汉文 ىلە اقپارات تورابىنا حوش كەلدىڭىزدەر!
«<زامانىمىزداعى يۇيگۇڭ رۋحىن> ۇزدىكسىز ساۋلەلەندىرەيىك»
2022-06-01 11:33:35     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

2019 - جىلى 8 - ايدىڭ 21 - كۇنى باس شۋجي شي جينپيڭ كەدىر - بۇدىر شاعىل جولدى بويلاي ٴجۇرىپ، گانسۋ ولكەسى ۋ - ۋي قالاسى گۋلاڭ اۋدانى بابۋشا ورمان الاڭىنا كەلىپ قىزمەت تەكسەردى، تەكسەرۋ - زەرتتەۋ جۇرگىزدى، ۋ - ۋي قالاسىنىڭ قۇمايتتانۋدىڭ الدىن الۋ، قۇمدى تىزگىندەۋ جالپى جاعدايى جونىندەگى مالىمەتتى جانە بابۋشا ورمان الاڭىنىڭ «التى اقساقال» سىندى 3 ۇرپاق ادامنىڭ قۇمدى تىزگىندەپ، ورمان وسىرۋدەگى اسەرلى ىزگى ىستەرىن تىڭدادى. «التى اقساقالدىڭ» اراسىنداعى گو چاۋميڭ قارتتىڭ ۇلى گو ۋانگاڭ قۇمدى تىزگىندەپ، ورمان وسىرۋشىلەردىڭ 2 - ۇرپاق ۋاكىلى رەتىندە، سول جەردىڭ وزىندە بولعان ەدى. تاياۋدا شينحۋا اگەنتتىگىنىڭ تىلشىلەرى گو ۋانگاڭمەن قايتالاي سۇحباتتاستى، تومەندەگىلەر ونىڭ بايانى مەن جۇرەك ٴۇنى −

باس شۋجي شي جينپيڭ ورمان الاڭىنا كەلىپ قىزمەت تەكسەرگەن كەزدەگى كورىنىس قازىرگە دەيىن ٴالى ەسىمدە.

سول كەزدە جۇمىسشىلار قۋراعان ٴشوپتى قۇمعا ٴتورتبۇرىشتاپ تىكتەپ جاتقان ەدى. باس شۋجي كەلىپ بىزبەن ىقىلاستى اڭگىمەلەستى، تاعى شونەكتەۋ سوقاسىن قولىنا الىپ، كوپشىلىكپەن بىرگە جۇمىسقا كىرىستى. ونىڭ سوقا ۇستاعان قيمىلى تىم ەپتى ەدى، كورگەننەن - اق قارت ۇستا ەكەندىگى ٴبىلىنىپ تۇردى.

مەن باس شۋجيگە: «ٴبىز ٴدال وسىنداي ادام كۇشىمەن ەڭبەك ىستەۋ تاسىلىنەن پايدالانىپ، <ٴبىر ٴتۇپ اعاش، ٴبىر تال ٴشوپ ارقىلى قۇمدى توقتاتىپ، بوراننان ساقتاندىق>، 3 ۇرپاق ادام 200 مىڭ مۋدان استام جەرگە قۇمدى تىزگىندەپ، ورمان وتىرعىزدىق» دەدىم.

بابۋشا «ەسىكتەن شىعا سالا 8 قادام جۇرسەڭ قۇمعا اياعىڭ تيەدى» دەگەن ماعىنادا. بۇل ارادا كەزىندە جىل سايىن قۋاڭشىلىق بولىپ، جاڭبىر از جاۋاتىندىقتان، سۇيەمدەي جەرگە قىلتان شىقپاي، «سارى بوران، قارا تولقىن» ۇنەمى تۋىلىپ تۇراتىن بولعان. 1981 - جىلى گۋلاڭ اۋدانى كوتەرمەگە الۋ ٴادىسىن قولدانىپ قۇمدى تىزگىندەۋدى ۇيعارادى. مەنىڭ اكەم گو چاۋميڭ مەن باسقا 5 ديقان كوتەرمەگە الۋ توقتامىنا ساۋساقتارىن قىزىل سياعا ماتىرىپ باسىپ، وتباسىمەن بىرلەسىپ بابۋشا كوللەكتيۆ ورمان الاڭىن قۇرىپ، اعارعان شاشتارىن جاسىل القاپقا اۋىستىرۋعا سەرت بەرەدى.

