汉文 ىلە اقپارات تورابىنا حوش كەلدىڭىزدەر!
ۇكىمەت، بانكە، كاسىپورىننىڭ سەلبەستىگىن كۇشەيتىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك
2022-05-24 10:33:47     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

پۋ شۋەمەي ىلە وبلىسىنىڭ ۇكىمەت، بانكە، كاسىپورىندار اڭگىمە ماجىلىسىندە بىلاي دەپ باسا دارىپتەدى

ۇكىمەت، بانكە، كاسىپورىننىڭ سەلبەستىگىن كۇشەيتىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك


ٴتىلشىمىز لي شين - ان حابارلايدى. 5 - ايدىڭ 20 - كۇنى تۇستەن بۇرىن ىلە وبلىسى ۇكىمەت، بانكە جانە كاسىپورىندار اڭگىمە ٴماجىلىسىن اشىپ، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ۇكىمەت، بانكە، كاسىپورىنداردىڭ ۇلاسۋىن، اۋىس - كۇيىس جاساسۋىن، سەلبەستىگىن اناعۇرلىم ىلگەرىلەتىپ، كاسىپورىنداردى زورايتۋ، الۋەتتەندىرۋ ٴۇشىن تاماشا دامۋ ورتاسىن جاراتتى.

وبلىستىق پارتكومنىڭ شۋجيى پۋ شۋەمەي اڭگىمە ماجىلىسىنە قاتىناستى ٴارى ٴسوز سويلەدى.

وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى اڭگىمە ٴماجىلسىن باسقاردى. 

اڭگىمە ماجىلىسىندە جۇڭگو حالىق بانكەسى ىلە وبلىستىق ورتالىق تارماق بانكەسىنىڭ جاۋاپتىسى بيىل 1 - ايدان 4 - ايعا دەيىنگى فينانس كاسىبىنىڭ اينالىم جاعدايىن جانە فينانس ساياساتىن حابارلادى. جۇڭگو ونەركاسىپ - ساۋدا بانكەسىنىڭ ىلە وبلىستىق بولىمشەسى، جۇڭگو قۇرىلىس بانكەسىنىڭ ىلە وبلىستىق بولىمشەسى سياقتى 5 فينانس قۇرىلىمىنىڭ جاۋاپتىسى كاسىپورىنداردىڭ دامۋىنا قىزمەت وتەۋ، كومەكتەسۋ جاقتارىن جانە ٴوز بانكەلەرىنىڭ فينانس ساياساتىن توڭىرەكتەي وتىرىپ ٴسوز سويلەدى. ىلە جىڭجيا ەرەكشە اينەك سەرىكتەستىگى، شينجياڭ جۇڭچاۋ جاڭا ەنەرگيا ەلەكتر عىلىم - تەحنيكا شەكتى سەرىكتەستىگى سياقتى 5 كاسىپورىننىڭ جاۋاپتىلارى پىكىر اۋىستىرىپ ٴسوز سويلەدى، 15 كاسىپورىننىڭ جاۋاپتىسى ماجىلىستە جازباشا پىكىر اۋىستىرىپ، كاسىپورىنداردىڭ دامۋىندا ورىن تەۋىپ وتىرعان ماسەلەلەر جونىندە پىكىر - ۇسىنىستارىن ورتاعا قويدى. وبلىستىق دامۋ جانە رەفورما كوميتەتى، قازىنا مەكەمەسى سياقتى تاراۋلاردىڭ جاۋاپتىلارى كاسىپورىندارعا قىزمەت وتەۋ جانە فينانس قۇرىلىمدارىنىڭ اقاۋسىز دامۋىن توڭىرەكتەي وتىرىپ ٴسوز سويلەدى.

كوپشىلىكتىڭ پىكىرىن تىڭداعان سوڭ پۋ شۋەمەي الدىمەن فينانس قۇرىلىمدارىنىڭ تاياۋ جىلداردان بەرى اۆتونوميالى وبلىس ەكونوميكاسى مەن قوعامىنىڭ دامۋىن قولداۋدا قوسقان ماڭىزدى ۇلەسىنە العىس ايتتى. ول بىلاي دەپ اتاپ كورسەتتى: 100 جىلدىق وزگەرىس پەن عاسىرلىق ىندەتتىڭ قاباتتاسقان ىقپالىنا ٴدوپ كەلگەن اۆتونوميالى وبلىس پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالابىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق - قوعامدىق دامۋدى، دامۋ مەن حاۋىپسىزدىكتى ٴبىر تۇتاس جوسپارلاپ، «التىنى ورنىقتىرۋ»، «التىنى قامتاماسىز ەتۋ» قىزمەتىن تىڭعىلىقتى ويداعىداي ىستەپ، ەكونوميكانىڭ ورنىقتىلىق بارىسىندا ىلگەرىلەۋ، ورنىقتىلىق بارىسىندا جاقسارۋداي تاماشا اۋقىمىن ساقتادى. وسى ناتيجەلەرگە قول جەتكىزۋىمىزدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ٴبولۋى مەن قامقورلىعىنان، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن، اۆتونوميالى رايوندىق پارتكومنىڭ دۇرىس باسشىلىعىنان، تۇتاس وبلىستاعى ٴار ۇلت كادرلارى مەن بۇقاراسىنىڭ شىنايى يگەرىپ، ناقتى ىستەۋىنەن، قالىڭ كاسىپورىنداردىڭ قاجىرلى قۇلشىنىسىنان، سونداي - اق فينانس قۇرىلىمدارىنىڭ پارمەندى قولداۋىنان بولە قاراۋعا بولمايدى.

