدى، باس شۋجي شي جينپيڭ جينالىسقا قاتىناسىپ جانە ماڭىزدى ءسوز سويلەپ، جۇڭگو جاستار قوزعالىسىنا جاڭا بولاشاق كەسكىندەيدى.

جاستىق ورالىمەن جاستىق كوكتەمدەي جايناعان جۇڭگونى سومدادى. الداعى جولعا نازار سالساق، كوكىرەگىمىزدى تاسقىنداعان جىگەر كەرنەيدى!

”پارتيا تۋى قايدا نۇسقاسا وداق تۋى سوندا جەلبىرەيدى“

جازعاسالىم كەزدەگى گۋاڭجوۋ، اعاشتار ءدۇر قاۋلاپ، كورىنىسى كوركەم سۋرەتتەي كوز تارتادى.

جۋجياڭ وزەنىنىڭ جاعاسى، شەتەل ساۋلەت ستيلىندەگى قىزىل الا عيمارات ارلى - بەرلى وتكەن قىرۋار قالا تۇرعىندارىنىڭ نازارىن اۋدارۋدا. اناداي جەردە جۇپىنى دا ادەمى ءبىر قاقپا شاتىرشاسى بوي سوزىپ تۇر، ۇستىنە ”دۇڭيۋان“ دەگەن 2 ۇلكەن ءارىپ ويىلىپتى.

ۋاقىتتىڭ ايالسىز كوشىندە، جىلداردان ءىز قالادى. 100 جىلدىڭ الدىنداعى 5 - ايدىڭ 5 - كۇنى، جىگەرلى جاستار وزەن بويلاپ ەركەلەي سوققان سامالعا بەتتەرىن توسەپ، نىق قادام باسىپ، وسى اراعا جينالىپ، ”پرولەتارياتتى بۇكىلدەي ازات ەتۋ“ ارمانى ءۇشىن جۇڭگو كوممۋنيستىك جاستار وداعىنىڭ 1 - رەتكى مەملەكەتتىك قۇرىلتايىنا قاتىناستى. وسىلايشا، جۇڭگو كوممۋنيستىك جاستار وداعى دۇنيەگە كەلدى!

كوممۋنيستىك جاستار وداعىنىڭ قۇرىلۋىنىڭ تاريحي سوزسىزدىگى بار.

باس شۋجي شي جينپيڭ بىلاي دەپ تەرەڭىنەن اتاپ كورسەتتى: ”تاياۋ زاماننان بەرى ەلىمىز جاستارى ىزگى ارمانعا تالىقپاي تالپىنىپ، قاشاندا جۇڭحۋانى كوركەيتۋدىڭ تاريحي ۇردىسىمەن تىعىز بايلانىسىپ كەلەدى“.

1840 - جىلعى اپيىن سوعىسىنان كەيىن، جۇڭگو بىرتىندەپ جارتىلاي وتار، جارتىلاي فەودال قوعامعا اينالىپ، وتان قورلىققا ۇشىراپ، حالىق زوبالاڭعا تاپ بولىپ، وركەنيەتتى تۇنەك تورلادى. وتاندى جويىلۋدان قۇتقارۋدىڭ تاريحي وتكەلىندە، جۇڭگو جاستارى جاڭا شىققان كۇندەي وتان كوكجيەگىنە كوتەرىلدى. 4 - مامىر قوزعالىسى نايزاعايداي جارقىلداپ جۇڭحۋا ۇلتىنىڭ ويانۋىنا تۇرتكى بولدى.

1921 - جىلى 7 - ايدا ورتاشا جاسى نەبارى 28 جاس بولعان ءبىر توپ جاس ءزىلماۋىر قاراڭعىلىقتى جارىپ، توڭكەرىستىڭ الاۋىن تۇتاندىردى. جۇڭگو كوممۋنيستىك پارتياسى 1 - قۇرىلتايىنىڭ اشىلۋى جۇڭگو كوممۋنيستىك پارتياسىنىڭ قۇرىلعاندىعىن جاريالاپ، ”بەلگىلى ءبىر زات نەمەسە قۇبىلىس باستابىندا جاي، قاراپايىم كورىنگەنىمەن، دامي، وزگەرە كەلە وراسان زور ىقپال، وزگەرىس تۋدىرىپ، قوعامنىڭ العا باسۋىن جەبەيتىن“ ساپارعا اتتاندى.

جاستاردا تاسقىنداعان جىگەر، ارمان - مۇرات بولادى، ولاردى ۇيىمداستىرسا كۇشى اناعۇرلىم مىعىم بولادى.

”جۇڭگو كوممۋنيستىك پارتياسى قۇرىلۋ بارىسىندا، جاستاردى ۇيىمداستىرۋ مەن كادر تاربيەلەۋدى پارتيا قۇرۋ قىزمەتىنىڭ ماڭىزدى قۇرامداس بولىگى ەتىپ، جاستاردى كەڭىنەن جۇمىلدىرىپ، ولاردىڭ ءار جاقتاعى قىزمەتكە ارالاسۋىنا مۇمكىندىك جاسادى، بۇل كوممۋنيستىك جاستار وداعىنىڭ قۇرىلۋىنا نەگىز قالادى“، - دەيدى شاڭحاي داشۋەسى ماركسيزم شۋەيۋانىنىڭ پروفەسسورى لي جيان.

