− باس شۋجي شي جينپيڭنىڭ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

جاڭا جورىقتا، جاستاردى ەكىنشى 100 جىلدىق كۇرەس نىساناسىن جۇزەگە اسىرۋ ٴۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ٴۇشىن كۇرەس جاساۋعا قالاي اناعۇرلىم ويداعىداي ىنتىماقتاستىرۋ، ۇيىمداستىرۋ، جۇمىلدىرۋ جاڭا داۋىردەگى جۇڭگو جاستار قوزعالىسى مەن جاستار قىزمەتى، ٴسوز جوق، جاۋاپ بەرۋگە ٴتيىستى ماڭىزدى تاقىرىپ.

«پارتيا ٴۇشىن ادام تاربيەلەۋگە تاباندى بولىپ، قاشاندا جۇڭگو جاستارىنىڭ يدەيالىق جاقتا العا باسۋىنا جەتەكشىلىك ەتەتىن ساياسي مەكتەپكە اينالۋ»، «سانالى تۇردە جاۋاپكەرشىلىك ارقالاپ، جاۋاپكەرشىلىكتى ادا ەتىپ، قاشاندا جۇڭگو جاستارىن ماڭگى كۇرەس جاساۋعا ۇيىمداستىراتىن اتويشىل كۇشكە اينالۋ»، «قالىڭ جاستارمەن جۇرەك توعىستىرىپ، قاشاندا پارتيانىڭ جاستارمەن بايلانىس جاساۋداعى ەڭ بەرىك كوپىرىنە، دانەكەرىنە اينالۋ»، «ٴوز - وزىنە توڭكەرىس جاساۋعا باتىل بولىپ، قاشاندا پارتياعا ٴجىتى ىلەسىپ، ٴداۋىردىڭ الدىڭعى لەگىندە جۇرەتىن وزات ۇيىم بولۋ». جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايىن شىعار ٴتۇيىن ەتىپ، كوممۋنيستىك جاستار وداعىنا 4 جاقتان ٴۇمىت ارتىپ، بىلاي دەپ باسا دارىپتەدى: «كوممۋنيستىك جاستار وداعى جەتەكتەۋ قۋاتىن، ۇيىمداستىرۋ قۋاتىن، قىزمەت وتەۋ قۋاتىن كۇشەيتىپ، قالىڭ وداق مۇشەلەرىن، جاستاردى مۇراتتى، جاۋاپكەرشىلىك ارقالاۋعا باتىل، جاپاعا ٴتوزىمدى، كۇرەس جۇرگىزۋگە پەيىل جاڭا داۋىردەگى جاقسى جاستاردان بولىپ جەتىلۋگە، جاستىق كوكتەمنىڭ بەلسەندىلىك كۇشى مەن جاسامپازدىق قۋاتى ارقىلى ۇلتتى گۇلدەندىرۋدىڭ بۋىرقانعان كوكتەمگى تاسقىنىن كوتەرۋگە، جاستىق كوكتەمنىڭ اقىل - پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرۋعا ۇمتىلۋعا ىنتىماقتاستىرۋ، باستاۋ كەرەك»!

