ٴتىلشىمىز لي يافىڭ حابارلايدى. 5 - ايدىڭ 19 - كۇنى اۆتونوميالى وبلىس «سيفرلى ۇكىمەت» ارناۋلى تاقىرىپتىق لەكسياسىن وتكىزدى. وسى رەتكى «سيفرلى ۇكىمەت» ارناۋلى تاقىرىپتىق لەكسياسى -  اۆتونوميالى وبلىستىڭ باس شۋجي شي جينپيڭنىڭ «سيفرلى ۇكىمەت» قۇرىلىسىن ىلگەرىلەتۋ جونىندەگى ماڭىزدى نۇسقاۋىنىڭ رۋحىن، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ، سيفرلاندىرۋدىڭ ۇكىمەتتىڭ ەكونوميكالىق رەتتەۋ جۇرگىزۋ، بازاردى باقىلاپ - باسقارۋ، قوعامدىق باسقارۋ، الەۋمەتتىك قىزمەت وتەۋ ەكولوگيالىق ورتانى قورعاۋ سياقتى جاقتارداعى ماڭىزدى رولىن ساۋلەلەندىرۋ ٴۇشىن وتكىزىلگەن كۋرس.

وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى لەكسياعا قاتىناستى، وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى تاۋ چيڭسۇڭ لەكسيانى باسقاردى. ورىنباسار وبلىس باستىقتارىنان ليۋ چيڭحۋا، راپحات توقتام، لي ۋي، وبلىستىق ۇكىمەتتىڭ ٴارقايسى تاراۋلارىنىڭ، توتە قاراستى ورگانداردىڭ جانە مەملەكەت مەنشىگىندەگى كاسىپورىنداردىڭ نەگىزگى جاۋاپتىلارى نەگىزگى ٴماجىلىس الاڭىندا لەكسيا تىڭدادى. 

جۇڭگو جىلجىمالى حابارلاسۋ توبى شەكتى سەرىكتەستىگىنىڭ مامانى مىڭ يۇنلياڭ دوكتور باستاعان توپ جەكە ـ جەكە «سيفرلى ۇكىمەتتىڭ» دامۋ بارىسى مەن «سيفرلى ۇكىمەت» قۇرىلىسىنىڭ قازىرگى جاعدايى، شينجياڭنىڭ «سيفرلى ۇكىمەت» قۇرىلىسى جوباسى مەن ناقتى مىسالدار سياقتى جاقتاردان باستاپ ٴتۇسىندىرىپ، «سيفرلى ۇكىمەت» قۇرىلىسىنىڭ كەلەلى ٴمانىن كورنەكتىلەندىرىپ، اۆتونوميالى وبلىستىڭ «سيفرلى ۇكىمەت» قۇرىلىسىن جەدەلدەتۋىنە وي جەلىسىن جانە بەتالىس ۇسىندى.

سوڭعى جىلداردان بەرى، اۆتونوميالى وبلىسىمىزداعى اۋدان، قالالار «سيفرلى ۇكىمەت» قۇرىلىسىنىڭ اياق الىسىن جەدەلدەتىپ، ۇكىمەت فۋنكتسياسىنا بۇرىلىس جاساۋدى ىلگەرىلەتىپ، جونگە سالۋ جۇيەسى مەن قابىلەتىن وسىزامانداندىرۋعا دەم بەرىپ، اكىمشىلىك ىستەرگە قىزمەت ەتۋدىڭ جوعارى ٴونىمدى بولۋىن جانە كاسىپورىندارعا پايدا جەتكىزىپ، حالىققا قولايلىلىق جاساۋدى ىلگەرىلەتتى. «ينتەرنەت+ ۇكىمەت ىستەرىنە قىزمەت ەتۋدى» بەلسەنە دامىتىپ، قىزمەتتى «جەلىدە، قول تەلەفوندا ٴبىتىرۋدى» جەبەدى. ساياساتتىق شەشىمنىڭ عىلمي، الەۋمەتتىك قىزمەت وتەۋدىڭ جوعارى ٴونىمدى، قوعامدى جونگە سالۋدىڭ دالمە ـ ٴدال بولۋ دەڭگەيىن اناعۇرلىم جوعارىلاتىپ، ەكونوميكانىڭ جوعارى ساپالى دامۋىنا دەم بەردى.