پارتيانىڭ باسشىلىعىندا كوممۋنيستىك جاستار وداعى پارتيانىڭ تۇرلىشە تاريحي مەزگىلدەگى وزەكتى مىندەتىن ارقاۋ ەتىپ، ماقساتىنان اينىمادى −

جاڭا دەموكراتيالىق توڭكەرىس مەزگىلىندە قالىڭ وداق مۇشەلەرىن، جاستاردى يمپەرياليزمگە، فەوداليزمگە قارسى تۇرۋ كۇرەسىنە جابال ات سالىسۋعا ىنتىماقتاستىرىپ، باستاپ، جاڭا جۇڭگو قۇرۋ جولىندا اتويلاپ الدا ءجۇرىپ، ىستىق قاندارىن توكتى؛

سوتسياليستىك توڭكەرىس جانە قۇرىلىس مەزگىلىندە قالىڭ وداق مۇشەلەرىن، جاستاردى پارتيانىڭ ۇندەۋىنە ءۇن قوسۋعا ىنتىماقتاستىرىپ، باستاپ، قيىنشىلىققا قارسى شەرۋ تارتىپ، قۇبا دالاعا شەرۋ تارتىپ، وتاندى قورعاپ، وتاندى كوركەيتىپ، جاڭا جۇڭگونىڭ بايتاق دالاسىندا جان قيارلىقپەن ەڭبەك ەتىپ، جاپا - ماشاقاتپەن شارۋاشىلىق قۇردى؛

رەفورما جاساعان، ەسىك اشقان جانە سوتسياليستىك وسىزامانداندىرۋ قۇرىلىسىنىڭ جاڭا مەزگىلىندە قالىڭ وداق مۇشەلەرىن، جاستاردى ىنتىماقتاسۋ، جۇڭحۋانى گۇلدەندىرۋ سىندى ءداۋىردىڭ وكتەم ءۇنىن اۋەلەتۋگە ىنتىماقتاستىرىپ، باستاپ، وتاننىڭ گۇلدەنىپ قۇدىرەتتەنۋى ءۇشىن ءورىس اشا ەكپىندەي ىلگەرىلەپ، قايسارلىقپەن جاڭالىق اشتى.

باس شۋجي شي جينپيڭ بىلاي دەپ اتاپ كورسەتتى: ”جۇڭگو جاستار قوزعالىسىنىڭ شۇعىلالى بەلەسىندە كوممۋنيستىك جاستار وداعى ’پارتيادا ۇندەۋ بولسا، وداقتا ارەكەت بولۋ‘ دەيتىن تاماشا ءداستۇردى ساۋلەلەندىرىپ، پارتيا ءۇشىن جاستاردىڭ تىلەگىنە قول جەتكىزىپ، جاستاردىڭ كۇش - قۋاتىن ۇيىستىرىپ، توڭكەرىستىڭ، قۇرىلىستىڭ، رەفورمانىڭ ءارقايسى تاريحي كەزەڭىندە بەلسەنە ۇلەس قوسىپ، ماڭىزدى رول اتقاردى“.

ءداۋىر ۇزدىكسىز دامىدى، بورىش ۇزدىكسىز جالعاستى.

پارتيا 18 - قۇرىلتايىنان بەرى پارتيانىڭ ىستەرىندە مۇراگەر بولۋىن، قىزىل بيلىك ءتۇسىنىڭ ماڭگى وزگەرمەۋىن كوزدە ۇستاي وتىرىپ، باس شۋجي شي جينپيڭ جاڭا ءداۋىر كوممۋنيستىك جاستار وداعى جانە جاستار - ورەندەر قىزمەتىنە تەرەڭ وي جۇگىرتىپ، ۇلى جوسپار جاسادى: جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇرەس جاساۋداي جۇڭگو جاستار قوزعالىسىنىڭ داۋىرلىك نەگىزگى تاقىرىبىن ايقىنداپ بەردى؛ پارتيا تاريحىنداعى العاش رەتكى ورتالىقتىڭ پارتيانىڭ بۇقارالىق ۇيىمدار قىزمەتى ءماجىلىسىن باسقارىپ اشىپ، جاڭا جۇڭگو تاريحىنداعى العاش رەتكى جاستاردى دامىتۋ جوباسىن العا قويۋعا جەتەكشىلىك ەتىپ، جاڭا جۇڭگو تاريحىنداعى العاش رەتكى ارناۋلى جاستار جونىندەگى اق تىستى كىتاپتى جاريالاۋعا جەتەكشىلىك ەتتى؛ «كوممۋنيستىك جاستار وداعى ورتالىق كوميتەتىنىڭ رەفورما جوباسىن»، «ورتالىق كوممۋنيستىك جاستار وداعى مەكتەبى رەفورما جوباسىن»، «جۇڭگو كوممۋنيستىك پارتياسى ورتالىق كوميتەتىنىڭ جاڭا ءداۋىر وترياد قىزمەتىن جاپپاي كۇشەيتۋ جونىندەگى پىكىرىن» ... جاساۋعا جەتەكشىلىك ەتتى، رەفورما جاساۋ، جاڭالىق اشۋ رۋحىمەن جاستار قىزمەتىندە تاريحي سيپاتتى تابىستارعا قول جەتكىزۋدى، تاريحي سيپاتتى وزگەرىس تۋدىرۋدى ىلگەرىلەتتى.

