汉文 ىلە اقپارات تورابىنا حوش كەلدىڭىزدەر!
اشىلىبۇلاق قىستاعىنا تۇسكەن قىزمەت اترەتى تۇرعىندارعا كوكونىس مايساسىن تەگىن تاراتىپ، اۋلا ەكونوميكاسىن دامىتۋعا دەم بەردى
2022-05-30 12:14:31     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ٴتىلشىمىز لي رۋ - ي حابارلادى. 5 - ايدىڭ 10 - كۇنى كۇنەس اۋدانى بەستوبە اۋىلى اشىلىبۇلاق قىستاعى تۇرعىندار كوميتەتىنىڭ اۋلاسىندا ىلە گازەتى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى ساتىپ العان پاميدور، بۇرىش، باكلاجان سياقتى كوكونىس مايسالارىن قاز - قاتار ٴتىزىلىپ تۇردى، قىزمەت اترەتى وسى كوكونىس مايساسىن اۋلا ەگىمشىلىگىمەن اينالىسقىسى كەلەتىندەر مەن وتباسىندا قيىنشىلىعى بارلارعا تەگىن تاراتىپ بەردى.

«اپەكە، مىنا كوكونىس مايساسىن ۇيىڭىزگە اپارعاننان كەيىن، تەز ارادا اۋلاڭىزعا وتىرعىزىپ الىڭىز، ۋاعىندا سۋارۋدى ۇمىتپاڭىز...» دەدى قىزمەت اترەتىنىڭ مۇشەسى ەركىن روزاحۇن قىستاق تۇرعىندارىنا كوكونىس مايساسىن تاراتىپ جاتىپ. 

بيىل قىزمەت اترەتى وسى قىستاقتىڭ ٴىس جۇزىندىك جاعدايىن تياناق ەتىپ، ارتقى تىرەك ورنىنىڭ ابزالدىلىعىن بەلسەنە ساۋلەلەندىرىپ، 10 مىڭ يۋاننان استام قارجى شىعارىپ، قىستاق تۇرعىندارىنا كوكونىس مايساسىن ساتىپ الىپ بەردى. 

«پارتيا مەن ۇكىمەتتىڭ بىزگە كوڭىل بولگەندىگىنە، قامقورلىق جاساعاندىعىنا العىس ايتامىن، قىزمەت اترەتىنىڭ كوكونىس مايساسىن تەگىن تاراتقانىنا العىس ايتامىن. مەن قايتىپ بارعاننان كەيىن كوكونىس مايساسىن اۋلاعا ەگەمىن، كوپ وتپەي ٴوزىم ەككەن بۇرىش پەن  پاميدوردى جەيتىن بولامىن» دەدى كوكونىس مايساسىن العان قىستاق تۇرعىنى تۇرعۇنجان راحىم قۋانا.

اشىلىبۇلاق قىستاعىنىڭ ٴبىرىنشى شۋجيى، قىزمەت اترەتىنىڭ باستىعى تۇردان جاناقىن ۇلى بىلاي دەدى: «كوكونىس مايساسىن تاراتقاننان كەيىن، ٴبىز بۇقارانى كوكونىس مايساسىن دەر كەزىندە وتىرعىزۋعا ۇيىمداستىرىپ، قىستاق تۇرعىندارىن اۋلا شارۋاشىلىعىن دامىتۋمەن بىرگە، اۋىل ـ قىستاق ورتاسىن كورىكتەندىرۋگە جەتەكشىلىك ەتەمىز. كەلەسى قادامدا قىزمەت اترەتىنىڭ، ارتقى تىرەك ورنىنىڭ جانە قىستاق <ەكى كوميتەتىنىڭ> رولىن ۇزدىكسىز ساۋلەلەندىرىپ، ونەرگە باۋلۋ تەبىنىن ارتتىرىپ، قىستاق تۇرعىندارىنىڭ اۋقاتتانۋ جولىن كەڭەيتەمىز».