汉文 ىلە اقپارات تورابىنا حوش كەلدىڭىزدەر!
ساياحات كۇنى تاياپ قالدى، وبلىسقا توتە قاراستى ورىندار مادەنيەت، ساياحاتتا حالىققا تيىمدىلىك جاسايتىن كوپ ٴتۇرلى قيمىل اتقارادى
2022-05-18 11:37:51     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ٴتىلشىمىز لۋ جۇڭ حابارلايدى. 19 - مامىر − «جۇڭگو ساياحات كۇنى»، بيىلعى قيمىلدىڭ باستى تاقىرىبى − «جۇڭحۋا مادەنيەتىن سەزىنىپ، تاماشا ساياحاتتان ٴلاززاتتانۋ». ٴتىلشىنىڭ وبلىستىق مادەنيەت - ساياحات مەكەمەسىنەن ۇعىسۋىنشا، «جۇڭگو ساياحات كۇنىنىڭ» الدى - ارتىندا، ىندەتتەن ساقتانۋ - تىزگىندەۋ قىزمەتىن ۇدايىلاندىرۋ العى شارتىندا، وبلىسقا توتە قاراستى اۋدان - قالالار باي مازمۇندى مادەنيەت - ساياحات قيمىلدارىن ورىستەتىپ، كورىنىس رايوندارى (تۇيىندەرى) دا جەلىلەس تيىمدىلىك جاساۋ شاراسىن اتقارادى ەكەن.

5 - ايدىڭ 18 - كۇنى ساعات 20 دان 30 مينۋت وتكەندە ىلە وبلىسىنىڭ بيىلعى «جۇڭگو ساياحات كۇنى» قيمىلىنىڭ نەگىزگى ٴماجىلىس الاڭى بولعان قۇلجا قالاسى «شينجياڭ جاقسى جەر، ىلەنىڭ كورىنىسى تاماشا − تاقىرىپتىق قيمىلىن» باستايدى، باستالۋ سالتى قۇلجا قالاسىنداعى التىشۋار كورىنىس رايونىنىڭ ورتالىق الاڭىندا وتكىزىلەدى. باستالۋ سالتىندا 100 ادامدىق گارمون كوركەمونەر كورمەلىك قويىلىمى، الۋان ٴتۇرلى «بەيزاتتىق مادەنيەت مۇرالارى + مادەنيەت جاسامپازدىعى» بازارى سياقتى قيمىلدار وتكىزىلەدى. سونىمەن بىرگە، كورىنىس وڭىرلەرىنىڭ ساياحات ساياساتى جونىندە كەڭەس بەرۋ ورنى قۇرىلىپ، تالاسا جاۋاپ بەرۋ سيلىقتى قيمىلى ورىستەتىلەدى.

بۇدان سىرت، قۇلجا قالاسى تاعى ٴبىرقىدىرۋ سايكەستى قيمىلدار وتكىزەدى: «اس - سۋ ساياحاتى، ٴلاززاتتى جاز ماۋسىمى» تۇڭعىش كەزەكتى ىلە جەرگىلىكتى بالسوقتا مادەنيەت مەرەكەسى، «گۇل كومكەرگەن اتىز - اۋلا» باۋ - باقشا قىستاعى 3 - كەزەكتى شۇعىنىق گۇلىن تاماشالاۋ مەرەكەسى، ىلە وزەنى بويىنداعى ۇيلەنۋ سالتى كورىنىس جەلىسى،«مادەنيەت نارلەندىرگەن گۇل قالا، وقىمىستىلار ورداسى قۇلجا» اتتى جالپى حالىقتىق كىتاپ وقۋ جەلىلەس قيمىلى، «ومىرشەڭ قالا، سالامات قۇلجا» 2022 - جىلعى ىلە وزەنى بويىندا شام نۇرىنداعى كەشكى ٴجۇرىس، قۇلجا قالاسىنىڭ كەپتەر جارىسىن تاماشالاۋ، «20 - قۇرىلتايدى قارسى الىپ، جاڭا جورىقتا ەكپىندەي ىلگەرىلەۋ» اتىنداعى قۇلجا قالاسىنىڭ بۇقارالىق مادەنيەت - كوركەمونەر كورمەلىك قويىلىمى، «قۇلجانىڭ تاريحىن ورەندەر سويلەيدى، بالا ٴتۇسىندىرۋشى بولۋعا تالپىنۋ» اتىنداعى كورمە، «جاقسى ۇيرەنىپ، كۇن سايىن العا باسۋ» − جاندى نۇرلاندىرىپ، كوڭىلگە توقۋ بىلىمپازدار ساياحاتى، «سابيلىك كوڭىل تالپىنادى ارمانعا، ٴبىز دايىنبىز جۇمىلا كەپ قورعاۋعا» اتىنداعى قولجازبا گازەتتى جيناۋ، كورمەگە قويۋ قيمىلى سياقتىلار.