پارتيادا ۇندەۋ بولسا، وداقتا ارەكەت بولدى.

كوممۋنيستىك جاستار وداعى العاباسار جاستار ۇيىمىنىڭ ساياسي سەزگىرلىگىن قاۋلاتىپ، العا ىلگەرىلەمەسە كەرى شەگىنەدى دەيتىن يدەيالىق سەرگەكتىكتى وياتىپ، قامشى باسىپ قايراتتاندىرۋ سىندى ارەكەت ىنتاسىن قاۋلاتىپ، ”ورگاندانۋ، اكىمشىلىكتەنۋ، اقسۇيەكتەنۋ، ويىن - ساۋىققا بەرىلۋ“ نىسايىن جويىپ، نازاردى ”ساياسيلىققا، العاباسارلىققا، بۇقارالىققا“ شوعىرلاندىردى.

وداقتىڭ ورگانى وزگەردى − ءار دارەجەلى وداق باسشىلىق ورگاندارىنىڭ ۋاكىلدىك سيپاتى كورنەكتى ارتىپ، ارناۋلى مىندەت اتقارتۋدى، ءمانساپقا ءىلۋدى، قوسىمشا مىندەت اتقارتۋدى ءوزارا ۇشتاستىرعان جاڭاشا كادرلار ءتۇزىمى ۇزدىكسىز كەمەلدەندى.

وداق كادرلارى وزگەردى − ولار ارشىندى قادام تاستاپ، جاستار اراسىنا باردى، جاستاردىڭ ”باستىعى“ ەمەس، ”دوسى“ بولۋعا قۇلشىندى.

وداق مۇشەلەرى قوسىنى وزگەردى − وداققا كىرۋ اناعۇرلىم ”قيىن“ بولدى، ساياسي ولشەمدى باسا دارىپتەپ، وداق مۇشەلەرىنىڭ ساپاسىن جوعارىلاتتى.

وداقتىڭ ۇيىمى وزگەردى − وداقتىڭ نەگىزگى ساتىداعى ءونىمدى قامتۋى مەن ۇيىمدىق ومىرشەڭدىگى ۇزدىكسىز جوعارىلاپ، پارتيانىڭ باسشىلىعىنداعى كوممۋنيستىك جاستار وداعىن جەتەكشى ەتكەن جاستاردىڭ ۇيىمدىق جۇيەسى ساياسيدى دارىپتەيتىن، باتىلدىقپەن جاۋاپكەرشىلىك ارقالايتىن، ومىرگە جاناساتىن تاماشا وبراز كورسەتتى.

”سەنىڭ بولعانىڭ ءۇشىن، ءوزىمدى ماڭگى مۇنان دا جاقسى قىرىمنان كورسەتۋگە تىرىسامىن“ − وداق ورتالىق كوميتەتىنىڭ ۋيبوسىنداعى جارناما پلاكاتتا 73 ميلليوننان استام وداق مۇشەسى بار جاڭا داۋىردەگى كوممۋنيستىك جاستار وداعى مىنە وسىنداي جاقىن، اسەرلى.

”مەنىڭ اكەم وتانعا پايدالى، حالىققا پايدالى كوپتىڭ ادامى بولۋدى مۇرات ەتتى، بۇگىنگى تاڭدا ول قول جەتكىزسەك دەپ كۇرەس جۇرگىزگەن تاماشا ءومىر جۇڭگونىڭ بايتاق دالاسىندا جۇزەگە استى“، - دەيدى كوممۋنيستىك جاستار وداعى قۇرۋشىلاردىڭ ءبىرى يۇي شيۋسۇڭنىڭ ۇرپاعى يۇي مين، ”اكەم وداقتىڭ بۇگىنگىدەي دامىپ، زورايعاندىعىن، اناعۇرلىم كوپ مۇراتتى جاستاردىڭ وداق قوسىنىنا قوسىلعاندىعىن، پارتيانىڭ توڭىرەگىنە اناعۇرلىم تىعىز ىنتىماقتاسقاندىعىن كورىپ ايرىقشا جۇبانارى ءسوزسىز“.

”وداق قىزمەتى قالىڭ جاستاردىڭ تىنىسىن يگەرۋى كەرەك“

2018 - جىلى 7 - ايدىڭ 2 - كۇنى، بەيجيڭ جۇڭنانحاي.

جۇڭگو كوممۋنيستىك جاستار وداعىنىڭ 18 - رەتكى مەملەكەتتىك قۇرىلتايى جەڭىسپەن جابىلعان سوڭ كوپ وتپەي، باس شۋجي شي جينپيڭ دەرەۋ وداق ورتالىق كوميتەتىنىڭ جاڭا ءبىر كەزەك باسشىلىق القاسى مۇشەلەرىمەن توپتىق كەڭەسىپ، وداق قىزمەتىنە ايقىن تالاپ قويدى جانە شىنايى ءۇمىت ارتتى.

تاريحي جاڭا باستامادا، كوممۋنيستىك جاستار وداعى پارتيانىڭ ۇندەۋىنە ءۇن قوسىپ، جاڭا داۋىردەگى جاستار قىزمەتىندە جاڭا جاعداي اشۋدى ىلگەرىلەتتى.