جۇڭگو كوممۋنيستىك پارتياسىنىڭ پارمەندى باسشىلىعىندا، ٴبىز ٴبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعاتىن ەكىنشى 100 جىلدىق كۇرەس نىساناسىن بەتكە الىپ ارىندى تەبىنمەن ىلگەرىلەۋدەمىز. كوممۋنيستىك جاستار وداعى جۇڭحۋا ۇلتىنىڭ ۇلى گۇلدەنۋى ٴۇشىن كۇرەس جاساۋ سىندى وسى ٴبىر نەگىزگى تاقىرىپتى مىقتاپ يگەرىپ، ىنتىماقتاسۋعا بولاتىن بارلىق جاستىق كوكتەم كۇشتەرىمەن ىنتىماقتاسىپ، ايبىندى جاستىق كوكتەم جىرىن شىعانداتۋ كەرەك. ٴسوز جوق، مىنانى تەرەڭ تانۋ كەرەك: تەك پارتيا ٴۇشىن ادام تاربيەلەۋگە تاباندى بولىپ، قاشاندا جۇڭگو جاستارىنىڭ يدەيالىق جاقتا العا باسۋىنا جەتەكشىلىك ەتەتىن ساياسي مەكتەپكە اينالعاندا عانا، قالىڭ جاستاردىڭ ەرتە باستان مۇرات ورناتىپ، ۇلى ارمان ارقالاپ، پارتياعا سەنۋدىڭ، جۇڭگوشا سوتسياليزمگە دەگەن سەنىمنىڭ، ماركسيزمگە دەگەن نانىمنىڭ ىشكى جان دۇنيەسىنە تەرەڭ تامىر تارتۋىنا كومەكتەسە الادى؛ تەك سانالى تۇردە جاۋاپكەرشىلىك ارقالاپ، جاۋاپكەرشىلىكتى ادا ەتىپ، جۇڭگو جاستارىن قاشاندا ماڭگى كۇرەس جاساۋعا ۇيىمداستىراتىن اتويشىل كۇشكە اينالعاندا عانا، جاستىق كوكتەمنىڭ پارتيا مەن حالىق ىستەرىمەن وسكەلەڭ ۇيلەسىپ، سان ۇرپاق مۇراتتى جاستاردىڭ پارتيا مەن حالىق ىستەرى ٴۇشىن قۇلشىنا ۇلەس قوسۋىنا مۇمكىندىك جاساي الادى؛ تەك قالىڭ جاستارمەن جۇرەك توعىستىرىپ، قاشاندا پارتيانىڭ جاستارمەن بايلانىس جاساۋداعى ەڭ بەرىك كوپىرىنە، دانەكەرىنە اينالعاندا عانا، پارتيانىڭ بيلىك جۇرگىزۋىندەگى جاستار قاۋىمىنىڭ نەگىزىن بەكەمدەۋ جانە كەڭەيتۋ سىندى ساياسي جاۋاپكەرشىلىكتى ويداعىداي اتقارا الادى؛ تەك ٴوز - وزىنە توڭكەرىس جاساۋعا باتىل بولىپ، قاشاندا پارتياعا ٴجىتى ىلەسىپ، ٴداۋىردىڭ الدىڭعى لەگىندە جۇرەتىن وزات ۇيىم بولعاندا عانا، ٴداۋىردىڭ ىلگەرىلەۋ، جاستاردىڭ دامۋ، امالياتتا جاڭالىق اشۋ قادامىنا ىلەسە الادى. باس شۋجي شي جينپيڭ ورتاعا قويعان بۇل 4 جاقتاعى ۇمىتتە تەرەڭ سۇيىسپەنشىلىك قامتىلىپ، ادامدى ەكپىندەي ىلگەرىلەۋگە جىگەرلەندىرىپ، جاڭا داۋىردەگى كوممۋنيستىك جاستار وداعى قىزمەتىن جاقسى ىستەۋگە قۇلشىنۋ باعدارىن ايقىن كورسەتىپ، ماڭىزدى بويسۇنۋ ولشەمىن ازىرلەدى.