مۇنىڭ ىشىندە «اس - سۋ ساياحاتى، ٴلاززاتتى جاز ماۋسىمى» تۇڭعىش كەزەكتى ىلە جەرگىلىكتى بالسوقتا مادەنيەت مەرەكەسى 5 - ايدىڭ 18 - كۇنىنەن 19 - كۇنىنە دەيىن التىشۋار كورىنىس رايونىندا وتكىزىلەدى. «گۇل كومكەرگەن اتىز - اۋلا» باۋ - باقشا قىستاعى 3 - كەزەكتى شۇعىنىق گۇلىن تاماشالاۋ مەرەكەسى 5 - ايدىڭ 19 - كۇنىنەن 31 - كۇنىنە دەيىن بولىپ، كەبەكجۇزى اۋىلىنىڭ باۋ - باقشا الاڭىندا وتكىزىلەدى. 5 - ايدىڭ 21 - كۇنى «شەبەرلەردى ىزدەۋ» بەيزاتتىق مادەنيەت مۇرالار بازارى قازانشى ۇلتتىق سالت - سانا ساياحات رايونىندا وتكىزىلەدى. «20 - قۇرىلتايدى قارسى الىپ، جاڭا جورىقتا ەكپىندەي ىلگەرىلەۋ» اتىنداعى قۇلجا قالاسىنىڭ بۇقارالىق مادەنيەت - كوركەمونەر كورمەلىك قويىلىمى 5 - ايدىڭ 2 - كۇنىنەن 10 - ايدىڭ 7 - كۇنىنە دەيىن ساعات 22:00 - 21:00 ارالىعىندا وتكىزىلەدى، مۇندا ۇلتتىق ٴان - ٴبي، تەاتر - ويناۋ، وسى زامانعى ٴبي، دەنەتاربيە ٴبيى سياقتى كونسەرت نومىرلەرى ىلە وزەنى كورىنىس رايونىنىڭ مۋزىكا الاڭىندا، قازانشى ۇلتتىق سالت - سانا ساياحات رايونىنىڭ جاياۋلار كوشەسىندە، التىشۋار كورىنىس رايونىنىڭ ورتالىق رايونىندا، جىبەك جولى ساياحات شاعىن قالاشىعى الاڭىندا قويىلادى.

5 - ايدىڭ 19 - كۇنىنەن 22 - كۇنىنە دەيىن كۇنەس اۋدانى جاڭا قالا رايونى كاييۋان ٴدامدى تاعامدار الاڭىندا «ساحارا مەرۋەرتى . گۇل كۇنەس» كەشكى بازار مادەنيەت كەشى قيمىلىن وتكىزەدى؛ 5 - ايدىڭ 19 - كۇنىنەن 22 - كۇنىنە دەيىن «ساحارا مەرۋەرتى . تامساندىرعان كۇنەس» ايگىلى، ساپالى اۋىل شارۋاشىلىق ونىمدەرىنىڭ ەرەكشە كورمەسى كۇنەس اۋدانىنىڭ حالىق الاڭى جاياۋلار كوشەسىندە وتكىزىلەدى؛ «جۇڭگو ساياحات كۇنىن» اتاپ ٴوتۋ كۇنى نارات كورىنىس رايونى «ناراتتى جاياۋ ارالاۋ» قيمىلىن وتكىزەدى.