− قالىڭ جاستاردىڭ تىنىسىن يگەرىپ، جاڭا داۋىردەگى جاستار قىزمەتى سەنىم تۋىن بيىك ۇستاپ، يدەيالىق جاقتان جەتەكتەۋ رولىن اناعۇرلىم ايقىندادى.

بيىل 4 - ايدىڭ 18 - كۇنى 2022 - جىلعى 9 - سانداعى ”جاستاردىڭ قاۋىرت ۇيرەنۋى“ ينتەرنەتتەگى نەگىزگى تاقىرىپتىق وداق ساباعى ءدال ۋاعىندا جەلىگە جۇكتەلدى، داشۋە وقۋشىسى حى شينران لي داجاۋدىڭ بايىرعى تۇراعى سياقتى جەرلەردە ۇيرەنۋگە باستادى.

”جاڭا دەموكراتيالىق توڭكەرىس مەزگىلىندەگى جۇڭگو جاستار قوزعالىسىنىڭ ايبىنى اسقاق تاريحي بارىسىنا قايىرىلا قاراساق، ۇلتتىڭ تاۋەلسىزدىگىنە، حالىقتىڭ ازاتتىعىنا ۇمتىلۋدىڭ نەگىزگى جەلىسىن انىق كورە الامىز، باتىلدىقپەن پارتيانىڭ سوزىنە قۇلاق اسۋ، پارتياعا ىلەسۋ رۋحىن كورە الامىز، قۇربان بەرۋدەن قورىقپايتىن، قايسارلىقپەن كۇرەس جاسايتىن قاسيەتتى كورە الامىز“...

نازاريانى جاستاردىڭ تىلىمەن ءتۇسىندىرىپ، پارتيانىڭ جاسامپازدىق نازارياسىمەن جاستاردى باۋراپ، ”جاستاردىڭ قاۋىرت ۇيرەنۋى“ ساباعىنىڭ ”جاڭا يدەيا ۇيرەنۋ، جاڭا جاس بولۋعا تالپىنۋ“ قاراپايىم ۇرانى ارقىلى قالىڭ جاستاردىڭ جۇرەگىنە يدەيانىڭ تۇقىمىن سەپتى.

باس شۋجي شي جينپيڭ بىلاي دەپ اتاپ كورسەتتى: ”وداقتىڭ باۋراۋ قۋاتى مەن ۇيىستىرۋ قۋاتىن جوعارىلاتۋدىڭ تەتىگى مۇرات - سەنىم تۋىن بيىك ۇستاۋ“.

”جاستاردىڭ قاۋىرت ۇيرەنۋى“، ”قىزىل گالستۋك ۇيرەنۋگە قۇشتار“، جاس لەكتورلار ۇيىرمەسى، جاس ماركسيزمشىلدەردى باۋلۋ ينجەنەرياسى، ”20 - قۇرىلتايدى قۋانىشپەن قارسى الۋ، ماڭگى پارتياعا ىلەسۋ، جاڭا جورىققا ەكپىندەي ىلگەرىلەۋ“ نەگىزگى تاقىرىپتىق تاربيە اماليات قيمىلدارى ... ءار دارەجەلى وداق ۇيىمدارى يدەيا - ساياسي جاقتان جەتەكتەۋدىڭ باعىتتامالىلىعى مەن ناقتى ونىمدىلىگىن ۇزدىكسىز جوعارىلاتىپ، قالىڭ جاستاردى ىشكەرىلەي ۇيرەنۋگە، ماركسيزم جۇڭگوشالانۋىنىڭ ەڭ جاڭا جەتىستىكتەرىن ۇگىتتەۋگە باستاپ، سەنىم نەگىزىن بەكەمدەپ، رۋحاني كالتسيدى تولىقتادى.

− قالىڭ جاستاردىڭ تىنىسىن يگەرىپ، جاڭا داۋىردەگى جاستار قىزمەتى پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتىپ، جاۋاپكەرشىلىك ارقالاپ، ىسكەرلىك كورسەتۋدە اناعۇرلىم ىرىقتى بولدى.

2020 - جىلى جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، وداق ورتالىق كوميتەتى دەرەۋ 12 ميلليون 600 مىڭ يۋان ەرەكشە وداق جارناسىن ءبولىپ، نەگىزگى ساتى وداق ۇيىمدارىنىڭ ىندەتتەن ساقتانۋ قىزمەتىن ارنايى قولدادى. جەر - جەردىڭ وداق ۇيىمدارى جابال ءۇن قوسىپ، 2 ايعا جەتپەيتىن ۋاقىتتا ءبىر ميلليون 650 مىڭ وداق مۇشەسىن، جاستى جاس ەكپىندىلەر اترەتىنە قوسىلۋعا، ءبىر ميلليون 700 مىڭنان استام وداق مۇشەسىن، جاستى تىزىمدەلىپ ىندەتتەن ساقتانۋ - تىزگىندەۋ ەرىكتىسى بولۋعا ۇيىمداستىردى.

حۋبەيعا كومەكتەسۋ ەمدەۋ اترەتىندەگى 28 مىڭ 600 سەسترانىڭ ىشىندە ”80 - جىلداردىڭ تۋماسى“، ”90 - جىلداردىڭ تۋماسى“ ％90تى يەلەدى. ۋحان حوشىنشان، لەيشىنشان اۋرۋحانالارىنىڭ قۇرىلىس ورنىنداعى جالپى ساننىڭ ％60ىن يەلەيتىن جاس قۇرىلىسشىلار 13 جاس ەكپىندىلەر اترەتىن قۇرىپ، قۇرىشتاي جىگەرلەرى مەن قامال الىپ، قيىندىقتاردى جەڭەتىن ەرلىكتەرىنە سۇيەنىپ، جۇرتتى تاڭ قالدىرارلىق قۇرىلىس كەرەمەتىن جاسادى.