 پۋ شۋەمەي بىلاي دەپ باسا دارىپتەدى:  فينانس − وسى زامانعى ەكونوميكانىڭ جان تامىرى. قازىر ىلە وبلىسى ىلۋدە ٴبىر كەزدەسەتىن دامۋ ورايىنا ٴدوپ كەلىپ وتىر، ەكونوميكانىڭ جوعارى ساپالى دامۋىن جۇزەگە اسىرۋ فينانس قۇرىلىمدارىنىڭ قولداۋىنان، كاسىپورىنداردىڭ اقاۋسىز دامۋىنان دا ايرىلا المايدى. فينانس قۇرىلىمدارىنىڭ ٴتۇرلى ساياساتتاردى مۇقيات زەرتتەپ، اۆتونوميالى رايوندىق 10  - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ولشەم ەتىپ، ىلە وبلىسىنىڭ «14 - بەس جىلدىق» دامۋ جوباسىمەن بىرلەستىرىپ، جىبەك جولى ەكونوميكالىق بەلدەۋى وزەكتى رايونىنداعى ماڭىزدى تىرەك قۇرىلىسىن، وسى زامانعى ەگىن - مال شارۋاشىلىعىنىڭ دامۋىن، تۇلعالىق ەكونوميكانى الۋەتتەندىرۋ، ساياحات ەكونوميكاسىن زورايتۋ، نەگىزدىك قۇرىلعى قۇرىلىستارىن، اۋىل - قىستاقتى گۇلدەندىرۋدى ىلگەرىلەتۋ سياقتىلاردى توڭىرەكتەپ، اناعۇرلىم پارمەندى ٴادىس - شارالاردى شىعارىپ، فينانستىق قولداۋ تەبىنىن ارتتىرىپ، ساياساتتىڭ ونىمدىلىگىن بارىنشا كۇشەيتىپ، ساياساتتىڭ كومەسكى قۋاتىن اشىپ، قىزمەت ەتۋ دەڭگەيىن اناعۇرلىم جوعارىلاتىپ، ىلگەرىلەتۋ ٴماجىلىسى، قۇلاققاعىس ەتۋ ٴماجىلىسى، جۇمىس باسىنا بارىپ جاعداي ۇعىسۋ سياقتى تاسىلدەرمەن فينانس ساياساتىن ۇگىتتەۋ، ٴتۇسىندىرۋدى، فينانس بىلىمدەرىن جالپىلاستىرۋدى كۇشەيتىپ، كاسىپورىنداردىڭ قارجى قۇراۋ سۇرانىسىن ىرىقتىلىقپەن سايكەستىرىپ، جاسىل ارنا اشىپ، قارىز اقشا الۋ رەسمياتىن قاراپايىمداستىرىپ، كاسىپورىنداردىڭ قارجى قۇراۋى قيىن بولۋ ماسەلەسىن كۇش سالا باسەڭدەتىپ، فينانستا جاڭالىق اشۋدى بەلسەنە ىلگەرىلەتىپ، «ٴبىر كاسىپكە ٴبىر ساياسات بەلگىلەۋ»، «ٴبىر كاسىپورىنعا ٴبىر ساياسات قولدانۋ» سىندى سەنىمدى قارىز ستراتەگياسى مەن ەرەكشە ٴونىم جونىندە ىزدەنىس جاساپ، تۇلعالىق ەكونوميكانى اناعۇرلىم كوپ ناقتىلى تابىس سەزىمىنە يە ەتۋىن ٴۇمىت ەتەمىن. 

