汉文 ىلە اقپارات تورابىنا حوش كەلدىڭىزدەر!
مامەتجان ٴومار: بۇقارا ٴۇشىن قىزمەت ەتۋ اۋەلگى ماقساتىم ەشقاشان وزگەرمەيدى
2022-05-16 11:32:21     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شى شۋەحۇڭ، ليۋ چيڭ، گو شياڭ (ٴوز تىلشىلەرىمىز)


ٴجۇزىم اعاشى جاپ - جاسىل بۇرشىك جارىپ، ٴجۇزىم سورەسىنىڭ استىندا ەگىلگەن گۇلدەر جايقالا اشىلىپ كوزدىڭ جاۋىن الادى، اۋلاداعى ادەمى وسكەن ٴتۇرلى كوكونىس كىسىنى قىزىقتىرادى. 

4 - ايدىڭ 26 - كۇنى كۇن شايداي اشىق. «1 - شىلدە وردەنىنىڭ» يەگەرى، بۇكىل مەملەكەتتىك ۇزدىك پارتيا مۇشەسى، قۇلجا اۋدانى ونيار قالاشىعى بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ٴوماردىڭ اۋلاسىندا ىلە اشۋ داشۋەسىنىڭ وقىتۋشى - قىزمەتكەرلەرى مامەتجان ٴوماردى قورالاي وتىرىپ، ونىڭ پارتيا 18 - قۇرىلتايىنان بەرگى بولەكەي قىستاعىنداعى زور وزگەرىستەر جونىندەگى اڭگىمەسىن مۇقيات تىڭداۋدا. 

«كوممۋنيستىك پارتيا بولماسا، جاڭا جۇڭگو دا بولماق ەمەس. ٴبىز مۇرات - سەنىمدى بەكەمدەپ، ماڭگى پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز كەرەك». مامەتجان ٴوماردىڭ ٴسوزى ەكپىندى، تىڭداۋشىلار ىقىلاس قويا قۇلاق تۇرۋدە.

«ٴبىر ادامعا دا جوقشىلىق كورسەتپەۋ، ٴبىر ادامدى دا قاتاردان قالدىرماۋ». بۇل مامەتجان ٴوماردىڭ ەڭ العاش قىستاق پارتيا ياچەيكاسىنىڭ شۋجيلىعىنا تاعايىندالعان كەزدە بەرگەن ۋادەسى ەدى. ونىڭ باستاماشىلىعىندا بولەكەي قىستاعىنداعى ٴار ۇلت تۇرعىندارى تاتۋ - ٴتاتتى جاساسىپ، قول ۇستاسا بىرگە اۋقاتتاندى. 

بولەكەي قىستاعىنداعى تىڭ وزگەرىستەردى تىلگە تيەك ەتكەندە مامەتجان ٴوماردىڭ جۇزىنەن كۇلكى ەستى. 

پارتيا 18 - قۇرىلتايىنان بەرى بولەكەي قىستاعىندا كەرەمەت وزگەرىستەر تۋىلدى. كوپىر جاسالدى، جول اسفاليتتاندىرىلدى، توعان جوندەلدى، بەيقۇت ٴۇي سالىندى... بولەكەي قىستاعىنان يگىلىكتى ٴىس تولاستامادى. 

بىلتىر بولەكەي قىستاعىنداعى تۇرعىنداردىڭ كىسى باسىندىق تيەسىلى كىرىسى 20 مىڭ يۋانعا تايادى. 

قىستاق تۇرعىنى ما يۇيلين مامەتجان ٴوماردىڭ قىستاق تۇرعىندارىن كىرىستى ارتتىرىپ، اۋقاتتانۋعا باستاۋىنان يگىلىككە كەنەلگەندەردىڭ ٴبىرى. مامەتجان ٴوماردىڭ كومەگىندە ول تاۋىق باعىمشىلىعى كولەمىن كەڭەيتتى ٴارى ٴداستۇرلى باعىمشىلىق ۇلگىسىنەن وسىزاماندانعان، زەردەلىلەنگەن باعىمشىلىق ۇلگىسىنە بۇرىلىس جاسادى.

«پارتيا 18 - قۇرىلتايىنان بەرى حالىققا ٴتيىمدى كوپتەگەن ساياسات شىعارىلدى، اۋقاتتانۋ جولىندا مەن دە بارعان سايىن قايراتتانا ٴتۇستىم!» دەدى ول تىلشىگە. 10 جىلدىڭ الدىندا ونىڭ ۇيىندە تەك 50 نەشە عانا تاۋىق بار ەكەن، كەيىن باعىمشىلىق كولەمىن ۇزدىكسىز كەڭەيتىپ، تاۋىق باعىمشىلىعى سەلبەستىك كووپەراتيۆىن قۇرادى، قازىر بۇل كووپەراتيۆتە 300 مىڭنان استام تاۋىق باعىلۋدا. بۇرىن تاۋىقتى ول ٴوزى عانا باعاتىن، قازىر 30 نەشە قىستاق تۇرعىنىن جالداپ، قىستاقتاعى بوس ەڭبەككۇشتەردىڭ جۇمىستانۋ ماسەلەسىن شەشىپ، ولاردىڭ دا كىرىستى ارتتىرىپ، اۋقاتتانۋىن جۇزەگە اسىردى. «بيىل تاۋىق باعىمشىلىعى سەلبەستىك كووپەراتيۆى قۇرىلعىلارىنىڭ دارەجەسىن جوعارىلاتىپ، باعىمشىلىق كولەمىن كەڭەيتىپ، سەلبەستىك كووپەراتيۆىنىڭ كىرىسىن تاعى دا تىڭ ساتىعا كوتەرمەكپىن». 