”ىندەتكە قارسى اتتانعان ەمدەۋ قىزمەتكەرلەرىنىڭ ىشىندەگى جارتىسىنا جۋىعى ’90 - جىلداردىڭ تۋماسى‘، ’2000 - جىلداردىڭ تۋماسى‘، ولاردىڭ ءبىر اۋىز ءسوزى جۇڭگونى اسەرلەرندىردى: 2003 - جىلى سارس كەزىندە سىزدەر ءبىزدى قورعادىڭىزدار، بۇگىن ءبىزدىڭ سىزدەردى قورعايتىن كەزەگىمىز كەلدى“. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا باس شۋجي شي جينپيڭ ولاردى القادى.

كەدەيلىكتەن ارىلتۋدان قامال الۋ بارىسىندا بار كۇشتەرىن سالدى، بار قايراتپەن شايقاسقا شىقتى؛ كەدەيلەردى تۇيىندەردە سۇيەمەلدەۋ، شيزاڭعا كومەكتەسۋ، شينجياڭعا كومەكتەسۋ سياقتى قىزمەتتەردى تىڭعىلىقتى تۇردە ويداعىداي ىستەدى؛ 500 مىڭعا جۋىق كەدەي وتباسىنداعى جاستار مەن ورەندەردىڭ وقۋلارىن اياقتاتۋىنا، جۇمىستانۋىن شەشۋگە كومەكتەستى... ”مەملەكەتتىڭ زور ءىسىن“ كوكەيدە بەرىك ساقتاعان كوممۋنيستىك جاستار وداعى جاڭا داۋىردە ىرىقتىلىقپەن ىسكەرلىك كورسەتتى.

− قالىڭ جاستاردىڭ تىنىسىن يگەرىپ، جاڭا داۋىردەگى جاستار قىزمەتى جاستاردىڭ قاجەتىنە، قالاۋىنا، تىلەگىنە جاۋاپ قايتارىپ، جاستارعا ناقتى كومەكتەستى، قىزمەت كورسەتتى.

باس شۋجي شي جينپيڭ بىلاي دەپ اتاپ كورسەتتى: ”وداق ۇيىمى قالىڭ جاستاردىڭ سەنىم ارتۋعا تاتيتىن جان اشىرى بولۋعا قۇلشىنىپ، جاستاردىڭ اراسىنا ىشكەرىلەي بارىپ، جاستاردىڭ ۇنىنە قۇلاق ءتۇرىپ، جاستاردىڭ مۇڭ - مۇقتاجىن كوڭىلدە ساقتاپ، ۇيىمدىق باسىمدىقتى ساۋلەلەندىرىپ، قوعامدىق بايلىقتى جۇمىلدىرىپ، امالىن تاۋىپ جاستاردى ۋايىمنان ارىلتىپ، قيىنشىلىقتارىن شەشىپ، وداق ۇيىمىن قالىڭ جاستاردىڭ قيىنشىلىققا جولىققاندا ويىنا الاتىن، ىزدەيتىن، سۇيەنەتىن كۇشىنە اينالدىرۋ كەرەك“.

وقۋ تاۋىسىپ، قىزمەت ىزدەۋ، جاڭالىق اشىپ، شارۋاشىلىق قۇرۋ، قوعامعا ارالاسۋ، ۇيلەنۋ، ماحابباتتاسۋ، دوستاسۋ، قارتتاردى باعىپ - قاعۋ، پەرزەنت تاربيەلەۋ... جاڭا داۋىردە كوممۋنيستىك جاستار وداعى نازاردى جاستاردى مازالاعان ىستەرگە، ۋايىمداتقان ىستەرگە اۋدارىپ، جاستاردىڭ ەڭ كوڭىل بولگەن، ەڭ تىكە، ەڭ رەال ماسەلەلەردى شەشۋىنە كومەكتەسىپ، پارتيانىڭ مەيىرىن جاستارعا جەتكىزدى.

− قالىڭ جاستاردىڭ تىنىسىن يگەرىپ، جاڭا داۋىردەگى جاستار قىزمەتىن قازىرگى زامانعى جاستاردىڭ ەرەكشەلىگىنە ۇيلەستىرىپ، ادىستە، تاسىلدە ۇزدىكسىز جاڭالىق اشتى.

”جۇڭگونىڭ تيتتەي بولىگى دە كەمىسە بولمايدى“!

2018 - جىلى 11 - ايدىڭ ءبىر كەشى، كوممۋنيستىك جاستار وداعى ورتالىق كوميتەتى جاريالاعان وسى ميكروبلوگ جولداماسى ”تايۋان دەربەستىگى“ ەلەمەنتتەرىنىڭ بولشەكتەۋ سوزدەرىنە پارمەندى سوققى بەرىپ، بىردەمدە قالىڭ جاستاردىڭ قويۋ وتانشىلدىق سۇيىسپەنشىلىگىن قاۋلاتتى.

