2019 - جىلى 1 - ايدىڭ 17 - كۇنى باس شۋجي شي جينپيڭ بەيجيڭ - تيانجين - حىبەيدە قىزمەت تەكسەرگەن كەزدە، تيانجين قالاسى حىپيڭ رايونى شينشيڭ ٴمالىسى چاۋياڭلي الەۋمەتتىك اۋماعىنا كەلىپ، الەۋمەتتىك اۋماقتاعى ەرىكتى قىزمەت وتەۋشىلەرمەن ىقىلاستى تۇردە اڭگىمەلەسىپ، ولاردىڭ «ەرىكتى بولۋ اڭگىمەلەرىن» تىڭدادى، تۇرعىندار «مەيىربان اجەي» اتايتىن لۇي ۋىنشيا سولاردىڭ ٴبىرى ەدى. تاياۋدا شينحۋا اگەنتتىگىنىڭ تىلشىلەرى لۇي ۋىنشياعا قايتالاي تىلشىلىك ىستەدى.

【سول كەزگە قايىرىلا قاراۋ】

75 جاستاعى لۇي ۋىنشيا سول كۇنى ادەيى قىزىل پوپايكە كيدى. ول باس شۋجيگە: «ۇلەس قوسقانىمدى شاتتىق سانايمىن. ٴسىز ٴبىزدى جاڭا داۋىرگە باستادىڭىز، ارمان قۋۋ جولىندا ٴبىز، استە، قاتاردان قالمايمىز»! - دەدى.

تيانجين قالاسى حىپيڭ رايونى شينشيڭ ٴمالىسى چاۋياڭلي الەۋمەتتىك اۋماعىندا ٴبىر ەرىكتىلەر قىزمەت وتەۋ «لاۋزىحاۋ» ماڭدايشالىعى بار. 30 نەشە جىلدىڭ الدىندا كورشى - قولاڭدارىنا ىقىلاستارىمەن قىزمەت وتەگەن 13 كاريا بەينە ۇشقىن سياقتى الەۋمەتتىك اۋماقتىڭ ەرىكتى قىزمەت وتەۋىن مازداتقان.

باس شۋجي شي جينپيڭ الەۋمەتتىك اۋماق ەرىكتىلەرىن القاپ، ولاردى قوعامعا ۇلەس قوسقان الدا جۇرۋشىلەر، باستاۋشىلار دەپ ماداقتادى. ول بىلاي دەدى: ەرىكتى قىزمەت وتەۋ قوعامدىق وركەنيەتتىڭ العا باسۋىنىڭ ماڭىزدى بەلگىسى، قالىڭ ەرىكتىلەردىڭ سۇيىسپەنشىلىگىن ارناۋىنىڭ ماڭىزدى ارناسى. «ەرىكتىلەر كاسىبى <قوس 100 جىلدىق> كۇرەس نىساناسىمەن، سوتسياليستىك وسىزاماندانعان مەملەكەت قۇرۋمەن بىرگە ٴجۇرۋ كەرەك».

【لۇي ۋىنشيانىڭ جۇرەك ٴسوزى】 

3 جىلدان استام ۋاقىت قاس قاققانشا وتە شىقتى، باس شۋجيدىڭ ٴسوزى ٴبىزدىڭ جۇرەگىمىزدى مەيىرگە بولەپ، مەنى جانە ەرىكتى قىزمەت وتەۋ اترەتىندەگى قۇربىلارىمدى «ۇلەس قوسۋ، قايىرىمدى بولۋ، ٴوزارا كومەكتەسۋ، العا باسۋ» سىندى ەرىكتى رۋحىن امالياتتا ايگىلەۋگە شابىتتاندىرىپ، باسقالارعا كومەكتەسۋ بارىسىندا قۋانىشتان ٴلاززات الىپ كەلەمىز.

