汉文 ىلە اقپارات تورابىنا حوش كەلدىڭىزدەر!
«اتا - بابالارىمىز قالدىرعان <شاپتول گۇلدى مەكەندى> ويداعىداي قورعاپ، جالعاستىرا بەرەمىز»
2022-05-18 11:30:05     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

باس شۋجي شي جينپيڭ 2021 - جىلى 7 - ايدىڭ 21 - كۇنى شيزاڭ اۆتونوميالى رايونى لينجى قالاسى با - ي رايونى لينجى قالاشىعىنىڭ گالا قىستاعىندا قىزمەت تەكسەرگەندە زاڭزۋ قىستاق تۇرعىنى داۋاجيانساننىڭ ۇيىنە بارعان بولاتىن. جاقىندا شينحۋا اگەنتتىگىنىڭ تىلشىلەرى داۋاجيانسانعا قايتالاي تىلشىلىك ىستەدى.

【سول كەزگە قايىرىلا قاراۋ】

شيزاڭ لينجى قالاسى گالا قىستاعى «شاپتول گۇلى جايقالا اشىلعان جەر»، شيزاڭنىڭ «شاپتول گۇلى ٴبىرىنشى قىستاعى» دەپ اتالادى. سول كۇنى قىستاق تۇرعىنى داۋاجيانسان باس شۋجي شي جينپيڭنىڭ ۇيىنە كەلىپ قوناق بولۋىن ىقىلاسپەن قارسى الدى. باس شۋجي جاتىن بولمە، اس ٴۇي، كىلەت ٴۇي، تازالىق بولمەسى سياقتىلاردى ەگجەي - تەگجەيلى قاراپ شىقتى. استىق قامباسىندا ٴبيداي، قاراقۇمىق، جالاڭاش ارپا، اس بۇرشاق، جۇگەرى... باس شۋجي قالتا - قالتا استىقتى مۇقيات تەكسەرىپ، ۋىستاپ الىپ جارىققا قاراتىپ رەڭىن انىقتاپ كوردى.

باس شۋجي شي جينپيڭ ٴبىر ٴۇيلى جانمەن قوناق بولمەدە قورالانا وتىرىپ اڭگىمە دۇكەن قۇرىپ، كىرىس - شىعىستى ەسەپتەدى. داۋاجيانسان باس شۋجيگە وتباسىنىڭ تاسىمالعا، شاپتول مەرەكەسىندەگى پايدا بولىسىنە، جەردى اينالىمعا سالۋعا، ەگىنشىلىككە، باعىمشىلىققا سۇيەنەتىندىگىن، كىرىستەرىنىڭ جاقسى ەكەندىگىن ايتتى. باس شۋجي: «سىزدەردىڭ كىرىستەرىڭىزدى قوسۋ جانە الۋ امالىمەن ەسەپتەگەندە نەشە ٴجۇز مىڭ يۋان بولادى ەكەن. باقىتتى وتباسى دەگەن وسى» دەدى.

قىستاقتىڭ كىرە بەرىسىنە قىستاق تۇرعىندارى جينالدى، بارلىعى ادەمى كيىنىپ، قولدارىنا ٴاپپاق حادا ۇستاپ، «باس شۋجيگە العىس ايتامىز»، «پارتيا ورتالىق كوميتەتىنە العىس ايتامىز» دەپ الاقايلاستى... باس شۋجي شي جينپيڭ ولاردىڭ اراسىنا بارىپ، كوپشىلىككە «جاشيدىلى» دەپ تىلەك تىلەدى.

باس شۋجي شي جينپيڭ بىلاي دەپ اتاپ كورسەتتى: گالا قىستاعىنىڭ تاماشا تۇرمىسى شيزاڭنىڭ بەيبىت ازات بولعان 70 جىلدان بەرگى ەكونوميكالىق، قوعامدىق دامۋ تابىسىنىڭ ٴبىر شاعىن كورىنىسى، بۇل ارا ۇلتتار ىنتىماعى، العاباسارلىعى گۇلىنىڭ شەشەك اتقان جەرى. اۋىلداستاردىڭ تاماشا تۇرمىسى پارتيا مەن مەملەكەتتىڭ ابزال ساياساتىنىڭ ارقاسىندا كەلگەن ٴارى ونى وزدەرىڭىزدىڭ ەڭبەكشىل قوس قولدارىڭىزبەن دە جاراتتىڭىزدار. پارتيا ورتالىق كوميتەتىنىڭ شيزاڭنىڭ دامۋىن قولداۋ ساياساتىن ويداعىداي تياناقتاندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك.