بۇگىنگى تاڭداعى جاستار ينتەرنەتتىڭ تەرەڭ ىقپالىنا ۇشىراعان ۇرپاق، سونداي - اق ينتەرنەتتى ىشكەرىلەي وزگەرتكەن ۇرپاق.

باس شۋجي شي جينپيڭ بىلاي دەپ اتاپ كورسەتتى: ”كوپتەگەن جاستار ينتەرنەتتەن ينفورماتسيا قابىلدايدى. ينتەرنەتتىك كۇرەس ورىستەتۋ، ينتەرنەتتى باسقارۋدى كۇشەيتۋ، ينتەرنەتتەگى نەگىزگى اۋەندى اسقاقتاتۋ قىزمەتتەرىن ەلدىڭ ءبارى ىستەۋى كەرەك، الايدا وداق ۇيىمى دا رولىن كوبىرەك ساۋلەلەندىرۋى كەرەك“.

ەر جۇرەك تە تۋراشىل ”وداق ۇيىمدارى“، مەيىرلى دە بەلسەندى ”وداق ۇيىمدارى“، اسا پاراساتتى ”وداق ۇيىمدارى“، جالىندى دا ارىندى ”وداق ۇيىمدارى“، تۇرلىشە ءپىشىندى، تۇرلىشە ستيلدى ينتەرنەتتىك ”وداق ۇيىمدارى“ پارت−يانى سۇيەتىن، وتاندى سۇيەتىن، قىزۋ ىنتامەن جاۋاپكەرشىلىك ارقالايتىن، جايدارى دا جاڭاشا وبرازىمەن جاستاردىڭ شىن كوڭىلمەن ۇناتۋىنا قول جەتكىزدى.

گۋاڭدۇڭ ولكەلىك جاستار مەن ورەندەردى زەرتتەۋ ورتالىعىنىڭ بۇرىنعى مەڭگەرۋشىسى زىڭ جينحۋا بىلاي دەپ قارايدى: جاستاردىڭ نەگىزگى تۇلعالىق ورنىنا تولىق قۇرمەت ەتۋدىڭ كوممۋنيستىك جاستار وداعىنىڭ ءتۇزىلىس، مەحانيزم جانە ۇيىمدىق فورماتسيا سياقتى جاقتاردا رەتتەۋ جۇرگىزىپ جانە جاڭالىق اشىپ، ينتەرنەتتى قوعامنىڭ دامۋ تالابىنا ۇيلەسىپ، ەكولوگيالانعان، تۇعىرلىق فورماتسيا ارقىلى اناعۇرلىم كەڭ كولەمدى ۇيىمدىق نەگىزگە قول جەتكىزۋىن تالاپ ەتەتىندىگى داۋسىز.

ينتەرنەتتى قانات قىلعان جاڭا داۋىردەگى كوممۋنيستىك جاستار وداعىنىڭ ءورىسى كەڭ، قىزىل وبرازى جۇرت جۇرەگىنە تەرەڭ ۇيالايدى.

”قالىڭ جاستاردىڭ باتىلدىقپەن ارمان ارقالاپ، باتىلدىقپەن ارمانعا ۇمتىلىپ، ارمانىن قۇلشىنا ورىنداۋىنا مۇمكىندىك جاسادى“

”پارتيا الاڭسىز بولسىن، وتاندى قۇدىرەتتەندىرۋدە مەن بارمىن“!

2021 - جىلى 7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا، تيان - انمىن الاڭىنان شىققان جاستىق سەرت جۇڭگونىڭ بايتاق دالاسىن جاڭعىرىقتىرىپ، سان ميلليونداعان جاستاردىڭ جۇرەگىندە تولقىدى.

تاريحتىڭ ۋاقىت كەڭىستىگىنەن كوكتەي ءوتىپ، ءجۇز جىلدىق ءىرى پارتيانىڭ ارىنى اسقاقتاپ، جاڭا ءداۋىر جاستارى ءدال كەزىنە تۋرا كەلىپ، جۇڭحۋا ۇلتى ۇلى گۇلدەنۋىنىڭ داڭقى مەن ارمانى وسىندا توعىسىپ جالعاستى.

باس شۋجي شي جينپيڭ بىلاي دەپ باسا دارىپتەدى: ”بولاشاققا نازار اۋدارساق، ەلىمىز جاستارى زور ىستەر تىندىرماق ءارى ءسوزسىز زور ىستەر تىندىرا الادى“.

قاراڭىز، جاستار وتاننىڭ بايتاق دالاسىندا ءومىر كەرەمەتىن جازۋدا −

وتانىمىزدىڭ سولتۇستىك شەكاراسىندا، حاربين ينجەنەريا داشۋەسىنىڭ وقۋشىسى لي چىن ءار كۇنى تاجىريبەحانا مەن جاتاقحانا اراسىندا سابىلىپ، وقۋ ءبىتىرۋ جوباسىنىڭ ەڭ سوڭعى جۇمىستارىمەن قاربالاس ءجۇر. وسىنىڭ الدىندا، ول ساباقتاستارىمەن بىرگە اياقتاتقان ”جاڭا ۇرپاق ءنول كومىر قىشقىل گازدى سۋىتۋ قۇرىلعىسى“ نىسانى 17 - كەزەكتى ”سىن - سايىس لوڭقاسى“ مەملەكەتتىك داشۋە وقۋشىلارىنىڭ ساباقتان سىرتقى عىلمي زەرتتەۋ، عىلىم - تەحنيكا تۋىندىلارى جارىسىندا سيلىققا يە بولدى.