بۇقارانىڭ قاجەتى قايدا بولسا، پارتيا مۇشەسى سول جەردە قىزمەت ەتۋى كەرەك. مامەتجان ٴومار تىلشىگە بىلاي دەدى: ٴبىر ادام قانشا قابىلەتتى بولعانىمەن، ونىڭ دا شەگى بولادى، تەك بارلىق پارتيا مۇشەسىنىڭ ۇلگىلىك رولىن ساۋلەلەندىرگەندە عانا شەكسىز كۇش - قۋات توپتاۋعا بولادى. قىستاق تۇرعىندارىنىڭ كىرىسىن ارتتىرىپ، اۋقاتتانۋىنا كومەكتەسىپ، ولاردى كوزبەن كورىپ، قولمەن ۇستاۋعا بولاتىنداي باقىتتى تۇرمىسقا كەنەلتۋ ٴۇشىن، ول قىستاقتاعى پارتيالى كادرلاردى باستاپ قىستاق تۇرعىندارى  جەردى اينالىمعا سالۋعا باستاپ، قىستاق كوللەكتيۆ ەكونوميكاسىن ۇزدىكسىز نىعايتىپ، قىستاق تۇرعىندارى ٴۇشىن كەلەلى ٴىس، ناقتى ٴىس ىستەۋگە كۇش - قۋات توپتادى. 

شينجياڭ حى - ۋاڭ اۋىل شارۋاشىلىعى عىلىم - تەحنيكا شەكتى سەرىكتەستىگىنىڭ اۋىل شارۋاشىلىعى عىلىم - تەحنيكاسىنان ۇلگى كورسەتۋ بازاسىندا (بولەكەي قىستاعىنا ورنالاسقان) جەر تەگىستەۋمەن ابىگەر بولىپ جاتقان بۇبينۇر ابدۇۋالي تىلشىگە بىلاي دەدى: بۇرىن  13 مۋ جەرىمىزگە ٴوزىمىز ەگىن ەگەتىنبىز، جىلدىق كىرىسىمىز دە ماردىمسىز ەدى. قىستاق كوللەكتيۆى ارقىلى جەردى اينالىمعا سالعاننان كەيىن ٴار مۋ جەردەن الاتىن اينالىم قاراجاتىمىز بيىل ٴبىر مىڭ 380 يۋانعا جەتتى. جەردى اينالىمعا سالعاننان كەيىن جولداسىمىز ەكەۋىمىز ۇلگى كورسەتۋ بازاسىنا جۇمىسقا ورنالاستىق، ٴارقايسىمىزدىڭ ايلىق ەڭبەكاقىمىز 3 مىڭ يۋانعا جەتتى. ەرلى - زايىپتى ەكەۋىمىز ەڭبەك ىستەي ٴجۇرىپ، ۇلگى كورسەتۋ بازاسىنان ورىلعان ٴشوپتى ۇيىمىزگە اكەلىپ، وتباسىلىق باعىمشىلىقتى دامىتۋعا پايدالانامىز، وتباسى جالپى كىرىسىمىز جىلدان - جىلعا جوعارىلاۋدا. «قازىرگى باقىتتى تۇرمىسىمىزدى پارتيانىڭ جاقسى ساياساتىنان مۇلدە بولە قاراي المايمىز».

«قىزمەت ورنىمنان قول ۇزگەنىمە تالاي جىل بولسا دا، بۇقارا ٴۇشىن قىزمەت ەتۋ اۋەلگى ماقساتىم، ەشقاشان وزگەرگەن ەمەس، بۇقارا ٴۇشىن قىزمەت ەتۋدەن دە دامىلداعان ەمەسپىن» دەدى مامەتجان ٴومار تەرەڭ تولعانىسپەن. ول باس شۋجي شي جينپيڭنىڭ تاپسىرماسىن ماڭگى ەستە بەرىك ساقتاپ، ٴىس جۇزىندىك ارەكەتى ارقىلى ٴومىر بويى پارتياعا ىلەسپەك، ٴومىر بويى حالىق ٴۇشىن قىزمەت ەتپەك. «مەن بولەكەي قىستاعىندا تۋىلدىم، وسىندا ەرجەتتىم، وسىندا قىزمەت ىستەدىم، بويىمدا جانىم بولادى ەكەن بولەكەي قىستاعى ٴۇشىن تىنباي ۇلەس قوسامىن».