بۇگىنگى تاڭدا نەشە ون جىل تاباندىلىقپەن قۇلشىنۋ ارقىلى يەلەگەن جەر كولەمى 75 مىڭ مۋ كەلەتىن بابۋشا كەزىندەگى قىلتان ونبەيتىن تاقىر دالادان قازىر جاسىل جەلەك جامىلعان القاپقا اينالدى. قۇمدى تىزگىندەۋ ەگىستىك جەردى، قىستاقتى ساقتاپ قانا قويماي، ٴبىزدىڭ ەكولوگيالىق ورتامىزدى دا جاقسارتتى.

ٴالى ەسىمدە، باس شۋجي شي جينپيڭ كوپشىلىككە بىلاي دەدى: «جاڭا ٴداۋىر <التى اقساقال> سياقتى زامانىمىزداعى يۇيگۇڭگە، ٴداۋىر ۇلگىسىنە اناعۇرلىم مۇقتاج»، «<التى اقساقالدىڭ> زامانىمىزداعى يۇيگۇڭ رۋحىن ۇزدىكسىز ساۋلەلەندىرۋ كەرەك»، باس شۋجي ٴبىزدى تاعى «كۇش ۇستىنە كۇش قوسىپ، تاعى دا تىڭ ۇلەس قوسۋعا شابىتتاندىردى»...

باس شۋجيدىڭ ىقىلاستى تاپسىرماسى بىزگە زور شابىت بەرۋمەن بىرگە، قۇمدى تىزگىندەۋ قىزمەتىنە دە ايقىن باعدار كورسەتتى.

ورمان الاڭىنىڭ «تاعى دا تىڭ ۇلەس قوسۋىنا مۇمكىندىك جاساۋ ٴۇشىن» كونە سۇردەكتى ساقتاپ قالۋعا بولمايدى، ٴسوز جوق، تاعى دا شارۋاشىلىق قۇرۋ كەرەك!

قازىر جاڭا بۋىن قۇمدى تىزگىندەۋشىلەر «ۇتىلامالى تاياقشاسىن» ٴساتتى جالعادى، «جاڭا جۇكتى» ٴساتتى ارقالادى، ولار جاڭا يدەيا، جاڭا عىلىم - تەحنيكا ارقىلى قۇمدى تىزگىندەپ، ورمان وتىرعىزىپ، بابۋشاعا تىڭ ومىرشەڭدىك كۇش ارنادى.

سوڭعى جىلدارى ٴبىز، ٴبىر جاعىنان، ينجەنەريالىق قۇم تىزگىندەۋ، ينتەرنەتتىك قۇم تىزگىندەۋ سياقتى جاڭا ادىستەردى قولدانىپ، قۇمدى تىزگىندەدىك؛ ەندى ٴبىر جاعىنان، قۇمدا وسەتىن وسىمدىك سەكسەۋىلگە ەتتى سۇڭعىلا تەلىپ، جەرگىلىكتى بۇقارانىڭ بايۋ ارناسىن كەڭەيتتىك.

ەتتى سۇڭعىلا «قۇمدى شولدەگى مەرگيا» دەپ اتالادى، وسىلايشا، قۇمدى شولدە بايۋعا باستاۋ جەمىسى قاۋلاپ وسە باستادى. قازىرگە دەيىن ٴبىز 10 مىڭ 600 مۋ جەرگە ەگىپ، ٴار مۋ جەردىڭ تازا كىرىسىن 600 يۋاننان اسىردىق.

«قۇمدى تىزگىندەۋ شاراسى» «بايۋ شاراسىنا» اينالدى، ٴبىز قۇمدى تىزگىندەۋدىڭ ٴارى بايۋدىڭ داڭعىل جولىنا تۇستىك.

قازىر مەن ٴار كۇنى تاڭەرتەڭ ۆەلوسيپەدپەن ورمان الاڭىن اينالىپ شىعامىن، ٴبىز سالعان جاسىل ۇلى قورعاندى كورگەندە كوكىرەگىمدى ماقتانىش سەزىمى كەرنەيدى. ٴبىز، ٴسوز جوق، باس شۋجيدىڭ تالابى بويىنشا «زامانىمىزداعى يۇيگۇڭ رۋحىن» ۇزدىكسىز ساۋلەلەندىرەمىز. تەك جىلدان - جىلعا جالعاستىرا ىستەپ، ۇرپاقتان - ۇرپاققا جالعاستىرىپ جونگە سالىپ، يۇيگۇڭنىڭ تاۋدى كوشىرگەنى سياقتى ىستەي بەرەتىن بولساق، ٴسوز جوق، قۇمدى بوران كوركەم كورىنىسكە، سارى قۇم التىنعا اينالادى!


شينحۋا اگەنتتىگىنىڭ 5 - ايدىڭ 25 - كۇنى لانجوۋدان بەرگەن حابارى (تىلشىلەر گو گاڭ، ما شا، جوۋ مىڭديە)