ليڭنانداعى ياڭچىڭدا، جۇڭگو كەمە توبى حۋاڭپۋ ۋىنچۇڭ كەمە شەكتى سەرىكتەستىگىنىڭ سەحىندا ”مەملەكەتتىك تاڭداۋلى كوممۋنيستىك جاستار وداعى مۇشەسى“، دانەكەرلەۋ تەحنيگى زىڭ شيانحان قارا تەرگە مالشىنىپ قاربالاس ءجۇر، ساڭلاۋسىز جىمداسۋىنا كەپىلدىك ەتۋ ءۇشىن، كەيبىر ماڭىزدى بولشەكتەردى دانەكەرلەۋدە نەشە ساعات جالعاستىرا جۇمىس ىستەۋ ادەتتەگى شارۋا.

چيلۋدىڭ بايتاق دالاسىندا، ”شاندۇڭ جاستارى 4 - مامىر مەدالىنىڭ“ يەگەرى، جۋانچىڭ اۋدانى يانشى قالاشىعى ياڭجۋاڭ قىستاعىنىڭ ءبىرىنشى شۋجيى لي بين اۋىق - اۋىق اتىزعا بارىپ، ءبيدايدىڭ ءوسۋ جاعدايىن كورىپ ءجۇر. اۋىل شارۋاشىلىق ونىمدەرىنىڭ ساپاسىن جوعارىلاتۋ ءۇشىن، ول قىستاق تۇرعىندارىمەن بىرگە ”بۇلتتىق ەگىس الاڭىن“ تۇلعالاپ، تۇتاس كاسىپ سالاسى تىزبەگىندىك قىزمەت وتەۋمەن قامداپ، قىستاق تۇرعىندارىنىڭ كىرىستەرىن ارتتىرۋىنا كومەكتەسىپ، قىستاق تۇرعىندارىن جۇمىستانۋعا جەتەكتەدى.

تاۋ قالاسى چۇڭچيڭدە، ”مەملەكەتتىك تاڭداۋلى كوممۋنيستىك جاستار وداعى كادرى“، جۇڭگو قۇرىلىس توبى 3 - مەكەمەسى چۇڭچيڭ بولىمشە سەرىكتەستىگى وداق كوميتەتىنىڭ شۋجيى شۇي تيانتيان وداق مۇشەلەرىن ”ءۇمىت ينجەنەرياسى · كىتاپ وقۋ ەرجەتۋگە سەرىك بولسىن“ اۋىل - قىستاقتى گۇلدەندىرۋ الەۋمەتتىك يگىلىك قيمىلىنا سان مىڭ كىتاپ جيناۋعا ۇيىمداستىرىپ، بالالارعا رۋحاني ازىق جەتكىزدى.

قاراپايىم ءىستى كەرەمەت ىستەدى، مۇمكىندىگى جوق ءىستى مۇمكىندىككە اينالدىردى.

ءداۋىردىڭ كوكتەم سامالىندا جاستىق شاقتاعى ارمان مەن اسقاق سەزىم، كۇرەس پەن جاسامپازدىق بەينە سان سايگۇلىك قۇيعىتقانداي ەمىن - ەركىن زاۋلاپ بارادى.

”جاستاردا ’مول جالىندى كۇش بار، نۋ ورماندى تەگىستەي الادى، يەن دالاعا اعاش ەگە الادى، قۇمدى شولدەن قۇدىق قازا الادى‘“. 2019 - جىلى 4 - ايدا، 4 - مامىر قوزعالىسىنىڭ 100 جىلدىعىن ەسكە ءتۇسىرۋ جينالىسىندا باس شۋجي شي جينپيڭ لۋشۇننىڭ اقىلياسىنان سيتات الىپ، قازىرگى زامان جاستارىن جىگەرلەندىردى.

جاستاردىڭ جەكە كۇرەسىندەگى ”كىشكەنە نىساناسىن“ پارتيا مەن مەملەكەت ىستەرىنىڭ ”ۇلى جوباسىمەن“ توعىستىرۋى بارىسىندا كوممۋنيستىك جاستار وداعى جاستاردى جاڭا داۋىردەگى ۇلى اۋقىمعا ارالاسۋعا ىنتىماقتاستىردى −

كەدەيلىكتەن ارىلتۋدان قامال الۋ شايقاسىندا، ءار دارەجەلى وداق ۇيىمدارى 2740 ارناۋلى مىندەتتەگى وداق كادرىن ءبىرىنشى شەپتە ەرلىكپەن شايقاس جاساۋعا تاڭداپ جىبەرىپ، وقۋ - اعارتۋ ارقىلى كەدەيلەردى سۇيەمەلدەۋگە، جۇمىستاندىرۋ ارقىلى كەدەيلەردى سۇيەمەلدەۋگە، شارۋاشىلىق قۇرۋ ارقىلى كەدەيلەردى سۇيەمەلدەۋگە دەم بەردى؛

اۋىل - قىستاقتى گۇلدەندىرۋ بارىسىندا، ”ەكىگە دەم بەرۋ، ەكىگە كومەكتەسۋ“، جاستاردى اۋىل - قىستاق ەلەكتروندى ساۋداسىنا باۋلۋ ينجەنەرياسى سياقتىلاردى ورىستەتتى؛