كوممۋنيستىك جاستار وداعى تەگىننەن «پارتيا ۇندەگەن زامان، وداق اتتانىسقا كەلەتىن» داڭقتى داستۇرگە يە، پارتيا مەن مەملەكەتتىڭ وزەكتى قىزمەتى كوممۋنيستىك جاستار وداعىنىڭ رولىن ساۋلەلەندىرەتىن، قۇنىن ايگىلەيتىن ساحناسى. جاڭا جورىقتا، كوممۋنيستىك جاستار وداعى پارتيا ىستەرىنىڭ ٴىزباسارى بولۋ سىندى ٴتۇبىرلى ۇلى جوسپاردى تياناق ەتىپ، سوتسياليزم قۇرىلىسشىلارى مەن ٴىزباسارلارىن جەتىلدىرۋ سىندى ٴتۇبىرلى مىندەتتى مىقتاپ يگەرىپ، ساياسي جاقتان كوز جىبەرىپ، يدەيالىق جاقتان ىسكە كىرىسىپ، جاستاردىڭ ەرەكشەلىگىن شىعار ٴتۇيىن ەتىپ، قالىڭ جاستاردى يدەيادا شىڭدالۋ، امالياتتا شىنىعۋ بارىسىندا جۇڭگولىق بولۋدىڭ جىگەرىن، جالىنىن، سەنىمىن ۇزدىكسىز كۇشەيتىپ، توڭكەرىس ۇشقىنىن ۇرپاقتار بويى جالعاستىرۋعا جەتەكتەۋ كەرەك. قالىڭ وداق مۇشەلەرىن، جاستاردى باتىلدىقپەن جاڭا داۋىردەگى تولقىن جالداۋشى بولىپ، پارتيا مەن مەملەكەتتىڭ ۇندەۋىنە سانالى تۇردە قۇلاق اسىپ، «مەملەكەتتىڭ زور ٴىسىن» كوكەيگە ٴتۇيىپ، بورىش، مىندەت ارقالاپ، جاستىق كوكتەمنىڭ گۇلىن وتان مەن حالىق ەڭ قاجەت ەتىپ وتىرعان جەرلەردە جايقالتا اشتىرۋعا ىنتىماقتاستىرۋ، باستاۋ كەرەك. جاستارعا قىزمەت ەتۋ قىزمەتىنىڭ جان تامىرىمەن تىعىز بايلانىستىرىپ، قولدان كەلگەنشە جاستار ٴۇشىن ناقتى ىستەر ىستەپ، قيىن ىستەردى شەشىپ، ىرىقتى تۇردە جاستار ويلاعاندى ويلاپ، جاستار اسىققانعا اسىعىپ، قالىڭ جاستارعا پارتيانىڭ ايالاۋى ٴوز جاندارىندا، قامقورلىعى كوز الدارىندا ەكەندىگىن شىنايى سەزىندىرۋ كەرەك. پارتيانىڭ جاپپاي باسشىلىعىن قىزمەتتىڭ جالپى بارىسىندا، ٴار سالاسىندا تياناقتاندىرىپ، كوممۋنيستىك جاستار وداعى رەفورماسىنىڭ ىشكەرىلەي دامۋىن ىلگەرىلەتىپ، وداقتىڭ نەگىزگى ساتى ۇيىمدىق قۇرىلىسىنىڭ جاڭا وي جەلىلەرىن، جاڭا ۇلگىلەرىن قاراستىرىپ، وداقتى قاتاڭ باسقارىپ، قاتاڭ جونگە سالىپ، جان - جاقتى، جوعارى ولشەممەن شىڭدالۋ بارىسىندا كوممۋنيستىك جاستار وداعىنىڭ اسقاق، ٴورشىل داۋىرلىك كەلبەتىن ايگىلەۋ كەرەك.