5 - ايدىڭ 10 - كۇنىنەن 28 - كۇنىنە دەيىن، توعىزتاراۋ اۋدانىنىڭ ورمان مادەنيەتى ساياحات مەرەكەسىنىڭ جەلىلەس قيمىلدارى ٴارقايسى كورىنىس وڭىرىندە، كورىنىس تۇيىنىندە وتكىزىلەدى، وسى مەزگىلدە 2 - كەزەكتى فوتو سۋرەت جارىسىنىڭ سيلىق تاراتۋ سالتى، جاياۋ ٴجۇرۋ جارىسى، دالادا قونۋ جارىسى سياقتىلار وتكىزىلەدى.

قورعاس، كۇيتۇن قالاسى، موڭعۇلكۇرە، نىلقى، قورعاس اۋدانى سياقتى اۋدان - قالالار دا جەلىلەس قيمىلدار وتكىزەدى.

كوپتەگەن مادەنيەت، ساياحات قيمىلدارى وتكىزىلۋدەن سىرت، وبلىسقا توتە قاراستى ورىندارداعى كورىنىس وڭىرلەرى «جۇڭگو ساياحات كۇنى» بايلانىسىمەن ٴتيىمدى ساياساتتاردى دا اتقارادى. 5 - ايدىڭ 19 - كۇنى نارات كورىنىس رايونىنىڭ ەسىك بەلەت اقىسى كەشىرىم ەتىلەدى (ارالىق كولىك، جەكە كولىك، اس - سۋ، جاتىن ورىن سياقتى نىسانداردان قالىپتى اقى الىنادى)، نارات تابيعي وركەسترى تەگىن كونسەرت قويادى؛ توعىزتاراۋ اۋدانىنداعى ٴارقايسى كورىنىس وڭىرلەرىندە ەسىك بەلەت اقىسى الىنبايدى (ارالىق كولىك قامتىلمايدى)؛ چاپچال سىبە اۆتونوميالى اۋدانى سىبە بايىرعى قالا كورىنىس رايونىنىڭ ەسىك بەلەتى تەگىن، ٴتۇسىندىرۋ اقىسىنا 9 ۇلەستىك اقى الىنادى، 1764 مادەنيەت، دەنە تاربيە باقشاسىنىڭ قاۋىرسىن دوپ سارايى، تاق - تۇق دوپ سارايىنىڭ بەلەتى 5 ۇلەستىك تيىمدىلىكپەن ساتىلادى؛ قورعاس قالاسى مەملەكەت قاقپاسى كورىنىس رايونىنىڭ ەسىك بەلەتى 5 ۇلەس ارزانداتىلادى. قارتتار، وقۋشىلار، اسكەريلەر، مۇگەدەكتەردىڭ بەلەت اقىسى كەشىرىم ەتىلەدى؛ نىلقى اۋدانىنىڭ سازدىق بايىرعى ورمان كورىنىس رايونىنىڭ ەسىك بەلەت اقىسى كەشىرىم ەتىلەدى؛ قۇلجا قالاسى قازانشى ۇلتتىق سالت - سانا ساياحات رايونى ساياحات مادەنيەتىن تەرەڭ سەزىنۋ ساياحاتى بەلەت باعاسىن ارزانداتادى؛ تەكەس اۋدانىنىڭ قاراجون كورىنىس رايونى، تايجى تەكشەسى، تايجى كوزى، ي- جيڭ مادەنيەت باقشاسى كورىنىس رايونىندا بەلەت اقىسى كەشىرىم ەتىلەدى نەمەسە ارزانداتىلادى؛ موڭعۇلكۇرە اۋدانىنداعى كورىنىس رايوندارىندا ەسىك بەلەت اقىسى الىنبايدى.