جاپپاي ورنالاستىرۋ جاسالدى، ٴتۇرلى دايىندىق قىزمەتتەر ىستەلىپ بولدى

ىلە ەمتيحان رايونىندا 20 مىڭ 403 ادام 2022 ـ جىلعى جوعارى مەكتەپ ەمتيحانىنا قاتىناسادى

ٴتىلشىمىز ياڭ جيڭ ـ ي حابارلايدى. 5 - ايدىڭ 30 - كۇنى ٴتىلشىنىڭ وبلىستىق وقۋ ـ اعارتۋ ەمتيحان ورتالىعىنان ۇعىسۋىنشا، 2022 ـ جىلى ىلە ەمتيحان رايونىنان جوعارى مەكتەپ ەمتيحانىنا تىزىمدەلگەن ادام سانى 23 مىڭ 93 ادام، جەكە قابىلداناتىن وقۋشى 2 مىڭ 690 ادام، جوعارى مەكتەپ ەمتيحانىنا قاتىناسۋعا ٴتيىستىسى 20 مىڭ 403 ادام بولىپ، جالپى 11 ەمتيحان رايونى، 26 ەمتيحان ٴتۇيىنى، 851 ەمتيحان الاڭى ورنالاستىرىلعان. 

ىلە وبلىسىنىڭ ادەتتەگى جوعارى مەكتەپ ەمتيحانى الدىنداعى قىزمەت جانە ەمتيحان ورتاسىن جالپىلىق جونگە سالۋ بىرىككەن قىزمەت ٴماجىلىسى  5 - ايدىڭ 27 - كۇنى اشىلىپ، ەمتيحان حاۋىپسىزدىگى، ىندەتتەن ساقتانۋ - تىزگىندەۋ جانە ەمتيحان ىستەرىن باسقارۋ قىزمەتى جونىندە جان ـ جاقتى ورنالاستىرۋ جاسالىپ، ٴتۇرلى دايىندىق قىزمەتتەرىنىڭ ورىندالۋىنا كەپىلدىك ەتىلدى. 

كوپ تاراۋ سەلبەسىپ، جوعارى مەكتەپ ەمتيحانى ورتاسىن قامتاماسىزداندىردى. ىلە ەمتيحان رايونىندا وقۋ - اعارتۋ، دەنساۋلىق ساقتاۋ، جۇقپالى اۋرۋدان ساقتانۋ جانە ونى تىزگىندەۋ ورتالىعى، توراپ ينفورماتسياسى حاۋىپسىزدىگى سياقتى تاراۋلار بىرلەسىپ قيمىل جاساپ، تالاپ بويىنشا ەمتيحان تۇيىندەرىن، ەمتيحان الاڭىن تولىق دايىنداپ، جيىنى اۋاشالانعان 86 زاپاس ەمتيحان الاڭىن، 12 زاپاس ەمتيحان ٴتۇيىنىن ازىرلەدى، ەمتيحان رايوندارىنىڭ، ەمتيحان تۇيىندەرىنىڭ ىندەتكە ساياتىن شۇعىل جاعدايعا توتەپ بەرۋ، ٴبىرجاقتى ەتۋ جوباسىن اشالادى.ٴارقايسى تاراۋلار جۇمىس ٴبولىسى بويىنشا سەلبەسىپ، كوللەكتيۆ قاتىناساتىن وقۋشىلاردىڭ بارىپ - كەلۋ قاتىناس حاۋىپسىزدىگى، شوعىرلى جاتاق جانە ازىق - تۇلىك، دەنساۋلىق ساقتاۋ حاۋىپسىزدىگى سياقتى جاقتارىن قامتاماسىزداندىرۋدى ٴتۇيىندى كۇشەيتتى. 

ەمتيحان ىستەرىن باسقارۋدى اشالاپ، جوعارى مەكتەپ ەمتيحانىنىڭ ٴتارتىپتى جۇرگىزىلۋىن قامتاماسىزداندىردى. قازىر ىلە ەمتيحان رايونى قۇپيالىق ساقتاۋ كەڭسەسىنىڭ كەزەكشىلىك ورنالاستىرۋى، قىزمەتكەر ورنالاستىرۋى، ٴتۇزىم شارالارى تۇگەلدەي تياناقتانىپ، جابدىقتارى قالىپتى جۇمىس جۇرگىزۋدە. ٴارقايسى ەمتيحان رايونى 6 - ايدىڭ 5 - كۇنىنەن بۇرىن ەمتيحان قىزمەتكەرلەرىن تۇرگە ٴبولىپ تاربيەلەۋ، ەمتيحان باقىلاۋشىلاردى جالپىلاي تاربيەلەۋ جانە ەلىكتەمەلى جاتتىعۋدى تامامدايدى. 

ەمتيحان تاپسىراتىن وقۋشىلارعا قىزمەت ەتۋدى كۇشەيتىپ، ەمتيحان تاپسىراتىن وقۋشىلاردىڭ ەڭ تاماشا بەينەمەن جوعارى مەكتەپ ەمتيحانىن قارسى الۋىنا كومەكتەسەدى. قازىرگە دەيىن، ىلە ەمتيحان رايونىنداعى ەمتيحان تاپسىراتىن وقۋشىلار جوعارى مەكتەپ ەمتيحانى دەنساۋلىق تەكسەرۋىن ٴبىتىرىپ بولدى. ەمتيحان تاپسىراتىن وقۋشىلارعا «ىقىلاستى ەسكەرتپە» تاراتىپ، اۋرۋدان ساقتانۋ تالابى، ەمتيحانداعى سەنىمدىلىك جانە سۇراۋلارعا جاۋاپ بەرۋدە كوڭىل بولەتىن ىستەر سياقتى مازمۇنداردى ٴتۇيىندى ۇگىتتەدى. ەمتيحان تاپسىراتىن 18 مۇگەدەك، ناۋقاس وقۋشىعا ەمتيحان ىستەرىن اتقارۋ جوباسىن ارناۋلى جاساپ، قولايلى شارت - جاعداي ازىرلەدى، مۇنىڭ ىشىندە بەسەۋىنە ارناۋلى ەمتيحان الاڭى ورنالاستىرىلدى. سونىمەن بىرگە، ٴارقايسى ەمتيحان رايوندارى ەمتيحان تاپسىراتىن وقۋشىلارعا مەيىر باعىشتاپ، ەمتيحان الاڭىنا جەتكىزۋ، ىستىقتان ساقتانىپ، تەمپەراتۋرانى تومەندەتۋ، ەمدەۋ، قۇتقارۋ، ەمتيحان بۇيىمدارىن دايىنداۋ، ەمتيحان تاپسىراتىن وقۋشىلارعا پسيحولوگيالىق جاقتان جەتەكشىلىك ەتۋ سياقتى قىزمەتتەردى بەلسەنە ورىستەتەدى.