جاڭالىق اشۋ، شارۋاشىلىق قۇرۋ ساحناسىندا، ”سىن - سايىس لوڭقاسىن“، ”جاسامپاز جاستىقتى“ كورنەكتىلەندىرىپ، جاستار - ورەندەر عىلىم - تەحنيكا جاسامپازدىعىندا ورلەۋ ارەكەتىن اتقارىپ، داشۋە وقۋشىلارىنىڭ اۋىل - قىستاقتا شارۋاشىلىق قۇرۋىنا كومەكتەسۋ - سۇيەمەلدەۋ جوباسى، جۇڭگو جاستار - ورەندەر عىلىم - تەحنيكا جاسامپازدىعى سيلىعى قورى سياقتى قىزمەتتەردى ىلگەرىلەتتى؛

جۇمىس ورىندارىندا، ”جاستار وركەنيەتى“، جاس جۇمىس ورنى شەبەرى، جاستاردىڭ ءوندىرىس حاۋىپسىزدىگى بويىنشا ۇلگى كورسەتۋ جۇمىس ورنى، جاس ەكپىندىلەر قوسىنى، ”گۇلدەندىرۋ لوڭقاسى“ جاستاردىڭ مەملەكەتتىك كاسىپتىك شەبەرلىك جارىسى سياقتىلاردى ىلگەرىلەتتى؛

...

”جاستار مەملەكەتتىڭ بولاشاعى، سونداي - اق دۇنيە ءجۇزىنىڭ بولاشاعى“.

اناعۇرلىم بيىك باستامادا تۇرعان جاڭا داۋىردەگى جۇڭگو جاستارى دۇنيە ءجۇزىن كوكەيدە ساقتاپ، بولاشاققا كوز جىبەرەدى.

وداق ورتالىق كوميتەتى جاستار ديپلوماتياسىنىڭ جاڭا جاعدايىن بەلسەنە اشىپ، دۇنيە ءجۇزى جاس تالانتتىلارىنىڭ ”جۇڭگوعا قادام تاستاۋى“، جۇڭگوداعى شەتەلدىك جاستاردىڭ ”جۇڭگونى ءتۇسىنۋ“، ”جۇڭگوعا قۇلاق ءتۇرۋ“ بويىنشا شەتەلگە تاراتۋ، ”جىبەك جولىندا ارمانعا جەتۋ“ جاستاردىڭ دامۋى جانە جۇڭگو جاس ەرىكتىلەرىنىڭ شەتەلدەردە قىزمەت وتەۋى سياقتىلار ”دوستىق شەڭبەردى“ ۇزدىكسىز كەڭەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بۇكىل الەم جاستارىنىڭ كۇش - قۋاتىن ۇيىستىردى.

بولاشاق جاستارعا ءتان، ءۇمىت جاستاردا.

بيىل 4 - مامىر جاستار مەرەكەسى قارساڭىندا، باس شۋجي شي جينپيڭ جۇڭگو حالىق داشۋەسىنە كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، قالىڭ جاستارعا پارمەندى ۇندەۋ جاريالادى:

”پارتيانىڭ ءتالىمىن ەستە بەرىك ساقتاپ، ۇلتتى گۇلدەندىرۋدى مۇرات ەتىپ، ەسىل شاقتى زايا جىبەرمەي، ءداۋىردىڭ ءۇمىتىن اقتاپ، حالىقتىڭ ءۇمىتىن اقتاپ، جاستىق شاقتىڭ جارىس جولىندا ەكپىندەي العا ۇمتىلىپ، زامانىمىزداعى جاستاردىڭ ەڭ جاقسى ناتيجەسىنە جەتۋگە قۇلشىنىڭىزدار“!

جاستار قىزمەتىن ويداعىداي ىستەۋدە داڭقتى كوممۋنيستىك جاستار وداعى باس تارتۋعا بولمايتىن بورىشىن وتەپ، جاڭا داۋىردەگى جول باستاۋشىنىڭ نۇسقاۋىن ەستە بەرىك ساقتايدى −

”جاستارعا جەتەكشىلىك ەتۋ، ۇيىستىرۋ، جاستاردى ۇيىمداستىرۋ، جۇمىلدىرۋ، جاستارمەن بايلانىس ورناتۋ، ولارعا قىزمەت وتەۋ بورىشىن مۇقيات ادا ەتىپ، قىزمەت وي جەلىسىن ۇزدىكسىز جاڭالاپ، جاستاردى ۇيىستىرۋ قۋاتىن، ۇيىمداستىرۋ قۋاتىن، ۇندەۋ قۋاتىن نىعايتىپ، جاڭا داۋىردەگى جۇڭگو جاستارىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ساپارىندا ۇزدىكسىز ءورىس اشا جاڭالىق جاساۋعا، ەكپىندەي العا ۇمتىلۋعا ىنتىماقتاستىرۋ، باستاۋ كەرەك“.

(قاتىناسقان تىلشىلەر: حۋ نايۇن، چين شيڭشيڭ، ياڭ سىچي، سۇن شياۋحۇي)

(شينحۋا اگەنتتىگىنىڭ 5 - ايدىڭ 9 - كۇنى بەيجيڭنەن بەرگەن حابارى)