باس شۋجي شي جينپيڭ بىلاي دەپ باسا دارىپتەدى: «تاريح پەن رەالدىق جۇڭگو كوممۋنيستىك پارتياسىنىڭ قاشاندا جاستىق كوكتەم قاسيەتىن ساقتايتىن پارتيا ەكەندىگىن، جاستاردىڭ سەنىم ارتۋى مەن ىلەسۋىنە ماڭگى تاتيتىن پارتيا ەكەندىگىن دالەلدەدى». جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جورىعىندا جۇڭگو كوممۋنيستىك پارتياسى اۆانگارد قوسىن، كوممۋنيستىك جاستار وداعى ەكپىندى قوسىن، پيونەرلەر وتريادى زاپاس قوسىن سانالادى. وتريادقا كىرۋ، وداققا كىرۋ، پارتياعا كىرۋ جاستاردىڭ ساياسي جاقتا العاباسارلىققا تالپىنۋىنداعى «ٴومىر تريلوگياسى» سانالادى. جۇڭگو كوممۋنيستىك پارتياسىنىڭ قاقپاسى جاستارعا قاشاندا ايقارا اشىق، جاستاردىڭ پارتيانىڭ جاڭا قانى بولىپ تولاسسىز قوسىلۋىن ىستىق ىقىلاسپەن قارسى الادى. كوممۋنيستىك جاستار وداعى بۇكىل وداقتىڭ جەتەكشىسى سىندى ساياسي جاۋاپكەرشىلىگىن ويداعىداي اتقارىپ، پارتيانىڭ، وداقتىڭ، وتريادتىڭ ادام تاربيەلەۋ تىزبەگىنىڭ ٴوزارا ۇشتاسۋىن، ٴوزارا ساباقتاسۋىن كۇش سالا ىلگەرىلەتۋ؛ ٴار دارەجەلى پارتيا ۇيىمدارى جاستاردان پارتيا مۇشەلەرىن باۋلۋعا جانە قابىلداۋعا باسا ٴمان بەرىپ، قىزىل بيلىك ٴتۇسىنىڭ ماڭگى وزگەرمەۋىنە شىنايى كەپىلدىك ەتۋ كەرەك. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ٴىسىن مۇرات ەتىپ، ٴسوز جوق، قاشاندا قالىڭ جاستارعا ۋاكىلدىك ەتىپ، قالىڭ جاستاردىڭ قولداۋىنا يە بولىپ، قالىڭ جاستارعا سۇيەنىپ، جاستار قىزمەتىن بار كۇشتى سالىپ جاقسى ىستەپ، پارتيا ىستەرى ۇشقىنىنىڭ ۇرپاقتار بويى جالعاسۋىنا شىنايى كەپىلدىك ەتۋ، جۇڭحۋا ۇلتىنىڭ ماڭگى جالعاسىپ دامۋىنا شىنايى كەپىلدىك ەتۋ كەرەك. ٴار دارەجەلى پارتكومدار (پارتيا باسشىلىق گرۋپپاسى) جاستاردىڭ ٴوسىپ - جەتىلۋ زاڭدىلىعى مەن ٴداۋىر ەرەكشەلىگىن اسا زور ىنتا - ىقىلاسپەن زەرتتەپ، جاس دوستاردىڭ سىرلاسى، جاستار قىزمەتىنە ىنتالى ادام، جاستار قاۋىمىنا جول باستاۋشى بولۋ؛ ٴار دارەجەلى پارتيا ۇيىمدارى پارتيا قۇرىلىسى ارقىلى وداق قۇرىلىسىنا جەتەكشىلىك ەتۋ ٴتۇزىمى مەحانيزمىن تياناقتاندىرىپ، كوممۋنيستىك جاستار وداعىنىڭ بۇقارالىق ۇيىمدار قىزمەتىنىڭ ەرەكشەلىگى مەن زاڭدىلىعى بويىنشا جاسامپازدىقپەن قىزمەت ورىستەتۋىنە قولداۋ كورسەتۋ كەرەك.

سوتسياليستىك وسىزاماندانعان قۇدىرەتتى مەملەكەتتى قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − ٴبىر مايدان ۇتىلامالى جارىس. قالىڭ جاستار مىزعىماستان پارتيانىڭ سوزىنە قۇلاق اسىپ، پارتياعا ىلەسىپ، جاستىق شاقتا جۇرەكتى بولاتىن، نەعۇرلىم جاپالى، قاتەرلى بولعان سايىن، سولعۇرلىم العا ىلگەرىلەيتىن مويىماستىقتى، قايسارلىقتى ساقتاپ، جاڭا داۋىرگە، جاڭا الەمگە بارىپ ارمانعا قانات قاعىپ، ەسە قوسىپ، ەڭبەك ٴسىڭىرىپ، جاستىق كوكتەمنىڭ جارىس جولىندا ەكپىندەي زىمىراپ، ۇلى مۇرات ارمانىنا قۇلاش سەرمەۋشى بولۋعا تالپىنسا، ۇلى ٴىستىڭ جالىندى قوسىنى بولۋعا تالپىنسا، ٴسوز جوق، زامانىمىز جاستارىنىڭ ەڭ جاقسى ناتيجەسىنە قول جەتكىزە الادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «ەكىنى تۇراقتاندىرۋدىڭ» شەشۋشى ٴمانىن تەرەڭ تانىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا مەن حالىق جۇكتەگەن تاريحي كەلەلى مىندەتتى ارقالاپ، اسقاق جىگەرمەن قايراتتانا ۇمتىلىپ، قايسارلىقپەن العا ىلگەرىلەپ، جاستىق كوكتەمنىڭ قوزعاۋشى كۇشى مەن جاسامپازدىق قۋاتى ارقىلى ۇلتتى گۇلدەندىرۋدىڭ كوكتەمگى تاسقىنىن كوتەرىپ، جاستىق كوكتەمنىڭ اقىل - پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرايىق!

شينحۋا اگەنتتىگىنىڭ 5 - ايدىڭ 13 - كۇنى بەيجيڭنەن بەرگەن حابارى