【داۋاجيانساننىڭ جۇرەك ٴۇنى】

باس شۋجي شي جينپيڭ مەنىڭ ٴۇيىمدى ەگجەي - تەگجەيلى كورىپ، تاپتەشتەي سۇرادى، دارەتحاناعا سۋ ۇلاسقان - ۇلاسپاعانىن، جۋىناتىن جىلى سۋدىڭ قالاي كەلەتىندىگىن، بالا باقشانىڭ الىس - جاقىندىعىن ۇعىستى... ونىڭ وتباسىمىزدىڭ بۇل ىستەرىنە وسىنشا كوڭىل بولگەندىگىنەن جۇرەگىم مەيىرگە بولەندى.

قىستاعىمىزداعى شاپتول گۇلدەرى وتە ادەمى، باس شۋجي بۇل اتا - بابالارىمىز قالدىرىپ كەتكەن يگىلىك، بىزگە شاپتول گۇلدى مەكەندى سيلادى دەدى. بۇرىن اتا - بابالار قالدىرىپ كەتكەن يگىلىكتى قىستاق تۇرعىندارى ۇنەمى كەسىپ اكەلىپ وتىن ەتەتىن، ٴبىز سۋى تۇنىق، تاۋى جاسىل اسىل قامباعا يە بولساق تا، قالاي بايۋدى بىلمەيتىن ەدىك.

كەيىن قىستاقتاعى كادرلار ٴبىزدى باستاپ شاپتول گۇلىن ارقاۋ ەتىپ، اۋىل - قىستاق ەكولوگيالىق ساياحاتىن ورىستەتتى، شاپتول گۇلى مەرەكەسى 2002 - جىلى وتكىزىلگەننەن قازىرگە دەيىن اتاعى بارعان سايىن زورايدى. ٴبىز تاعى جەمس - جيدەك تەرۋ باقشاسىن سالىپ، قىستىق راپس گۇلى، جالاڭاش ارپا سياقتىلاردى ەكتىك، قىستاقتىڭ ساياحات كاسىپ سالاسى ۇزدىكسىز ۇلعايىپ، گالا قىستاعى شىت جاڭا وزگەردى.

بيىل 3 - ايدا قىستاقتا قىزىل زەرتتەۋ - ۇيرەنۋ نەگىزگى تاقىرىبىنداعى تاربيە كورمە سارايى جاڭادان اشىلدى. سارايعا كىرە سالا باس شۋجيدىڭ قىزمەت تەكسەرىپ كەلگەندەگى بەينەجازباسىن كورە الاسىز. سارايدا تاعى كوپتەگەن كونە سۋرەتتەر، كونە بۇيىمدار، كوپ مەديا بەينەجازبالارى سياقتىلار بار، ولار وسى جىلدارداعى قىستاعىمىزدىڭ بايىعان، كوركەيگەن بارىسىن ٴتىپتى دە كوپ ادامعا كورسەتىپ، ٴبىزدىڭ پارتياعا، باس شۋجيگە ايتىپ تاۋىسقىسىز «تۋجيچيمىزدى» (زاڭزۋ ٴتىلى، «العىس» دەگەن ماعىنادا) بىلدىرەدى.

ٴبىز دە گالا قىستاعى سىندى «شاپتول گۇلدى مەكەندى» بارعان سايىن قورعايتىن بولدىق. باس شۋجي قىزمەت تەكسەرگەننەن كەيىن كوپشىلىكتىڭ قورشاعان ورتانى قورعاۋ تانىمى ٴتىپتى دە كۇشەيدى، قازىر بارلىق وتباسى مەرزىم بويىنشا تازالىق ىستەپ، شاپتول اعاشتارىن شىرپىپ، جول قۇرىلعىلارىن كۇتىمدەپ - قورعاپ، قىستاقتى ٴوز ۇيلەرىندەي ايالايتىن بولدى. ٴبىز اتا - بابالارىمىز قالدىرىپ كەتكەن «شاپتول گۇلدى مەكەندى» ويداعىداي قورعاپ، جالعاستىرا بەرەمىز.

وسى بىرنەشە كۇندە شاپتول گۇلى جايقالا اشىلادى، بۇكىل قىستاعىمىزداعىلار باس شۋجيدىڭ گالا قىستاعىنا تاعى دا كەلىپ، «شاپتول گۇلدى مەكەنگە» تاعى دا كەلىپ، تاۋ - دالانى جاپقان شاپتول گۇلىن كورىپ، قىستاعىمىزداعى وزگەرىستەردى كورىپ، ٴبىزدىڭ قۋانىشىمىزبەن ٴبولىسۋىن شىن جۇرەكتەن ٴۇمىت ەتەمىز.


شينحۋا اگەنتتىگىنىڭ 5 - ايدىڭ 9 - كۇنى لىحاسادان بەرگەن حابارى (تىلشىلەر ۋاڭ زىحاۋ، گىساڭ لاڭجيە)