اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ۇيرەنىپ، ۇگىتتەپ، دايەكتىلەندىرىپ، تياناقتاندىردى

ٴتىلشىمىز شى شۋەحۇڭ حابارلايدى. ىلە وبلىستىق پارتكوم اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋدى ماڭىزدى ساياسي مىندەت ەتىپ، وسكەلەڭ ٴمان بەرىپ، مۇقيات ۇيىمداستىرىپ، ٴادىس - شارالاردى اشالاپ، جاپپاي تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىنىڭ، تالاپتارىنىڭ ىلە وبلىسىندا ويداعىداي تياناقتانۋىنا، ناقتى ونىمدىلىك كورسەتۋىنە شىنايى كەپىلدىك ەتتى.

وبلىستىق پارتكومنىڭ ورنالاستىرۋىنا ساي،  وبلىستىق پارتكومنىڭ لەكتورلار ۇيىرمەسى 3 شاعىن ۇگىت - لەكسيا ۇيىرمەسىن ۇيىمداستىرىپ، وبلىسقا توتە قاراستى اۋدان، قالالارعا (وتكەل) بارىپ، ۇگىت - لەكسيا جۇرگىزۋ، ۇلگى كورسەتۋ قىزمەتىن ورىستەتىپ، ٴتۇرلى فورمادا ۇلگى كورسەتىپ ۇگىت - لەكسيا جاساپ، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن جالپى جۇرتقا تەگىس جەتكىزدى.

5 - ايدىڭ 28 - كۇنى تۇستەن كەيىن وبلىستىق پارتكوم ۇگىت - لەكسيا ۇيىرمەسىنىڭ شاعىن گرۋپپاسى الدىمەن قۇلجا قالاسىنا كەلىپ، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن  تولىق، دۇرىس ٴتۇسىندىرىپ، ٴماجىلىستىڭ جالپى جاعدايى،  نەگىزگى رۋحى جانە جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ سياقتى 3 جاقتى توڭىرەكتەي وتىرىپ، ۇلگى كورسەتىپ ۇگىت - لەكسيا جاساپ، بۇدان بىلايعى ٴبىر مەزگىلدەگى شينجياڭنىڭ دامۋ باعىتى، نىسانا - مىندەتتەرى، ستراتەگيالىق شارالارى سياقتىلاردى ەگجەي - تەگجەيلى ٴتۇسىندىرىپ، نازاريالىق تۇرعىدان اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن جاپپاي، دۇرىس، ىشكەرىلەي ٴتۇسىندىرىپ قالماستان، شينجياڭنىڭ ەكونوميكالىق، قوعامدىق دامۋى، قوعام ورنىقتىلىعى مەن باياندى تىنىشتىق جانە بۇقارانىڭ اينالاسىنداعى ادامدى قۋانتارلىق وزگەرىستەردى مىسال ەتىپ، اۆتونوميالى وبلىستىڭ ٴىس جۇزىندىك جاعدايىنا ۇشتاستىرىپ، ەكونوميكالىق، قوعامدىق دامۋ، حالىق تۇرمىسىن جاقسارتۋ جانە قامتاماسىزداندىرۋ، اۋىل - قىستاقتى گۇلدەندىرۋ، ەكولوگيالىق ورتانى قورعاۋ سياقتى ٴتۇيىندى قىزمەتتەردى تىعىز توڭىرەكتەپ، ىشكەرىلەي  تۇسىنىك جاساپ، ناقتى مىسالدارى مەن ساندى مالىمەت ارقىلى اۆتونوميالى وبلىستىڭ ورنىقتى تاماشا جالپى جاعدايىن، حالىق الاڭسىز، شات -  شادىمان تۇرمىس كەشىرگەن باقىتتى تۇرمىستى بەينەلەدى.

نەگىزگى ساتىداعى نازاريالىق ۇگىت - لەكسيا تىرەكتىسى، قۇلجا قالالىق الەۋمەتتىك قاتىناس توبى پارتيا باسشىلىق گرۋپپاسىنىڭ ورىنباسار شۋجيى، باس ديروكتور جىن داۋجياڭ ۇلگى كورسەتۋ ۇگىت - لەكسياسىن تىڭداعاننان كەيىن بىلاي دەدى: «ٴىس جۇزىندىك ارەكەتىم ارقىلى اۆتونوميالى رايوندىق 10 - كەزەتكى پارتكوم ٴۇشىنشى جالپى ٴماجىلىسىنىڭ رۋحىن جاپپاي ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، حالىق تۇرمىسى قىزمەتىنىڭ امالياتىنا ۇشتاستىرامىن.  كەزەكتە جانە بۇدان بىلايعى ٴبىر مەزگىلدە قۇلجا قالالىق الەۋمەتتىك قاتىناس توبى ٴىس جۇزىندىك ارەكەت ارقىلى الەۋمەتتىك قاتىناستىڭ تومەن كومىرتەكتى، جاسىل قاتىناۋ، زەردەلىلەندىرۋ قۇرىلىسى سياقتى قىزمەتتەردى امالياتتا ايگىلەپ، <جاسىل ٴجۇرىس - تۇرىستىڭ> <ەڭ سوڭعى ٴبىر شاقىرىمىن> تۇتاستىرىپ، الەۋمەتتىك قاتىناس ىستەرىنىڭ جوعارى ساپالى دامۋىن پارمەندى ىلگەرىلەتىپ، ٴىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قۋانىشپەن قارسى الامىز».

 نەگىزگى ساتى ۇگىت - لەكسياشىسى، قۇلجا قالالىق حالىق ىستەرى مەكەمەسى پارتيا قۇرىلىسى كەڭسەسىنىڭ مەڭگەرۋشىسى شۋان ليلي بىلاي دەدى: «قۇلجا قالالىق حالىق ىستەرى مەكەمەسىنىڭ قىزمەت امالياتىنا ۇشتاستىرىپ، نەگىزگى ساتىداعى كادر - بۇقاراعا اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسى رۋحىنىڭ وزەكتى مازمۇنىن تولىق تۇسىندىرەمىن. حالىق ىستەرى قىزمەتىنە ۇشتاستىرىپ، بۇدان بىلاي قوعامدىق قۇتقارۋ، كومەك بەرۋ، قارتتاردى كۇتىمدەۋگە قىزمەت وتەۋ، الەۋمەتتىك قىزمەت وتەۋ سىندى حالىققا تيىمدىلىك جاساۋداعى ٴتۇرلى قىزمەتتى اناعۇرلىم ويداعىداي ۇگىتتەپ، حالىق تۇرمىسىن قامتاماسىزداندىرۋداعى تومەنگى شەكتى شىنايى ساقتاپ، ٴار ۇلت جۇرتشىلىعىنا پارتيا ورتالىق كوميتەتىنىڭ شىنايى قامقورلىعىن  تولىق سەزىندىرەمىن».