مەن تاعى ارناۋلى شاندۇڭ ليۋچينىن قۇرادىم، تاقىرىبى «كەلدى باس شۋجي جانىمىزعا»: «بوحايدىڭ جاعاسى كوكتەمدەي قۇلپىرىپ، جيۋحى وزەنى تيانجيننەن تەڭىزگە قۇيىلىپ، كەلدى باس شۋجي جانىمىزعا»... مەن وسى ٴان ارقىلى جۇرەك ٴۇنىمىزدى جەتكىزەمىن: باس شۋجي، الاڭسىز بولىڭىز، ٴبىز ەرىكتى رۋحىن ۇرپاقتان - ۇرپاققا جالعاستىرامىز!

باس شۋجي: ىستەگەن ىستەرىڭىز تاريحقا جازىلادى، - دەگەن بولاتىن. بۇل ٴسوزدىڭ اۋىر سالماعى بار، مەنى ەرىكتى رۋحىن قايتكەندە اناعۇرلىم ويداعىداي جالعاستىرىپ، اناعۇرلىم كوپ ادامعا الەۋمەتتىك اۋماق ەرىكتى قىزمەت وتەۋىن ٴتۇسىندىرىپ، وسى قوعامدى اناعۇرلىم مەيىرىمگە بولەۋگە بولاتىندىعى جونىندە قايتا ويلاندىردى.

مەن زەينەتكە شىققان قاراپايىم قىزمەتكەرمىن، باۋىرمال، باسقالارعا كومەكتەسۋدى جاقسى كورەتىندىگىمنەن كورشىلەرىم مەنى «مەيىربان اجەي» دەپ اتايدى. وسى بىرنەشە جىلدا ىندەت تۋىلعانىمەن، اجە بولعان مەن 400 نەشە ساعات ەرىكتى قىزمەت وتەۋمەن شۇعىلداندىم.

وسى بىرنەشە كۇندە الەۋمەتتىك اۋماقتاعى كەيبىر قارتتاردىڭ سىرتقا شىعۋى قولايسىز بولدى، سونىمەن مەن ولاردىڭ ۇيىنە بارىپ شاشتارىن الىپ بەردىم. تاعى ٴبىر ماڭىزدى ٴىس بار، ياعني ولارعا ۆاكسينا ەكتىرۋدىڭ ماڭىزىن ۇگىتتەپ، كوپشىلىكتى ىندەتتەن ساقتانۋ قالتقىسىن بەرىك ورناتىپ، جاڭا تيپتى ايدارشا ۆيرۋس وكپە قابىنۋ ىندەتىن ەرتەرەك جەڭۋگە ۇندەدىم.

قوسىنىمىزعا قوسىلعان جاس ەرىكتىلەردىڭ بارعان سايىن كوبەيگەنى مەنى ەرەكشە قۋاندىردى. اكەلى - بالالى اسكەر، ەرلى - زايىپتى جولداس، اۋەلى، وتباسىنداعىلار جابال اتتانىسقا كەلدى. 1989 - جىلى بۇكىل ەلىمىزدەگى ٴبىرىنشى الەۋمەتتىك اۋماق قىزمەت وتەۋ ەرىكتىلەرى بىرلەستىگى ٴبىزدىڭ مالىدە قۇرىلعان كەزدەگى «كومىر جەتكىزۋدەن»، «كوكونىس جەتكىزۋدەن»، «مەش جانە مەش جابدىقتارىن جەتكىزۋدەن» قازىرگى «قۋانىش جەتكىزۋگە»، «ايگىلى ماركا جەتكىزۋگە»، «قىزمەت وتەۋ جەتكىزۋگە» دەيىن، مۇندا بەينەلەنگەنى ٴداۋىردىڭ العا باسۋى بولدى.

شينحۋا اگەنتتىگىنىڭ 5 - ايدىڭ 12 - كۇنى تيانجيننەن بەرگەن حابارى (تىلشىلەر ماۋ جىنحۋا، باي جيالي)