 پۋ شۋەمەي بىلاي دەپ باسا دارىپتەدى: كاسىپورىندار − ەكونوميكانى دامىتۋدىڭ نەگىزگى تۇلعاسى. كاسىپورىندار جۇڭگوشا سوتسياليزم جولى جونىندەگى، پارتيا مەن مەملەكەتتىڭ كەلەلى باعىت - ساياساتتارى جونىندەگى سەنىمدى بەكەمدەپ، جان - جاقتى، ديالەكتيكالى، باياندى كورەگەندىكپەن كاسىپورىنداردىڭ دامۋىن جوسپارلاپ، قاتىستى ساياساتتاردى ىشكەرىلەي ۇيرەنىپ جانە زەرتتەپ، عىلىم - تەحنيكالىق زەرتتەپ اشۋدا جاڭالىق اشۋ تەبىنىن ارتتىرىپ، دارىندىلاردى تاربيەلەۋدى كۇشەيتىپ، كاسىپورىنداردىڭ ىشكى قۋاتىن جەتىلدىرىپ، جاڭالىق اشۋ باسىمدىعى مەن وزەكتى باسەكەلىك قۋاتىن قۇلشىنا جوعارىلاتۋى؛ ونىمدەردىڭ قۇرىلىمىنا رەتتەۋ جۇرگىزۋدى تەرەڭدەتىپ، كاسىپ تىزبەگىن تولىقتاپ، كەڭەيتىپ، كاسىپورىن ونىمدىلىگىن ۇزدىكسىز جوعارىلاتىپ، ەكونوميكانىڭ قۇلدىراۋ قىسىمىن قيىنشىلىقتا العا باسۋدىڭ قوزعاۋشى كۇشىنە اينالدىرۋى؛ كاسىپورىننىڭ سەنىمدىلىك دارەجەسىن جوعارىلاتۋعا باسا ٴمان بەرىپ، بازار قاعيداسى مەن بازار تارتىبىنە سانالى بويسۇنىپ، ىلەنىڭ ەكونوميكاسىنىڭ جوعارى ساپالى دامۋى ٴۇشىن تىڭ دا اناعۇرلىم زور ۇلەس قوسۋى كەرەك.

 پۋ شۋەمەي بىلاي دەپ باسا دارىپتەدى: كاسىپورىنداردىڭ اقاۋسىز دامۋىن قولداۋ جانە  وعان كومەكتەسۋ − پارتكوم مەن ۇكىمەتتىڭ قىزمەت جاۋاپكەرلىگى، سونداي - اق فۋنكتسيالىق تاراۋلاردىڭ وتەۋگە ٴتيىستى بورىشى. ٴار دارەجەلى پارتكوم، ۇكىمەت جانە فۋنكتسيالىق تاراۋلار بانكە مەن كاسىپورىنداردىڭ ٴوزارا سەنىم ارتۋىن، ٴوزارا پايدا جەتكىزۋىن بەلسەندى، ىرىقتى ىلگەرىلەتۋ نەگىزىندە، تەڭ، ەرىكتى، ٴادىل جانە سەنىمدى بولۋ پرينسيبى بويىنشا ىشكەرىلەي، كەڭ كولەمدى سەلبەسۋى كەرەك. كاسىپورىنداردىڭ قارجى سۇرانىسىن مەرزىم سايىن رەتتەپ جانە جيناقتاپ، مەملەكەت پەن اۆتونوميالى رايوننىڭ ەڭ جاڭا فينانس ساياساتتارىنا، كاسىپورىندارعا تيىمدىلىك جاساۋ ساياساتتارىنا تالداۋ جاساپ، ۇدايىلانعان، ۇزاق ونىمدىلىككە يە ۇكىمەت، بانكە، كاسىپورىندارىن سەلبەستىك تۇعىرىن ورناتىپ، ساياساتتان شىنايى، تولىق، يكەمدى پايدالانۋى كەرەك. ىرىقتى تۇردە الدىمەن قىزمەت ەتىپ، ۇنەمى ٴبىرىنشى شەپكە ىشكەرىلەي ارالاسىپ، كاسىپورىندار مەن فينانس قۇرىلىمدارىنىڭ پىكىر - ۇسىنىستارىن تىڭداپ، پىكىرلەسۋ، سەلبەسۋ فورماسى مەن مازمۇندا جاڭالىق اشىپ، بانكە مەن كاسىپورىنداردىڭ قوس باعىتتى بارىس - كەلىس جاساۋىنىڭ اناعۇرلىم ٴساتتى، تۇسىنىستىگىنىڭ اناعۇرلىم تەرەڭ بولۋىنا مۇمكىندىك جاساۋ كەرەك. تيجارات - ساۋدا ورتاسىن ساپالىلاندىرىپ، «تومەنگە بەرۋ، باسقارۋ، قىزمەت وتەۋ» رەفورماسىنىڭ تابىستارىن بەكەمدەپ جانە تەرەڭدەتىپ، «سيفرلى ۇكىمەت» قۇرىلىسىن بەلسەنە ىلگەرىلەتىپ، ساندى مالىمەت ارقىلى قىزمەت وتەپ، بۇقارانى سابىلتپاي، ساياساتتاردى ٴبىر بىرلەپ تياناقتاندىرىپ، قىزمەتتەردى ٴبىر - بىرلەپ ناقتى يگەرىپ، تاماشا ناتيجەگە قول جەتكىزۋدى ىلگەرىلەتۋ كەرەك.

 وبلىس باسشىلارىنان تاۋ چيڭسۇڭ، سۇن حۇي اڭگىمە ماجىلىسىنە قاتىناستى.